नाशिक येथील दुगाव येथील घाडगे लॉन्स येथे रिंग रोड बाधित शेतकऱ्यांची एक महत्त्वपूर्ण बैठक उत्साहात आणि निर्धारपूर्ण वातावरणात पार पडली. या बैठकीत नुकत्याच नाशिक जिल्हाधिकाऱ्यांसोबत झालेल्या चर्चेचा सविस्तर आढावा घेण्यात आला. यामध्ये विविध गावांमधून दाखल झालेल्या तक्रारी, रिंग रोडच्या अलाइनमेंटचे नकाशे तसेच प्रकल्पामुळे बाधित होणारी घरे, विहिरी, बोअरवेल, शेतीक्षेत्र आणि बाधित शेतकऱ्यांची अचूक संख्या याची माहिती संकलित करण्याचा निर्णय एकमताने घेण्यात आला. रिंग रोडमुळे पूर्णपणे किंवा अंशतः बाधित होणाऱ्या शेतकऱ्यांची नेमकी आकडेवारी तयार करून ती शासन व प्रशासनासमोर भक्कमपणे मांडण्याची भूमिका सर्व उपस्थितांनी घेतली. यासाठी प्रत्येक गावाने आवश्यक माहिती तातडीने संकलित करून आंदोलन समितीकडे सादर करण्याचे ठरवण्यात आले. या बैठकीत पुढील पंधरा दिवसांच्या आंदोलनात्मक कार्यक्रमाचा आराखडाही निश्चित करण्यात आला असून, शासन व प्रशासनावर लोकशाही मार्गाने दबाव निर्माण करून शेतकऱ्यांच्या हक्काच्या मागण्या मंजूर करून घेण्यासाठी संघर्ष अधिक तीव्र करण्याचा निर्धार व्यक्त करण्यात आला. याच अनुषंगाने येत्या सोमवारी, दिनांक १ जून रोजी सकाळी १० वाजता अन्न व औषध प्रशासन मंत्री नरहरी झिरवाळ यांच्या कार्यालयावर रिंग रोड बाधित शेतकरी सहकुटुंब व सहपरिवार उपस्थित राहून धडक मोर्चा आंदोलन करणार असल्याचा एकमताने निर्णय घेण्यात आला. या आंदोलनाच्या पूर्वतयारीबाबत अंतिम नियोजनही बैठकीत करण्यात आले. नाशिक जिल्हाधिकाऱ्यांनी प्रसिद्धी माध्यमांना दिलेल्या कमलाबाई खिरकाडे यांच्या संदर्भातील माहितीवरही यावेळी तीव्र नाराजी व्यक्त करण्यात आली. बैठकीत उपस्थित शेतकऱ्यांनी स्पष्टपणे सांगितले की, कमलाबाई खिरकाडे यांचे घर बाधित होत नसले तरी त्यांची सुमारे ७५ गुंठे जमीन रिंग रोड प्रकल्पात जात आहे. संबंधित अधिकाऱ्यांनी प्रत्यक्ष जागेवर जाऊन कोणताही सर्वेक्षण अहवाल तयार केलेला नसताना चुकीची माहिती वरिष्ठांकडे सादर केल्याचा आरोप यावेळी करण्यात आला. शेतकऱ्यांनी याकडे लक्ष वेधले की, कमलाबाई खिरकाडे यांची जमीन यापूर्वीही तीन वेळा विविध प्रकल्पांमुळे बाधित झाली आहे, ज्यात एकदा वडिलोपार्जित हिश्श्यातील जमीन तर दोन वेळा स्वतःच्या मालकीची जमीन संपादित झाली आहे. अशा परिस्थितीत प्रशासनाकडून वस्तुस्थिती न तपासता चुकीची माहिती प्रसारित करणे हे दुर्दैवी असल्याची भावना बैठकीत व्यक्त करण्यात आली. करण गायकर यांनी मार्गदर्शन करताना मागणी केली की, नाशिक जिल्हाधिकाऱ्यांनी