కొంగరకలాన్‌లోని రంగారెడ్డి జిల్లా కలెక్టరేట్‌లో జరిగిన మహిళా వారోత్సవాల్లో పంచాయతీరాజ్, గ్రామీణాభివృద్ధి, మహిళా శిశు సంక్షేమ శాఖ మంత్రి డా. ధనసరి అనసూయ సీతక్క పలు కార్యక్రమాల్లో ముఖ్య అతిథిగా పాల్గొన్నారు. ఈ సందర్భంగా స్నేహ సంఘాల మాక్ పార్లమెంట్, "అమ్మకు అక్షరమాల" కార్యక్రమం, అంగన్వాడీ యూనిఫార్ముల పంపిణీ కార్యక్రమాలను నిర్వహించారు. అంగన్వాడీల బలోపేతం నుంచి బాలికల సాధికారత వరకు ప్రజా ప్రభుత్వం సమగ్ర కార్యాచరణను అమలు చేస్తోందని మంత్రి స్పష్టం చేశారు. మంత్రి సీతక్క మాట్లాడుతూ, చదువు ప్రపంచాన్ని, జీవితాన్ని మార్చే శక్తి అని, జీవితంలో అన్నీ కోల్పోయినా చదువు ఉంటే తిరిగి నిలబడగలుగుతామని పేర్కొన్నారు. బాలికలు కార్పొరేటర్లు, మేయర్లు, ఎమ్మెల్యేలు, ఎంపీలు కావాలనే లక్ష్యంతో ముందుకు సాగాలని పిలుపునిచ్చారు. విద్యతో పాటు సంస్కారం కూడా ముఖ్యమని, తల్లిదండ్రులను, గురువులను గౌరవించడం, సమాజంతో మమేకం కావడం, బాధ్యతాయుత పౌరులుగా ఎదగడం అవసరమని సూచించారు. మొబైల్ ఫోన్‌లను విద్య, వ్యక్తిత్వ వికాసం, నైపుణ్యాల అభివృద్ధికి వినియోగించుకోవాలని కోరారు. పెళ్లి అయినా, వృద్ధాప్యం వచ్చినా తోడుండేది చదువు, విజ్ఞానం మాత్రమేనని, ప్రతి బాలిక ఒక లక్ష్యాన్ని నిర్దేశించుకుని సాధించే దిశగా కృషి చేయాలని సూచించారు. స్నేహ సంఘాల ద్వారా రాష్ట్రవ్యాప్తంగా లక్ష మంది టీనేజీ బాలికలను పదివేలకు పైగా గ్రూపులుగా ఏర్పాటుచేసి భద్రత, ఆరోగ్యం, పోషకాహారం, విద్య, సాధికారత అంశాలపై ప్రత్యేక కార్యక్రమాలు నిర్వహిస్తున్నట్లు మంత్రి వివరించారు. స్నేహ సంఘాల మాక్ పార్లమెంట్‌లో బాలికలు విద్య, ఆరోగ్యం, సైబర్ భద్రత, రవాణా, పాఠశాల మౌలిక వసతులు, మహిళా ఉపాధ్యాయుల నియామకం, సానిటరీ నాప్‌కిన్ల పంపిణీ తదితర అంశాలపై ప్రశ్నలు అడగ్గా, సంబంధిత అధికారులు ప్రభుత్వ పథకాలపై సమాధానాలిచ్చారు. అంగన్వాడీ యూనిఫార్ముల పంపిణీ సందర్భంగా మాట్లాడుతూ, 1975లో నాటి ప్రధాని ఇందిరాగాంధీ చిన్నారులకు పోషకాహారం అందించే లక్ష్యంతో మహబూబ్‌నగర్ నుంచే ఐసిడిఎస్ సేవలకు బీజం వేశారని గుర్తు చేశారు. ముఖ్యమంత్రి రేవంత్ రెడ్డి నాయకత్వంలోని ప్రజా ప్రభుత్వం అంగన్వాడీ సేవలను దేశానికే ఆదర్శంగా తీర్చిదిద్దుతోందన్నారు. గర్భధారణ దశ నుంచి మూడేళ్ల వయస్సు వరకు పిల్లల పోషకాహార అవసరాలను దృష్టిలో ఉంచుకుని అంగన్వాడీ కేంద్రాలను మరింత బలోపేతం చేస్తున్నామని, గతంలో లేని యూనిఫార్ములను ప్రస్తుతం అందిస్తున్నామని తెలిపారు. అలాగే, 57 రకాల విద్యా, ఆట వస్తువులను పంపిణీ చేయడంతో పాటు, "తొలి ముద్ద" కార్యక్రమం ద్వారా అల్పాహారం, పాలు, గుడ్లు, పోషకాహారం అందిస్తున్నామని వివరించారు. ప్రైవేట్ నర్సరీల్లో అన్నం, పాలు, గుడ్లు ఇవ్వరని, కానీ ప్రభుత్వ అంగన్వాడీల్లో పిల్లల సమగ్ర అభివృద్ధికి అవసరమైన అన్ని సౌకర్యాలు కల్పిస్తున్నామని, "ప్రైవేటు బడి వద్దు.. అంగన్వాడి ముద్దు" అని మంత్రి స్పష్టం చేశారు. అంగన్వాడీ విద్య పూర్తి చేసుకుని మొదటి తరగతిలో చేరుతున్న చిన్నారులకు మంత్రి విద్యారంభ ధ్రువపత్రాలను అందజేశారు. "అమ్మకు అక్షరమాల" కార్యక్రమం ద్వారా లక్షలాది మంది మహిళలు చదవడం, రాయడం నేర్చుకుని వేలిముద్రకు బదులుగా సంతకం చేసే స్థాయికి చేరుకున్నారని అధికారులు వెల్లడించారు. ఈ కార్యక్రమంలో చేవెళ్ల ఎమ్మెల్యే కాలే యాదయ్య, మహిళా కమిషన్ సభ్యురాలు సదాలక్ష్మి, మహిళా శిశు సంక్షేమ శాఖ కార్యదర్శి అనిత రామచంద్రన్, శాఖ డైరెక్టర్ శృతి ఓజా, పంచాయతీరాజ్ కమిషనర్ మరియు సెర్ప్ సీఈఓ దివ్య దేవరాజన్, రంగారెడ్డి జిల్లా కలెక్టర్ నారాయణరెడ్డి, అడిషనల్ కలెక్టర్ కిరణ్మయి, ఇతర జిల్లా అధికారులు, స్నేహ సంఘాల సభ్యులు, అంగన్వాడీ సిబ్బంది పాల్గొన్నారు. సెర్ప్ సీఈఓ దివ్య దేవరాజన్ మాట్లాడుతూ, ప్రతిపక్షంలో ఉన్నప్పుడు కూడా మంత్రి సీతక్క అసెంబ్లీలో చేసిన చర్చలు అధికారులను ఆలోచింపజేసేవని, గ్రామస్థాయిలో బాలికలు తమ సమస్యలను ధైర్యంగా వ్యక్తపరిచే వేదికగా స్నేహ సంఘాలు నిలుస్తున్నాయని ప్రశంసించారు.

Chunchu Ramesh

Insurance Agent ములుగు, ములుగు, తెలంగాణ•

9 hrs ago

కొంగరకలాన్‌లోని రంగారెడ్డి జిల్లా కలెక్టరేట్‌లో జరిగిన మహిళా వారోత్సవాల్లో పంచాయతీరాజ్, గ్రామీణాభివృద్ధి, మహిళా శిశు సంక్షేమ శాఖ మంత్రి డా. ధనసరి అనసూయ సీతక్క పలు కార్యక్రమాల్లో ముఖ్య అతిథిగా పాల్గొన్నారు. ఈ సందర్భంగా స్నేహ సంఘాల మాక్ పార్లమెంట్, "అమ్మకు అక్షరమాల" కార్యక్రమం, అంగన్వాడీ యూనిఫార్ముల పంపిణీ కార్యక్రమాలను నిర్వహించారు. అంగన్వాడీల బలోపేతం నుంచి బాలికల సాధికారత వరకు ప్రజా ప్రభుత్వం సమగ్ర కార్యాచరణను అమలు చేస్తోందని మంత్రి స్పష్టం చేశారు. మంత్రి సీతక్క మాట్లాడుతూ, చదువు ప్రపంచాన్ని, జీవితాన్ని మార్చే శక్తి అని, జీవితంలో అన్నీ కోల్పోయినా చదువు ఉంటే తిరిగి నిలబడగలుగుతామని పేర్కొన్నారు. బాలికలు కార్పొరేటర్లు, మేయర్లు, ఎమ్మెల్యేలు, ఎంపీలు కావాలనే లక్ష్యంతో ముందుకు సాగాలని పిలుపునిచ్చారు. విద్యతో పాటు సంస్కారం కూడా ముఖ్యమని, తల్లిదండ్రులను, గురువులను గౌరవించడం, సమాజంతో మమేకం కావడం, బాధ్యతాయుత పౌరులుగా ఎదగడం అవసరమని సూచించారు. మొబైల్ ఫోన్‌లను విద్య, వ్యక్తిత్వ వికాసం, నైపుణ్యాల అభివృద్ధికి వినియోగించుకోవాలని కోరారు. పెళ్లి అయినా, వృద్ధాప్యం వచ్చినా తోడుండేది చదువు, విజ్ఞానం మాత్రమేనని, ప్రతి బాలిక ఒక లక్ష్యాన్ని నిర్దేశించుకుని సాధించే