व्यायामशाळा भ्रष्टाचार व अनधिकृत करारनामा प्रकरण : आयुक्तांच्या आश्वासनानंतर आंदोलन तात्पुरते स्थगित व्यायामशाळा भ्रष्टाचार व अनधिकृत करारनामा प्रकरण : आयुक्तांच्या आश्वासनानंतर आंदोलन तात्पुरते स्थगित पुणे : पुणे महानगरपालिकेतील व्यायामशाळा भ्रष्टाचार व अनधिकृत करारनामा प्रकरणी सुरू असलेले आंदोलन प्रशासनाच्या आश्वासनानंतर तात्पुरते स्थगित करण्यात आले आहे. संबंधित प्रकरणाची गंभीर दखल घेत पुणे महानगरपालिका आयुक्त कार्यालयाकडून पुढील काही दिवसांत सखोल चौकशी करून योग्य ती कारवाई करण्यात येईल, असे आश्वासन आंदोलनकर्त्यांना देण्यात आले. व्यायामशाळा संचालन व करारनाम्यांमध्ये झालेल्या कथित भ्रष्टाचाराविरोधात आंदोलनकर्त्यांनी उपोषण आंदोलन सुरू केले होते. या आंदोलनामुळे महानगरपालिकेच्या कारभारावर प्रश्नचिन्ह उपस्थित झाले होते. दरम्यान, आंदोलनाची दखल घेत प्रशासनाने आंदोलनकर्त्यांशी चर्चा करून कारवाईचे आश्वासन दिल्यानंतर उपोषण मागे घेण्यात आले. या प्रसंगी काँग्रेसचे पुणे महानगरपालिकेतील गटनेते चंदू शेठ कदम, काँग्रेसचे शहराध्यक्ष अरविंद शिंदे, माजी महापौर प्रशांत दादा जगताप, स्वीकृत नगरसेवक सुनील शिंदे, प्रदेश सरचिटणीस भाऊसाहेब आजबे, नगरसेवक विशाल मलके, प्रवक्ते हनुमंत पवार, युवक काँग्रेसचे शहराध्यक्ष सौरभ अमराळे तसेच काँग्रेसचे पदाधिकारी आणि कार्यकर्ते उपस्थित होते. याचबरोबर पुणे महानगरपालिकेतील प्रशासकीय अधिकारीही चर्चेसाठी उपस्थित होते. आयुक्त कार्यालयाकडून योग्य चौकशी करून दोषींवर कारवाई करण्याचे आश्वासन मिळाल्याने आंदोलनकर्त्यांनी सध्या आंदोलन तात्पुरते स्थगित करण्याचा निर्णय घेतला. मात्र, प्रशासनाकडून ठोस कारवाई झाली नाही तर पुन्हा तीव्र आंदोलन छेडण्याचा इशाराही यावेळी देण्यात आला. सदर प्रकरणामुळे महानगरपालिकेतील करारप्रक्रिया व व्यायामशाळा व्यवस्थापनातील पारदर्शकतेचा मुद्दा पुन्हा एकदा चर्चेत आला असून पुढील काही दिवसांत प्रशासन कोणती भूमिका घेते याकडे नागरिकांचे लक्ष लागले आहे.

क्राईम महाराष्ट्र लाईव्ह न्यूज

हवेली, पुणे, महाराष्ट्र•

4 hrs ago

व्यायामशाळा भ्रष्टाचार व अनधिकृत करारनामा प्रकरण : आयुक्तांच्या आश्वासनानंतर आंदोलन तात्पुरते स्थगित व्यायामशाळा भ्रष्टाचार व अनधिकृत करारनामा प्रकरण : आयुक्तांच्या आश्वासनानंतर आंदोलन तात्पुरते स्थगित पुणे : पुणे महानगरपालिकेतील व्यायामशाळा भ्रष्टाचार व अनधिकृत करारनामा प्रकरणी सुरू असलेले आंदोलन प्रशासनाच्या आश्वासनानंतर तात्पुरते स्थगित करण्यात आले आहे. संबंधित प्रकरणाची गंभीर दखल घेत पुणे महानगरपालिका आयुक्त कार्यालयाकडून पुढील काही दिवसांत सखोल चौकशी करून योग्य ती कारवाई करण्यात येईल, असे आश्वासन आंदोलनकर्त्यांना देण्यात आले. व्यायामशाळा संचालन व करारनाम्यांमध्ये झालेल्या कथित भ्रष्टाचाराविरोधात आंदोलनकर्त्यांनी उपोषण आंदोलन सुरू केले होते. या आंदोलनामुळे महानगरपालिकेच्या कारभारावर प्रश्नचिन्ह उपस्थित झाले होते. दरम्यान, आंदोलनाची दखल घेत प्रशासनाने आंदोलनकर्त्यांशी चर्चा करून कारवाईचे आश्वासन दिल्यानंतर उपोषण मागे घेण्यात आले. या प्रसंगी काँग्रेसचे पुणे महानगरपालिकेतील गटनेते चंदू शेठ कदम, काँग्रेसचे शहराध्यक्ष अरविंद शिंदे, माजी महापौर प्रशांत दादा जगताप, स्वीकृत नगरसेवक सुनील शिंदे, प्रदेश सरचिटणीस भाऊसाहेब आजबे, नगरसेवक विशाल मलके, प्रवक्ते हनुमंत पवार, युवक काँग्रेसचे शहराध्यक्ष सौरभ अमराळे तसेच काँग्रेसचे पदाधिकारी आणि कार्यकर्ते उपस्थित होते. याचबरोबर पुणे महानगरपालिकेतील प्रशासकीय अधिकारीही चर्चेसाठी उपस्थित होते. आयुक्त कार्यालयाकडून योग्य चौकशी करून दोषींवर कारवाई करण्याचे आश्वासन मिळाल्याने आंदोलनकर्त्यांनी सध्या आंदोलन तात्पुरते स्थगित करण्याचा निर्णय घेतला. मात्र, प्रशासनाकडून ठोस कारवाई झाली नाही तर पुन्हा तीव्र आंदोलन छेडण्याचा इशाराही यावेळी देण्यात आला. सदर प्रकरणामुळे महानगरपालिकेतील करारप्रक्रिया व व्यायामशाळा व्यवस्थापनातील पारदर्शकतेचा मुद्दा पुन्हा एकदा चर्चेत आला असून पुढील काही दिवसांत प्रशासन कोणती भूमिका घेते याकडे नागरिकांचे लक्ष लागले आहे.