കോഴിക്കോട് കരിപ്പൂർ അന്താരാഷ്ട്ര വിമാനത്താവളത്തിലേക്കുള്ള യാത്ര സുഗമമാക്കുന്നതിനായി പുതിയ വികസന പദ്ധതിയുമായി ദേശീയപാതാ അതോറിറ്റി രംഗത്ത്. രാമനാട്ടുകര മുതൽ വിമാനത്താവളത്തിന് സമീപമുള്ള കൊളത്തൂർ വരെ എലിവേറ്റഡ് ഹൈവേ അഥവാ ആകാശപാത നിർമിക്കാനുള്ള സാധ്യതകളാണ് നിലവിൽ പരിശോധിക്കുന്നത്. നിലവിലെ കോഴിക്കോട് - പാലക്കാട് ദേശീയപാതയായ എൻഎച്ച് 966-ന് മുകളിലൂടെ നാലുവരിപ്പാതയായാണ് ഈ ഉയരപ്പാത വിഭാവനം ചെയ്തിരിക്കുന്നത്. പദ്ധതിയുടെ വിശദമായ പദ്ധതിരേഖ (DPR) തയ്യാറാക്കുന്നതിന്റെ ഭാഗമായുള്ള പ്രാഥമിക സാധ്യതാ പഠനമാണ് ഇപ്പോൾ നടക്കുന്നത്. നേരത്തെ രാമനാട്ടുകര - എയർപോർട്ട് റോഡ് 24 മീറ്ററായി വീതി കൂട്ടാൻ തീരുമാനിച്ചിരുന്നെങ്കിലും, ഇതിനായി 12 ഹെക്ടറോളം ഭൂമി ഏറ്റെടുക്കേണ്ടി വരുമായിരുന്നു. നഗരപ്രാന്ത മേഖലയിലെ ഭൂമി ഏറ്റെടുക്കലിന് വരുന്ന വൻ സാമ്പത്തിക ബാധ്യത കണക്കിലെടുത്ത് കേന്ദ്ര ഉപരിതല ഗതാഗത മന്ത്രി നിതിൻ ഗഡ്കരിയാണ് ആകാശപാത എന്ന നിർദ്ദേശം മുന്നോട്ടുവെച്ചത്. എലിവേറ്റഡ് പാത നിർമിക്കുന്നതോടെ ഭൂമി ഏറ്റെടുക്കലുമായി ബന്ധപ്പെട്ട പ്രതിസന്ധികൾ പൂർണ്ണമായും ഒഴിവാക്കാൻ സാധിക്കുമെന്നാണ് വിലയിരുത്തൽ. പൊതുമരാമത്ത് മന്ത്രി പി.എ. മുഹമ്മദ് റിയാസും നേരത്തെ പദ്ധതി റിപ്പോർട്ട് തയ്യാറാക്കാൻ ദേശീയപാതാ അതോറിറ്റിയെ ചുമതലപ്പെടുത്തിയ കാര്യം വ്യക്തമാക്കിയിരുന്നു. എൻഎച്ച് 66 ചേരുന്ന രാമനാട്ടുകര ബൈപാസ് ജങ്ഷൻ മുതൽ കൊണ്ടോട്ടി കൊളത്തൂർ വരെ 12 കിലോമീറ്റർ ദൈർഘ്യത്തിലാണ് 24 മീറ്റർ വീതിയുള്ള പാത ആസൂത്രണം ചെയ്യുന്നത്. പദ്ധതി യാഥാർത്ഥ്യമാകുന്നതോടെ എൻഎച്ച് 66 വഴി എത്തുന്നവർക്ക് രാമനാട്ടുകരയിൽ നിന്നും 10 മിനിറ്റിൽ താഴെ സമയം കൊണ്ട് കരിപ്പൂർ വിമാനത്താവളത്തിലെത്താൻ കഴിയും. പതിറ്റാണ്ടുകളായി കോഴിക്കോട്-മലപ്പുറം അതിർത്തിയിലുള്ള രൂക്ഷമായ ഗതാഗതക്കുരുക്കിന് ഈ പദ്ധതിയിലൂടെ ശാശ്വത പരിഹാരമാകുമെന്നാണ് പ്രതീക്ഷിക്കുന്നത്.

