తెలంగాణ రాష్ట్రవ్యాప్తంగా పనిచేస్తున్న సుమారు 65 వేల మంది మున్సిపల్ ఉద్యోగులు, కార్మికులకు కనీస వేతనం ₹26,000 అమలు చేయాలని, వారిని పర్మినెంట్ చేయాలని సీఐటీయూ జిల్లా కార్యదర్శి ఎండి సలీం ప్రభుత్వాన్ని డిమాండ్ చేశారు. తెలంగాణ మున్సిపల్ వర్కర్స్ అండ్ ఎంప్లాయిస్ యూనియన్ రాష్ట్ర కమిటీ పిలుపు మేరకు సోమవారం నల్గొండ జిల్లా కలెక్టరేట్ ముందు ధర్నా నిర్వహించిన అనంతరం జిల్లా కలెక్టర్ చంద్రశేఖర్ కు వినతిపత్రం సమర్పించారు. ఈ సందర్భంగా సలీం మాట్లాడుతూ, మున్సిపల్ కార్పొరేషన్లు, మున్సిపాలిటీలలో సంవత్సరాల తరబడి విధులు నిర్వహిస్తున్నా కార్మికులకు పర్మినెంట్ హోదా, కనీస వేతనాలు అమలు కావడం లేదని ఆవేదన వ్యక్తం చేశారు. అర్హత కలిగిన వారికి ప్రమోషన్లు ఇవ్వడం లేదని, అనేక మున్సిపాలిటీలలో నెలల తరబడి వేతనాలు చెల్లించడం లేదని తెలిపారు. కార్మికులకు ఎలాంటి రక్షణ సదుపాయాలు కల్పించకపోవడంతో పనిచేసే క్రమంలో ప్రమాదాలు జరిగి అనేక మంది మరణిస్తున్నా, ప్రభుత్వం వారికి ఎలాంటి నష్టపరిహారం చెల్లించడం లేదని అన్నారు. నిత్యం మురికి మలినాలలో పనిచేస్తున్న కార్మికులు అనారోగ్యానికి గురైనా, ప్రమాదాలకు గురైనా ఎలాంటి వైద్య సేవలు అందక తీవ్ర ఇబ్బందులు ఎదుర్కొంటున్నారని, దీనిని పరిష్కరించడానికి ప్రభుత్వ ఆసుపత్రులలో ఈఎస్ఐ వైద్య సేవల విభాగాన్ని కేటాయించాలని ఆయన డిమాండ్ చేశారు. కాంగ్రెస్ ప్రభుత్వం పారిశుధ్య కార్మికులను పర్మినెంట్ చేసి, కనీస వేతనాలు చెల్లిస్తామని, ఇందిరమ్మ ఇళ్లు ఇస్తామని హామీ ఇచ్చినా, రెండు సంవత్సరాలు కావస్తున్నా అవి అమలు కాలేదని సలీం గుర్తు చేశారు. 2వ పీఆర్‌పీలోనైనా కనీస వేతనం ₹26,000 నిర్ణయించి కేటగిరీల వారీగా అమలు చేయాలని, వివిధ ప్రభుత్వ శాఖలలో అమలు చేస్తున్న విధంగా మున్సిపల్ కార్మికులందరికీ డీఏ అమలు చేయాలని కోరారు. 2005-2006 సంవత్సరాల నుండి పీఎఫ్, ఈఎస్ఐ అమలు అవుతున్నప్పటికీ, అనేక మున్సిపాలిటీలలో కార్మికుల వేతనాల నుండి డబ్బులు కట్ చేస్తున్నా పీఎఫ్, ఈఎస్ఐ ఖాతాలలో జమ చేయడం లేదని, దీంతో కోట్లాది రూపాయల బకాయిలు పేరుకుపోయాయని పేర్కొన్నారు. తక్షణమే ఈ బకాయిల సమస్యను పరిష్కరించాలని ఆయన డిమాండ్ చేశారు. వయస్సు పైబడిన, అనారోగ్యానికి గురైన, మరణించిన కార్మికుల స్థానంలో గతంలో కల్పించిన విధంగా రీప్లేస్‌మెంట్ సౌకర్యాన్ని పునరుద్ధరించాలని సలీం విజ్ఞప్తి చేశారు. మున్సిపాలిటీలలో విలీనమైన పంచాయతీల కార్మికులకు గెజిట్ అయిన నాటినుండే మున్సిపాలిటీలలో అమలు చేస్తున్న వేతనాలను ఇవ్వాలని, మరణించిన కార్మికుల దహన సంస్కారాల ఖర్చుల నిమిత్తం ₹30,000 చెల్లించాలని కోరారు. ఐఎఫ్ఎంఐఎస్ ఆన్లైన్ పోర్టల్‌లో నమోదు కాని మున్సిపల్ కార్మికుల పేర్లను తక్షణమే నమోదు చేసి, వారికి ఉద్యోగ భద్రత కల్పించాలని, పని చేసిన కాలానికి వేతనాలు చెల్లించాలని డిమాండ్ చేశారు. ప్రభుత్వం వెంటనే జోక్యం చేసుకొని, పైన పేర్కొన్న అంశాలను దృష్టిలో ఉంచుకొని కొత్త పీఆర్‌సీలో కనీస వేతనం ₹26,000 నిర్ణయించాలని, మున్సిపల్ సిబ్బంది అందరినీ పర్మినెంట్ చేయాలని, కొత్త కార్మికులకు జీవో ప్రకారం వేతనాలు అమలు చేయాలని, తమ పరిధిలోని సమస్యలను తక్షణమే పరిష్కరించి, ఇతర అంశాలను రాష్ట్ర ప్రభుత్వం దృష్టికి తీసుకెళ్ళి సమస్యలు పరిష్కరించాలని కలెక్టర్‌కు విజ్ఞప్తి చేశారు. ఈ కార్యక్రమంలో సీఐటీయూ జిల్లా ఉపాధ్యక్షులు దండెంపల్లి సత్తయ్య, యూనియన్ జిల్లా ఉపాధ్యక్షులు పాల లక్ష్మయ్య, కత్తుల సైదులు, అన్నిపాక శ్రీను, జనుపాల జ్యోతి, చిలుముల వెంకన్న, చిక్కుల రాములు, పందుల లింగయ్య, పేర్ల సంజీవ, బీపంగి నాగరాజు, కత్తుల కృష్ణవేణి, ఎస్కే జానీ, యాదమ్మ, ముత్తమ్మ, ఏర్పుల శ్రావణ్ కుమార్ తదితరులు పాల్గొన్నారు.

