പാലക്കാട് ജില്ലയിലെ തന്റെ പേഴ്‌സണൽ സ്റ്റാഫംഗമായ ഡ്രൈവർക്കെതിരെ സോഷ്യൽ മീഡിയയിലും ചില മാധ്യമങ്ങളിലും പ്രചരിക്കുന്നത് പൂർണമായും വ്യാജ വാർത്തകളാണെന്ന് പട്ടികജാതി പട്ടികവർഗ്ഗ പിന്നോക്കക്ഷേമ വകുപ്പ് മന്ത്രി കെ.എ. തുളസി വ്യക്തമാക്കി. തന്റെ പേഴ്സണൽ സ്റ്റാഫിൽ ഉൾപ്പെടുത്തിയ ഡ്രൈവർ മുൻപ് ഷാഫി പറമ്പിൽ യൂത്ത് കോൺഗ്രസ് സംസ്ഥാന അധ്യക്ഷനായിരുന്നപ്പോഴും, വി.കെ. ശ്രീകണ്ഠൻ എം.പിയുടെ കൂടെയും ദീർഘകാലം ഡ്രൈവറായി ജോലി നോക്കിയിരുന്ന വ്യക്തിയാണെന്നും ഇയാൾക്ക് ഡിവൈഎഫ്ഐയുമായോ മറ്റ് ഇടത് സംഘടനകളുമായോ യാതൊരുവിധ ബന്ധവുമില്ലെന്നും മന്ത്രി അറിയിച്ചു. മുണ്ടൂർ ഉത്സവ സമയത്ത് കോൺഗ്രസ് പ്രവർത്തകർ പന്തൽ നിർമ്മിക്കുകയും, ഡിവൈഎഫ്ഐ ഡിജെ പാർട്ടിയുടെ ചുമതല ഏറ്റെടുക്കുകയുമാണ് ചെയ്തത്. ഈ പൊതുവായ ഡിജെ പാർട്ടിയിൽ പങ്കെടുത്തതിന്റെ ഒരു ഫോട്ടോയാണ് ഇപ്പോൾ രാഷ്ട്രീയ ലക്ഷ്യങ്ങളോടെ സോഷ്യൽ മീഡിയയിൽ വ്യാപകമായി പ്രചരിപ്പിക്കുന്നതെന്ന് മന്ത്രി ചൂണ്ടിക്കാട്ടി. തന്റെ നിയോജക മണ്ഡലമായ കോങ്ങാട് എം.എൽ.എ ഓഫീസിന്റെ ഉദ്ഘാടനം നടക്കുന്ന അതേ ദിവസം തന്നെ ഇത്തരത്തിൽ വ്യാജവാർത്ത പടച്ചുവിട്ടതിന്റെ ഉദ്ദേശം വ്യക്തമാണ്. വ്യാജപ്രചാരകർക്കെതിരെ നിയമനടപടികൾക്കൊന്നും താൻ മുതിരുന്നില്ലെന്നും ഇവർക്കുള്ള ശിക്ഷ ദൈവം നൽകിക്കൊള്ളുമെന്നും മന്ത്രി കൂട്ടിച്ചേർത്തു. അതോടൊപ്പം, ആരോപണവിധേയനായ വ്യക്തി ഏതെങ്കിലും കോൺഗ്രസുകാരനെയോ യൂത്ത് കോൺഗ്രസുകാരനെയോ മർദ്ദിച്ചതിനോ, ഇയാൾക്ക് ഡിവൈഎഫ്ഐയുമായി എന്തെങ്കിലും തരത്തിലുള്ള ബന്ധമുണ്ടെന്നതിനോ വ്യക്തമായ തെളിവ് നൽകിയാൽ ഇയാളെ തന്റെ പേഴ്സണൽ സ്റ്റാഫിൽ നിന്ന് പുറത്താക്കാൻ തയ്യാറാണെന്നും കെ.എ. തുളസി പ്രസ്താവിച്ചു.

