సికింద్రాబాద్‌లోని పెరేడ్ గ్రౌండ్‌లో ప్రధాని నరేంద్ర మోడీ బహిరంగ సభకు కోహెడ మండలం, తీగలకుంటపల్లి గ్రామం నుండి బీజేపీ శ్రేణులు భారీగా తరలివెళ్లారు. కార్యకర్తల తరలింపు కోసం ప్రత్యేక బస్సులు ఏర్పాటు చేయగా, వారు ఉత్సాహంగా సభకు బయలుదేరారు. దేశాభివృద్ధి, సంక్షేమ పథకాలపై ప్రధాని ప్రసంగం ప్రజలకు దిశానిర్దేశం చేస్తుందని నాయకులు ఆశాభావం వ్యక్తం చేశారు.

కొండగట్టు అంజన్నకు ప్రభుత్వం తరఫున పట్టువస్త్రాలు సమర్పించిన ఎమ్మెల్యే మేడిపల్లి సత్యం...భక్తుల రద్దీతో ఆర్జిత సేవలు రద్దుచేసిన ఆలయ అధికారులు జగిత్యాల జిల్లాలో ప్రసిద్ధ పుణ్యక్షేత్రం కొండగట్టు శ్రీ ఆంజనేయ స్వామి జయంతి ఉత్సవాల సందర్భంగా ఆలయానికి భక్తులు పోటెత్తారు. అంజన్న సన్నిధిలో పెద్ద హనుమాన్ జయంతి ఉత్సవాలు వైభవంగా ప్రారంభమయ్యాయి. నిన్న సాయంత్రం యాగశాల శుద్ధి, పుణ్యాహవచనం, అంకురార్పణ, అఖండ దీపస్థాపన కార్యక్రమాలను వేద మంత్రోచ్ఛారణల నడుమ ఘనంగా నిర్వహించారు. ఈరోజు భద్రాచలం సీతారామచంద్ర స్వామి దేవస్థానం నుంచి శేష వస్త్రాలు, అక్షింతలు కొండగట్టుకు చేరుకోగా, ప్రభుత్వం తరఫున మేడిపల్లి సత్యం ప్రత్యేకంగా హాజరై స్వామివారికి పట్టు వస్త్రాలు సమర్పించారు. ఎమ్మెల్యే భక్తుల రాకతో ఆలయ ప్రాంగణం ఉత్సాహభరితంగా మారింది. కళాబృందాలు, మంగళవాయిద్యాలు, భజనల నడుమ ఎమ్మెల్యేకు ఆలయ అధికారులు, అర్చకులు ఘన స్వాగతం పలికారు. అనంతరం ఎదుర్కోలు కార్యక్రమాల మధ్య ఉత్సవమూర్తులను ప్రతిష్టించి జయంతి వేడుకలను ఘనంగా ప్రారంభించారు. పెద్ద హనుమాన్ జయంతి ఉత్సవాల సందర్భంగా భారీగా భక్తులు తరలివస్తుండటంతో కొండగట్టు ఆలయం భక్తిజన సందోహంతో కళకళలాడుతోంది. భక్తుల రద్దీతో ఆర్జిత సేవలను రద్దు చేసి నిరంతరాయంగా భక్తులకు దర్శనం కల్పిస్తున్నారు.

*పరేడ్ గ్రౌండ్ లో బండి సంజయ్ మేనియా బండి సంజయ్ వేదికపైకి రాగానే దద్దరిల్లిన పరేడ్ గ్రౌండ్* *జై శ్రీరాం నినాదాలతో మారుమోగిన పరేడ్ గ్రౌండ్* *సంజయ్ ప్రసంగానికి కార్యకర్తలు ఫిదా* పరేడ్ గ్రౌండ్ లో ఇద్దరు నేతలు స్పెషల్ అట్రాక్షన్ గా నిలిచారు. ఒకరు ప్రధానమంత్రి నరేంద్రమోదీ కాగా.. ఇంకొకరు కేంద్ర హోంశాఖ సహాయ మంత్రి బండి సంజయ్ కుమార్. ప్రధాని మోదీ పరేడ్ గ్రౌండ్ కు రాకకు 45 నిమిషాల ముందే బండి సంజయ్ పరేడ్ గ్రౌండ్ కు విచ్చేశారు. అప్పటికే పరేడ్ మైదానమంతా పూర్తిగా జన సంద్రమైంది. వేదికపై మహామహులంతా ఉన్నారు. బండి సంజయ్ సభా వేదికపై రాగానే ఒక్కసారిగా సభలోని వేలాది మంది కార్యకర్తల్లో ఒక్కసారిగా జోష్ నెలకొంది. ఈలలు, కేరింతలు, చప్పట్లతో విజిల్స్ వేస్తూ జై మోదీ.. జై బండి అంటూ నినదాలు చేయడంలో పరేడ్ మైదానమంతా మారుమోగిపోయింది. ఇక బండి సంజయ్ ప్రసంగం సైతం కార్యకర్తలను ఆకట్టుకుంది. జై శ్రీరాం నినాదంవల్ల తెలంగాణకు డబ్బులు రావడమే కాదు, కాంగ్రెస్, బీఆర్ఎస్ గుండెల్లో రాళ్లు పడుతున్నాయంటూ చేసిన వ్యాఖ్యలతో పరేడ్ మైదానం మరోసారి దద్దరిల్లింది. నేను ఏనాడు బీజేపీకి తలవంపులు తేను... మీ తాటాకు చప్పళ్లకు భయపడేటోడిని కాదు. భయపెడితే భయపడటానికి మీ ఫాంహౌజ్ లో ఎలుకను కాదు.. అయ్యపేరు చెప్పి, ఆస్తులకు కూడగట్టుకునేటోడిని కాదు. ధర్మం కోసం పనిచేసే కాషాయ కార్యకర్తను. కాషాయ జెండా మోస్తున్న మోదీ సైనికుడిని.’’అంటూ చేసిన ప్రసంగంతో పరేడ్ మైదానమంతా పులకించిపోయింది.

