ప్రభుత్వ నిర్ణీత ధరకే రైతులకు ఎరువులు సరఫరా చేయాలన్న సదాశయంతో ప్రభుత్వం ప్రతిష్ఠాత్మకంగా ప్రవేశపెట్టిన యూరియా యాప్‌పై రైతులు అవగాహన పెంపొందించుకోవాలని జైనూర్ వ్యవసాయ శాఖ మార్కెట్ కమిటీ చైర్మన్ కుడ్మెత విశ్వనాథ్ రావు పిలుపునిచ్చారు. శుక్రవారం సిర్పూర్ (యు) మండల కేంద్రంలో ప్రాథమిక సహకార సంఘం ఆధ్వర్యంలో యూరియా పంపిణీ కేంద్రాన్ని ప్రారంభించిన సందర్భంగా ఆయన ఈ వ్యాఖ్యలు చేశారు. గతంలో దళారులు రైతుల అమాయకత్వాన్ని ఆసరా చేసుకొని మార్కెట్లో కృత్రిమ కొరత సృష్టించి అధిక ధరలకు యూరియాను విక్రయించేవారని, దీంతో రైతులు తీవ్రంగా నష్టపోయేవారని చైర్మన్ గుర్తు చేశారు. యూరియా యాప్ ద్వారా యూరియా బ్లాక్ మార్కెట్ కు తరలిపోకుండా నియంత్రించవచ్చని, అంతేకాకుండా దుకాణాల వద్ద రోజువారీగా నిల్వలు ఎంత మేర ఉన్నాయో ఎప్పటికప్పుడు యాప్ లో తెలుసుకోవచ్చని ఆయన స్పష్టం చేశారు. అయితే, రైతులు తమ పట్టా పాసుపుస్తకాలు దళారులకు ఇస్తే యాప్ లో స్లాట్ బుక్ చేసి యూరియా పక్కదారి మలించే అవకాశం ఉందని ఆయన హెచ్చరించారు. ఈ కార్యక్రమంలో పాక్స్ చైర్మన్ కేంద్రే శివాజీ, సర్పంచుల సంఘం అధ్యక్షుడు పెందుర్ గణపత్, సర్పంచు విజయలక్ష్మి బీర్షా, కాంగ్రెస్ పార్టీ సీనియర్ నాయకుడు ఆత్రం నాగో రావు, సీ ఈ ఓ కనక రమేష్, అర్జున్ నాయక్ తదితరులు పాల్గొన్నారు.

Shaik Arif

సిర్పూర్ యు, కుమురం భీమ్ ఆసిఫాబాద్, తెలంగాణ•

17 hrs ago

ప్రభుత్వ నిర్ణీత ధరకే రైతులకు ఎరువులు సరఫరా చేయాలన్న సదాశయంతో ప్రభుత్వం ప్రతిష్ఠాత్మకంగా ప్రవేశపెట్టిన యూరియా యాప్‌పై రైతులు అవగాహన పెంపొందించుకోవాలని జైనూర్ వ్యవసాయ శాఖ మార్కెట్ కమిటీ చైర్మన్ కుడ్మెత విశ్వనాథ్ రావు పిలుపునిచ్చారు. శుక్రవారం సిర్పూర్ (యు) మండల కేంద్రంలో ప్రాథమిక సహకార సంఘం ఆధ్వర్యంలో యూరియా పంపిణీ కేంద్రాన్ని ప్రారంభించిన సందర్భంగా ఆయన ఈ వ్యాఖ్యలు చేశారు. గతంలో దళారులు రైతుల అమాయకత్వాన్ని ఆసరా చేసుకొని మార్కెట్లో కృత్రిమ కొరత సృష్టించి అధిక ధరలకు యూరియాను విక్రయించేవారని, దీంతో రైతులు తీవ్రంగా నష్టపోయేవారని చైర్మన్ గుర్తు చేశారు. యూరియా యాప్ ద్వారా యూరియా బ్లాక్ మార్కెట్ కు తరలిపోకుండా నియంత్రించవచ్చని, అంతేకాకుండా దుకాణాల వద్ద రోజువారీగా నిల్వలు ఎంత మేర ఉన్నాయో ఎప్పటికప్పుడు యాప్ లో తెలుసుకోవచ్చని ఆయన స్పష్టం చేశారు. అయితే, రైతులు తమ పట్టా పాసుపుస్తకాలు దళారులకు ఇస్తే యాప్ లో స్లాట్ బుక్ చేసి యూరియా పక్కదారి మలించే అవకాశం ఉందని ఆయన హెచ్చరించారు. ఈ కార్యక్రమంలో పాక్స్ చైర్మన్ కేంద్రే శివాజీ, సర్పంచుల సంఘం అధ్యక్షుడు పెందుర్ గణపత్, సర్పంచు విజయలక్ష్మి బీర్షా, కాంగ్రెస్ పార్టీ సీనియర్ నాయకుడు ఆత్రం నాగో రావు, సీ ఈ ఓ కనక రమేష్, అర్జున్ నాయక్ తదితరులు పాల్గొన్నారు.