ವಿಶ್ವದ ಅತ್ಯಂತ ಎತ್ತರದ ಶಿಖರವಾದ ಮೌಂಟ್ ಎವರೆಸ್ಟ್ ಏರುವುದು ಚಾರಣಿಗರ ಕನಸಾದರೂ, ಅಲ್ಲಿ ಯಾರಾದರೂ ಮೃತಪಟ್ಟರೆ ಅವರ ಶವವನ್ನು ಕೆಳಗೆ ತರುವುದು ಅಸಾಧ್ಯ ಸವಾಲಾಗಿದೆ. ಇತ್ತೀಚೆಗೆ ಹೈದರಾಬಾದ್‌ನ ಪರ್ವತಾರೋಹಿ ಅರುಣ್ ಕುಮಾರ್ ಅವರು ಯಶಸ್ವಿಯಾಗಿ ಶಿಖರವನ್ನು ಏರಿ, ಕೆಳಗೆ ಇಳಿಯುವಾಗ ಮೃತಪಟ್ಟಿದ್ದು, ಅವರ ಕುಟುಂಬ ಸದಸ್ಯರು ಮೃತದೇಹವನ್ನು ಎವರೆಸ್ಟ್‌ನ ಹಿಮದಲ್ಲೇ ಬಿಡಲು ನಿರ್ಧರಿಸಿದ್ದಾರೆ. ಇದಕ್ಕೆ ಮುಖ್ಯ ಕಾರಣ ಶವವನ್ನು ಕೆಳಗೆ ತರುವ ಭಾರೀ ವೆಚ್ಚ ಮತ್ತು ಸಂಕೀರ್ಣತೆ. ಎವರೆಸ್ಟ್ ಶಿಖರವನ್ನು ಏರುವ ಪ್ರಕ್ರಿಯೆಗೆ ಒಟ್ಟಾರೆ ಸುಮಾರು 2 ತಿಂಗಳು ಬೇಕಾಗಬಹುದು. ಇದಕ್ಕೆ ಅಂದಾಜು ₹50 ಲಕ್ಷದಿಂದ ₹90 ಲಕ್ಷ ವೆಚ್ಚವಾಗುತ್ತದೆ, ಇದರಲ್ಲಿ ಶಿಖರ ಏರುವ ಶುಲ್ಕ, ತರಬೇತಿ, ಶೆರ್ಪಾಗಳ ವೆಚ್ಚ, ಉಪಕರಣ ಮತ್ತು ವಿಮಾ ವೆಚ್ಚಗಳು ಸೇರಿರುತ್ತವೆ. ಆದರೆ, ಯಾರಾದರೂ ಶಿಖರ ಏರುವ ಅಥವಾ ಇಳಿಯುವ ವೇಳೆ ಸಾವನ್ನಪ್ಪಿದರೆ, ಅವರ ಶವವನ್ನು ಕೆಳಗೆ ತರುವುದು ಅತ್ಯಂತ ಕಷ್ಟಕರ ಕೆಲಸ. ಹೆಲಿಕಾಪ್ಟರ್‌ಗಳು ಸಮುದ್ರ ಮಟ್ಟದಿಂದ ಕೇವಲ 6400 ಅಡಿ ಎತ್ತರದವರೆಗೆ ಮಾತ್ರ ಸಾಗಬಲ್ಲವು. ಈ ಎತ್ತರದಲ್ಲಿ ಸಿಕ್ಕಿಬಿದ್ದಿರುವವರನ್ನು ಅಥವಾ ಶವಗಳನ್ನು ಕಾಪ್ಟರ್ ಮೂಲಕ ಕೆಳಗೆ ತರಲು ವಿಮಾ ಹಣ ಲಭ್ಯವಿದೆ. ಆದರೆ, ಕಾಪ್ಟರ್‌ಗಳು ತಲುಪಲಾಗದ ಎತ್ತರದಿಂದ ಶೆರ್ಪಾಗಳು ಶವಗಳನ್ನು ಎಳೆದು ತರಬೇಕಾದರೆ ಅದಕ್ಕೆ ವಿಮಾ ಹಣ ಲಭ್ಯವಿರುವುದಿಲ್ಲ. ಕಾಪ್ಟರ್‌ಗಳು ತೆರಳಲು ಸಾಧ್ಯವಾಗದಂತಹ ಪ್ರಕರಣಗಳಲ್ಲಿ ಶೆರ್ಪಾಗಳು ಶವವನ್ನು ತರಲು ಕನಿಷ್ಠ ₹1 ಕೋಟಿ ಅಥವಾ ಅದಕ್ಕೂ ಹೆಚ್ಚು ಶುಲ್ಕ ವಿಧಿಸುತ್ತಾರೆ. ಅರುಣ್ ಪ್ರಕರಣದಲ್ಲಿ, ಅವರು ಸಾವನ್ನಪ್ಪಿದ ಪ್ರದೇಶವು ಶಿಖರದ ತುದಿಯಿಂದ 60 ಮೀಟರ್ ಕೆಳಗಿದೆ. ಈ ಪ್ರದೇಶದಿಂದ ಶವವನ್ನು ತರಬೇಕಾದರೆ ಕನಿಷ್ಠ 10-12 ಶೆರ್ಪಾಗಳು ಆಕ್ಸಿಜನ್ ಸಿಲಿಂಡರ್‌ಗಳು ಸೇರಿದಂತೆ ಅಗತ್ಯ ಉಪಕರಣಗಳನ್ನು ಹೊತ್ತುಕೊಂಡು ತೆರಳಬೇಕು. ಈ ಪ್ರಕ್ರಿಯೆಯು ಹೆಚ್ಚು ಸಮಯ ತೆಗೆದುಕೊಳ್ಳುತ್ತದೆ ಮತ್ತು ನಿರಂತರ ನೀರ್ಗಲ್ಲು ಕುಸಿತದ ಅಪಾಯವಿರುವ ಈ ದುರ್ಗಮ ಮಾರ್ಗದಲ್ಲಿ ಶೆರ್ಪಾಗಳ ಜೀವಕ್ಕೂ ಅಪಾಯವಿದೆ. ಈ ಕಾರಣಗಳಿಂದಾಗಿ, ಕುಟುಂಬ ಸದಸ್ಯರು ಅರುಣ್ ಅವರ ದೇಹವನ್ನು ಹಿಮದ ನಡುವೆಯೇ ಬಿಡಲು ನಿರ್ಧರಿಸಿದ್ದಾರೆ. ದೇಹವನ್ನು ತರಲು ಪ್ರಯತ್ನಿಸಿದರೂ, ಅದು ತಲುಪುವಷ್ಟರಲ್ಲಿ ಬಹಳ ಹಾನಿಯಾಗಿರುತ್ತದೆ ಎಂಬ ಆತಂಕವೂ ಅವರಿಗಿದೆ. ಪರ್ವತಾರೋಹಿಯಾಗಿದ್ದ ತಿವಾರಿಯ ಬಯಕೆಯೂ ಹಿಮಾಲಯದೊಂದಿಗೆ ಸಂಪರ್ಕದಲ್ಲಿರುವುದೇ ಆಗಿತ್ತು ಎಂದು ಕುಟುಂಬ ಹೇಳಿದೆ. ಅರುಣ್ ಪರ್ವತಾರೋಹಣದ ವೇಳೆ ಅವರ ಆರೋಗ್ಯ ಹದಗೆಟ್ಟಿತ್ತು ಮತ್ತು ಹಿಂದಿರುಗುವಂತೆ ಅವರಿಗೆ ಸೂಚಿಸಲಾಗಿತ್ತು. ಆದರೆ, ಅವರು ಅದನ್ನು ತಿರಸ್ಕರಿಸಿ, ಶಿಖರ ಸ್ಪಷ್ಟವಾಗಿ ಕಾಣುತ್ತಿರುವಾಗ ಹಿಂದಿರುಗುವ ಪ್ರಶ್ನೆಯೇ ಇಲ್ಲ ಎಂದು ಹೇಳಿ ತಮ್ಮಾಸೆಯಂತೆ ಶಿಖರವನ್ನು ಏರಿದ್ದರು. ಅಲ್ಲಿಂದ ಇಳಿಯುವ ವೇಳೆ, ಅರುಣ್ ಇದ್ದಕ್ಕಿದ್ದಂತೆ ರಕ್ತ ವಾಂತಿ ಮಾಡಿಕೊಳ್ಳಲು ಪ್ರಾರಂಭಿಸಿದರು. ಅವರ ಜತೆಗಿದ್ದ ಶೆರ್ಪಾಗಳು ಆಕ್ಸಿಜನ್ ಮಾಸ್ಕ್ ಸಹಾಯದಿಂದ ಅವರನ್ನು ರಕ್ಷಿಸಲು ಪ್ರಯತ್ನಿಸಿದರಾದರೂ, ಸಫಲರಾಗಲಿಲ್ಲ.

