అల్లూరి జిల్లా అనంతగిరి, డుంబ్రిగూడ, హుక్కుంపేట మండలాలను విజయనగరం జిల్లా శృంగవరపుకోటకు కలిపే నిమ్మలపాడు - వేంగడ 10 కిలోమీటర్ల ప్రధాన రహదారి అత్యంత ప్రమాదకరంగా మారింది. ఈ మార్గంలో ప్రయాణించే వాహనదారులు వాహనంపై కొద్దిగా అదుపు తప్పినా ప్రాణాలు కోల్పోయే పరిస్థితి నెలకొనడంతో జనం తీవ్ర భయాందోళనల మధ్య ప్రయాణిస్తున్నారు. ఇరుకైన ఈ రోడ్డులో ప్రయాణించేటప్పుడు వాహనదారులు ఎంతో జాగ్రత్తగా ఉండాలని హెచ్చరిస్తున్నారు. 2016లో కోట్ల రూపాయల పంచాయతీరాజ్ నిధులతో నిర్మించిన ఈ రోడ్డు, ఇటీవల కాలంలో జుంబువలస నుండి బూర్జ వరకు, బూర్జ నుండి పట్టక దవడ వరకు, అలాగే మజ్జివలస నుండి అడవి తల్లి బాట కొండయ్యపాడు వరకు కొత్తగా చేపట్టిన రహదారి పనుల వల్ల తీవ్రంగా దెబ్బతింది. ఈ పనుల కోసం భారీ వాహనాలు, యంత్రాలు తిరగడంతో కోట్లు ఖర్చు చేసిన రోడ్డు పూర్తిగా కోతకు గురై కంకర రాళ్లు తేలడమే కాకుండా మోకాల్లోతు గుంతలు పడ్డాయి. అనంతగిరి మండల పరిధిలోని ఐదు పంచాయతీల గిరిజన ప్రజలు జిల్లా కేంద్రమైన పాడేరు చేరుకోవడానికి ఇది అత్యంత సమీప మార్గం కావడంతో నిత్యం అనేకమంది ఇబ్బందులు పడుతూనే రాకపోకలు సాగిస్తున్నారు. విద్యా, వైద్య, వ్యాపార అవసరాల కోసం మైదాన ప్రాంతాలైన శృంగవరపుకోట, విజయనగరం వెళ్లేందుకు గిరిజనులు అరచేతిలో ప్రాణాలు పెట్టుకుని ప్రయాణించాల్సి వస్తోంది. ఈ మార్గం ఇరుకుగా ఉండటమే కాకుండా మలుపుల వద్ద కనీసం సూచిక బోర్డులు కూడా లేకపోవడంతో ఇప్పటికే ఎన్నో రోడ్డు ప్రమాదాలు చోటుచేసుకున్నాయి. పాలకులు, జిల్లా అధికారులు పలుమార్లు ఈ మార్గంలోనే ప్రయాణిస్తున్నప్పటికీ, రోడ్డు విస్తరణ కోసం లేదా కనీసం మరమ్మతుల కోసం స్పందించకపోవడంపై స్థానిక గిరిజనుల నుండి తీవ్ర విమర్శలు వ్యక్తమవుతున్నాయి. ఇప్పటికైనా సంబంధిత జిల్లా అధికార యంత్రాంగం, పార్లమెంట్ సభ్యులు, శాసనసభ్యులు, స్థానిక ప్రజాప్రతినిధులు సానుకూలంగా స్పందించి ఈ శాశ్వత రోడ్డు సమస్యను పరిష్కరించాలని స్థానికులు కోరుతున్నారు. ఇక్కడ ప్రభుత్వ బస్సు సౌకర్యం కల్పిస్తే పాడేరు జిల్లా కేంద్రం నుండి ఎస్.కోట, విజయనగరం మైదాన ప్రాంతాలకు తక్కువ సమయంలో ప్రయాణం సాగుతుందని, తద్వారా ఈ మారుమూల గిరిజన ప్రాంతం అభివృద్ధి చెందుతుందని గిరిజనులు, ఆదివాసీ మేధావులు, విశ్లేషకులు డిమాండ్ చేస్తున్నారు.

