कन्नड नगरपरिषदेचे मुख्याधिकारी रवींद्र शिवाजी लांडे यांना नगरपरिषदेच्या एका कर्मचाऱ्याने आपल्या कुटुंबीयांसह मिळून भरचौकात बेदम मारहाण केल्याने मोठी खळबळ उडाली आहे. ही घटना चाळीसगाव रोडवरील कन्नड ग्रामीण पोलीस ठाण्यासमोरील चौकात शनिवारी (११ जुलै) सायंकाळी ५ वाजता घडली. या हल्ल्याप्रकरणी कन्नड शहर पोलिसांनी सहा जणांविरुद्ध गुन्हा दाखल केला आहे. मारहाण करणाऱ्यांमध्ये कर्मचारी प्रदीप सीताराम आल्हाट, त्याची आई शकुंतलाबाई, बहीण कल्पना, साला पंकज सुरवसे आणि अन्य दोन अनोळखी व्यक्तींचा समावेश आहे. संशयितांनी मुख्याधिकारी लांडे यांची कार अडवून, कारचा दरवाजा उघडून त्यांना बाहेर ओढले आणि चापटबुक्क्यांनी मारहाण करत "तुला पाहून घेतो" अशी जीवे मारण्याची धमकी दिली. लांडे यांची सध्या सहायक मतदार नोंदणी अधिकारी म्हणून नियुक्ती आहे. शनिवारी सकाळी अहिल्याबाई होळकर सभागृहातील 'एसआयआर' मोहिमेचा कॅम्प संपवून सायंकाळी पाचच्या सुमारास पुढील शासकीय कामासाठी जात असताना ही घटना घडली. आल्हाटने ही मारहाण नेमकी कोणत्या कारणाने केली, हे चौकशीनंतरच समोर येणार आहे. या प्रकरणाचा पुढील तपास सहायक पोलीस निरीक्षक सतीश दिंडे करत आहेत.

Marathi News Point

Video editing service औरंगाबाद, औरंगाबाद, महाराष्ट्र•

6 hrs ago

कन्नड नगरपरिषदेचे मुख्याधिकारी रवींद्र शिवाजी लांडे यांना नगरपरिषदेच्या एका कर्मचाऱ्याने आपल्या कुटुंबीयांसह मिळून भरचौकात बेदम मारहाण केल्याने मोठी खळबळ उडाली आहे. ही घटना चाळीसगाव रोडवरील कन्नड ग्रामीण पोलीस ठाण्यासमोरील चौकात शनिवारी (११ जुलै) सायंकाळी ५ वाजता घडली. या हल्ल्याप्रकरणी कन्नड शहर पोलिसांनी सहा जणांविरुद्ध गुन्हा दाखल केला आहे. मारहाण करणाऱ्यांमध्ये कर्मचारी प्रदीप सीताराम आल्हाट, त्याची आई शकुंतलाबाई, बहीण कल्पना, साला पंकज सुरवसे आणि अन्य दोन अनोळखी व्यक्तींचा समावेश आहे. संशयितांनी मुख्याधिकारी लांडे यांची कार अडवून, कारचा दरवाजा उघडून त्यांना बाहेर ओढले आणि चापटबुक्क्यांनी मारहाण करत "तुला पाहून घेतो" अशी जीवे मारण्याची धमकी दिली. लांडे यांची सध्या सहायक मतदार नोंदणी अधिकारी म्हणून नियुक्ती आहे. शनिवारी सकाळी अहिल्याबाई होळकर सभागृहातील 'एसआयआर' मोहिमेचा कॅम्प संपवून सायंकाळी पाचच्या सुमारास पुढील शासकीय कामासाठी जात असताना ही घटना घडली. आल्हाटने ही मारहाण नेमकी कोणत्या कारणाने केली, हे चौकशीनंतरच समोर येणार आहे. या प्रकरणाचा पुढील तपास सहायक पोलीस निरीक्षक सतीश दिंडे करत आहेत.