पंतप्रधान नरेंद्र मोदी जी यांच्या यशस्वी १२ वर्षांच्या नेतृत्वाच्या कार्यकाळानिमित्त, २२ सोमवार रोजी भोकरदन येथील तुळजाभवानी नगर येथे एका वृक्षारोपण कार्यक्रमाचे आयोजन करण्यात आले. 'एक वृक्ष – एक संकल्प' या भावनेतून पर्यावरण संवर्धनाचा संदेश देत अधिकाधिक वृक्ष लागवड व संगोपनाचे आवाहन यावेळी करण्यात आले. माजी केंद्रीय मंत्री रावसाहेब पाटील दानवे यांच्या हस्ते या कार्यक्रमात १२० झाडांचे वृक्षारोपण करण्यात आले. पर्यावरणाचे रक्षण ही प्रत्येक नागरिकाची सामूहिक जबाबदारी असून, हरित आणि समृद्ध भारताच्या निर्मितीसाठी वृक्षारोपण ही काळाची गरज असल्याचे याप्रसंगी सांगण्यात आले. प्राणवायू ऑक्सिजनच्या अभावी नागरिकांना होणारे हाल सर्वांना माहीत असल्याने, वातावरणातील नैसर्गिक प्राणवायूचे प्रमाण वाढविण्यासाठी शहरात निसर्गरम्य वातावरण तयार करण्याच्या उद्देशाने प्रभाग क्रमांक सात, तुळजाभवानी नगर येथे हे वृक्षारोपण करण्यात आले. प्रथमतः जेसीबीच्या सहाय्याने ती जागा पूर्णपणे साफ करण्यात आली. त्यानंतर १३० खड्डे खोदून त्यामध्ये १२० झाडांची लागवड करण्यात आली आणि प्रत्येक झाडाभोवती संरक्षण भिंत बांधण्यात आली. या संपूर्ण झाडांना पाणी घालण्याची जबाबदारी तुळजाभवानी नगरमधील दीपक भाऊ मोरे मित्रमंडळाने घेतली आहे. या कार्यक्रमाला तुळजाभवानी नगरमधील शुभम दळवी, मोनू जैवाळ, कृष्णा गायकवाड, कृष्णा तेलंग्रे, सोनू दौड यांच्यासह प्रभाग क्रमांक सातमधील अनेक ग्रामस्थ मोठ्या संख्येने उपस्थित होते. विकसित भारताच्या संकल्पनेला बळ देणाऱ्या या निसर्ग संवर्धनाच्या उपक्रमात सहभागी झालेल्या सर्वांचे दीपक मोरे यांनी आभार मानले. भोकरदन शहरातील नागरिकांनी आज सोमवारी तुळजाभवानी नगर येथे झालेल्या या वृक्षारोपण संकल्पनेचा आदर्श घेऊन, आपल्या घराच्या परिसरात मोकळ्या जागेत वृक्षारोपण करावे, पर्यावरणाचा समतोल राखून आवश्यक ती झाडे लावावीत आणि ती केवळ लावून थांबून न जाता, ती जगवावीत व त्यांची काळजी घ्यावी, असे आवाहनही या प्रसंगी करण्यात आले. तुळजाभवानी नगर येथे साधारणतः १०० ते १२० झाडांची लागवड करण्यात आल्याचे नमूद करण्यात आले.

RahimKhan Pathan

Voice of people सोयगाव, औरंगाबाद, महाराष्ट्र•

2 hrs ago

पंतप्रधान नरेंद्र मोदी जी यांच्या यशस्वी १२ वर्षांच्या नेतृत्वाच्या कार्यकाळानिमित्त, २२ सोमवार रोजी भोकरदन येथील तुळजाभवानी नगर येथे एका वृक्षारोपण कार्यक्रमाचे आयोजन करण्यात आले. 'एक वृक्ष – एक संकल्प' या भावनेतून पर्यावरण संवर्धनाचा संदेश देत अधिकाधिक वृक्ष लागवड व संगोपनाचे आवाहन यावेळी करण्यात आले. माजी केंद्रीय मंत्री रावसाहेब पाटील दानवे यांच्या हस्ते या कार्यक्रमात १२० झाडांचे वृक्षारोपण करण्यात आले. पर्यावरणाचे रक्षण ही प्रत्येक नागरिकाची सामूहिक जबाबदारी असून, हरित आणि समृद्ध भारताच्या निर्मितीसाठी वृक्षारोपण ही काळाची गरज असल्याचे याप्रसंगी सांगण्यात आले. प्राणवायू ऑक्सिजनच्या अभावी नागरिकांना होणारे हाल सर्वांना माहीत असल्याने, वातावरणातील नैसर्गिक प्राणवायूचे प्रमाण वाढविण्यासाठी शहरात निसर्गरम्य वातावरण तयार करण्याच्या उद्देशाने प्रभाग क्रमांक सात, तुळजाभवानी नगर येथे हे वृक्षारोपण करण्यात आले. प्रथमतः जेसीबीच्या सहाय्याने ती जागा पूर्णपणे साफ करण्यात आली. त्यानंतर १३० खड्डे खोदून त्यामध्ये १२० झाडांची लागवड करण्यात आली आणि प्रत्येक झाडाभोवती संरक्षण भिंत बांधण्यात आली. या संपूर्ण झाडांना पाणी घालण्याची जबाबदारी तुळजाभवानी नगरमधील दीपक भाऊ मोरे मित्रमंडळाने घेतली आहे. या कार्यक्रमाला तुळजाभवानी नगरमधील शुभम दळवी, मोनू जैवाळ, कृष्णा गायकवाड, कृष्णा तेलंग्रे, सोनू दौड यांच्यासह प्रभाग क्रमांक सातमधील अनेक ग्रामस्थ मोठ्या संख्येने उपस्थित होते. विकसित भारताच्या संकल्पनेला बळ देणाऱ्या या निसर्ग संवर्धनाच्या उपक्रमात सहभागी झालेल्या सर्वांचे दीपक मोरे यांनी आभार मानले. भोकरदन शहरातील नागरिकांनी आज सोमवारी तुळजाभवानी नगर येथे झालेल्या या वृक्षारोपण संकल्पनेचा आदर्श घेऊन, आपल्या घराच्या परिसरात मोकळ्या जागेत वृक्षारोपण करावे, पर्यावरणाचा समतोल राखून आवश्यक ती झाडे लावावीत आणि ती केवळ लावून थांबून न जाता, ती जगवावीत व त्यांची काळजी घ्यावी, असे आवाहनही या प्रसंगी करण्यात आले. तुळजाभवानी नगर येथे साधारणतः १०० ते १२० झाडांची लागवड करण्यात आल्याचे नमूद करण्यात आले.