धरणगाव पी.आर.हायस्कूल येथे श्रावण धारा पावसाच्या कवितांचा काव्यवाचन सोहळा संपन्न. विद्यार्थ्यांच्या मनावर साहित्याची नवी पालवी फुलवली. धरणगाव, येथील पी.आर. हायस्कूलच्या प्रांगणात आयोजित केलेल्या कार्यक्रमाची सुरुवात मंगेश पाडगावकरांच्या टप टप थेंब वाजती या गीताने झाली. कार्यक्रमाचे अध्यक्ष स्थानी विद्यालयाचे मुख्याध्यापक डी. एस. पाटील होते.तर मंचावर शाळेचे पर्यवेक्षक ज्ञानेश्वर कोळी, मराठी विभाग प्रमुख डॉ.बापू शिरसाठ उपस्थित होते. मुख्याध्यापकांच्या हस्ते दीप प्रज्वलन होताच वातावरणात बालकवींच्या श्रावण मासी हर्ष मानसी, हिरवळ दाटे चोहिकडे या अमर ओळी घुमू लागल्या आणि उपस्थितांच्या मनात श्रावण दाटून आला. प्रास्ताविकात ज्येष्ठ शिक्षक डॉ. बापू शिरसाठ यांनी पावसाला केवळ एका नजरेतून न पाहता त्याच्या विविध रूपांचे दर्शन घडवणे आणि विद्यार्थ्यांनी पावसाची रूपे आपल्या सादरीकरणातून उलगडावीत हा हेतू कार्यक्रमाचा मांडला. विद्यार्थ्यांनी बालकवी ठोंबरे यांची श्रावण मास,निर्झरास, फुलराणी,औदुंबर, बा.भ. बोरकर यांची घन येती घिरट्या घालिती,ग.दि.माडगुळकर यांची घन घन माला नभी दाटल्या, कोसळती धारा,ना.धों.महानोर यांची नभ उतरू आलं, चिंब थरथर वलं, अंग झिम्माड झालं, हिरव्या बहरात,अण्णासाहेब किर्लोस्कर यांची नभ मेघांनी आक्रमिले,कवी ग्रेस यांची पाऊस कधीचा पडतो झाडांची हलती पाने हलकेच जाग मज आली, दुःखाच्या मंद सुराने,भा.रा.तांबे यांची पिवळे तांबूस ऊन कोवळे, पसरे चौफेर,शांता शेळके यांची वादळ वारं सुटलं गो, मंगेश पाडगावकर यांची श्रावणात घन निळा बरसला, आरती प्रभू यांची येरे घना येरे घना , न्हाऊ घाल माझ्या मना आदी कवितांमधून पावसाचा निसर्ग शृंगार आणि शेतकऱ्याच्या डोळ्यातील पाऊस जिवंत केला. यावेळी मार्गदर्शनात पर्यवेक्षक ज्ञानेश्वर कोळी यांनी मोबाईलच्या युगात मुलांना निसर्गाकडे वळवण्यासाठी कविता हे सर्वात सुंदर माध्यम आहे. पाऊस फक्त भिजवत नाही तर घडवतोही असे नमूद केले.बाहेर प्रत्यक्षात पाऊस नसला तरी प्रत्येकाच्या मनात मात्र श्रावणाच्या सरी बरसत होत्या. कार्यक्रमादरम्यान शिक्षक गोपाल चौधरी यांनी असा रंगारी श्रावण ही कविता गाऊन उपस्थितांची मने जिंकली.कार्यक्रमात त्रिवेणी पाटील, उर्मिला वाणी, रीना सोनवणे, विभा शिरसाठ ,हर्षदा गोरखा, भावना सोनवणे, यशस्वी मुजगे, आराध्या पवार, प्रथमेश माळी, प्रशांत पाटील, डिंपल बडगुजर, गुंजन कोळी, इशिता पाटील, भाग्यश्री कोळी, आरोही भील, उपासना पाटील, तेजस्विनी पाटील, हर्षाली पाटील, प्रांजल धनगर आदी विद्यार्थ्यांनी निसर्गपर, पावसावर आधारित कविता सादर केल्या.सहभागी विद्यार्थ्यांचा शिक्षक संदीप घुगे यांनी पेन देऊन सत्कार केला. अध्यक्षीय मनोगतात मुख्याध्यापक डी. एस. पाटील यांनी अशा उपक्रमातूनच उद्याचे साहित्यिक घडतील अशी भावना व्यक्त करुन मराठी विभागाचे कौतुक केले. कार्यक्रमाचे सूत्रसंचालन संजय बेलदार यांनी तर आभार संदीप घुगे यांनी मानले. कार्यक्रमाच्या यशस्वीतेसाठी सर्व शिक्षक, शिक्षकेतर कर्मचाऱ्यांनी सहकार्य केले.

