⚠️ 1992 पासून स्मशानभूमी व कब्रस्तान अतिक्रमणात; आंदेगावचा गंभीर प्रश्न, भूमिभिलेख विभागाची अनास्था उघड नांदेड जिल्ह्यातील हिमायतनगर तालुक्यातील मौजे आंदेगाव येथे हिंदू स्मशानभूमी व मुस्लिम कब्रस्तानाची जमीन गेल्या तीन दशकांपासून अतिक्रमणाखाली आहे. सुमारे 2400 लोकसंख्या असलेल्या गावाला आजही अंत्यविधीसाठी हक्काची, सुरक्षित जागा नाही, ही अत्यंत वेदनादायक व लाजिरवाणी बाब आहे. विशेष म्हणजे, ही जमीन गावाच्या हितासाठी त्याच कुटुंबाने 1992 मध्ये दान केली होती. मात्र आज दुर्दैव असे की, त्या कुटुंबालाच व संपूर्ण गावालाच बेवारस जागेत अंत्यसंस्कार करावे लागत आहेत. माननीय जिल्हाधिकारी व तहसीलदार यांचे अतिक्रमण हटविण्याचे स्पष्ट आदेश असूनही प्रत्यक्ष अंमलबजावणी होत नसल्याने ग्रामस्थांमध्ये तीव्र संताप व्यक्त होत आहे. भूमिअभिलेख विभागाने तीन वेळा मोजणी करूनही अचूक अतिक्रमण काढून न देणे ही गंभीर प्रशासनिक दिरंगाई असून, यामुळे ग्रामस्थांना मूलभूत मानवी हक्कापासून वंचित राहावे लागत आहे. 👉 मृतालाही सन्मानाने अंत्यविधी करण्याचा अधिकार मिळावा, यासाठी 👉 अतिक्रमण तात्काळ हटवून स्मशानभूमी व कब्रस्तानाचा ताबा द्यावा, अशी जोरदार मागणी आंदेगाव ग्रामस्थांकडून करण्यात येत आहे. #आंदेगाव #स्मशानभूमी_अतिक्रमण #कब्रस्तान_प्रश्न #जनहिताचा_मुद्दा #मानवी_हक्क #प्रशासन_जागे_व्हा #हिमायतनगर #नांदेड https://www.instagram.com/reel/DSRHdK_Ejjm/?igsh=MW91Z3Z3YnU2ejBicw==

NNL Marathi

Journalist Nanded•

5 hrs ago