ఆంధ్రప్రదేశ్ ప్రభుత్వం ప్రతిష్టాత్మకంగా నిర్వహించిన “యోగాంధ్ర” కార్యక్రమంలో భాగంగా, పిఠాపురం పట్టణంలో జూన్ 7వ తేదీ నుండి జూన్ 21వ తేదీ వరకు ప్రపంచ యోగా దినోత్సవ వేడుకలు విజయవంతంగా జరిగాయి. ఈ వేడుకల్లో భాగంగా, ప్రతిరోజూ పిఠాపురం మున్సిపల్ కార్యాలయం ఆవరణలో యోగా శిక్షణా కార్యక్రమాలు నిర్వహించగా, ముగింపు కార్యక్రమాన్ని పిఠాపురం మున్సిపల్ కళ్యాణ మండపంలో వైభవంగా నిర్వహించారు. ఈ కార్యక్రమం పాడా పీడీ మరియు పిఠాపురం మున్సిపల్ ప్రత్యేక అధికారి ఎన్. శివరాం ప్రసాద్, మున్సిపల్ కమిషనర్ ఎస్.వి.ఎస్.టి.వి. రాజేశ్వరరావు ఆధ్వర్యంలో జరిగింది. ఈ సందర్భంగా ప్రత్యేక అధికారి ఎన్. శివరాం ప్రసాద్ మాట్లాడుతూ, యోగా ప్రతి మనిషి జీవితంలో ఒక ముఖ్యమైన భాగంగా మారాలని, ప్రతి ఒక్కరూ తమ నిత్య జీవితంలో యోగాను అలవాటు చేసుకోవాలని పిలుపునిచ్చారు. యోగా వల్ల శారీరక, మానసిక ఆరోగ్యం మెరుగుపడటంతో పాటు జీవనశైలి సక్రమంగా మారుతుందని ఆయన స్పష్టం చేశారు. ఆరోగ్యవంతమైన వ్యక్తులు సమాజ అభివృద్ధికి మరింతగా తోడ్పడగలరని పేర్కొంటూ, ముఖ్యంగా ఉద్యోగులు, మహిళలు, యువత, బాలికలు యోగా పట్ల ఆసక్తి పెంచుకొని క్రమం తప్పకుండా అభ్యసించాలని సూచించారు. యోగా ద్వారా శరీర దారుఢ్యం, మానసిక ప్రశాంతత, ఆత్మవిశ్వాసం పెంపొందడంతో పాటు ఆయురారోగ్యాలు చేకూరుతాయని వివరించారు. మున్సిపల్ కమిషనర్ డాక్టర్ ఎస్.వి.ఎస్.టి.వి. రాజేశ్వరరావు మాట్లాడుతూ, ప్రభుత్వం చేపట్టిన యోగాంధ్ర కార్యక్రమానికి ప్రజల నుంచి విశేష స్పందన లభించిందని, పట్టణ ప్రజలు పెద్ద సంఖ్యలో పాల్గొని కార్యక్రమాన్ని విజయవంతం చేశారని తెలిపారు. యోగా ఆరోగ్యకరమైన సమాజ నిర్మాణానికి దోహదపడే ఉత్తమ సాధనమని ఆయన అభిప్రాయపడ్డారు. ఈ కార్యక్రమంలో యోగా శిక్షకురాలు డాక్టర్ వి సత్యప్రియా, పట్టణ జనసేన అధ్యక్షురాలు చిక్కాల వరలక్ష్మి, మున్సిపల్ డి.ఈ. పి. రాజు, శానిటరీ ఇన్స్పెక్టర్ పి. ప్రభాకర్, మున్సిపల్ అధికారులు, సిబ్బంది, మహిళలు, యువత, పట్టణ ప్రజలు సహా పలువురు పాల్గొన్నారు.

Sattibabau dadala

Local News Reporter Pithapuram, Kakinada•

12 hrs ago

ఆంధ్రప్రదేశ్ ప్రభుత్వం ప్రతిష్టాత్మకంగా నిర్వహించిన “యోగాంధ్ర” కార్యక్రమంలో భాగంగా, పిఠాపురం పట్టణంలో జూన్ 7వ తేదీ నుండి జూన్ 21వ తేదీ వరకు ప్రపంచ యోగా దినోత్సవ వేడుకలు విజయవంతంగా జరిగాయి. ఈ వేడుకల్లో భాగంగా, ప్రతిరోజూ పిఠాపురం మున్సిపల్ కార్యాలయం ఆవరణలో యోగా శిక్షణా కార్యక్రమాలు నిర్వహించగా, ముగింపు కార్యక్రమాన్ని పిఠాపురం మున్సిపల్ కళ్యాణ మండపంలో వైభవంగా నిర్వహించారు. ఈ కార్యక్రమం పాడా పీడీ మరియు పిఠాపురం మున్సిపల్ ప్రత్యేక అధికారి ఎన్. శివరాం ప్రసాద్, మున్సిపల్ కమిషనర్ ఎస్.వి.ఎస్.టి.వి. రాజేశ్వరరావు ఆధ్వర్యంలో జరిగింది. ఈ సందర్భంగా ప్రత్యేక అధికారి ఎన్. శివరాం ప్రసాద్ మాట్లాడుతూ, యోగా ప్రతి మనిషి జీవితంలో ఒక ముఖ్యమైన భాగంగా మారాలని, ప్రతి ఒక్కరూ తమ నిత్య జీవితంలో యోగాను అలవాటు చేసుకోవాలని పిలుపునిచ్చారు. యోగా వల్ల శారీరక, మానసిక ఆరోగ్యం మెరుగుపడటంతో పాటు జీవనశైలి సక్రమంగా మారుతుందని ఆయన

స్పష్టం చేశారు. ఆరోగ్యవంతమైన వ్యక్తులు సమాజ అభివృద్ధికి మరింతగా తోడ్పడగలరని పేర్కొంటూ, ముఖ్యంగా ఉద్యోగులు, మహిళలు, యువత, బాలికలు యోగా పట్ల ఆసక్తి పెంచుకొని క్రమం తప్పకుండా అభ్యసించాలని సూచించారు. యోగా ద్వారా శరీర దారుఢ్యం, మానసిక ప్రశాంతత, ఆత్మవిశ్వాసం పెంపొందడంతో పాటు ఆయురారోగ్యాలు చేకూరుతాయని వివరించారు. మున్సిపల్ కమిషనర్ డాక్టర్ ఎస్.వి.ఎస్.టి.వి. రాజేశ్వరరావు మాట్లాడుతూ, ప్రభుత్వం చేపట్టిన యోగాంధ్ర కార్యక్రమానికి ప్రజల నుంచి విశేష స్పందన లభించిందని, పట్టణ ప్రజలు పెద్ద సంఖ్యలో పాల్గొని కార్యక్రమాన్ని విజయవంతం చేశారని తెలిపారు. యోగా ఆరోగ్యకరమైన సమాజ నిర్మాణానికి దోహదపడే ఉత్తమ సాధనమని ఆయన అభిప్రాయపడ్డారు. ఈ కార్యక్రమంలో యోగా శిక్షకురాలు డాక్టర్ వి సత్యప్రియా, పట్టణ జనసేన అధ్యక్షురాలు చిక్కాల వరలక్ష్మి, మున్సిపల్ డి.ఈ. పి. రాజు, శానిటరీ ఇన్స్పెక్టర్ పి. ప్రభాకర్, మున్సిపల్ అధికారులు, సిబ్బంది, మహిళలు, యువత, పట్టణ ప్రజలు సహా పలువురు పాల్గొన్నారు.