महाराष्ट्रातील वाहनचालकांसाठी हाय सिक्युरीटी रजिस्ट्रेशन नंबर प्लेट (HSRP) बसवण्याची अंतिम मुदत ३० जून २०२६ पर्यंत वाढवण्यात आली आहे. वेळेत प्लेट न बसवल्यास वाहनासंबंधित अनेक कामे थांबतील आणि मोटार वाहन कायद्यानुसार दंडही आकारला जाईल. दंडापासून वाचण्यासाठी आणि वाहन सुरक्षिततेसाठी ऑनलाइन शुल्क भरून लवकरात लवकर प्लेट बसवून घेणे अनिवार्य आहे.

न्यूज मराठी 24x7 लाईव्ह टीव्ही चॅनलवर परभणी जिल्ह्याच्या महत्त्वपूर्ण घडामोडी पाहण्याची सुविधा उपलब्ध आहे.

लातूर जिल्ह्यातील अहमदपूर येथील 'शिवनेरी' शिवसेना कार्यालयात शिवसेना जिल्हाप्रमुख बालाजी रेड्डी यांच्या नेतृत्वाखाली अहमदपूर-चाकूर आणि उदगीर-जळकोट विधानसभा मतदारसंघांतील शिवसेना पदाधिकाऱ्यांची बैठक आयोजित करण्यात आली होती. हिंदूहृदयसम्राट शिवसेनाप्रमुख बाळासाहेब ठाकरे यांच्या जन्मशताब्दी वर्षा निमित्त विविध कार्यक्रमांचे आयोजन करण्याचे स्पष्ट आदेश यावेळी जिल्हाप्रमुख बालाजी रेड्डी यांनी दिले. शिवसेना पक्षप्रमुख उद्धव ठाकरे, युवासेना प्रमुख आदित्य ठाकरे, शिवसेना नेते चंद्रकांत खैरे, माजी विरोधी पक्षनेते अंबादास दानवे, आणि संपर्क प्रमुख माजी आमदार रोहिदास चव्हाण यांच्या सूचनेनुसार, लातूर जिल्ह्यात शिवसेना (उद्धव बाळासाहेब ठाकरे) पक्षाच्या वतीने हे कार्यक्रम आयोजित करण्यात येत आहेत. अहमदपूर-चाकूर आणि उदगीर-जळकोट विधानसभा मतदारसंघात भव्य रक्तदान शिबिर, आरोग्य शिबिर, वक्तृत्व स्पर्धा, क्रिकेट स्पर्धा, बाळासाहेब ठाकरे यांच्या जीवनावर व्याख्यानमाला, शिवसेना सदस्य नोंदणी, आणि 'गाव तिथे शाखा घर तिथे शिवसैनिक' हे अभियान राबवून प्रत्येक गावात शाखा स्थापन करण्याचे आदेश देण्यात आले आहेत. या बैठकीत पदवीधर निवडणुकीसाठी पदवीप्राप्त मतदारांची नोंदणी करण्याचेही आवाहन करण्यात आले. व्यासपीठावर शिवसेना उपजिल्हाप्रमुख भारत सांगवीकर, युवासेना जिल्हाप्रमुख लक्ष्मण पेटकर आणि उदगीर विधानसभा समन्वयक स्वप्नील (अण्णा) जाधव उपस्थित होते, ज्यांनी यावेळी मनोगत व्यक्त केले. जिल्हाप्रमुख बालाजी रेड्डी यांच्या हस्ते नवनियुक्त पदाधिकाऱ्यांची निवड जाहीर करून त्यांना नियुक्ती पत्रे देण्यात आली. यामध्ये गोविंद बेंबडे (उदगीर-जळकोट विधानसभा संघटक), मंगेश येरकुंडे (उदगीर शहर संघटक), सुजीत मुळे (उपतालुकाप्रमुख चाकूर) आणि धोंडीराम मुठ्ठे (चाकूर तालुका संघटक) यांचा समावेश आहे. कार्यक्रमाचे प्रास्ताविक अनिकेत फुलारी यांनी केले, तर सूत्रसंचालन सुभाष गुंडीले यांनी केले. यावेळी तालुका प्रमुख प्रशांत मोरे, दत्ता हेंगणे, युवासेना तालुका प्रमुख नागेश कोंबडे, बालाजी काळे, शहर प्रमुख शिवा कासले, शिवा भारती, मंगेश यरकुंडे, सुधाकर जायभाय, माऊली देवकत्ते, गणेश राठोड, इस्माईल अब्दुल रहीम, महेश महापुरे, दत्ता कदम, गजानन यन्ने, पद्माकर पेंढारकर, शिवा मोरार, अरुण बिरादार, गोविंद बेंबडे, शिवकांत सरनाळे, व्यंकट साबणे, सारंग आगलावे, धोंडीराम गुट्टे, मारुती बडे, कालिदास धुळगुंडे, सुजीत मुळे, दत्ता पावडे, भगवान कदम, बापूराव देऊळकर, गंगाधर कल्याणे, पांडुरंग परीट, नीलकांत परतवाघ यांच्यासह अनेक शिवसैनिक उपस्थित होते.