Praneeth

Nalgonda, Telangana•

1 hr ago

తెలంగాణ రాష్ట్రవ్యాప్తంగా పనిచేస్తున్న సుమారు 65 వేల మంది మున్సిపల్ ఉద్యోగులు, కార్మికులకు కనీస వేతనం ₹26,000 అమలు చేయాలని, వారిని పర్మినెంట్ చేయాలని సీఐటీయూ జిల్లా కార్యదర్శి ఎండి సలీం ప్రభుత్వాన్ని డిమాండ్ చేశారు. తెలంగాణ మున్సిపల్ వర్కర్స్ అండ్ ఎంప్లాయిస్ యూనియన్ రాష్ట్ర కమిటీ పిలుపు మేరకు సోమవారం నల్గొండ జిల్లా కలెక్టరేట్ ముందు ధర్నా నిర్వహించిన అనంతరం జిల్లా కలెక్టర్ చంద్రశేఖర్ కు వినతిపత్రం సమర్పించారు. ఈ సందర్భంగా సలీం మాట్లాడుతూ, మున్సిపల్ కార్పొరేషన్లు, మున్సిపాలిటీలలో సంవత్సరాల తరబడి విధులు నిర్వహిస్తున్నా కార్మికులకు పర్మినెంట్ హోదా, కనీస వేతనాలు అమలు కావడం లేదని ఆవేదన వ్యక్తం చేశారు. అర్హత కలిగిన వారికి ప్రమోషన్లు ఇవ్వడం లేదని, అనేక మున్సిపాలిటీలలో నెలల తరబడి వేతనాలు చెల్లించడం లేదని తెలిపారు. కార్మికులకు ఎలాంటి రక్షణ సదుపాయాలు కల్పించకపోవడంతో పనిచేసే క్రమంలో ప్రమాదాలు జరిగి అనేక మంది మరణిస్తున్నా, ప్రభుత్వం వారికి ఎలాంటి నష్టపరిహారం చెల్లించడం లేదని అన్నారు. నిత్యం మురికి మలినాలలో పనిచేస్తున్న కార్మికులు అనారోగ్యానికి గురైనా, ప్రమాదాలకు గురైనా ఎలాంటి వైద్య సేవలు అందక తీవ్ర ఇబ్బందులు ఎదుర్కొంటున్నారని, దీనిని పరిష్కరించడానికి ప్రభుత్వ ఆసుపత్రులలో ఈఎస్ఐ వైద్య సేవల విభాగాన్ని కేటాయించాలని ఆయన డిమాండ్ చేశారు. కాంగ్రెస్ ప్రభుత్వం పారిశుధ్య కార్మికులను పర్మినెంట్ చేసి, కనీస వేతనాలు చెల్లిస్తామని, ఇందిరమ్మ ఇళ్లు ఇస్తామని హామీ ఇచ్చినా, రెండు సంవత్సరాలు కావస్తున్నా అవి అమలు కాలేదని సలీం గుర్తు చేశారు. 2వ పీఆర్‌పీలోనైనా కనీస వేతనం ₹26,000 నిర్ణయించి కేటగిరీల వారీగా అమలు చేయాలని, వివిధ ప్రభుత్వ శాఖలలో అమలు చేస్తున్న విధంగా మున్సిపల్ కార్మికులందరికీ డీఏ అమలు చేయాలని

