बारावी परीक्षा केंद्रावर तहसीलदारांची प्रत्यक्ष भेट ! घनसावंगी तालुक्यात बारावी परीक्षा केंद्रावर तहसीलदारांची प्रत्यक्ष भेट ! तीन केंद्रांवर एकूण १ हजार ४७३ परीक्षार्थी... कॉपीमुक्त अभियानासाठी प्रशासन सज्ज; १०० मीटर परिसरात कलम १४४ लागू घनसावंगी ओमप्रकाश उढाण विद्यार्थी जीवनातील महत्त्वाचा टप्पा मानल्या जाणाऱ्या बारावी बोर्ड परीक्षेला मंगळवार (दि. १०) पासून सुरुवात झाली असून घनसावंगी तालुक्यातील तिन्ही परीक्षा केंद्रांवर पेपर शांत व सुरळीत वातावरणात पार पडत आहेत. यंदा जिल्हाधिकाऱ्यांच्या आदेशानुसार शिक्षण विभागाबरोबरच तहसीलदारांनीही थेट परीक्षा केंद्रांना भेट देत पाहणी केल्याने प्रशासनाची सजगता अधोरेखित झाली आहे. महाराष्ट्र राज्य माध्यमिक व उच्च माध्यमिक शिक्षण मंडळ यांच्या वतीने घेण्यात येणाऱ्या या परीक्षेसाठी तालुक्यातील तीन केंद्रांवर एकूण १ हजार ४७३ परीक्षार्थी नोंदणीकृत होते. त्यापैकी २८ विद्यार्थी गैरहजर राहिल्याने १ हजार ४४५ विद्यार्थ्यांनी इंग्रजीचा पहिला पेपर दिला. परीक्षा १८ मार्च २०२६ पर्यंत चालणार आहे. तालुक्यातील संत रामदास महाविद्यालय (घनसावंगी), कै. दत्तासाहेब देशमुख महाविद्यालय (घनसावंगी) आणि मत्स्योदरी कनिष्ठ महाविद्यालय (तीर्थपुरी) या तीन केंद्रांवर परीक्षेचे नियोजन करण्यात आले आहे. सर्व केंद्रांवर आवश्यक सुविधा उपलब्ध करून देण्यात आल्या असून विद्यार्थ्यांची बैठक व्यवस्था, तपासणी प्रक्रिया व सुरक्षा उपाय काटेकोरपणे राबविण्यात आले. कित्येक वर्षांनंतर तहसीलदारांची थेट भेट.. यंदा विशेष म्हणजे कित्येक वर्षांनंतर जिल्हाधिकारी अशीमा मित्तल यांच्या मार्गदर्शनाखाली प्रथमच तहसीलदारांनी प्रत्यक्ष परीक्षा केंद्रांना भेट देत पाहणी केली. तहसीलदार रमेश पागोटे, गटशिक्षण अधिकारी रविंद्र जोशी तसेच केंद्रप्रमुखांनी केंद्रांना भेट देऊन परिस्थितीचा आढावा घेतला. कॉपीमुक्त अभियानाची तंतोतंत अंमलबजावणी होत असल्याचे त्यांनी सांगितले. भरारी व बैठे पथकांची करडी नजर.. परीक्षेदरम्यान कोणतेही अनुचित प्रकार घडू नयेत यासाठी भरारी पथके व बैठे पथके नेमण्यात आली आहेत. प्रत्येक केंद्रावर सीसीटीव्ही कॅमेऱ्यांची व्यवस्था करण्यात आली असून परीक्षा केंद्रापासून १०० मीटर परिसर प्रतिबंधित क्षेत्र घोषित करण्यात आला आहे. या परिसरातील झेरॉक्स केंद्रेही बंद ठेवण्यात आली आहेत. केंद्राच्या १०० मीटर परिसरात कलम १४४ लागू करण्यात आले असून पालक व अनधिकृत व्यक्तींना प्रवेशास सक्त मनाई आहे. पोलीस बंदोबस्त तैनात करण्यात आला आहे. गैरप्रकार आढळल्यास संबंधित विद्यार्थ्यांवर महाराष्ट्र प्रिव्हेंशन ऑफ मालप्रॅक्टिस अॅक्ट १९८२ तसेच भादंवि कलम १८८ व २१७ अन्वये कठोर कारवाई करण्यात येणार असल्याची माहिती शिक्षण विभागाने दिली. पहिल्याच दिवशी इंग्रजीचा पेपर असल्याने विद्यार्थ्यांमध्ये थोडीशी भीती आणि उत्सुकता दिसून आली. परीक्षा सुरू होण्याच्या अर्धा तास आधीच विद्यार्थी व पालक केंद्राबाहेर उपस्थित होते. दुपारी पेपर सोडवून बाहेर आलेल्या काही विद्यार्थ्यांनी प्रश्नपत्रिकेची पातळी थोडी कठीण असल्याचे सांगितले, तर काहींनी पेपर चांगला गेल्याची प्रतिक्रिया दिली. पालकांनी प्रशासनाला सहकार्य करावे व विद्यार्थ्यांनी आत्मविश्वासाने परीक्षेला सामोरे जावे तसेच प्रशासनाचे आवाहन बारावीची परीक्षा पारदर्शक वातावरणात पार पडण्यासाठी सर्व यंत्रणा सज्ज आहे. गैरप्रकार करताना कोणी आढळल्यास कठोर कारवाई करण्यात येईल, असे तहसीलदार रमेश पागोटे व गटशिक्षण अधिकारी रविंद्र जोशी यांनी सांगितले. एकूणच, घनसावंगी तालुक्यात बारावीच्या परीक्षा शांततेत व शिस्तबद्ध वातावरणात पार पडली असून प्रशासनाच्या कडक उपाययोजनांमुळे कॉपीमुक्त अभियान प्रभावीपणे राबवले जात असल्याचे चित्र आहे. घनसावंगी तालुक्यातील तीर्थपूरी येथील मत्स्योदरी महाविद्यालय परीक्षा केंद्रावर तहसीलदार रमेश पागोटे व गट शिक्षण अधिकारी रवींद्र जोशी यांनी भेट दिली.

