தமிழ்நாடு சிறுபான்மையினர் பொருளாதார மேம்பாட்டுக் கழகம் மூலம் சிறுபான்மையின மக்களுக்காக செயல்படுத்தப்படும் தனிநபர் கடன், சுய உதவி குழுக் கடன், விராசத் (கைவினை கலைஞர்களுக்கான கடன் திட்டம்) மற்றும் கல்விக் கடன்களுக்கு விண்ணப்பிக்கலாம் என மாவட்ட ஆட்சித்தலைவர் ரஞ்ஜீத் சிங் தெரிவித்துள்ளார். சுய வேலைவாய்ப்பு மற்றும் வருமானம் ஈட்டும் செயல்பாடுகளை ஊக்குவிக்கும் நோக்கத்துடன் குறைந்த வட்டி விகிதத்தில் இக்கடன் திட்டங்கள் வழங்கப்படுகின்றன. இந்தக் கடன் திட்டங்கள், பயனாளிகளின் வருமானத்தின் அடிப்படையில் திட்டம்-1 மற்றும் திட்டம்-2 என வகைப்படுத்தப்பட்டுள்ளன. திட்டம்-1-இன் கீழ் பயன்பெற குடும்ப ஆண்டு வருமானம் கிராமப்புற மற்றும் நகர்ப்புறங்களில் ரூ.3,00,000/-க்கு மிகாமல் இருக்க வேண்டும். திட்டம்-2-இன் கீழ் பயன்பெற குடும்ப ஆண்டு வருமானம் ரூ.8,00,000/- வரை இருக்க வேண்டும் (திட்டம்-1-இன் கீழ் பயன் பெற முடியாத நபர்களுக்கு). தனிநபர் கடனைப் பொறுத்தவரை, திட்டம்-1-இன் கீழ் ஆண்டிற்கு 6% வட்டி விகிதத்தில் அதிகபட்சமாக ரூ.20,00,000/- வரையிலும், திட்டம்-2-இன் கீழ் ஆண்களுக்கு 8% மற்றும் பெண்களுக்கு 6% வட்டி விகிதத்தில் அதிகபட்சமாக ரூ.30,00,000/- வரையிலும் கடன் வழங்கப்படுகிறது. கைவினை கலைஞர்களுக்கான விராசத் திட்டத்தின் கீழ், மூலப்பொருட்கள், உபகரணங்கள், கருவிகள், இயந்திரங்கள் வாங்க அதிகபட்சமாக ரூ.10,00,000/- கடன், ஆண்களுக்கு 5% மற்றும் பெண்களுக்கு 4% வட்டி விகிதத்தில் வழங்கப்படுகிறது. சுய உதவிக் குழுக் கடனாக நபர் ஒருவருக்கு ஆண்டுக்கு 7% வட்டி விகிதத்தில் ரூ.1,00,000/- வழங்கப்படுகிறது. திட்டம்-2-இன் கீழ், சுய உதவிக் குழுவில் நபர் ஒருவருக்கு ரூ.1,50,000/- கடன், ஆண்களுக்கு 10% மற்றும் பெண்களுக்கு 8% வட்டி விகிதத்தில் கிடைக்கும். மேலும், அங்கீகரிக்கப்பட்ட கல்வி நிலையங்களில் இளங்கலை, முதுநிலை, தொழிற்கல்வி, தொழில்நுட்பக் கல்வி பயிலும் சிறுபான்மையின மாணவ மாணவியர்களுக்கு, திட்டம்-1-இன் கீழ் 3% வட்டி விகிதத்தில் ரூ.20,00,000/- வரையிலும், திட்டம்-2-இன் கீழ் மாணவர்களுக்கு 8% மற்றும் மாணவியருக்கு 5% வட்டி விகிதத்தில் ரூ.30,00,000/- வரையிலும் கல்விக்கடனுதவி வழங்கப்படுகிறது. தனிநபர் கடன், சுய உதவி குழுக் கடன், விராசத் கடன் திட்டங்களுக்கு விண்ணப்பிக்க மதச்சாதிச் சான்றிதழ், சாதிச் சான்றிதழ், வருமானச் சான்றிதழ், குடும்ப அட்டை அல்லது