ସୁଜାତା କାର୍ତ୍ତିକେୟନ ବିଜୁ ଜନତା ଦଳ (BJD) ରେ ଯୋଗ ଦେଇଛନ୍ତି। ଏହି ଅବସରରେ ସେ ନବୀନଙ୍କ ପାଦ ଛୁଇଁଥିବା ସୂଚନା ମିଳିଛି।

ବାସୁଦେବପୁର ବ୍ଲକ୍ ଅଫିସ୍ ପରିସରରେ ଚାଞ୍ଚଲ୍ୟ ସୃଷ୍ଟି ହୋଇଛି, ଯେଉଁଠାରେ ଏକ ମୋବାଇଲ୍ ଫୋନ୍ ଚୋରି କରି ଫେରାର ହେବାକୁ ଉଦ୍ୟମ କରୁଥିବା ଜଣେ ଚୋର ଶେଷରେ ଧରାପଡ଼ିଛି। ଚୋରି କରିବା ପରେ ନିଜକୁ ଲୁଚାଇବା ପାଇଁ ସେ ଏକ ସାରୁ ବୁଦା ମୂଳରେ ଲୁଚି ରହିଥିଲା। ତେବେ ସ୍ଥାନୀୟ ଲୋକଙ୍କ ସତର୍କତା ଓ ତତ୍ପରତା ଯୋଗୁଁ ତାର ଚାଲାକି ବେଶି ସମୟ ଧରି ତିଷ୍ଠି ପାରିଲା ନାହିଁ। ସନ୍ଦେହ ହେବା ପରେ ଖୋଜାଖୋଜି ଚଳାଇଥିବା ଲୋକମାନେ ଉକ୍ତ ବୁଦା ଭିତରୁ ଚୋରକୁ ଧରି ବାହାର କରିଥିଲେ। ଘଟଣାସ୍ଥଳରେ ଏହାକୁ ନେଇ ଉତ୍ତେଜନା ପ୍ରକାଶ ପାଇଥିଲା ଏବଂ ଏହି ଘଟଣାର ଭିଡିଓ ବର୍ତ୍ତମାନ ସୋସିଆଲ୍ ମିଡିଆରେ ଭାଇରାଲ୍ ହେଉଛି। ଏହି ପରିପ୍ରେକ୍ଷୀରେ, ସମସ୍ତଙ୍କୁ ସତର୍କ ରହିବା ସହ ନିଜ ମୋବାଇଲ୍ ଏବଂ ଅନ୍ୟାନ୍ୟ ମୂଲ୍ୟବାନ ସାମଗ୍ରୀର ସୁରକ୍ଷା ନିଜେ କରିବାକୁ ପରାମର୍ଶ ଦିଆଯାଇଛି।

ଗୃହରକ୍ଷୀ ପଦବୀ ପାଇଁ ହୋଇଥିବା ପରୀକ୍ଷାର ଫଳାଫଳ ପ୍ରକାଶନରେ ବିଳମ୍ବ ହେତୁ ଶତାଧିକ ଆବେଦନକାରୀ ଜିଲ୍ଲାପାଳଙ୍କ କାର୍ଯ୍ୟାଳୟରେ ପହଞ୍ଚିଛନ୍ତି।

ବାଲେଶ୍ୱର ପୌରାଞ୍ଚଳର ୧୫ ନମ୍ବର ୱାର୍ଡ ଅନ୍ତର୍ଗତ ଖପରାପଦା ଅଞ୍ଚଳରେ ନିର୍ମିତ ଡ୍ରେନେଜ୍ କାମ ଅତ୍ୟନ୍ତ ନିମ୍ନମାନର ହୋଇଥିବା ଅଭିଯୋଗ ହୋଇଛି। କାମ ସରିବାର ମାତ୍ର ୭ ଦିନ ମଧ୍ୟରେ ଡ୍ରେନେଜ୍‌ର ଅନେକ ସ୍ଥାନ ଭାଙ୍ଗି ପଡ଼ିଛି, ଯାହା କାର୍ଯ୍ୟରେ ବ୍ୟାପକ ଅନିୟମିତତାକୁ ସୂଚାଉଛି। ଏହି ଘଟଣାକୁ ନେଇ ସ୍ଥାନୀୟ ଲୋକେ ଏବଂ ୱାର୍ଡବାସୀଙ୍କ ମଧ୍ୟରେ ପ୍ରବଳ ଅସନ୍ତୋଷ ଦେଖାଦେଇଛି। ୱାର୍ଡବାସୀମାନେ ଏହି କାର୍ଯ୍ୟର ଗୁଣବତ୍ତା ଯାଞ୍ଚ କରି ଦୋଷୀ ବ୍ୟକ୍ତିଙ୍କ ବିରୋଧରେ ଦୃଢ଼ କାର୍ଯ୍ୟାନୁଷ୍ଠାନ ଗ୍ରହଣ କରିବାକୁ ଦାବି କରିଛନ୍ତି।