पत्रकार ओमप्रकाश उढाण

घनसावंगी, जालना, महाराष्ट्र•

3 hrs ago

बारावी परीक्षा केंद्रावर तहसीलदारांची प्रत्यक्ष भेट ! घनसावंगी तालुक्यात बारावी परीक्षा केंद्रावर तहसीलदारांची प्रत्यक्ष भेट ! तीन केंद्रांवर एकूण १ हजार ४७३ परीक्षार्थी... कॉपीमुक्त अभियानासाठी प्रशासन सज्ज; १०० मीटर परिसरात कलम १४४ लागू घनसावंगी ओमप्रकाश उढाण विद्यार्थी जीवनातील महत्त्वाचा टप्पा मानल्या जाणाऱ्या बारावी बोर्ड परीक्षेला मंगळवार (दि. १०) पासून सुरुवात झाली असून घनसावंगी तालुक्यातील तिन्ही परीक्षा केंद्रांवर पेपर शांत व सुरळीत वातावरणात पार पडत आहेत. यंदा जिल्हाधिकाऱ्यांच्या आदेशानुसार शिक्षण विभागाबरोबरच तहसीलदारांनीही थेट परीक्षा केंद्रांना भेट देत पाहणी केल्याने प्रशासनाची सजगता अधोरेखित झाली आहे. महाराष्ट्र राज्य माध्यमिक व उच्च माध्यमिक शिक्षण मंडळ यांच्या वतीने घेण्यात येणाऱ्या या परीक्षेसाठी तालुक्यातील तीन केंद्रांवर एकूण १ हजार ४७३ परीक्षार्थी नोंदणीकृत होते. त्यापैकी २८ विद्यार्थी गैरहजर राहिल्याने १ हजार ४४५ विद्यार्थ्यांनी इंग्रजीचा पहिला पेपर दिला. परीक्षा १८ मार्च २०२६ पर्यंत चालणार आहे. तालुक्यातील संत रामदास महाविद्यालय (घनसावंगी), कै. दत्तासाहेब देशमुख महाविद्यालय (घनसावंगी) आणि मत्स्योदरी कनिष्ठ महाविद्यालय (तीर्थपुरी) या तीन केंद्रांवर परीक्षेचे नियोजन करण्यात आले आहे. सर्व केंद्रांवर आवश्यक सुविधा उपलब्ध करून देण्यात आल्या असून विद्यार्थ्यांची बैठक व्यवस्था, तपासणी प्रक्रिया व सुरक्षा उपाय काटेकोरपणे राबविण्यात आले. कित्येक वर्षांनंतर तहसीलदारांची थेट भेट.. यंदा विशेष म्हणजे कित्येक वर्षांनंतर जिल्हाधिकारी अशीमा मित्तल यांच्या मार्गदर्शनाखाली प्रथमच तहसीलदारांनी प्रत्यक्ष परीक्षा केंद्रांना भेट देत पाहणी केली. तहसीलदार रमेश पागोटे, गटशिक्षण अधिकारी रविंद्र जोशी तसेच केंद्रप्रमुखांनी केंद्रांना भेट देऊन परिस्थितीचा आढावा घेतला. कॉपीमुक्त अभियानाची तंतोतंत अंमलबजावणी होत असल्याचे त्यांनी सांगितले. भरारी व बैठे पथकांची करडी नजर.. परीक्षेदरम्यान