शेतकऱ्यांबाबत दाखवलेल्या सकारात्मकता व सहानुभूतीचे स्वागत करतानाच, शेतकऱ्यांच्या भावनांशी विसंगत आणि दिशाभूल करणारी विधाने टाळावीत, तसेच संबंधित चुकीच्या माहितीबाबत खुलासा करून प्रसारमाध्यमांना वस्तुस्थिती कळवावी आणि आवश्यक असल्यास जाहीर दिलगिरी व्यक्त करावी. रिंग रोड प्रकल्पामुळे शेकडो कुटुंबे विस्थापित होण्याच्या मार्गावर असताना केवळ एका प्रकरणाचा संदर्भ देऊन आंदोलनाची दिशा भरकटविण्याचा कोणताही प्रयत्न सहन केला जाणार नाही, अन्यथा प्रशासनाविरोधात अधिक तीव्र भूमिका घेण्याचा इशाराही बैठकीत देण्यात आला. छावा क्रांतिवीर सेनेचे संस्थापक अध्यक्ष करण गायकर यांच्या प्रमुख उपस्थितीत ही बैठक पार पडली. या बैठकीला दीपक हगवणे, अक्षय कातड, बाळासाहेब जोंधळे, खंडेराव सांडखोरे, संदीप भागवत, गुलाब म्हैसधुणे, कमलाबाई खिरकाडे, अनिल रिकामे, रवी पेखळे, बाजीराव पिंगळे, शांताराम पिंगळे, प्रकाश बर्वे, रघुनाथ सूर्यवंशी, विनोद कातड यांच्यासह मोठ्या संख्येने रिंग रोड बाधित शेतकरी उपस्थित होते. सर्वांनी एकजुटीने संघर्ष उभारून न्याय, योग्य मोबदला आणि शेतकऱ्यांच्या हक्कांचे संरक्षण मिळविण्यासाठी अखेरपर्यंत लढा सुरू ठेवण्याचा निर्धार व्यक्त केला.

Kapil Katyare

Photographer नाशिक, नाशिक, महाराष्ट्र•

1 hr ago

नाशिक येथील दुगाव येथील घाडगे लॉन्स येथे रिंग रोड बाधित शेतकऱ्यांची एक महत्त्वपूर्ण बैठक उत्साहात आणि निर्धारपूर्ण वातावरणात पार पडली. या बैठकीत नुकत्याच नाशिक जिल्हाधिकाऱ्यांसोबत झालेल्या चर्चेचा सविस्तर आढावा घेण्यात आला. यामध्ये विविध गावांमधून दाखल झालेल्या तक्रारी, रिंग रोडच्या अलाइनमेंटचे नकाशे तसेच प्रकल्पामुळे बाधित होणारी घरे, विहिरी, बोअरवेल, शेतीक्षेत्र आणि बाधित शेतकऱ्यांची अचूक संख्या याची माहिती संकलित करण्याचा निर्णय एकमताने घेण्यात आला. रिंग रोडमुळे पूर्णपणे किंवा अंशतः बाधित होणाऱ्या शेतकऱ्यांची नेमकी आकडेवारी तयार करून ती शासन व प्रशासनासमोर भक्कमपणे मांडण्याची भूमिका सर्व उपस्थितांनी घेतली. यासाठी प्रत्येक गावाने आवश्यक माहिती तातडीने संकलित करून आंदोलन समितीकडे सादर करण्याचे ठरवण्यात आले. या बैठकीत पुढील पंधरा दिवसांच्या आंदोलनात्मक कार्यक्रमाचा आराखडाही निश्चित करण्यात आला असून, शासन व प्रशासनावर लोकशाही मार्गाने दबाव निर्माण करून शेतकऱ्यांच्या हक्काच्या मागण्या मंजूर करून घेण्यासाठी संघर्ष अधिक तीव्र करण्याचा निर्धार व्यक्त करण्यात आला. याच अनुषंगाने येत्या सोमवारी, दिनांक १ जून रोजी सकाळी १० वाजता