ବାଲେଶ୍ୱର ଜିଲ୍ଲାର ବସ୍ତା ଅଞ୍ଚଳରେ ଡକାୟତି ଯୋଜନା ପ୍ରସ୍ତୁତ କରୁଥିବା ବେଳେ ପୋଲିସ ଚଢଉ କରିଛି। ଏହି କାର୍ଯ୍ୟାନୁଷ୍ଠାନରେ ତିନିଜଣ ଡକାୟତଙ୍କୁ ଗିରଫ କରାଯିବା ସହ ସେମାନଙ୍କ ନିକଟରୁ ଦୁଇଟି ବନ୍ଧୁକ, ଦଶଟି ଅଫୂଟା ଗୁଳି ଏବଂ ଗୋଟିଏ କାର ଜବତ ହୋଇଛି।

ଚମ୍ପୁଆଠାରେ ଝାଡ଼ଖଣ୍ଡୀ ବାବା ଭାବେ ପ୍ରସିଦ୍ଧ ଜଣେ ମୌଲାନାଙ୍କ ଏକ ପ୍ରବଚନ କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା। ଏହି ଜଲସା କାର୍ଯ୍ୟକ୍ରମରେ ଚମ୍ପୁଆ ପୋଲିସ ଆଇଆଇସି ଏବଂ ତାଙ୍କର ସମସ୍ତ ଦଳ ସାମିଲ ହୋଇ ଏହାକୁ ସଫଳ କରିବାରେ ସାହାଯ୍ୟ କରିଥିଲେ। ଏହା ସହିତ, ଅନେକ ବିଶିଷ୍ଟ ହିନ୍ଦୁ ଭାଇମାନେ ମଧ୍ୟ ଏହି କାର୍ଯ୍ୟକ୍ରମରେ ଯୋଗ ଦେଇଥିଲେ।

