എടത്വയിലെ തലവടി സിഎംഎസ് ഹൈസ്കൂളിൽ ലഹരിമുക്ത കേരളം ലക്ഷ്യമിട്ടുള്ള വിദ്യാഭ്യാസ വകുപ്പിന്റെ 'വൺ മില്യൻ തൂഫാൻ ഗോൾസ് @ വേൾഡ് കപ്പ് 2026' പദ്ധതിക്ക് തുടക്കമായി. ഇതിന്റെ ഭാഗമായുള്ള പെനൽറ്റി കിക്ക് ക്യാമ്പയിൻ പൂർവ്വ വിദ്യാർത്ഥി സംഘടന പ്രസിഡന്റ് റവ. സോജി വർഗ്ഗീസ് ജോൺ ഗോൾ കിക്ക് എടുത്ത് ഉദ്ഘാടനം ചെയ്തു. ഈ ഗോൾ കിക്ക് അധ്യാപകർക്കും വിദ്യാർത്ഥികൾക്കും രക്ഷകർത്താക്കൾക്കും വലിയ ആവേശമുണ്ടാക്കി. തുടർന്ന്, പൂർവ്വ വിദ്യാർത്ഥി സംഘടനയുടെ സഹകരണത്തോടെ ഒരു പൊതുസമ്മേളനവും നടന്നു. പഞ്ചായത്ത് വികസനകാര്യ സ്ഥിരം സമിതി അധ്യക്ഷ റീത്താമ്മ തോമസ് സമ്മേളനം ഉദ്ഘാടനം ചെയ്തപ്പോൾ, പ്രധാന അധ്യാപകൻ റെജിൽ സാം മാത്യു അധ്യക്ഷത വഹിച്ചു. ബോബൻ തോമസ് മാപ്പിളശേരി ലഹരി വിരുദ്ധ പ്രതിജ്ഞ ചൊല്ലിക്കൊടുത്തു. പൂർവ്വ വിദ്യാർത്ഥി സംഘടന ജനറൽ സെക്രട്ടറി ഡോ. ജോൺസൺ വി. ഇടിക്കുള, നറുക്കെടുപ്പ് വിജയി പ്രവചനപ്പെട്ടി സ്പോർട്സ് കൺവീനർ രമ്യ ബാബുവിന് സമ്മാനിച്ചു. വണ്ടർ ബീറ്റ്സ് കൺവീനർ ജിബി ഈപ്പൻ, സ്കൂൾ ചെയർമാൻ വിജിൽ വർക്കി, പി.ബി. ആര്യൻ, എസ്. ശ്രീദേവ്, ജോബിൻ ഡി. ജോസഫ് എന്നിവരും ചടങ്ങിൽ പ്രസംഗിച്ചു. സ്കൂളുകളിൽ 10 ലക്ഷം ഗോളുകൾ നേടുക എന്ന ലക്ഷ്യത്തോടെയാണ് ഈ കാമ്പയിൻ വിഭാവനം ചെയ്തിരിക്കുന്നത്. വിദ്യാഭ്യാസം, കായികം, സാങ്കേതിക വിദ്യ, ലഹരി വിരുദ്ധ ബോധവൽക്കരണം എന്നിവയെ സമന്വയിപ്പിച്ചുകൊണ്ടുള്ള ഒരു സമഗ്ര മുന്നേറ്റമായാണ് ഈ പദ്ധതിയെ കണക്കാക്കുന്നത്. 'ധീരമായി കളിക്കുക, ശുദ്ധിയായി ജീവിക്കുക, ഒരുമിച്ച് ജീവിക്കുക' എന്ന സന്ദേശം ഉയർത്തിപ്പിടിക്കുന്ന ഈ ക്യാമ്പയിൻ, കേരളത്തിലെ വിദ്യാലയങ്ങളിൽ ഒരു പുതിയ സാമൂഹിക വിദ്യാഭ്യാസ മുന്നേറ്റത്തിന് വഴിയൊരുക്കുമെന്നും പ്രതീക്ഷിക്കുന്നു.
എടത്വയിലെ തലവടി സിഎംഎസ് ഹൈസ്കൂളിൽ ലഹരിമുക്ത കേരളം ലക്ഷ്യമിട്ടുള്ള വിദ്യാഭ്യാസ വകുപ്പിന്റെ 'വൺ മില്യൻ തൂഫാൻ ഗോൾസ് @ വേൾഡ് കപ്പ് 2026' പദ്ധതിക്ക് തുടക്കമായി. ഇതിന്റെ ഭാഗമായുള്ള പെനൽറ്റി കിക്ക് ക്യാമ്പയിൻ പൂർവ്വ വിദ്യാർത്ഥി സംഘടന പ്രസിഡന്റ് റവ. സോജി വർഗ്ഗീസ് ജോൺ ഗോൾ കിക്ക് എടുത്ത് ഉദ്ഘാടനം ചെയ്തു. ഈ ഗോൾ കിക്ക് അധ്യാപകർക്കും വിദ്യാർത്ഥികൾക്കും രക്ഷകർത്താക്കൾക്കും വലിയ ആവേശമുണ്ടാക്കി. തുടർന്ന്, പൂർവ്വ വിദ്യാർത്ഥി സംഘടനയുടെ സഹകരണത്തോടെ ഒരു പൊതുസമ്മേളനവും നടന്നു. പഞ്ചായത്ത് വികസനകാര്യ സ്ഥിരം സമിതി അധ്യക്ഷ റീത്താമ്മ തോമസ് സമ്മേളനം ഉദ്ഘാടനം ചെയ്തപ്പോൾ, പ്രധാന അധ്യാപകൻ റെജിൽ സാം മാത്യു അധ്യക്ഷത വഹിച്ചു. ബോബൻ തോമസ് മാപ്പിളശേരി ലഹരി വിരുദ്ധ പ്രതിജ്ഞ ചൊല്ലിക്കൊടുത്തു. പൂർവ്വ വിദ്യാർത്ഥി സംഘടന ജനറൽ സെക്രട്ടറി ഡോ. ജോൺസൺ വി. ഇടിക്കുള, നറുക്കെടുപ്പ് വിജയി പ്രവചനപ്പെട്ടി സ്പോർട്സ് കൺവീനർ രമ്യ ബാബുവിന് സമ്മാനിച്ചു. വണ്ടർ ബീറ്റ്സ് കൺവീനർ ജിബി ഈപ്പൻ, സ്കൂൾ ചെയർമാൻ വിജിൽ വർക്കി, പി.ബി. ആര്യൻ, എസ്. ശ്രീദേവ്, ജോബിൻ ഡി. ജോസഫ് എന്നിവരും ചടങ്ങിൽ പ്രസംഗിച്ചു. സ്കൂളുകളിൽ 10 ലക്ഷം ഗോളുകൾ നേടുക എന്ന ലക്ഷ്യത്തോടെയാണ് ഈ കാമ്പയിൻ വിഭാവനം ചെയ്തിരിക്കുന്നത്. വിദ്യാഭ്യാസം, കായികം, സാങ്കേതിക വിദ്യ, ലഹരി വിരുദ്ധ ബോധവൽക്കരണം എന്നിവയെ സമന്വയിപ്പിച്ചുകൊണ്ടുള്ള ഒരു സമഗ്ര മുന്നേറ്റമായാണ് ഈ പദ്ധതിയെ കണക്കാക്കുന്നത്. 'ധീരമായി കളിക്കുക, ശുദ്ധിയായി ജീവിക്കുക, ഒരുമിച്ച് ജീവിക്കുക' എന്ന സന്ദേശം ഉയർത്തിപ്പിടിക്കുന്ന ഈ ക്യാമ്പയിൻ, കേരളത്തിലെ വിദ്യാലയങ്ങളിൽ ഒരു പുതിയ സാമൂഹിക വിദ്യാഭ്യാസ മുന്നേറ്റത്തിന് വഴിയൊരുക്കുമെന്നും പ്രതീക്ഷിക്കുന്നു.