Laxman Regam

Local News Reporter అనంతగిరి, అల్లూరి సీతారామ రాజు, ఆంధ్రప్రదేశ్•

1 hr ago

అల్లూరి జిల్లా అనంతగిరి, డుంబ్రిగూడ, హుక్కుంపేట మండలాలను విజయనగరం జిల్లా శృంగవరపుకోటకు కలిపే నిమ్మలపాడు - వేంగడ 10 కిలోమీటర్ల ప్రధాన రహదారి అత్యంత ప్రమాదకరంగా మారింది. ఈ మార్గంలో ప్రయాణించే వాహనదారులు వాహనంపై కొద్దిగా అదుపు తప్పినా ప్రాణాలు కోల్పోయే పరిస్థితి నెలకొనడంతో జనం తీవ్ర భయాందోళనల మధ్య ప్రయాణిస్తున్నారు. ఇరుకైన ఈ రోడ్డులో ప్రయాణించేటప్పుడు వాహనదారులు ఎంతో జాగ్రత్తగా ఉండాలని హెచ్చరిస్తున్నారు. 2016లో కోట్ల రూపాయల పంచాయతీరాజ్ నిధులతో నిర్మించిన ఈ రోడ్డు, ఇటీవల కాలంలో జుంబువలస

నుండి బూర్జ వరకు, బూర్జ నుండి పట్టక దవడ వరకు, అలాగే మజ్జివలస నుండి అడవి తల్లి బాట కొండయ్యపాడు వరకు కొత్తగా చేపట్టిన రహదారి పనుల వల్ల తీవ్రంగా దెబ్బతింది. ఈ పనుల కోసం భారీ వాహనాలు, యంత్రాలు తిరగడంతో కోట్లు ఖర్చు చేసిన రోడ్డు పూర్తిగా కోతకు గురై కంకర రాళ్లు తేలడమే కాకుండా మోకాల్లోతు గుంతలు పడ్డాయి. అనంతగిరి మండల పరిధిలోని ఐదు పంచాయతీల గిరిజన ప్రజలు జిల్లా కేంద్రమైన పాడేరు చేరుకోవడానికి ఇది

అత్యంత సమీప మార్గం కావడంతో నిత్యం అనేకమంది ఇబ్బందులు పడుతూనే రాకపోకలు సాగిస్తున్నారు. విద్యా, వైద్య, వ్యాపార అవసరాల కోసం మైదాన ప్రాంతాలైన శృంగవరపుకోట, విజయనగరం వెళ్లేందుకు గిరిజనులు అరచేతిలో ప్రాణాలు పెట్టుకుని ప్రయాణించాల్సి వస్తోంది. ఈ మార్గం ఇరుకుగా ఉండటమే కాకుండా మలుపుల వద్ద కనీసం సూచిక బోర్డులు కూడా లేకపోవడంతో ఇప్పటికే ఎన్నో రోడ్డు ప్రమాదాలు చోటుచేసుకున్నాయి. పాలకులు, జిల్లా అధికారులు పలుమార్లు ఈ మార్గంలోనే ప్రయాణిస్తున్నప్పటికీ, రోడ్డు విస్తరణ కోసం లేదా కనీసం మరమ్మతుల కోసం

స్పందించకపోవడంపై స్థానిక గిరిజనుల నుండి తీవ్ర విమర్శలు వ్యక్తమవుతున్నాయి. ఇప్పటికైనా సంబంధిత జిల్లా అధికార యంత్రాంగం, పార్లమెంట్ సభ్యులు, శాసనసభ్యులు, స్థానిక ప్రజాప్రతినిధులు సానుకూలంగా స్పందించి ఈ శాశ్వత రోడ్డు సమస్యను పరిష్కరించాలని స్థానికులు కోరుతున్నారు. ఇక్కడ ప్రభుత్వ బస్సు సౌకర్యం కల్పిస్తే పాడేరు జిల్లా కేంద్రం నుండి ఎస్.కోట, విజయనగరం మైదాన ప్రాంతాలకు తక్కువ సమయంలో ప్రయాణం సాగుతుందని, తద్వారా ఈ మారుమూల గిరిజన ప్రాంతం అభివృద్ధి చెందుతుందని గిరిజనులు, ఆదివాసీ మేధావులు, విశ్లేషకులు డిమాండ్ చేస్తున్నారు.