దిశగా కృషి చేయాలని సూచించారు. స్నేహ సంఘాల ద్వారా రాష్ట్రవ్యాప్తంగా లక్ష మంది టీనేజీ బాలికలను పదివేలకు పైగా గ్రూపులుగా ఏర్పాటుచేసి భద్రత, ఆరోగ్యం, పోషకాహారం, విద్య, సాధికారత అంశాలపై ప్రత్యేక కార్యక్రమాలు నిర్వహిస్తున్నట్లు మంత్రి వివరించారు. స్నేహ సంఘాల మాక్ పార్లమెంట్‌లో బాలికలు విద్య, ఆరోగ్యం, సైబర్ భద్రత, రవాణా, పాఠశాల మౌలిక వసతులు, మహిళా ఉపాధ్యాయుల నియామకం, సానిటరీ నాప్‌కిన్ల పంపిణీ తదితర అంశాలపై ప్రశ్నలు అడగ్గా, సంబంధిత అధికారులు ప్రభుత్వ పథకాలపై సమాధానాలిచ్చారు. అంగన్వాడీ యూనిఫార్ముల పంపిణీ సందర్భంగా మాట్లాడుతూ, 1975లో నాటి ప్రధాని ఇందిరాగాంధీ చిన్నారులకు పోషకాహారం అందించే లక్ష్యంతో మహబూబ్‌నగర్ నుంచే ఐసిడిఎస్ సేవలకు బీజం వేశారని గుర్తు చేశారు. ముఖ్యమంత్రి రేవంత్ రెడ్డి నాయకత్వంలోని ప్రజా ప్రభుత్వం అంగన్వాడీ సేవలను దేశానికే ఆదర్శంగా తీర్చిదిద్దుతోందన్నారు. గర్భధారణ దశ నుంచి మూడేళ్ల వయస్సు వరకు పిల్లల పోషకాహార అవసరాలను దృష్టిలో ఉంచుకుని అంగన్వాడీ కేంద్రాలను మరింత బలోపేతం చేస్తున్నామని, గతంలో లేని యూనిఫార్ములను ప్రస్తుతం అందిస్తున్నామని తెలిపారు. అలాగే, 57 రకాల విద్యా, ఆట వస్తువులను పంపిణీ చేయడంతో పాటు, "తొలి ముద్ద" కార్యక్రమం ద్వారా అల్పాహారం, పాలు, గుడ్లు, పోషకాహారం అందిస్తున్నామని వివరించారు. ప్రైవేట్ నర్సరీల్లో అన్నం, పాలు, గుడ్లు ఇవ్వరని, కానీ ప్రభుత్వ అంగన్వాడీల్లో పిల్లల సమగ్ర అభివృద్ధికి అవసరమైన అన్ని సౌకర్యాలు కల్పిస్తున్నామని, "ప్రైవేటు బడి వద్దు.. అంగన్వాడి ముద్దు" అని మంత్రి స్పష్టం చేశారు. అంగన్వాడీ విద్య పూర్తి చేసుకుని మొదటి తరగతిలో చేరుతున్న చిన్నారులకు మంత్రి విద్యారంభ ధ్రువపత్రాలను అందజేశారు. "అమ్మకు అక్షరమాల" కార్యక్రమం ద్వారా లక్షలాది మంది మహిళలు చదవడం, రాయడం నేర్చుకుని వేలిముద్రకు బదులుగా సంతకం చేసే స్థాయికి చేరుకున్నారని అధికారులు వెల్లడించారు. ఈ కార్యక్రమంలో చేవెళ్ల ఎమ్మెల్యే కాలే యాదయ్య, మహిళా కమిషన్ సభ్యురాలు సదాలక్ష్మి, మహిళా శిశు సంక్షేమ శాఖ కార్యదర్శి అనిత రామచంద్రన్, శాఖ డైరెక్టర్ శృతి ఓజా, పంచాయతీరాజ్ కమిషనర్ మరియు సెర్ప్ సీఈఓ దివ్య దేవరాజన్, రంగారెడ్డి జిల్లా కలెక్టర్ నారాయణరెడ్డి, అడిషనల్ కలెక్టర్ కిరణ్మయి, ఇతర జిల్లా అధికారులు, స్నేహ సంఘాల సభ్యులు, అంగన్వాడీ సిబ్బంది పాల్గొన్నారు. సెర్ప్ సీఈఓ దివ్య దేవరాజన్ మాట్లాడుతూ, ప్రతిపక్షంలో ఉన్నప్పుడు కూడా మంత్రి సీతక్క అసెంబ్లీలో చేసిన చర్చలు అధికారులను ఆలోచింపజేసేవని, గ్రామస్థాయిలో బాలికలు తమ సమస్యలను ధైర్యంగా వ్యక్తపరిచే వేదికగా స్నేహ సంఘాలు నిలుస్తున్నాయని ప్రశంసించారు.