തെന്നിലാപുരത്ത് അയയിൽ നിന്ന് ഷോക്കേറ്റ് ചികിത്സയിലായിരുന്ന വയോധിക മരിച്ചു; മരുമകൾ ഗുരുതരാവസ്ഥയിൽ ആലത്തൂർ: കാവശ്ശേരി പഞ്ചായത്തിലെ തെന്നിലാപുരത്ത് സാരി അയയിൽ ഉണക്കാനിടുന്നതിനിടെ ഷോക്കേറ്റ് ഗുരുതരമായി പരിക്കേറ്റ് ചികിത്സയിലായിരുന്ന വയോധിക മരിച്ചു. തെന്നിലാപുരം വടക്കേത്തറയിൽ സി. ഉണ്ണികൃഷ്ണന്റെ ഭാര്യ ശാരദ (63)യാണ് ശനിയാഴ്ച പുലർച്ചെ മരിച്ചത്. ജൂലൈ 24-ന് രാവിലെ പത്തരയോടെയായിരുന്നു അപകടം. തുണി കഴുകിയ ശേഷം അയയിൽ വിരിക്കുന്നതിനിടെ ശാരദയ്ക്ക് ഷോക്കേൽക്കുകയായിരുന്നു. ഷോക്കേറ്റ് താഴെ വീണ ശാരദയെ രക്ഷിക്കാൻ ശ്രമിച്ച മൂത്ത മരുമകൾ രാധിക (36)യ്ക്കും ഷോക്കേറ്റു. തുടർന്ന് രാധികയെ പിടിച്ചുയർത്താൻ ശ്രമിച്ച രണ്ടാമത്തെ മരുമകൾ രേഷ്മ (32)യ്ക്കും വൈദ്യുതാഘാതമേൽക്കുകയായിരുന്നു. മൂവരെയും നാട്ടുകാർ ഉടൻ ഇരട്ടക്കുളത്തെ സ്വകാര്യ ആശുപത്രിയിൽ പ്രവേശിപ്പിച്ചു. പിന്നീട് ജൂലൈ 30-ന് പാലക്കാട് മെഡിക്കൽ കോളേജ് ആശുപത്രിയിലേക്ക് മാറ്റി. ചികിത്സയിലിരിക്കെ ശാരദ മരണമടഞ്ഞു. രാധിക ഇപ്പോഴും പാലക്കാട് മെഡിക്കൽ കോളേജ് ആശുപത്രിയിൽ ഗുരുതരാവസ്ഥയിൽ ചികിത്സയിലാണ്. രേഷ്മയുടെ ആരോഗ്യനില മെച്ചപ്പെട്ടതായി അറിയുന്നു. വീടിന്റെ നിർമ്മാണ പ്രവർത്തനങ്ങൾ നടക്കുന്നതിനാൽ തൊട്ടടുത്ത താൽക്കാലിക ഷെഡ്ഡിൽ നിന്ന് വൈദ്യുതി കണക്ഷൻ എടുത്തിരുന്നതായി വിവരമുണ്ട്. അവിടെ നിന്നുള്ള വൈദ്യുതി വയറിൽ ഉണ്ടായ ചോർച്ച ഇരുമ്പ് കഴുക്കോലിലൂടെയും അതിൽ കെട്ടിയിരുന്ന ഇരുമ്പ് കമ്പി ഉപയോഗിച്ചുള്ള അയയിലൂടെയും വൈദ്യുതി പ്രവഹിച്ചതാണ് അപകടത്തിന് കാരണമായതെന്നാണ് പ്രാഥമിക നിഗമനം. പാലക്കാട് ജില്ലാ ആശുപത്രിയിൽ പോസ്റ്റ്മോർട്ടം നടപടികൾ പൂർത്തിയാക്കിയ ശേഷം മൃതദേഹം വീട്ടിലെത്തിച്ച് സംസ്കരിച്ചു. മക്കൾ: രാജു, രാധാകൃഷ്ണൻ, രമണി. മരുമക്കൾ: രാധിക, രേഷ്മ, ദേവൻ. സഹോദരങ്ങൾ: സുരേഷ്, രമേഷ്, കുമാരി, സുഷമ, ഗീത.