இருப்பிடச் சான்றிதழ், ஆதார் அட்டை, திட்ட அறிக்கை மற்றும் வங்கிகள் கோரும் இதர ஆவணங்கள் தேவை. கல்விக் கடனுக்கு விண்ணப்பிக்க மதச்சான்றிதழ்/சாதிச் சான்றிதழ் நகல், வருமானச் சான்றிதழ்/இருப்பிடச் சான்றிதழ் நகல், குடும்ப அட்டை, ஆதார் அட்டை நகல், உண்மையான சான்றிதழ் (Bonafide Certificate) அசல், கல்விக் கட்டண இரசீது அசல், மதிப்பெண் சான்றிதழ் நகல் மற்றும் வங்கி கோரும் இதர ஆவணங்கள் சமர்ப்பிக்க வேண்டும். தேனி மாவட்டத்தில் வசிக்கும் கிறித்தவர்கள், இஸ்லாமியர்கள், புத்த மதத்தினர், சீக்கியர்கள், பார்சியர்கள் மற்றும் ஜெயின் மதத்தினர் உள்ளிட்ட சிறுபான்மையின மக்கள், மாவட்ட ஆட்சியர் அலுவலக வளாகத்தில் உள்ள மாவட்ட பிற்படுத்தப்பட்டோர் மற்றும் சிறுபான்மையினர் நல அலுவலகம், மண்டல கூட்டுறவுச் சங்கங்களின் இணைப் பதிவாளர் அலுவலகம், மாவட்ட/மத்திய கூட்டுறவு வங்கி அல்லது அதன் கிளைகள் அல்லது நகர் கூட்டுறவு வங்கிகள் அல்லது தொடக்க வேளாண்மை கூட்டுறவு வங்கிகள் ஆகிய இடங்களில் விண்ணப்பங்களைப் பெற்று, பூர்த்தி செய்து, உரிய ஆவணங்களுடன் மாவட்ட பிற்படுத்தப்பட்டோர் மற்றும் சிறுபான்மையினர் நல அலுவலகத்தில் சமர்ப்பிக்கலாம்.

Theni Godwin

பத்திரிகையாளர் தேனி, தேனி, தமிழ்நாடு•

11 hrs ago

தமிழ்நாடு சிறுபான்மையினர் பொருளாதார மேம்பாட்டுக் கழகம் மூலம் சிறுபான்மையின மக்களுக்காக செயல்படுத்தப்படும் தனிநபர் கடன், சுய உதவி குழுக் கடன், விராசத் (கைவினை கலைஞர்களுக்கான கடன் திட்டம்) மற்றும் கல்விக் கடன்களுக்கு விண்ணப்பிக்கலாம் என மாவட்ட ஆட்சித்தலைவர் ரஞ்ஜீத் சிங் தெரிவித்துள்ளார். சுய வேலைவாய்ப்பு மற்றும் வருமானம் ஈட்டும் செயல்பாடுகளை ஊக்குவிக்கும் நோக்கத்துடன் குறைந்த வட்டி விகிதத்தில் இக்கடன் திட்டங்கள் வழங்கப்படுகின்றன. இந்தக் கடன் திட்டங்கள், பயனாளிகளின் வருமானத்தின் அடிப்படையில் திட்டம்-1 மற்றும் திட்டம்-2 என வகைப்படுத்தப்பட்டுள்ளன. திட்டம்-1-இன் கீழ் பயன்பெற குடும்ப ஆண்டு வருமானம் கிராமப்புற மற்றும் நகர்ப்புறங்களில் ரூ.3,00,000/-க்கு மிகாமல் இருக்க வேண்டும். திட்டம்-2-இன் கீழ் பயன்பெற குடும்ப ஆண்டு வருமானம் ரூ.8,00,000/- வரை இருக்க வேண்டும் (திட்டம்-1-இன் கீழ் பயன் பெற முடியாத நபர்களுக்கு). தனிநபர் கடனைப் பொறுத்தவரை, திட்டம்-1-இன் கீழ் ஆண்டிற்கு 6% வட்டி விகிதத்தில் அதிகபட்சமாக ரூ.20,00,000/- வரையிலும், திட்டம்-2-இன் கீழ் ஆண்களுக்கு 8% மற்றும் பெண்களுக்கு 