देशात कृत्रिम बुद्धीमत्ता, क्लाऊड कॉप्युटिंग, फिनटेक आणि डिजिटल सेवांच्या विस्तारामुळे डेटा सेंटरची मागणी वेगाने वाढत आहे. अशातच आतापर्यंत मुंबई, ठाणे आणि पुण्याचे वर्चस्व असलेल्या या क्षेत्रात नाशिक शहर देखील वेगाने पुढे येत आहे. नाशिकमध्ये सध्या ३४० लहान-मोठ्या आयटी कंपन्या कार्यरत असून, तब्बल २६ आयटी कंपन्या येथे डेटा सेंटर उभारण्यास उत्सुक आहेत. यातच 'लुमिव्हर्स सोल्युशन प्रा. लि.' आणि 'महिंद्रा आयटी पार्क' यांच्यावतीने पहिल्या टप्प्यात ३० कोटींची गुंतवणूक करण्यात आली असून, पुढील पाच वर्षांत ही गुंतवणूक तब्बल २०० कोटींपर्यंत नेली जाणार आहे. नाशिकला डेटा सेंटरचे हब बनवण्यासाठी एमआयडीसीकडून राजूर बहुला येथे आयटी पार्कसाठी २५ एकर जागा उपलब्ध करून देण्यात आली असून, महावितरणकडून डिसेंबर २०२६ पर्यंत ४०० केव्हीचे सबस्टेशन उभारले जाणार आहे. तसेच डेटा सेंटरसाठी लागणारी उपकरणे तयार करणाऱ्या लेग्रंडसारख्या जागतिक कंपनीचे नाशिकमधील उत्पादन आणि सिंहस्थच्या पार्श्वभूमीवर तयार होणारे इन्फ्रास्ट्रक्चर नाशिकला फायदेशीर ठरत आहे. मुंबईच्या तुलनेत स्वस्त जमीन, कमी तापमानामुळे कूलिंग खर्चात होणारी संभाव्य बचत, समृद्धी महामार्ग, मुंबई-आग्रा महामार्ग आणि २२ अभियांत्रिकी महाविद्यालयांमधून मिळणारे कुशल मनुष्यबळ यामुळे नाशिक गुंतवणूकदारांसाठी मुख्य आकर्षण बनले आहे. नाशिक आयटी असोसिएशन अर्थात 'निटा'कडे दिल्ली, मुंबई, पुणे, बेंगळुरूसह देशातील २६ नामांकित कंपन्यांनी डेटा सेंटर उभारण्यास उत्सुकता दाखवली आहे. निटाचे अध्यक्ष अमर ठाकरे यांच्या मते, विदेशी आयटी कंपन्या अहमदाबादऐवजी नाशिकमध्ये त्यांचे सेकंड ऑफिस सुरू करण्यास उत्सुक असून शासनाने वीज आणि भूखंडांवर पुरेशी सबसिडी द्यायला हवी. दरम्यान, नाशिकला डेटा बेस करण्यासाठी 'निमा'चे अध्यक्ष आशिष नहार यांनी ऑगस्टमध्ये राज्यव्यापी 'आयटी कॉनक्लेव्ह' आयोजित करण्याची घोषणा केली असून, यात देशभरातील २०० हून अधिक शिष्टमंडळ उपस्थित राहणार आहेत.

Dadasaheb Gaikwad

Nashik, Maharashtra•

4 hrs ago

देशात कृत्रिम बुद्धीमत्ता, क्लाऊड कॉप्युटिंग, फिनटेक आणि डिजिटल सेवांच्या विस्तारामुळे डेटा सेंटरची मागणी वेगाने वाढत आहे. अशातच आतापर्यंत मुंबई, ठाणे आणि पुण्याचे वर्चस्व असलेल्या या क्षेत्रात नाशिक शहर देखील वेगाने पुढे येत आहे. नाशिकमध्ये सध्या ३४० लहान-मोठ्या आयटी कंपन्या कार्यरत असून, तब्बल २६ आयटी कंपन्या येथे डेटा सेंटर उभारण्यास उत्सुक आहेत. यातच 'लुमिव्हर्स सोल्युशन प्रा. लि.' आणि 'महिंद्रा आयटी पार्क' यांच्यावतीने पहिल्या टप्प्यात ३० कोटींची गुंतवणूक करण्यात आली असून, पुढील पाच वर्षांत ही गुंतवणूक तब्बल २०० कोटींपर्यंत नेली जाणार आहे. नाशिकला डेटा सेंटरचे हब बनवण्यासाठी एमआयडीसीकडून राजूर बहुला येथे आयटी पार्कसाठी २५ एकर जागा उपलब्ध करून देण्यात आली असून, महावितरणकडून डिसेंबर २०२६ पर्यंत ४०० केव्हीचे सबस्टेशन उभारले जाणार आहे. तसेच डेटा सेंटरसाठी लागणारी उपकरणे तयार करणाऱ्या लेग्रंडसारख्या जागतिक कंपनीचे नाशिकमधील उत्पादन आणि सिंहस्थच्या पार्श्वभूमीवर तयार होणारे इन्फ्रास्ट्रक्चर नाशिकला फायदेशीर ठरत आहे. मुंबईच्या तुलनेत स्वस्त जमीन, कमी तापमानामुळे कूलिंग खर्चात होणारी संभाव्य बचत, समृद्धी महामार्ग, मुंबई-आग्रा महामार्ग आणि २२ अभियांत्रिकी महाविद्यालयांमधून मिळणारे कुशल मनुष्यबळ यामुळे नाशिक गुंतवणूकदारांसाठी मुख्य आकर्षण बनले आहे. नाशिक आयटी असोसिएशन अर्थात 'निटा'कडे दिल्ली, मुंबई, पुणे, बेंगळुरूसह देशातील २६ नामांकित कंपन्यांनी डेटा सेंटर उभारण्यास उत्सुकता दाखवली आहे. निटाचे अध्यक्ष अमर ठाकरे यांच्या मते, विदेशी आयटी कंपन्या अहमदाबादऐवजी नाशिकमध्ये त्यांचे सेकंड ऑफिस सुरू करण्यास उत्सुक असून शासनाने वीज आणि भूखंडांवर पुरेशी सबसिडी द्यायला हवी. दरम्यान, नाशिकला डेटा बेस करण्यासाठी 'निमा'चे अध्यक्ष आशिष नहार यांनी ऑगस्टमध्ये राज्यव्यापी 'आयटी कॉनक्लेव्ह' आयोजित करण्याची घोषणा केली असून, यात देशभरातील २०० हून अधिक शिष्टमंडळ उपस्थित राहणार आहेत.