अन्न व औषध प्रशासन मंत्री नरहरी झिरवाळ यांच्या कार्यालयावर रिंग रोड बाधित शेतकरी सहकुटुंब व सहपरिवार उपस्थित राहून धडक मोर्चा आंदोलन करणार असल्याचा एकमताने निर्णय घेण्यात आला. या आंदोलनाच्या पूर्वतयारीबाबत अंतिम नियोजनही बैठकीत करण्यात आले. नाशिक जिल्हाधिकाऱ्यांनी प्रसिद्धी माध्यमांना दिलेल्या कमलाबाई खिरकाडे यांच्या संदर्भातील माहितीवरही यावेळी तीव्र नाराजी व्यक्त करण्यात आली. बैठकीत उपस्थित शेतकऱ्यांनी स्पष्टपणे सांगितले की, कमलाबाई खिरकाडे यांचे घर बाधित होत नसले तरी त्यांची सुमारे ७५ गुंठे जमीन रिंग रोड प्रकल्पात जात आहे. संबंधित अधिकाऱ्यांनी प्रत्यक्ष जागेवर जाऊन कोणताही सर्वेक्षण अहवाल तयार केलेला नसताना चुकीची माहिती वरिष्ठांकडे सादर केल्याचा आरोप यावेळी करण्यात आला. शेतकऱ्यांनी याकडे लक्ष वेधले की, कमलाबाई खिरकाडे यांची जमीन यापूर्वीही तीन वेळा विविध प्रकल्पांमुळे बाधित झाली आहे, ज्यात एकदा वडिलोपार्जित हिश्श्यातील जमीन तर दोन वेळा स्वतःच्या मालकीची जमीन संपादित झाली आहे. अशा परिस्थितीत प्रशासनाकडून वस्तुस्थिती न तपासता चुकीची माहिती प्रसारित करणे हे दुर्दैवी असल्याची भावना बैठकीत व्यक्त करण्यात आली. करण गायकर यांनी मार्गदर्शन करताना मागणी केली की, नाशिक जिल्हाधिकाऱ्यांनी शेतकऱ्यांबाबत दाखवलेल्या सकारात्मकता व सहानुभूतीचे स्वागत करतानाच, शेतकऱ्यांच्या भावनांशी विसंगत आणि दिशाभूल करणारी विधाने टाळावीत, तसेच संबंधित चुकीच्या माहितीबाबत खुलासा करून प्रसारमाध्यमांना वस्तुस्थिती कळवावी आणि आवश्यक असल्यास जाहीर दिलगिरी व्यक्त करावी. रिंग रोड प्रकल्पामुळे शेकडो कुटुंबे विस्थापित होण्याच्या मार्गावर असताना केवळ एका प्रकरणाचा संदर्भ देऊन आंदोलनाची दिशा भरकटविण्याचा कोणताही प्रयत्न सहन केला जाणार नाही, अन्यथा प्रशासनाविरोधात अधिक तीव्र भूमिका घेण्याचा इशाराही बैठकीत देण्यात आला. छावा क्रांतिवीर सेनेचे संस्थापक अध्यक्ष करण गायकर यांच्या प्रमुख उपस्थितीत ही बैठक पार पडली. या बैठकीला दीपक हगवणे, अक्षय कातड, बाळासाहेब जोंधळे, खंडेराव सांडखोरे, संदीप भागवत, गुलाब म्हैसधुणे, कमलाबाई खिरकाडे, अनिल रिकामे, रवी पेखळे, बाजीराव पिंगळे, शांताराम पिंगळे, प्रकाश बर्वे, रघुनाथ सूर्यवंशी, विनोद कातड यांच्यासह मोठ्या संख्येने रिंग रोड बाधित शेतकरी उपस्थित होते. सर्वांनी एकजुटीने संघर्ष उभारून न्याय, योग्य मोबदला आणि शेतकऱ्यांच्या हक्कांचे संरक्षण मिळविण्यासाठी अखेरपर्यंत लढा सुरू ठेवण्याचा निर्धार व्यक्त केला.