THE PRESENT online media

Local News Reporter മണ്ണാർക്കാട്, പാലക്കാട്, കേരളം•

8 hrs ago

പാലക്കാട് ജില്ലയിലെ തന്റെ പേഴ്‌സണൽ സ്റ്റാഫംഗമായ ഡ്രൈവർക്കെതിരെ സോഷ്യൽ മീഡിയയിലും ചില മാധ്യമങ്ങളിലും പ്രചരിക്കുന്നത് പൂർണമായും വ്യാജ വാർത്തകളാണെന്ന് പട്ടികജാതി പട്ടികവർഗ്ഗ പിന്നോക്കക്ഷേമ വകുപ്പ് മന്ത്രി കെ.എ. തുളസി വ്യക്തമാക്കി. തന്റെ പേഴ്സണൽ സ്റ്റാഫിൽ ഉൾപ്പെടുത്തിയ ഡ്രൈവർ മുൻപ് ഷാഫി പറമ്പിൽ യൂത്ത് കോൺഗ്രസ് സംസ്ഥാന അധ്യക്ഷനായിരുന്നപ്പോഴും, വി.കെ. ശ്രീകണ്ഠൻ എം.പിയുടെ കൂടെയും ദീർഘകാലം ഡ്രൈവറായി ജോലി നോക്കിയിരുന്ന വ്യക്തിയാണെന്നും ഇയാൾക്ക് ഡിവൈഎഫ്ഐയുമായോ മറ്റ് ഇടത് സംഘടനകളുമായോ യാതൊരുവിധ ബന്ധവുമില്ലെന്നും മന്ത്രി അറിയിച്ചു. മുണ്ടൂർ ഉത്സവ സമയത്ത് കോൺഗ്രസ് പ്രവർത്തകർ പന്തൽ നിർമ്മിക്കുകയും, ഡിവൈഎഫ്ഐ ഡിജെ പാർട്ടിയുടെ ചുമതല ഏറ്റെടുക്കുകയുമാണ് ചെയ്തത്. ഈ പൊതുവായ ഡിജെ പാർട്ടിയിൽ പങ്കെടുത്തതിന്റെ ഒരു ഫോട്ടോയാണ് ഇപ്പോൾ രാഷ്ട്രീയ ലക്ഷ്യങ്ങളോടെ സോഷ്യൽ മീഡിയയിൽ വ്യാപകമായി പ്രചരിപ്പിക്കുന്നതെന്ന് മന്ത്രി ചൂണ്ടിക്കാട്ടി. തന്റെ നിയോജക മണ്ഡലമായ കോങ്ങാട് എം.എൽ.എ ഓഫീസിന്റെ ഉദ്ഘാടനം നടക്കുന്ന അതേ ദിവസം തന്നെ ഇത്തരത്തിൽ വ്യാജവാർത്ത പടച്ചുവിട്ടതിന്റെ ഉദ്ദേശം വ്യക്തമാണ്. വ്യാജപ്രചാരകർക്കെതിരെ നിയമനടപടികൾക്കൊന്നും താൻ മുതിരുന്നില്ലെന്നും ഇവർക്കുള്ള ശിക്ഷ ദൈവം നൽകിക്കൊള്ളുമെന്നും മന്ത്രി കൂട്ടിച്ചേർത്തു. അതോടൊപ്പം, ആരോപണവിധേയനായ വ്യക്തി ഏതെങ്കിലും കോൺഗ്രസുകാരനെയോ യൂത്ത് കോൺഗ്രസുകാരനെയോ മർദ്ദിച്ചതിനോ, ഇയാൾക്ക് ഡിവൈഎഫ്ഐയുമായി എന്തെങ്കിലും തരത്തിലുള്ള ബന്ധമുണ്ടെന്നതിനോ വ്യക്തമായ തെളിവ് നൽകിയാൽ ഇയാളെ തന്റെ പേഴ്സണൽ സ്റ്റാഫിൽ നിന്ന് പുറത്താക്കാൻ തയ്യാറാണെന്നും കെ.എ. തുളസി പ്രസ്താവിച്ചു.