ವ್ಯವಸ್ಥೆಯ ಅಂಕುಡೊಂಕು ತಿದ್ದದಿದ್ದರೆ ಆತ ಲೇಖಕನೇ ಅಲ್ಲ - ಕುಂ. ವೀರಭದ್ರಪ್ಪ "ಅಧಿಕಾರ ಮತ್ತು ಹಣದ ಆಮಿಷಕ್ಕೆ ಸಾಹಿತಿಗಳು ಶರಣಾಗಬಾರದು. ವ್ಯವಸ್ಥೆಯ ತಪ್ಪುಗಳನ್ನು ಎತ್ತಿ ತೋರಿಸುವ ಧೈರ್ಯ ಇಲ್ಲದಿದ್ದರೆ ಆತ ಲೇಖಕನಾಗಲು ಅನರ್ಹ," ಎಂದು ಕೇಂದ್ರ ಸಾಹಿತ್ಯ ಅಕಾಡೆಮಿ ಪ್ರಶಸ್ತಿ ಪುರಸ್ಕೃತ ಹಿರಿಯ ಸಾಹಿತಿ ಕುಂ. ವೀರಭದ್ರಪ್ಪ (ಕುಂವೀ) ಮಾರ್ಮಿಕವಾಗಿ ನುಡಿದರು. ನಗರದ ಆಚಾರ್ಯ ತುಳಸಿ ರಾಷ್ಟ್ರೀಯ ವಾಣಿಜ್ಯ ಕಾಲೇಜಿನ (ATNCC) ಫ್ರೆಂಡ್ಸ್ ಸೆಂಟರ್ ಸಭಾಂಗಣದಲ್ಲಿ ಅವರು ಅನುವಾದಿಸಿದ ಖ್ಯಾತ ತೆಲುಗು ಲೇಖಕ ಮಾರುತಿ ಪೌರೋಹಿತಂ ಅವರ ಅರೆ ಐತಿಹಾಸಿಕ ತೆಲುಗು ಕಾದಂಬರಿ 'ಪ್ರಣಯ ಹಂಪಿ' ಬಿಡುಗಡೆ ಮಾಡಿ ಅವರು ಮಾತನಾಡಿದರು. ಮೊನಚು ವಿಡಂಬನೆಯ ಮೂಲಕ ಇಡೀ ಸಭಾಂಗಣದಲ್ಲಿ ನಗೆಯ ಅಲೆ ಎಬ್ಬಿಸುತ್ತಲೇ ಗಂಭೀರ ಚಿಂತನೆಗಳನ್ನು ಮಂಡಿಸಿದರು. ಪ್ರಣಯ ಹಂಪಿ' ಕೃತಿಯು ಇತಿಹಾಸದ ಹಿನ್ನೆಲೆಯುಳ್ಳ ಕಾಲ್ಪನಿಕ ಕಥಾಹಂದರವನ್ನು ಹೊಂದಿದೆ."ಐತಿಹಾಸಿಕ ಕಾದಂಬರಿಗಳಲ್ಲಿ ಇತಿಹಾಸವನ್ನು ಸಂಪೂರ್ಣವಾಗಿ ಯಥಾವತ್ತಾಗಿ ಹೇಳಲು ಸಾಧ್ಯವಿಲ್ಲ, ಅಲ್ಲಿ ಕಲ್ಪನೆಯ ಬೆಸುಗೆ ಅನಿವಾರ್ಯ. ತ.ರಾ.ಸು ಅವರಂತಹ ಮಹಾನ್ ಲೇಖಕರ ಕೃತಿಗಳು ನಮಗೆ ಈ ನಿಟ್ಟಿನಲ್ಲಿ ಮಾದರಿ," ಎಂದು ಅಭಿಪ್ರಾಯಪಟ್ಟರು. ಇಂದಿನ ರಾಜಕೀಯ ಲಾಭಕೋರತನವನ್ನು ತರಾಟೆಗೆ ತೆಗೆದುಕೊಂಡ ಕುಂವಿ, "ಒಮ್ಮೆ ಎಂಎಲ್ಸಿ ಆಗಿಬಿಟ್ಟರೆ ಸಾಕು, ಸಾಯುವವರೆಗೂ ತಿಂಗಳಿಗೆ 2.75 ಲಕ್ಷ ರೂಪಾಯಿ ಸಂಭಾವನೆ ಸಿಗುತ್ತದೆ. ಇಂತಹ ಸೌಲಭ್ಯಗಳಿಗಾಗಿಯೇ ಇವತ್ತು ಎಲ್ಲರೂ ರಾಜಕೀಯದ ಹಿಂದೆ ಬೀಳುತ್ತಿದ್ದಾರೆ. ಆದರೆ ಲೇಖಕ ಈ ವ್ಯವಸ್ಥೆಯ ಅಸ್ಪೃಶ್ಯನಾಗಿ ಉಳಿಯಬೇಕು. ಅಧಿಕಾರಕ್ಕೆ ಬಾಗಿ ಸೌಲಭ್ಯ ಪಡೆಯುವ ಬದಲು, ವ್ಯವಸ್ಥೆಯ ಅಂಕುಡೊಂಕುಗಳನ್ನು ತಿದ್ದುವ 'ಕಾಮನ್ ಸೆನ್ಸ್' ಬೆಳೆಸಿಕೊಳ್ಳಬೇಕು ಎಂದರು. ಲೇಖಕರು ಸಮಾಜದ ಅಂಕುಡೊಂಕುಗಳನ್ನು ತಿದ್ದುವ ಕೆಲಸ ಮಾಡಬೇಕು. ರಾಜಕಾರಣಿಗಳು ಕೇವಲ ಅಧಿಕಾರ ಮತ್ತು ಸೌಲಭ್ಯಗಳಿಗಾಗಿ ಹಪಹಪಿಸದೆ, ಜನರ ಜ್ವಲಂತ ಸಮಸ್ಯೆಗಳಿಗೆ ಸ್ಪಂದಿಸಬೇಕು ಎಂದು ಅವರು ಕರೆ ನೀಡಿದರು. ಇತಿಹಾಸವನ್ನು ಕೇವಲ ದಾಖಲೆಗಳ ಮೂಲಕ ನೋಡಬಾರದು. ಅಲ್ಲಿ ಕಲ್ಪನೆಯ ಬೆಸುಗೆ ಇರಬೇಕು. 'ಪ್ರಣಯ ಹಂಪಿ' ಕೂಡ ಹಂಪಿಯ ವೈಭವವನ್ನು ಹೊಸ ದೃಷ್ಟಿಕೋನದಲ್ಲಿ ಕಟ್ಟಿಕೊಟ್ಟಿದೆ. ಈ ಕೃತಿ ಬಿಡುಗಡೆ ಮಾಡಿದ್ದಕ್ಕೆ ನನ್ನ ಆರೋಗ್ಯವೇ ಸುಧಾರಿಸಿದಷ್ಟು ಸಂತೋಷವಾಗಿದೆ," ಎಂದು ಪ್ರಕಾಶಕರಿಗೆ ಬೆನ್ನು ತಟ್ಟಿದರು ಇಂದಿನ ಡಿಜಿಟಲ್ ವ್ಯಸನದ ಬಗ್ಗೆ ಕಳವಳ ವ್ಯಕ್ತಪಡಿಸಿದ ಕುಂ ವೀ "ಮಕ್ಕಳು ಮೊಬೈಲ್ ಇಲ್ಲದೆ ಊಟ ಮಾಡದ ಸ್ಥಿತಿಗೆ ತಲುಪಿದ್ದಾರೆ. ಮಹಿಳೆಯರು ಧಾರಾವಾಹಿಗಳಲ್ಲಿ ಬಂಧಿಯಾಗಿದ್ದಾರೆ. ಇಂತಹ ಹೊತ್ತಿನಲ್ಲಿ ಸರ್ಕಾರಗಳು ಪುಸ್ತಕ ಖರೀದಿಯನ್ನು ನಿಲ್ಲಿಸಿ ಪ್ರಕಾಶಕರನ್ನು ಕಂಗೆಡಿಸಿವೆ. ಸಿದ್ದರಾಮಯ್ಯ ನೇತೃತ್ವದ ಸರ್ಕಾರ ಲೇಖಕರ ಮತ್ತು ಪ್ರಕಾಶಕರ ಹಿತ ಕಾಪಾಡಲಿ," ಎಂದು ಒತ್ತಾಯಿಸಿದರು. ಕುಂ ವೀ ಅವರು ಶಿವಮೊಗ್ಗದ 