कोणतेही अनुचित प्रकार घडू नयेत यासाठी भरारी पथके व बैठे पथके नेमण्यात आली आहेत. प्रत्येक केंद्रावर सीसीटीव्ही कॅमेऱ्यांची व्यवस्था करण्यात आली असून परीक्षा केंद्रापासून १०० मीटर परिसर प्रतिबंधित क्षेत्र घोषित करण्यात आला आहे. या परिसरातील झेरॉक्स केंद्रेही बंद ठेवण्यात आली आहेत. केंद्राच्या १०० मीटर परिसरात कलम १४४ लागू करण्यात आले असून पालक व अनधिकृत व्यक्तींना प्रवेशास सक्त मनाई आहे. पोलीस बंदोबस्त तैनात करण्यात आला आहे. गैरप्रकार आढळल्यास संबंधित विद्यार्थ्यांवर महाराष्ट्र प्रिव्हेंशन ऑफ मालप्रॅक्टिस अॅक्ट १९८२ तसेच भादंवि कलम १८८ व २१७ अन्वये कठोर कारवाई करण्यात येणार असल्याची माहिती शिक्षण विभागाने दिली. पहिल्याच दिवशी इंग्रजीचा पेपर असल्याने विद्यार्थ्यांमध्ये थोडीशी भीती आणि उत्सुकता दिसून आली. परीक्षा सुरू होण्याच्या अर्धा तास आधीच विद्यार्थी व पालक केंद्राबाहेर उपस्थित होते. दुपारी पेपर सोडवून बाहेर आलेल्या काही विद्यार्थ्यांनी प्रश्नपत्रिकेची पातळी थोडी कठीण असल्याचे सांगितले, तर काहींनी पेपर चांगला गेल्याची प्रतिक्रिया दिली. पालकांनी प्रशासनाला सहकार्य करावे व विद्यार्थ्यांनी आत्मविश्वासाने परीक्षेला सामोरे जावे तसेच प्रशासनाचे आवाहन बारावीची परीक्षा पारदर्शक वातावरणात पार पडण्यासाठी सर्व यंत्रणा सज्ज आहे. गैरप्रकार करताना कोणी आढळल्यास कठोर कारवाई करण्यात येईल, असे तहसीलदार रमेश पागोटे व गटशिक्षण अधिकारी रविंद्र जोशी यांनी सांगितले. एकूणच, घनसावंगी तालुक्यात बारावीच्या परीक्षा शांततेत व शिस्तबद्ध वातावरणात पार पडली असून प्रशासनाच्या कडक उपाययोजनांमुळे कॉपीमुक्त अभियान प्रभावीपणे राबवले जात असल्याचे चित्र आहे. घनसावंगी तालुक्यातील तीर्थपूरी येथील मत्स्योदरी महाविद्यालय परीक्षा केंद्रावर तहसीलदार रमेश पागोटे व गट शिक्षण अधिकारी रवींद्र जोशी यांनी भेट दिली.