କେନ୍ଦୁଝର ସଦର ବ୍ଲକ ଅନ୍ତର୍ଗତ ନଈଗାଁ ଗ୍ରାମର ମହିଳା ଚାଷୀମାନେ ଆଧୁନିକ କୃଷି ପଦ୍ଧତିକୁ ଆପଣାଇ ଆତ୍ମନିର୍ଭରଶୀଳ ହେବା ଦିଗରେ ଆଗେଇ ଚାଲିଛନ୍ତି। ଆଇଟିଡିଏ କେନ୍ଦୁଝରର ସହାୟତା ଏବଂ ପ୍ରୋତ୍ସାହନରେ ଏହି ଗ୍ରାମର ବିଭିନ୍ନ ସ୍ୱୟଂ ସହାୟକ ଗୋଷ୍ଠୀ ସହ ଜଡିତ ମହିଳାମାନେ ବୈତାଳୁ ଚାଷ କରି ଭଲ ଆୟ ହାସଲ କରିପାରୁଛନ୍ତି। ଆଇଟିଡିଏ ପକ୍ଷରୁ ଉନ୍ନତମାନର ବିହନ, ପ୍ରାକ୍ତିକ ପରାମର୍ଶ ଏବଂ ଚାଷ ସମ୍ବନ୍ଧୀୟ ଆବଶ୍ୟକ ସହାୟତା ଯୋଗାଇ ଦିଆଯିବା ପରେ ମହିଳା ଚାଷୀମାନେ ଉତ୍ସାହିତ ହୋଇ ବୈତାଳୁ ଚାଷ ଆରମ୍ଭ କରିଥିଲେ। କମ୍ ଖର୍ଚ୍ଚରେ ଅଧିକ ଉତ୍ପାଦନ ଏବଂ ବଜାରରେ ଭଲ ଦର ମିଳୁଥିବାରୁ ଏହି ଚାଷ ସେମାନଙ୍କ ପାଇଁ ଅତ୍ୟନ୍ତ ଲାଭଜନକ ସାବ୍ୟସ୍ତ ହୋଇଛି। ଚଳିତ ବର୍ଷ ନଈଗାଁର ଅନେକ ମହିଳା ଚାଷୀ ନିଜ ଜମିରେ ବୈତାଳୁ ଚାଷ କରି ଭଲ ଫଳନ ପାଇଛନ୍ତି। ଉତ୍ପାଦିତ ବୈତାଳୁକୁ ସ୍ଥାନୀୟ ହାଟ ଓ ବଜାରରେ ବିକ୍ରି କରି ସେମାନେ ନିଜ ପରିବାରର ଆର୍ଥିକ ସ୍ଥିତିକୁ ସୁଦୃଢ଼ କରିପାରୁଛନ୍ତି ଏବଂ ଏଥିସହିତ ପରିବାରର ଖାଦ୍ୟ ନିରାପତ୍ତା ମଧ୍ୟ ବୃଦ୍ଧି ପାଇଛି। ମହିଳା ଚାଷୀମାନଙ୍କ କହିବା ଅନୁସାରେ, ଆଇଟିଡିଏ କେନ୍ଦୁଝରର ସହଯୋଗ ଏବଂ କୃଷି ବିଶେଷଜ୍ଞଙ୍କ ପରାମର୍ଶ ଯୋଗୁଁ ସେମାନେ ନୂତନ ପଦ୍ଧତିରେ ଚାଷ କରି ସଫଳତା ପାଇଛନ୍ତି। ଆଗାମୀ ଦିନରେ ଚାଷର ପରିମାଣ ବଢ଼ାଇ ଅଧିକ ଆୟ କରିବା ପାଇଁ ସେମାନେ ଆଶା ପ୍ରକାଶ କରିଛନ୍ତି। ଗ୍ରାମାଞ୍ଚଳର ମହିଳାମାନଙ୍କୁ ଆର୍ଥିକ ଭାବେ ସଶକ୍ତ କରିବା ଏବଂ ସ୍ୱାବଲମ୍ବୀ କରିବା ଦିଗରେ ଆଇଟିଡିଏ କେନ୍ଦୁଝରର ଏହି ପଦକ୍ଷେପ ପ୍ରଶଂସନୀୟ ହୋଇଥିବାବେଳେ ନଈଗାଁର ମହିଳା ଚାଷୀମାନଙ୍କ ସଫଳତା ଅନ୍ୟମାନଙ୍କ ପାଇଁ ପ୍ରେରଣା ପାଲଟିଛି।

କେନ୍ଦୁଝର ଜିଲ୍ଲାର ହରିଚନ୍ଦନପୁର ବ୍ଲକ ଅନ୍ତର୍ଗତ ହୁଣ୍ଡା ଗ୍ରାମର ବେହେରା ସାହିରେ ଥିବା ଅଙ୍ଗନବାଡ଼ି କେନ୍ଦ୍ରର ଏକ କରୁଣ କାହାଣୀ ସାମ୍ନାକୁ ଆସିଛି। ଏହି କେନ୍ଦ୍ରର ଅଙ୍ଗନବାଡ଼ି ଗୃହ ଅସୁରକ୍ଷିତ ଅବସ୍ଥାରେ ଥିବାରୁ, କୁନି କୁନି ଛୁଆମାନଙ୍କ ପାଇଁ ସେଠାରେ ପାଠ ପଢ଼ିବା ସୁରକ୍ଷିତ ନୁହେଁ।

ସ୍ୱାମୀ ଭିକେ ପାଣ୍ଡିଆନଙ୍କ ସନ୍ନ୍ୟାସ ପରେ ସୁଜାତା କାର୍ତ୍ତିକେୟନ ବିଜୁ ଜନତା ଦଳ (ବିଜେଡି)ର ମଙ୍ଗ ଧରିବେ କି ନାହିଁ, ତାହାକୁ ନେଇ ଏବେ ଚର୍ଚ୍ଚା ଜୋର୍ ଧରିଛି। ମିସେସ୍ ପାଣ୍ଡିଆନଙ୍କୁ ନେଇ ବିଜେଡି ଶିବିରରେ ଏକପ୍ରକାର କମ୍ପନ ସୃଷ୍ଟି ହୋଇଥିବା କୁହାଯାଉଛି। ଏହିକ୍ରମରେ ଆଜି ସୁଜାତା କାର୍ତ୍ତିକେୟନ ଆନୁଷ୍ଠାନିକ ଭାବେ ବିଜେଡିରେ ଯୋଗ ଦେଇପାରନ୍ତି ବୋଲି ସମ୍ଭାବନା ପ୍ରକାଶ ପାଇଛି।