Ardhra Krishnan

ഏറനാട്, മലപ്പുറം, കേരളം•

9 hrs ago

കോഴിക്കോട് കരിപ്പൂർ അന്താരാഷ്ട്ര വിമാനത്താവളത്തിലേക്കുള്ള യാത്ര സുഗമമാക്കുന്നതിനായി പുതിയ വികസന പദ്ധതിയുമായി ദേശീയപാതാ അതോറിറ്റി രംഗത്ത്. രാമനാട്ടുകര മുതൽ വിമാനത്താവളത്തിന് സമീപമുള്ള കൊളത്തൂർ വരെ എലിവേറ്റഡ് ഹൈവേ അഥവാ ആകാശപാത നിർമിക്കാനുള്ള സാധ്യതകളാണ് നിലവിൽ പരിശോധിക്കുന്നത്. നിലവിലെ കോഴിക്കോട് - പാലക്കാട് ദേശീയപാതയായ എൻഎച്ച് 966-ന് മുകളിലൂടെ നാലുവരിപ്പാതയായാണ് ഈ ഉയരപ്പാത വിഭാവനം ചെയ്തിരിക്കുന്നത്. പദ്ധതിയുടെ വിശദമായ പദ്ധതിരേഖ (DPR) തയ്യാറാക്കുന്നതിന്റെ ഭാഗമായുള്ള പ്രാഥമിക സാധ്യതാ പഠനമാണ് ഇപ്പോൾ നടക്കുന്നത്. നേരത്തെ രാമനാട്ടുകര - എയർപോർട്ട് റോഡ് 24 മീറ്ററായി വീതി കൂട്ടാൻ തീരുമാനിച്ചിരുന്നെങ്കിലും, ഇതിനായി 12 ഹെക്ടറോളം ഭൂമി ഏറ്റെടുക്കേണ്ടി വരുമായിരുന്നു. നഗരപ്രാന്ത മേഖലയിലെ ഭൂമി ഏറ്റെടുക്കലിന് വരുന്ന വൻ സാമ്പത്തിക ബാധ്യത കണക്കിലെടുത്ത് കേന്ദ്ര ഉപരിതല ഗതാഗത മന്ത്രി നിതിൻ ഗഡ്കരിയാണ് ആകാശപാത എന്ന നിർദ്ദേശം മുന്നോട്ടുവെച്ചത്. എലിവേറ്റഡ് പാത നിർമിക്കുന്നതോടെ ഭൂമി ഏറ്റെടുക്കലുമായി ബന്ധപ്പെട്ട പ്രതിസന്ധികൾ പൂർണ്ണമായും ഒഴിവാക്കാൻ സാധിക്കുമെന്നാണ് വിലയിരുത്തൽ. പൊതുമരാമത്ത് മന്ത്രി പി.എ. മുഹമ്മദ് റിയാസും നേരത്തെ പദ്ധതി റിപ്പോർട്ട് തയ്യാറാക്കാൻ ദേശീയപാതാ അതോറിറ്റിയെ ചുമതലപ്പെടുത്തിയ കാര്യം വ്യക്തമാക്കിയിരുന്നു. എൻഎച്ച് 66 ചേരുന്ന രാമനാട്ടുകര ബൈപാസ് ജങ്ഷൻ മുതൽ കൊണ്ടോട്ടി കൊളത്തൂർ വരെ 12 കിലോമീറ്റർ ദൈർഘ്യത്തിലാണ് 24 മീറ്റർ വീതിയുള്ള പാത ആസൂത്രണം ചെയ്യുന്നത്. പദ്ധതി യാഥാർത്ഥ്യമാകുന്നതോടെ എൻഎച്ച് 66 വഴി എത്തുന്നവർക്ക് രാമനാട്ടുകരയിൽ നിന്നും 10 മിനിറ്റിൽ താഴെ സമയം കൊണ്ട് കരിപ്പൂർ വിമാനത്താവളത്തിലെത്താൻ കഴിയും. പതിറ്റാണ്ടുകളായി കോഴിക്കോട്-മലപ്പുറം അതിർത്തിയിലുള്ള രൂക്ഷമായ ഗതാഗതക്കുരുക്കിന് ഈ പദ്ധതിയിലൂടെ ശാശ്വത പരിഹാരമാകുമെന്നാണ് പ്രതീക്ഷിക്കുന്നത്.