6% வட்டி விகிதத்தில் அதிகபட்சமாக ரூ.30,00,000/- வரையிலும் கடன் வழங்கப்படுகிறது. கைவினை கலைஞர்களுக்கான விராசத் திட்டத்தின் கீழ், மூலப்பொருட்கள், உபகரணங்கள், கருவிகள், இயந்திரங்கள் வாங்க அதிகபட்சமாக ரூ.10,00,000/- கடன், ஆண்களுக்கு 5% மற்றும் பெண்களுக்கு 4% வட்டி விகிதத்தில் வழங்கப்படுகிறது. சுய உதவிக் குழுக் கடனாக நபர் ஒருவருக்கு ஆண்டுக்கு 7% வட்டி விகிதத்தில் ரூ.1,00,000/- வழங்கப்படுகிறது. திட்டம்-2-இன் கீழ், சுய உதவிக் குழுவில் நபர் ஒருவருக்கு ரூ.1,50,000/- கடன், ஆண்களுக்கு 10% மற்றும் பெண்களுக்கு 8% வட்டி விகிதத்தில் கிடைக்கும். மேலும், அங்கீகரிக்கப்பட்ட கல்வி நிலையங்களில் இளங்கலை, முதுநிலை, தொழிற்கல்வி, தொழில்நுட்பக் கல்வி பயிலும் சிறுபான்மையின மாணவ மாணவியர்களுக்கு, திட்டம்-1-இன் கீழ் 3% வட்டி விகிதத்தில் ரூ.20,00,000/- வரையிலும், திட்டம்-2-இன் கீழ் மாணவர்களுக்கு 8% மற்றும் மாணவியருக்கு 5% வட்டி விகிதத்தில் ரூ.30,00,000/- வரையிலும் கல்விக்கடனுதவி வழங்கப்படுகிறது. தனிநபர் கடன், சுய உதவி குழுக் கடன், விராசத் கடன் திட்டங்களுக்கு விண்ணப்பிக்க மதச்சாதிச் சான்றிதழ், சாதிச் சான்றிதழ், வருமானச் சான்றிதழ், குடும்ப அட்டை அல்லது இருப்பிடச் சான்றிதழ், ஆதார் அட்டை, திட்ட அறிக்கை மற்றும் வங்கிகள் கோரும் இதர ஆவணங்கள் தேவை. கல்விக் கடனுக்கு விண்ணப்பிக்க மதச்சான்றிதழ்/சாதிச் சான்றிதழ் நகல், வருமானச் சான்றிதழ்/இருப்பிடச் சான்றிதழ் நகல், குடும்ப அட்டை, ஆதார் அட்டை நகல், உண்மையான சான்றிதழ் (Bonafide Certificate) அசல், கல்விக் கட்டண இரசீது அசல், மதிப்பெண் சான்றிதழ் நகல் மற்றும் வங்கி கோரும் இதர ஆவணங்கள் சமர்ப்பிக்க வேண்டும். தேனி மாவட்டத்தில் வசிக்கும் கிறித்தவர்கள், இஸ்லாமியர்கள், புத்த மதத்தினர், சீக்கியர்கள், பார்சியர்கள் மற்றும் ஜெயின் மதத்தினர் உள்ளிட்ட சிறுபான்மையின மக்கள், மாவட்ட ஆட்சியர் அலுவலக வளாகத்தில் உள்ள மாவட்ட பிற்படுத்தப்பட்டோர் மற்றும் சிறுபான்மையினர் நல அலுவலகம், மண்டல கூட்டுறவுச் சங்கங்களின் இணைப் பதிவாளர் அலுவலகம், மாவட்ட/மத்திய கூட்டுறவு வங்கி அல்லது அதன் கிளைகள் அல்லது நகர் கூட்டுறவு வங்கிகள் அல்லது தொடக்க வேளாண்மை கூட்டுறவு வங்கிகள் ஆகிய இடங்களில் விண்ணப்பங்களைப் பெற்று, பூர்த்தி செய்து, உரிய ஆவணங்களுடன் மாவட்ட பிற்படுத்தப்பட்டோர் மற்றும் சிறுபான்மையினர் நல அலுவலகத்தில் சமர்ப்பிக்கலாம்.