ಜನತಾ ಕ್ರಾಂತಿ ನ್ಯೂಸ್

ಬೆಳಗಾವಿ, ಬೆಳಗಾವಿ, ಕರ್ನಾಟಕ•

2 hrs ago

ವಿಶ್ವದ ಅತ್ಯಂತ ಎತ್ತರದ ಶಿಖರವಾದ ಮೌಂಟ್ ಎವರೆಸ್ಟ್ ಏರುವುದು ಚಾರಣಿಗರ ಕನಸಾದರೂ, ಅಲ್ಲಿ ಯಾರಾದರೂ ಮೃತಪಟ್ಟರೆ ಅವರ ಶವವನ್ನು ಕೆಳಗೆ ತರುವುದು ಅಸಾಧ್ಯ ಸವಾಲಾಗಿದೆ. ಇತ್ತೀಚೆಗೆ ಹೈದರಾಬಾದ್‌ನ ಪರ್ವತಾರೋಹಿ ಅರುಣ್ ಕುಮಾರ್ ಅವರು ಯಶಸ್ವಿಯಾಗಿ ಶಿಖರವನ್ನು ಏರಿ, ಕೆಳಗೆ ಇಳಿಯುವಾಗ ಮೃತಪಟ್ಟಿದ್ದು, ಅವರ ಕುಟುಂಬ ಸದಸ್ಯರು ಮೃತದೇಹವನ್ನು ಎವರೆಸ್ಟ್‌ನ ಹಿಮದಲ್ಲೇ ಬಿಡಲು ನಿರ್ಧರಿಸಿದ್ದಾರೆ. ಇದಕ್ಕೆ ಮುಖ್ಯ ಕಾರಣ ಶವವನ್ನು ಕೆಳಗೆ ತರುವ ಭಾರೀ ವೆಚ್ಚ ಮತ್ತು ಸಂಕೀರ್ಣತೆ. ಎವರೆಸ್ಟ್ ಶಿಖರವನ್ನು ಏರುವ ಪ್ರಕ್ರಿಯೆಗೆ ಒಟ್ಟಾರೆ ಸುಮಾರು 2 ತಿಂಗಳು ಬೇಕಾಗಬಹುದು. ಇದಕ್ಕೆ ಅಂದಾಜು ₹50 ಲಕ್ಷದಿಂದ ₹90 ಲಕ್ಷ ವೆಚ್ಚವಾಗುತ್ತದೆ, ಇದರಲ್ಲಿ ಶಿಖರ ಏರುವ ಶುಲ್ಕ, ತರಬೇತಿ, ಶೆರ್ಪಾಗಳ ವೆಚ್ಚ, ಉಪಕರಣ ಮತ್ತು ವಿಮಾ ವೆಚ್ಚಗಳು ಸೇರಿರುತ್ತವೆ. ಆದರೆ, ಯಾರಾದರೂ ಶಿಖರ ಏರುವ ಅಥವಾ ಇಳಿಯುವ ವೇಳೆ ಸಾವನ್ನಪ್ಪಿದರೆ, ಅವರ ಶವವನ್ನು ಕೆಳಗೆ ತರುವುದು ಅತ್ಯಂತ ಕಷ್ಟಕರ ಕೆಲಸ. ಹೆಲಿಕಾಪ್ಟರ್‌ಗಳು ಸಮುದ್ರ ಮಟ್ಟದಿಂದ ಕೇವಲ 6400 ಅಡಿ ಎತ್ತರದವರೆಗೆ ಮಾತ್ರ ಸಾಗಬಲ್ಲವು. ಈ ಎತ್ತರದಲ್ಲಿ ಸಿಕ್ಕಿಬಿದ್ದಿರುವವರನ್ನು ಅಥವಾ ಶವಗಳನ್ನು ಕಾಪ್ಟರ್ ಮೂಲಕ ಕೆಳಗೆ ತರಲು ವಿಮಾ ಹಣ ಲಭ್ಯವಿದೆ. ಆದರೆ, ಕಾಪ್ಟರ್‌ಗಳು ತಲುಪಲಾಗದ ಎತ್ತರದಿಂದ ಶೆರ್ಪಾಗಳು ಶವಗಳನ್ನು ಎಳೆದು ತರಬೇಕಾದರೆ ಅದಕ್ಕೆ ವಿಮಾ ಹಣ ಲಭ್ಯವಿರುವುದಿಲ್ಲ. ಕಾಪ್ಟರ್‌ಗಳು ತೆರಳಲು ಸಾಧ್ಯವಾಗದಂತಹ ಪ್ರಕರಣಗಳಲ್ಲಿ ಶೆರ್ಪಾಗಳು ಶವವನ್ನು ತರಲು ಕನಿಷ್ಠ ₹1 ಕೋಟಿ ಅಥವಾ ಅದಕ್ಕೂ ಹೆಚ್ಚು ಶುಲ್ಕ ವಿಧಿಸುತ್ತಾರೆ. ಅರುಣ್ ಪ್ರಕರಣದಲ್ಲಿ, ಅವರು ಸಾವನ್ನಪ್ಪಿದ ಪ್ರದೇಶವು ಶಿಖರದ ತುದಿಯಿಂದ 60 ಮೀಟರ್ ಕೆಳಗಿದೆ. ಈ ಪ್ರದೇಶದಿಂದ ಶವವನ್ನು ತರಬೇಕಾದರೆ ಕನಿಷ್ಠ 10-12 ಶೆರ್ಪಾಗಳು ಆಕ್ಸಿಜನ್ ಸಿಲಿಂಡರ್‌ಗಳು ಸೇರಿದಂತೆ ಅಗತ್ಯ ಉಪಕರಣಗಳನ್ನು ಹೊತ್ತುಕೊಂಡು ತೆರಳಬೇಕು. ಈ ಪ್ರಕ್ರಿಯೆಯು ಹೆಚ್ಚು ಸಮಯ ತೆಗೆದುಕೊಳ್ಳುತ್ತದೆ ಮತ್ತು ನಿರಂತರ ನೀರ್ಗಲ್ಲು ಕುಸಿತದ ಅಪಾಯವಿರುವ ಈ ದುರ್ಗಮ ಮಾರ್ಗದಲ್ಲಿ ಶೆರ್ಪಾಗಳ ಜೀವಕ್ಕೂ ಅಪಾಯವಿದೆ. ಈ ಕಾರಣಗಳಿಂದಾಗಿ, ಕುಟುಂಬ ಸದಸ್ಯರು ಅರುಣ್ ಅವರ ದೇಹವನ್ನು ಹಿಮದ ನಡುವೆಯೇ ಬಿಡಲು ನಿರ್ಧರಿಸಿದ್ದಾರೆ. ದೇಹವನ್ನು ತರಲು ಪ್ರಯತ್ನಿಸಿದರೂ, ಅದು ತಲುಪುವಷ್ಟರಲ್ಲಿ ಬಹಳ ಹಾನಿಯಾಗಿರುತ್ತದೆ ಎಂಬ ಆತಂಕವೂ ಅವರಿಗಿದೆ. ಪರ್ವತಾರೋಹಿಯಾಗಿದ್ದ ತಿವಾರಿಯ ಬಯಕೆಯೂ ಹಿಮಾಲಯದೊಂದಿಗೆ ಸಂಪರ್ಕದಲ್ಲಿರುವುದೇ ಆಗಿತ್ತು ಎಂದು ಕುಟುಂಬ ಹೇಳಿದೆ. ಅರುಣ್ ಪರ್ವತಾರೋಹಣದ ವೇಳೆ ಅವರ ಆರೋಗ್ಯ ಹದಗೆಟ್ಟಿತ್ತು ಮತ್ತು ಹಿಂದಿರುಗುವಂತೆ ಅವರಿಗೆ ಸೂಚಿಸಲಾಗಿತ್ತು. ಆದರೆ, ಅವರು ಅದನ್ನು ತಿರಸ್ಕರಿಸಿ, ಶಿಖರ ಸ್ಪಷ್ಟವಾಗಿ ಕಾಣುತ್ತಿರುವಾಗ ಹಿಂದಿರುಗುವ ಪ್ರಶ್ನೆಯೇ ಇಲ್ಲ ಎಂದು ಹೇಳಿ ತಮ್ಮಾಸೆಯಂತೆ ಶಿಖರವನ್ನು ಏರಿದ್ದರು. ಅಲ್ಲಿಂದ ಇಳಿಯುವ ವೇಳೆ, ಅರುಣ್ ಇದ್ದಕ್ಕಿದ್ದಂತೆ ರಕ್ತ ವಾಂತಿ ಮಾಡಿಕೊಳ್ಳಲು ಪ್ರಾರಂಭಿಸಿದರು. ಅವರ ಜತೆಗಿದ್ದ ಶೆರ್ಪಾಗಳು ಆಕ್ಸಿಜನ್ ಮಾಸ್ಕ್ ಸಹಾಯದಿಂದ ಅವರನ್ನು ರಕ್ಷಿಸಲು ಪ್ರಯತ್ನಿಸಿದರಾದರೂ, ಸಫಲರಾಗಲಿಲ್ಲ.