'ಆಲಾಪ' ಅಂತಹ ಸಂಗೀತ ಮತ್ತು ಸಾಹಿತ್ಯಿಕ ಚಟುವಟಿಕೆಗಳು ಪುನರಾರಂಭಗೊಳ್ಳಬೇಕೆಂಬ ಆಶಯ ವ್ಯಕ್ತಪಡಿಸಿದರು. ಇದೇ ಸಂದರ್ಭದಲ್ಲಿ ವಿಮರ್ಶಕಿ ಮತ್ತು ಲೇಖಕಿ ಪ್ರೊ ಸವಿತಾ ಬನ್ನಾಡಿ, ಇಂಗ್ಲಿಷ್ ಪ್ರಾಧ್ಯಾಪಕ ಮತ್ತು ಲೇಖಕ ಡಾ ಎಚ್ ಎಸ್ ನಾಗಭೂಷಣ್ , ಖ್ಯಾತ ತೆಲುಗು ಲೇಖಕ ಮಾರುತಿ ಪೌರೋಹಿತಂ ಹಾಗೂ ಸುವ್ವಿ ಪ್ರಕಾಶನದ ಬಿ ಎನ್ ಸುನಿಲ್ ಕುಮಾರ್ ಹಿರಿಯ ಸಾಹಿತಿಗಳು, ಗಣ್ಯರು ಹಾಗೂ ಸಾಹಿತ್ಯಾಸಕ್ತರು ಹೆಚ್ಚಿನ ಸಂಖ್ಯೆಯಲ್ಲಿ ಪಾಲ್ಗೊಂಡಿದ್ದರು. ಬಿಡುಗಡೆಗೊಂಡ ಕಾದಂಬರಿಯನ್ನು ಕೊಂಡು ಕುಂ ವೀರಭದ್ರಪ್ಪನವರ ಹಸ್ತಾಕ್ಷರ ಪಡೆದು ಸಂಭ್ರಮಿಸಿದ್ದು ವಿಶೇಷವಾಗಿತ್ತು.

Press Narashimha swamy SN

ಶಿಕಾರಿಪುರ, ಶಿವಮೊಗ್ಗ, ಕರ್ನಾಟಕ•

2 hrs ago

ವ್ಯವಸ್ಥೆಯ ಅಂಕುಡೊಂಕು ತಿದ್ದದಿದ್ದರೆ ಆತ ಲೇಖಕನೇ ಅಲ್ಲ - ಕುಂ. ವೀರಭದ್ರಪ್ಪ "ಅಧಿಕಾರ ಮತ್ತು ಹಣದ ಆಮಿಷಕ್ಕೆ ಸಾಹಿತಿಗಳು ಶರಣಾಗಬಾರದು. ವ್ಯವಸ್ಥೆಯ ತಪ್ಪುಗಳನ್ನು ಎತ್ತಿ ತೋರಿಸುವ ಧೈರ್ಯ ಇಲ್ಲದಿದ್ದರೆ ಆತ ಲೇಖಕನಾಗಲು ಅನರ್ಹ," ಎಂದು ಕೇಂದ್ರ ಸಾಹಿತ್ಯ ಅಕಾಡೆಮಿ ಪ್ರಶಸ್ತಿ ಪುರಸ್ಕೃತ ಹಿರಿಯ ಸಾಹಿತಿ ಕುಂ. ವೀರಭದ್ರಪ್ಪ (ಕುಂವೀ) ಮಾರ್ಮಿಕವಾಗಿ ನುಡಿದರು. ನಗರದ ಆಚಾರ್ಯ ತುಳಸಿ ರಾಷ್ಟ್ರೀಯ ವಾಣಿಜ್ಯ ಕಾಲೇಜಿನ (ATNCC) ಫ್ರೆಂಡ್ಸ್ ಸೆಂಟರ್ ಸಭಾಂಗಣದಲ್ಲಿ ಅವರು ಅನುವಾದಿಸಿದ ಖ್ಯಾತ ತೆಲುಗು ಲೇಖಕ ಮಾರುತಿ ಪೌರೋಹಿತಂ ಅವರ ಅರೆ ಐತಿಹಾಸಿಕ ತೆಲುಗು ಕಾದಂಬರಿ 'ಪ್ರಣಯ ಹಂಪಿ' ಬಿಡುಗಡೆ ಮಾಡಿ ಅವರು ಮಾತನಾಡಿದರು. ಮೊನಚು ವಿಡಂಬನೆಯ ಮೂಲಕ ಇಡೀ ಸಭಾಂಗಣದಲ್ಲಿ ನಗೆಯ