కోరారు. 2005-2006 సంవత్సరాల నుండి పీఎఫ్, ఈఎస్ఐ అమలు అవుతున్నప్పటికీ, అనేక మున్సిపాలిటీలలో కార్మికుల వేతనాల నుండి డబ్బులు కట్ చేస్తున్నా పీఎఫ్, ఈఎస్ఐ ఖాతాలలో జమ చేయడం లేదని, దీంతో కోట్లాది రూపాయల బకాయిలు పేరుకుపోయాయని పేర్కొన్నారు. తక్షణమే ఈ బకాయిల సమస్యను పరిష్కరించాలని ఆయన డిమాండ్ చేశారు. వయస్సు పైబడిన, అనారోగ్యానికి గురైన, మరణించిన కార్మికుల స్థానంలో గతంలో కల్పించిన విధంగా రీప్లేస్‌మెంట్ సౌకర్యాన్ని పునరుద్ధరించాలని సలీం విజ్ఞప్తి చేశారు. మున్సిపాలిటీలలో విలీనమైన పంచాయతీల కార్మికులకు గెజిట్ అయిన నాటినుండే మున్సిపాలిటీలలో అమలు చేస్తున్న వేతనాలను ఇవ్వాలని, మరణించిన కార్మికుల దహన సంస్కారాల ఖర్చుల నిమిత్తం ₹30,000 చెల్లించాలని కోరారు. ఐఎఫ్ఎంఐఎస్ ఆన్లైన్ పోర్టల్‌లో నమోదు కాని మున్సిపల్ కార్మికుల పేర్లను తక్షణమే నమోదు చేసి, వారికి ఉద్యోగ భద్రత కల్పించాలని, పని చేసిన కాలానికి వేతనాలు చెల్లించాలని డిమాండ్ చేశారు. ప్రభుత్వం వెంటనే జోక్యం చేసుకొని, పైన పేర్కొన్న అంశాలను దృష్టిలో ఉంచుకొని కొత్త పీఆర్‌సీలో కనీస వేతనం ₹26,000 నిర్ణయించాలని, మున్సిపల్ సిబ్బంది అందరినీ పర్మినెంట్ చేయాలని, కొత్త కార్మికులకు జీవో ప్రకారం వేతనాలు అమలు చేయాలని, తమ పరిధిలోని సమస్యలను తక్షణమే పరిష్కరించి, ఇతర అంశాలను రాష్ట్ర ప్రభుత్వం దృష్టికి తీసుకెళ్ళి సమస్యలు పరిష్కరించాలని కలెక్టర్‌కు విజ్ఞప్తి చేశారు. ఈ కార్యక్రమంలో సీఐటీయూ జిల్లా ఉపాధ్యక్షులు దండెంపల్లి సత్తయ్య, యూనియన్ జిల్లా ఉపాధ్యక్షులు పాల లక్ష్మయ్య, కత్తుల సైదులు, అన్నిపాక శ్రీను, జనుపాల జ్యోతి, చిలుముల వెంకన్న, చిక్కుల రాములు, పందుల లింగయ్య, పేర్ల సంజీవ, బీపంగి నాగరాజు, కత్తుల కృష్ణవేణి, ఎస్కే జానీ, యాదమ్మ, ముత్తమ్మ, ఏర్పుల శ్రావణ్ కుమార్ తదితరులు పాల్గొన్నారు.