ଓଡ଼ିଶାରେ ଅଧିକାରୀମାନଙ୍କର ଅଭାବ ରହିଛି କି ବୋଲି ପ୍ରଶ୍ନ ଉଠିଛି। ଏହାସହ ରାଜ୍ୟର ପ୍ରଶାସନିକ ବ୍ୟବସ୍ଥା କିପରି ଚାଲିଛି ତାହାକୁ ନେଇ ମଧ୍ୟ ଚିନ୍ତା ପ୍ରକଟ କରାଯାଇଛି।

ତିଖିରୀ ସରପଞ୍ଚ ଚାମେଲୀ ଓଝାଙ୍କ ଉପରେ ହୋଇଥିବା ଆକ୍ରମଣକୁ ବିରୋଧ କରି କଳିଙ୍ଗ ମହାଶକ୍ତି ସାମୂହିକ ପକ୍ଷରୁ ମହାକାଳପଡ଼ା ଥାନା ଆଗରେ ଉଗ୍ର ବିକ୍ଷୋଭ ପ୍ରଦର୍ଶନ କରାଯାଇଛି। ଏହି ପ୍ରତିବାଦ ସମୟରେ, ସାମୂହିକର ସଦସ୍ୟମାନେ ଥାନାକୁ ଯାଇ ଆଇଆଇସିଙ୍କୁ ଭେଟି ଆକ୍ରମଣ ଘଟଣାକୁ ନେଇ ଏକ ଚାରି-ଦଫା ଦାବିପତ୍ର ପ୍ରଦାନ କରିଛନ୍ତି।

ଭାରତର ମହାମହିମ ରାଷ୍ଟ୍ରପତି ଦ୍ରୌପଦୀ ମୁର୍ମୁ ଏବଂ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଆସନ୍ତା ଜୁନ୍ ୧୯ ଓ ୨୦ ତାରିଖରେ ମୟୂରଭଞ୍ଜ ଜିଲ୍ଲା ଗସ୍ତରେ ଆସୁଛନ୍ତି। ଏହି ହାଇ-ପ୍ରୋଫାଇଲ୍ ଗସ୍ତକୁ ନେଇ ଜିଲ୍ଲା ପ୍ରଶାସନ ଓ ପୋଲିସ ପକ୍ଷରୁ କଡ଼ାକଡ଼ି ସୁରକ୍ଷା ବ୍ୟବସ୍ଥା କରାଯାଇଛି। ଏହି ଗସ୍ତ ସମ୍ପର୍କରେ ଏକ ଗୁରୁତ୍ୱପୂର୍ଣ୍ଣ ସୂଚନା ସାମ୍ନାକୁ ଆସିଛି। ସୁରକ୍ଷାଗତ କାରଣରୁ ଜୁନ୍ ୨୦ ତାରିଖରେ ଉଭୟ ଭିଭିଆଇପିଙ୍କ ପାହାଡ଼ପୁର ଗସ୍ତ ସମୟରେ ସେଠାକୁ ଗଣମାଧ୍ୟମ ପ୍ରତିନିଧିମାନଙ୍କ ପ୍ରବେଶ ଉପରେ କଟକଣା ଜାରି କରାଯାଇଛି। ଏହି ପ୍ରସଙ୍ଗରେ ଜିଲ୍ଲାପାଳଙ୍କ କାର୍ଯ୍ୟାଳୟ ପକ୍ଷରୁ ମଙ୍ଗଳବାର ସନ୍ଧ୍ୟା ପ୍ରାୟ ୬ ଟାରେ ଜିଲ୍ଲା ସୂଚନା ଓ ଲୋକସମ୍ପର୍କ ଅଧିକାରୀଙ୍କ ଜରିଆରେ ସମସ୍ତ ଗଣମାଧ୍ୟମ ପ୍ରତିନିଧିମାନଙ୍କୁ ପୂର୍ବରୁ ଚିଠି ମାଧ୍ୟମରେ ସୂଚିତ କରାଯାଇଛି। ସୁରକ୍ଷା ବ୍ୟବସ୍ଥାରେ ଯେପରି କୌଣସି ତ୍ରୁଟି ନରୁହେ, ସେଥିପାଇଁ ପୋଲିସ ଓ ପ୍ରଶାସନ ପକ୍ଷରୁ ସାମ୍ବାଦିକ ବନ୍ଧୁମାନଙ୍କ ସହଯୋଗ କାମନା କରାଯାଇଛି।

ମୟୂରଭଞ୍ଜ ଜିଲ୍ଲାରେ ସରପଞ୍ଚ ସଂଘ ପକ୍ଷରୁ ଜିଲ୍ଲାପାଳଙ୍କୁ ଏକ ଦାବୀପତ୍ର ପ୍ରଦାନ କରାଯାଇଛି। ସଂଘର ଅଭିଯୋଗ ଅନୁଯାୟୀ, ସରପଞ୍ଚମାନଙ୍କର ଗତ ତିନି ମାସର ଭତା ବକେୟା ଥିବାରୁ ଏହାକୁ ତୁରନ୍ତ ପ୍ରଦାନ କରିବାକୁ ସେମାନେ ନିବେଦନ କରିଛନ୍ତି।