ಅಲೆ ಎಬ್ಬಿಸುತ್ತಲೇ ಗಂಭೀರ ಚಿಂತನೆಗಳನ್ನು ಮಂಡಿಸಿದರು. ಪ್ರಣಯ ಹಂಪಿ' ಕೃತಿಯು ಇತಿಹಾಸದ ಹಿನ್ನೆಲೆಯುಳ್ಳ ಕಾಲ್ಪನಿಕ ಕಥಾಹಂದರವನ್ನು ಹೊಂದಿದೆ."ಐತಿಹಾಸಿಕ ಕಾದಂಬರಿಗಳಲ್ಲಿ ಇತಿಹಾಸವನ್ನು ಸಂಪೂರ್ಣವಾಗಿ ಯಥಾವತ್ತಾಗಿ ಹೇಳಲು ಸಾಧ್ಯವಿಲ್ಲ, ಅಲ್ಲಿ ಕಲ್ಪನೆಯ ಬೆಸುಗೆ ಅನಿವಾರ್ಯ. ತ.ರಾ.ಸು ಅವರಂತಹ ಮಹಾನ್ ಲೇಖಕರ ಕೃತಿಗಳು ನಮಗೆ ಈ ನಿಟ್ಟಿನಲ್ಲಿ ಮಾದರಿ," ಎಂದು ಅಭಿಪ್ರಾಯಪಟ್ಟರು. ಇಂದಿನ ರಾಜಕೀಯ ಲಾಭಕೋರತನವನ್ನು ತರಾಟೆಗೆ ತೆಗೆದುಕೊಂಡ ಕುಂವಿ, "ಒಮ್ಮೆ ಎಂಎಲ್ಸಿ ಆಗಿಬಿಟ್ಟರೆ ಸಾಕು, ಸಾಯುವವರೆಗೂ ತಿಂಗಳಿಗೆ 2.75 ಲಕ್ಷ ರೂಪಾಯಿ ಸಂಭಾವನೆ ಸಿಗುತ್ತದೆ. ಇಂತಹ ಸೌಲಭ್ಯಗಳಿಗಾಗಿಯೇ ಇವತ್ತು ಎಲ್ಲರೂ ರಾಜಕೀಯದ ಹಿಂದೆ ಬೀಳುತ್ತಿದ್ದಾರೆ. ಆದರೆ ಲೇಖಕ ಈ ವ್ಯವಸ್ಥೆಯ ಅಸ್ಪೃಶ್ಯನಾಗಿ ಉಳಿಯಬೇಕು. ಅಧಿಕಾರಕ್ಕೆ ಬಾಗಿ ಸೌಲಭ್ಯ ಪಡೆಯುವ ಬದಲು, ವ್ಯವಸ್ಥೆಯ ಅಂಕುಡೊಂಕುಗಳನ್ನು ತಿದ್ದುವ 'ಕಾಮನ್ ಸೆನ್ಸ್' ಬೆಳೆಸಿಕೊಳ್ಳಬೇಕು

ಎಂದರು. ಲೇಖಕರು ಸಮಾಜದ ಅಂಕುಡೊಂಕುಗಳನ್ನು ತಿದ್ದುವ ಕೆಲಸ ಮಾಡಬೇಕು. ರಾಜಕಾರಣಿಗಳು ಕೇವಲ ಅಧಿಕಾರ ಮತ್ತು ಸೌಲಭ್ಯಗಳಿಗಾಗಿ ಹಪಹಪಿಸದೆ, ಜನರ ಜ್ವಲಂತ ಸಮಸ್ಯೆಗಳಿಗೆ ಸ್ಪಂದಿಸಬೇಕು ಎಂದು ಅವರು ಕರೆ ನೀಡಿದರು. ಇತಿಹಾಸವನ್ನು ಕೇವಲ ದಾಖಲೆಗಳ ಮೂಲಕ ನೋಡಬಾರದು. ಅಲ್ಲಿ ಕಲ್ಪನೆಯ ಬೆಸುಗೆ ಇರಬೇಕು. 