Risban Mohamed

ആലത്തൂർ, പാലക്കാട്, കേരളം•

3 hrs ago

തെന്നിലാപുരത്ത് അയയിൽ നിന്ന് ഷോക്കേറ്റ് ചികിത്സയിലായിരുന്ന വയോധിക മരിച്ചു; മരുമകൾ ഗുരുതരാവസ്ഥയിൽ ആലത്തൂർ: കാവശ്ശേരി പഞ്ചായത്തിലെ തെന്നിലാപുരത്ത് സാരി അയയിൽ ഉണക്കാനിടുന്നതിനിടെ ഷോക്കേറ്റ് ഗുരുതരമായി പരിക്കേറ്റ് ചികിത്സയിലായിരുന്ന വയോധിക മരിച്ചു. തെന്നിലാപുരം വടക്കേത്തറയിൽ സി. ഉണ്ണികൃഷ്ണന്റെ ഭാര്യ ശാരദ (63)യാണ് ശനിയാഴ്ച പുലർച്ചെ മരിച്ചത്. ജൂലൈ 24-ന് രാവിലെ പത്തരയോടെയായിരുന്നു അപകടം. തുണി കഴുകിയ ശേഷം അയയിൽ വിരിക്കുന്നതിനിടെ ശാരദയ്ക്ക് ഷോക്കേൽക്കുകയായിരുന്നു. ഷോക്കേറ്റ് താഴെ വീണ ശാരദയെ രക്ഷിക്കാൻ ശ്രമിച്ച മൂത്ത മരുമകൾ രാധിക (36)യ്ക്കും ഷോക്കേറ്റു. തുടർന്ന് രാധികയെ പിടിച്ചുയർത്താൻ ശ്രമിച്ച രണ്ടാമത്തെ മരുമകൾ രേഷ്മ (32)യ്ക്കും വൈദ്യുതാഘാതമേൽക്കുകയായിരുന്നു. മൂവരെയും നാട്ടുകാർ ഉടൻ ഇരട്ടക്കുളത്തെ സ്വകാര്യ ആശുപത്രിയിൽ പ്രവേശിപ്പിച്ചു. പിന്നീട് ജൂലൈ 30-ന് പാലക്കാട് മെഡിക്കൽ കോളേജ് ആശുപത്രിയിലേക്ക് മാറ്റി. ചികിത്സയിലിരിക്കെ ശാരദ മരണമടഞ്ഞു. രാധിക ഇപ്പോഴും പാലക്കാട് മെഡിക്കൽ കോളേജ് ആശുപത്രിയിൽ ഗുരുതരാവസ്ഥയിൽ ചികിത്സയിലാണ്. രേഷ്മയുടെ ആരോഗ്യനില മെച്ചപ്പെട്ടതായി അറിയുന്നു. വീടിന്റെ നിർമ്മാണ പ്രവർത്തനങ്ങൾ നടക്കുന്നതിനാൽ തൊട്ടടുത്ത താൽക്കാലിക ഷെഡ്ഡിൽ നിന്ന് വൈദ്യുതി കണക്ഷൻ എടുത്തിരുന്നതായി വിവരമുണ്ട്. അവിടെ നിന്നുള്ള വൈദ്യുതി വയറിൽ ഉണ്ടായ ചോർച്ച ഇരുമ്പ് കഴുക്കോലിലൂടെയും അതിൽ കെട്ടിയിരുന്ന ഇരുമ്പ് കമ്പി ഉപയോഗിച്ചുള്ള അയയിലൂടെയും വൈദ്യുതി പ്രവഹിച്ചതാണ് അപകടത്തിന് കാരണമായതെന്നാണ് പ്രാഥമിക നിഗമനം. പാലക്കാട് ജില്ലാ ആശുപത്രിയിൽ പോസ്റ്റ്മോർട്ടം നടപടികൾ പൂർത്തിയാക്കിയ ശേഷം മൃതദേഹം വീട്ടിലെത്തിച്ച് സംസ്കരിച്ചു. മക്കൾ: രാജു, രാധാകൃഷ്ണൻ, രമണി. മരുമക്കൾ: രാധിക, രേഷ്മ, ദേവൻ. സഹോദരങ്ങൾ: സുരേഷ്, രമേഷ്, കുമാരി, സുഷമ, ഗീത.