ଓଡ଼ିଶା ଡ୍ରାଇଭର ମହାସଂଘ ପୁଣିଥରେ ମାନବିକତା ଓ ଭାଇଚାରାର ଏକ ମହାନ ଉଦାହରଣ ସୃଷ୍ଟି କରିଛି। ବାଲେଶ୍ୱର ଜିଲ୍ଲା ରେମୁଣା ବ୍ଲକ ଶାଖା ଅନ୍ତର୍ଗତ ରେମୁଣା ପଞ୍ଚାୟତର ବୃତ୍ତିଗତ ଡ୍ରାଇଭର ଦିଲ୍ଲୀପ ବାରିକ ଦୀର୍ଘଦିନ ଧରି ଅସୁସ୍ଥ ରହିବା ପରେ ଗତ ୫ ଜୁନ୍ ୨୦୨୬ ରେ ତାଙ୍କର ଦେହାନ୍ତ ଘଟିଥିଲା। ପରିବାର ଓ ଜ୍ଞାତି-କୁଟୁମ୍ବଙ୍କ ଠାରୁ ସହଯୋଗ ନ ମିଳିଥିବା ବେଳେ ଓଡ଼ିଶା ଡ୍ରାଇଭର ମହାସଂଘର ସଦସ୍ୟମାନେ ଦିଲ୍ଲୀପ ବାରିକଙ୍କ ପରିବାର ସହ ଛିଡ଼ା ହୋଇଥିଲେ। ମହାସଂଘର ରେମୁଣା ଶାଖାର ସଦସ୍ୟମାନେ ନିଜସ୍ୱ ଅର୍ଥ ବ୍ୟୟ କରି ମୃତ ଦିଲ୍ଲୀପ ବାରିକଙ୍କ ଶବଦାହ ଠାରୁ ଆରମ୍ଭ କରି ଶୁଦ୍ଧିକ୍ରିୟା ପର୍ଯ୍ୟନ୍ତ ସମସ୍ତ କାର୍ଯ୍ୟ ସମ୍ପନ୍ନ କରିଥିଲେ। ଏକାଦଶାହ ଦିନ ଏକ କ୍ୟାଣ୍ଡେଲ ଶୋଭାଯାତ୍ରା ଆୟୋଜନ କରାଯାଇ ମୃତ ଆତ୍ମାର ସଦଗତି କାମନା କରାଯାଇଥିଲା। ଏହାସହ, ମହାସଂଘର ସଦସ୍ୟ ହୋଇଥିବାରୁ ଓଡ଼ିଶା ଡ୍ରାଇଭର ମହାସଂଘ ପକ୍ଷରୁ ମୃତ ଦିଲ୍ଲୀପ ବାରିକଙ୍କ ସହଧର୍ମିଣୀ ହୀରାବତୀ ସିଂଙ୍କୁ ₹୩୦,୦୦୦ ଟଙ୍କାର ସହାୟତା ରାଶି ଏକ ଚେକ୍ ମାଧ୍ୟମରେ ପ୍ରଦାନ କରାଯାଇଥିଲା। ଏହି ମହତ କାର୍ଯ୍ୟରେ ଜିଲ୍ଲା କୋଷାଧ୍ୟକ୍ଷ ତଥା ରେମୁଣା ବ୍ଲକ ସଭାପତି ଅଶ୍ୱିନୀ କୁମାର ସ୍ୱାଇଁ ନେତୃତ୍ୱ ନେଇଥିବା ବେଳେ ଜିଲ୍ଲା ସମ୍ପାଦକ ଦିଲ୍ଲୀପ କୁମାର ବାରିକଙ୍କ ସହ ସଦର, ବାଲିଆପାଳ ଓ ବାହାନଗା ବ୍ଲକର ସଦସ୍ୟମାନେ ଉପସ୍ଥିତ ଥିଲେ। ରେମୁଣା ବ୍ଲକ ଉପସଭାପତି ବଳରାମ ବେହେରା, ସମ୍ପାଦକ ମେହେବୁବ ଖାନ, ସହ-ସମ୍ପାଦକ ପ୍ରଭାକର ବେହେରା, କୋଷାଧ୍ୟକ୍ଷ ରମାକାନ୍ତ ଶିଅଳ, ଏଡମିନ ନିରଞ୍ଜନ ଦାସ, ଓ ସିଦ୍ଧେଶ୍ୱର ନନ୍ଦୀ ପ୍ରମୁଖ ମଧ୍ୟ ଏହି କାର୍ଯ୍ୟରେ ସହଯୋଗ କରି ଡ୍ରାଇଭର ଭାଇମାନଙ୍କ ପାଇଁ ମାନବିକତାର ଏକ ଦୃଷ୍ଟାନ୍ତ ସୃଷ୍ଟି କରିଥିଲେ।

ଭୁବନେଶ୍ୱରର ଡୁମୁଡୁମା ଅଞ୍ଚଳରେ ଥିବା ଏକ ଭଡ଼ା ଘରୁ ଏମ୍ସରେ କାର୍ଯ୍ୟରତ ଜଣେ ଡାକ୍ତରାଣୀଙ୍କ ଝୁଲନ୍ତା ମୃତଦେହ ଠାବ କରାଯାଇଛି। ମୃତ ଡାକ୍ତରାଣୀ କର୍ଣ୍ଣାଟକର ଦିବ୍ୟା ଭି. ବୋଲି ଜଣାପଡ଼ିଛି, ଯିଏ ଏମ୍ସରେ ଜୁନିଅର ରେସିଡେଣ୍ଟ ଭାବେ କାର୍ଯ୍ୟ କରୁଥିଲେ। ଏହି ଘଟଣା ସମ୍ପର୍କରେ ଖଣ୍ଡଗିରି ପୁଲିସ ଏକ ଅପମୃତ୍ୟୁ ମାମଲା ରୁଜୁ କରିଛି। ସୂଚନା ଅନୁସାରେ, ଡାକ୍ତରାଣୀଙ୍କ ପରିବାର ଲୋକେ ଆସନ୍ତାକାଲି ପହଞ୍ଚିବା ପରେ ତାଙ୍କ ମୃତଦେହର ଶବ ବ୍ୟବଚ୍ଛେଦ କରାଯିବ।

new song... 👌🙏💐👌w🙏public. mata rastapajarahatha..... Hindi songs 🌹🙏