పాఠశాల భవనంలో నిర్మాణాలు చేపట్టొద్దు గ్రామస్తుల సమక్షంలో హెచ్చరించిన మండల విద్యాధికారి మహమ్మదాబాద్: మండలంలోని బోట్లగడ్డ తండా ప్రాథమిక పాఠశాల భవనం ఆక్రమణ, కూల్చివేతకు సంబంధించిన అంశంపై మండల విద్యాధికారి రాజు నాయక్‌ స్పందించారు. వివిధ పత్రికల్లో వచ్చిన కథనాల నేపథ్యంలో పాఠశాల భవనాన్ని స్థానిక నంచర్ల కాంప్లెక్స్ హెడ్‌మాస్టర్ సురేందర్‌రెడ్డి పరిశీలించి, విషయాన్ని ఉన్నతాధికారుల దృష్టికి తీసుకెళ్లనున్నట్లు మండల విద్యాధికారి తెలిపారు.ఇప్పటికే పాఠశాల భవనంలో ఎలాంటి నిర్మాణాలు చేపట్టరాదని, ఉన్న నిర్మాణాలను తొలగించరాదని గ్రామ సర్పంచ్, పంచాయతీ కార్యదర్శులు సంబంధితులకు నోటీసులు జారీ చేసినట్లు అధికారులు తెలిపారు. మండల విద్యాధికారి గ్రామస్తుల సమక్షంలో పాఠశాల భవనంలో ఎలాంటి కొత్త నిర్మాణాలు చేపట్టవద్దని, భవనానికి ఎలాంటి నష్టం కలిగించవద్దని హెచ్చరించారు. ఈ సందర్భంగా బాధితులు మాట్లాడుతూ గతంలో పాఠశాల భవనం నిర్మాణం కోసం తమ పట్టాభూమిని ఇచ్చామని తెలిపారు. ప్రస్తుతం సొంత ఇల్లు లేక ఇబ్బందులు ఎదురవుతున్న పరిస్థితుల్లో పాఠశాల భవనంలో తలదాచుకున్నామని చెప్పారు. ఇకపై పాఠశాల భవనంలో ఎలాంటి నిర్మాణాలు చేపట్టబోమని గ్రామ సర్పంచ్ సమక్షంలో హామీ ఇచ్చారు.గ్రామ సర్పంచ్ మాట్లాడుతూ ఇలాంటి ఘటనలు గ్రామంలో పునరావృతం కాకుండా చర్యలు తీసుకుంటామని తెలిపారు. విద్యార్థులకు ఎలాంటి ఇబ్బందులు కలగకుండా పాఠశాలను మిగిలిన రెండు తరగతి గదుల భవనాల్లో కొనసాగిస్తున్నట్లు మండల విద్యాధికారికి వివరించారు.అనంతరం మండల విద్యాధికారి గ్రామస్తులతో మాట్లాడి, పాఠశాల విద్యకు సంబంధించి ఏవైనా సమస్యలు ఉంటే తమ దృష్టికి తీసుకురావాలని సూచించారు. అనంతరం ఆముదాలగడ్డ తండా, నంచర్ల ప్రాథమిక పాఠశాలలను సందర్శించి విద్యార్థుల అభ్యసన సామర్థ్యాలను పరిశీలించారు.

J.rr

మహమ్మదాబాద్, మహబూబ్‌నగర్, తెలంగాణ•

1 hr ago

పాఠశాల భవనంలో నిర్మాణాలు చేపట్టొద్దు గ్రామస్తుల సమక్షంలో హెచ్చరించిన మండల విద్యాధికారి మహమ్మదాబాద్: మండలంలోని బోట్లగడ్డ తండా ప్రాథమిక పాఠశాల భవనం ఆక్రమణ, కూల్చివేతకు సంబంధించిన అంశంపై మండల విద్యాధికారి రాజు నాయక్‌ స్పందించారు. వివిధ పత్రికల్లో వచ్చిన కథనాల నేపథ్యంలో పాఠశాల భవనాన్ని స్థానిక నంచర్ల కాంప్లెక్స్ హెడ్‌మాస్టర్ సురేందర్‌రెడ్డి పరిశీలించి, విషయాన్ని ఉన్నతాధికారుల దృష్టికి తీసుకెళ్లనున్నట్లు మండల విద్యాధికారి తెలిపారు.ఇప్పటికే పాఠశాల భవనంలో ఎలాంటి నిర్మాణాలు చేపట్టరాదని, ఉన్న నిర్మాణాలను తొలగించరాదని గ్రామ సర్పంచ్, పంచాయతీ కార్యదర్శులు సంబంధితులకు నోటీసులు జారీ చేసినట్లు అధికారులు తెలిపారు. మండల విద్యాధికారి గ్రామస్తుల సమక్షంలో పాఠశాల భవనంలో ఎలాంటి కొత్త నిర్మాణాలు చేపట్టవద్దని, భవనానికి ఎలాంటి నష్టం కలిగించవద్దని హెచ్చరించారు. ఈ సందర్భంగా బాధితులు మాట్లాడుతూ గతంలో

పాఠశాల భవనం నిర్మాణం కోసం తమ పట్టాభూమిని ఇచ్చామని తెలిపారు. ప్రస్తుతం సొంత ఇల్లు లేక ఇబ్బందులు ఎదురవుతున్న పరిస్థితుల్లో పాఠశాల భవనంలో తలదాచుకున్నామని చెప్పారు. ఇకపై పాఠశాల భవనంలో ఎలాంటి నిర్మాణాలు చేపట్టబోమని గ్రామ సర్పంచ్ సమక్షంలో హామీ ఇచ్చారు.గ్రామ సర్పంచ్ మాట్లాడుతూ ఇలాంటి ఘటనలు గ్రామంలో పునరావృతం కాకుండా చర్యలు తీసుకుంటామని తెలిపారు. విద్యార్థులకు ఎలాంటి ఇబ్బందులు కలగకుండా పాఠశాలను మిగిలిన రెండు తరగతి గదుల భవనాల్లో కొనసాగిస్తున్నట్లు మండల విద్యాధికారికి వివరించారు.అనంతరం మండల విద్యాధికారి గ్రామస్తులతో మాట్లాడి, పాఠశాల విద్యకు సంబంధించి ఏవైనా సమస్యలు ఉంటే తమ దృష్టికి తీసుకురావాలని సూచించారు. అనంతరం ఆముదాలగడ్డ తండా, నంచర్ల ప్రాథమిక పాఠశాలలను సందర్శించి విద్యార్థుల అభ్యసన సామర్థ్యాలను పరిశీలించారు.