Kiran Mali

Local News Reporter धरणगाव, जळगाव, महाराष्ट्र•

18 hrs ago

धरणगाव पी.आर.हायस्कूल येथे श्रावण धारा पावसाच्या कवितांचा काव्यवाचन सोहळा संपन्न. विद्यार्थ्यांच्या मनावर साहित्याची नवी पालवी फुलवली. धरणगाव, येथील पी.आर. हायस्कूलच्या प्रांगणात आयोजित केलेल्या कार्यक्रमाची सुरुवात मंगेश पाडगावकरांच्या टप टप थेंब वाजती या गीताने झाली. कार्यक्रमाचे अध्यक्ष स्थानी विद्यालयाचे मुख्याध्यापक डी. एस. पाटील होते.तर मंचावर शाळेचे पर्यवेक्षक ज्ञानेश्वर कोळी, मराठी विभाग प्रमुख डॉ.बापू शिरसाठ उपस्थित होते. मुख्याध्यापकांच्या हस्ते दीप प्रज्वलन होताच वातावरणात बालकवींच्या श्रावण मासी हर्ष मानसी, हिरवळ दाटे चोहिकडे या अमर ओळी घुमू लागल्या आणि उपस्थितांच्या मनात श्रावण दाटून आला. प्रास्ताविकात ज्येष्ठ शिक्षक डॉ. बापू शिरसाठ यांनी पावसाला केवळ एका नजरेतून न पाहता त्याच्या विविध रूपांचे दर्शन घडवणे आणि विद्यार्थ्यांनी पावसाची रूपे आपल्या सादरीकरणातून उलगडावीत हा हेतू कार्यक्रमाचा मांडला. विद्यार्थ्यांनी बालकवी ठोंबरे यांची श्रावण मास,निर्झरास, फुलराणी,औदुंबर, बा.भ. बोरकर यांची घन येती घिरट्या घालिती,ग.दि.माडगुळकर यांची घन घन माला नभी दाटल्या, कोसळती धारा,ना.धों.महानोर यांची नभ उतरू आलं, चिंब थरथर वलं, अंग झिम्माड झालं, हिरव्या बहरात,अण्णासाहेब किर्लोस्कर यांची नभ मेघांनी आक्रमिले,कवी ग्रेस यांची पाऊस कधीचा पडतो झाडांची हलती पाने हलकेच जाग मज आली, दुःखाच्या मंद सुराने,भा.रा.तांबे यांची पिवळे तांबूस ऊन कोवळे, पसरे चौफेर,शांता शेळके यांची वादळ वारं सुटलं गो, मंगेश पाडगावकर यांची श्रावणात घन निळा बरसला, आरती प्रभू यांची येरे घना येरे घना , न्हाऊ घाल माझ्या मना आदी कवितांमधून पावसाचा निसर्ग शृंगार आणि शेतकऱ्याच्या डोळ्यातील पाऊस जिवंत केला. यावेळी मार्गदर्शनात पर्यवेक्षक ज्ञानेश्वर कोळी यांनी मोबाईलच्या युगात मुलांना निसर्गाकडे वळवण्यासाठी कविता हे सर्वात सुंदर माध्यम आहे. पाऊस फक्त भिजवत नाही तर घडवतोही असे नमूद केले.बाहेर प्रत्यक्षात पाऊस नसला तरी प्रत्येकाच्या मनात मात्र श्रावणाच्या सरी बरसत होत्या. कार्यक्रमादरम्यान शिक्षक गोपाल चौधरी यांनी असा रंगारी श्रावण ही कविता गाऊन उपस्थितांची मने जिंकली.कार्यक्रमात त्रिवेणी पाटील, उर्मिला वाणी, रीना सोनवणे, विभा शिरसाठ ,हर्षदा गोरखा, भावना सोनवणे, यशस्वी मुजगे, आराध्या पवार, प्रथमेश माळी, प्रशांत पाटील, डिंपल बडगुजर, गुंजन कोळी, इशिता पाटील, भाग्यश्री कोळी, आरोही भील, उपासना पाटील, तेजस्विनी पाटील, हर्षाली पाटील, प्रांजल धनगर आदी विद्यार्थ्यांनी निसर्गपर, पावसावर आधारित कविता सादर केल्या.सहभागी विद्यार्थ्यांचा शिक्षक संदीप घुगे यांनी पेन देऊन सत्कार केला. अध्यक्षीय मनोगतात मुख्याध्यापक डी. एस. पाटील यांनी अशा उपक्रमातूनच उद्याचे साहित्यिक घडतील अशी भावना व्यक्त करुन मराठी विभागाचे कौतुक केले. कार्यक्रमाचे सूत्रसंचालन संजय बेलदार यांनी तर आभार संदीप घुगे यांनी मानले. कार्यक्रमाच्या यशस्वीतेसाठी सर्व शिक्षक, शिक्षकेतर कर्मचाऱ्यांनी सहकार्य केले.