టీవీకే అధినేత విజయ్ తమిళనాడు ముఖ్యమంత్రిగా ప్రమాణ స్వీకారం చేశారు. ఇది రాష్ట్ర రాజకీయాల్లో కొత్త శకానికి నాంది పలికింది. ఆయన పాలనపై దేశవ్యాప్తంగా ఉత్కంఠ నెలకొంది.

హనుమకొండలోని కేయూ జంక్షన్ వద్ద ట్రాఫిక్ పోలీస్, మరో ఇద్దరు వ్యక్తులు కలిసి ఓ లారీ డ్రైవర్‌ను తీవ్రంగా కొట్టారు. ఈ సంఘటన స్థానికులను దిగ్భ్రాంతికి గురిచేసింది, పోలీస్ ప్రవర్తనపై విమర్శలు వెల్లువెత్తాయి.

Post by Mana Velugu

యాదగిరిగుట్ట లక్ష్మీనరసింహస్వామి దేవస్థానం ఆదివారం ఆదాయం యాదగిరిగుట్ట శ్రీ లక్ష్మీనరసింహ స్వామి ఆదివారం ఆదాయ వివరాలు ఇలా ఉన్నాయి. అందులో ప్రసాద విక్రయాలతో రూ.16,83,760, VIP దర్శనాలతో రూ.9,29,700, కార్ పార్కింగ్తో రూ.7,27,500, బ్రేక్ దర్శనాలతో రూ.4,21,500, ప్రధాన బుకింగ్తో రూ.3,57,950, వ్రతాలతో రూ.2,79,000, యాదరుషి నిలయం రూ.2,71,150, తదితర విభాగాల నుంచి మొత్తం రూ.51,80,379 ఆదాయం సమకూరినట్లు ఈవో భవాని శంకర్ తెలిపారు.

సిద్దిపేట జిల్లా బెజ్జంకి మండల కేంద్రంలో హనుమాన్ మాలధారణ భక్తులు ఆదివారం ఘనంగా హోమం నిర్వహించారు. శ్రీ లక్ష్మీనృసింహస్వామి ఆలయం సమీపంలో వేద పండితుల ఆధ్వర్యంలో పూజలు, హారతులు జరిగాయి. గ్రామంలో శాంతి, శ్రేయస్సు కోరుతూ బెజ్జంకి, పరిసర గ్రామాల నుండి పెద్ద సంఖ్యలో భక్తులు హాజరయ్యారు.

మాజీ మంత్రి జీవన్ రెడ్డి తెలంగాణ కాంగ్రెస్ ప్రభుత్వంపై తీవ్ర స్థాయిలో విరుచుకుపడ్డారు. అధికారంలోకి వస్తే బెల్ట్ షాపులను నియంత్రిస్తామని ఇచ్చిన హామీ గల్లంతైందని, ఇప్పుడు అవి రెట్టింపు అయ్యాయని ఆరోపించారు. కిరాణం షాపుల్లోనూ మద్యం దొరుకుతోందని ఆందోళన వ్యక్తం చేస్తూ, ప్రభుత్వ నిర్లక్ష్యాన్ని ప్రశ్నించారు.

ప్రపంచం మొత్తం నిన్ను తక్కువ అంచనా వేసినప్పుడు కూడా, ఓ చిన్న తాబేలు అద్భుత విజయం ఎలా సాధించిందో తెలుసుకోండి. పట్టుదల, ఆత్మవిశ్వాసం ఉంటే ఎలాంటి అసాధ్యాన్ని అయినా సుసాధ్యం చేయవచ్చని ఈ స్ఫూర్తిదాయక కథ నిరూపిస్తుంది.