'ಪ್ರಣಯ ಹಂಪಿ' ಕೂಡ ಹಂಪಿಯ ವೈಭವವನ್ನು ಹೊಸ ದೃಷ್ಟಿಕೋನದಲ್ಲಿ ಕಟ್ಟಿಕೊಟ್ಟಿದೆ. ಈ ಕೃತಿ ಬಿಡುಗಡೆ ಮಾಡಿದ್ದಕ್ಕೆ ನನ್ನ ಆರೋಗ್ಯವೇ ಸುಧಾರಿಸಿದಷ್ಟು ಸಂತೋಷವಾಗಿದೆ," ಎಂದು ಪ್ರಕಾಶಕರಿಗೆ ಬೆನ್ನು ತಟ್ಟಿದರು ಇಂದಿನ ಡಿಜಿಟಲ್ ವ್ಯಸನದ ಬಗ್ಗೆ ಕಳವಳ ವ್ಯಕ್ತಪಡಿಸಿದ ಕುಂ ವೀ "ಮಕ್ಕಳು ಮೊಬೈಲ್ ಇಲ್ಲದೆ ಊಟ ಮಾಡದ ಸ್ಥಿತಿಗೆ ತಲುಪಿದ್ದಾರೆ. ಮಹಿಳೆಯರು ಧಾರಾವಾಹಿಗಳಲ್ಲಿ ಬಂಧಿಯಾಗಿದ್ದಾರೆ. ಇಂತಹ ಹೊತ್ತಿನಲ್ಲಿ ಸರ್ಕಾರಗಳು ಪುಸ್ತಕ ಖರೀದಿಯನ್ನು ನಿಲ್ಲಿಸಿ

ಪ್ರಕಾಶಕರನ್ನು ಕಂಗೆಡಿಸಿವೆ. ಸಿದ್ದರಾಮಯ್ಯ ನೇತೃತ್ವದ ಸರ್ಕಾರ ಲೇಖಕರ ಮತ್ತು ಪ್ರಕಾಶಕರ ಹಿತ ಕಾಪಾಡಲಿ," ಎಂದು ಒತ್ತಾಯಿಸಿದರು. ಕುಂ ವೀ ಅವರು ಶಿವಮೊಗ್ಗದ 'ಆಲಾಪ' ಅಂತಹ ಸಂಗೀತ ಮತ್ತು ಸಾಹಿತ್ಯಿಕ ಚಟುವಟಿಕೆಗಳು ಪುನರಾರಂಭಗೊಳ್ಳಬೇಕೆಂಬ ಆಶಯ ವ್ಯಕ್ತಪಡಿಸಿದರು. ಇದೇ ಸಂದರ್ಭದಲ್ಲಿ ವಿಮರ್ಶಕಿ ಮತ್ತು ಲೇಖಕಿ ಪ್ರೊ ಸವಿತಾ ಬನ್ನಾಡಿ, ಇಂಗ್ಲಿಷ್ ಪ್ರಾಧ್ಯಾಪಕ ಮತ್ತು ಲೇಖಕ ಡಾ ಎಚ್ ಎಸ್ ನಾಗಭೂಷಣ್ , ಖ್ಯಾತ ತೆಲುಗು ಲೇಖಕ ಮಾರುತಿ ಪೌರೋಹಿತಂ ಹಾಗೂ ಸುವ್ವಿ ಪ್ರಕಾಶನದ ಬಿ ಎನ್ ಸುನಿಲ್ ಕುಮಾರ್ ಹಿರಿಯ ಸಾಹಿತಿಗಳು, ಗಣ್ಯರು ಹಾಗೂ ಸಾಹಿತ್ಯಾಸಕ್ತರು ಹೆಚ್ಚಿನ ಸಂಖ್ಯೆಯಲ್ಲಿ ಪಾಲ್ಗೊಂಡಿದ್ದರು. ಬಿಡುಗಡೆಗೊಂಡ ಕಾದಂಬರಿಯನ್ನು ಕೊಂಡು ಕುಂ ವೀರಭದ್ರಪ್ಪನವರ ಹಸ್ತಾಕ್ಷರ ಪಡೆದು ಸಂಭ್ರಮಿಸಿದ್ದು ವಿಶೇಷವಾಗಿತ್ತು.