उदगीरच्या कल्पना चौक परिसरात एका ६० वर्षीय वृद्धाने घरात गळफास घेऊन आत्महत्या केली. गोरखन सेवाभावी संस्थेने मृतदेह रुग्णालयात दाखल केला असून, आत्महत्येचे नेमके कारण अजूनही अस्पष्ट आहे. उदगीर पोलीस या प्रकरणाचा सखोल तपास करत आहेत.

मंठा तालुक्यातील वझर सरकटे येथील ५१ वर्षीय शेतकरी गोपीनाथ जनार्धन सरकटे यांचा डिझेल आणण्यासाठी दुचाकीवरून जात असताना झालेल्या अपघातात दुर्दैवी मृत्यू झाला आहे. सध्या पेरणीपूर्व शेती मशागतीची कामे वेगाने सुरू असताना, ग्रामीण भागात डिझेलची गंभीर टंचाई निर्माण झाली आहे, ज्यामुळे शेतकऱ्यांना इंधनासाठी दूरवर प्रवास करावा लागत आहे. वझर सरकटे गाव परिसरात पेट्रोल पंपाची सुविधा नसल्याने ही समस्या अधिकच गंभीर बनली आहे. माहितीनुसार, गोपीनाथ सरकटे हे प्रथम ढोकसाळ येथील अहिरे पंपावर डिझेलसाठी गेले होते. त्यानंतर त्यांनी माऊली (नायरा) पंपावरही प्रयत्न केला, मात्र दोन्ही ठिकाणी त्यांना डिझेल उपलब्ध झाले नाही. यानंतर ते मंठा शहराकडे येत असताना जालना-जितूर महामार्गावरील एस. आय. बँकेजवळ एका अज्ञात वाहनाने त्यांच्या दुचाकीला जोरदार धडक दिली. या अपघातात त्यांच्या डोक्याला गंभीर दुखापत होऊन त्यांचा मृत्यू झाला. अपघातानंतर संबंधित वाहन चालक घटनास्थळावरून पसार झाला. या हृदयद्रावक घटनेमुळे संपूर्ण परिसरात हळहळ व्यक्त होत असून, शेतकरी वर्गातून "डिझेल मिळाले नाही, पण शेतकऱ्याचा जीव गेला," अशी संतप्त प्रतिक्रिया उमटत आहे. या प्रकरणाचा पुढील तपास मंठा पोलीस करत आहेत.

जेव्हा कुटुंबाचे प्रमुख, राज्याचे मुख्यमंत्री आणि देशाचे पंतप्रधान आव्हान देतात, तेव्हा त्यांच्या मताशी सहमत असलेली जनता ते आव्हान स्वीकारते.

जालना जिल्ह्यातील जाफराबाद येथील सुगत पेट्रोल पंपावर डिझेल भरण्यासाठी आलेल्या शेतकऱ्यांमध्ये नंबरवरून वाद झाला. यामुळे डिझेल वाटप करण्यास पेट्रोल पंप कर्मचाऱ्यांना अडथळा निर्माण झाला.

Post by Nandkumar Motiram Totewad

महाराष्ट्राच्या बातम्या आता 'न्यूज मराठी'वर 24x7 लाईव्ह पाहण्याची सुविधा उपलब्ध आहे.

लातूर स्थानिक गुन्हे शाखेने बनावट सोने दाखवून फसवणूक करणाऱ्या आणि गर्दीतून चोरी करणाऱ्या सराईत टोळीला जेरबंद केले आहे. या कारवाईत पोलिसांनी ५ लाख ३ हजार रुपयांचा मुद्देमाल, रोख रक्कम आणि बनावट सोन्याचे बिस्कीट जप्त केले. या टोळीमुळे जिल्ह्यातील विविध पोलीस ठाण्यांत दाखल असलेले तब्बल ८ गुन्हे उघडकीस आले आहेत.