२१ जून २०२६ रोजी आंतरराष्ट्रीय योग दिनानिमित्त पिंपरी चिंचवड महानगरपालिका आणि योग विद्या धाम, निगडी यांच्या संयुक्त विद्यमाने एका विशेष योगाभ्यास कार्यक्रमाचे आयोजन करण्यात आले होते. ‘एक पृथ्वी, एक आरोग्य’ या संकल्पनेवर आधारित हा कार्यक्रम मोठ्या उत्साहात पार पडला, ज्यात नागरिकांनी मोठ्या संख्येने सहभागी होऊन योगाभ्यास केला. कार्यक्रमाची सुरुवात क्रीडा, कला, साहित्य व सांस्कृतिक समितीचे सभापती कैलास कुटे आणि अतिरिक्त आयुक्त कुलदीप जंगम यांच्या हस्ते दीपप्रज्वलनाने झाली. या कार्यक्रमाला नगरसेविका अनुराधा गोरखे, उपआयुक्त पंकज पाटील, क्रीडा अधिकारी दिपक कन्हेरे, प्रशासन अधिकारी दत्तात्रय सूर्यवंशी, योग विद्या धाम, निगडीचे प्रमुख प्रमोद निफाडकर, योगिनीज योगा क्लासेसच्या संचालिका योगिता तरडे तसेच छत्रपती पुरस्कार विजेत्या शीतल मारणे उपस्थित होत्या. त्यानंतर ओंकार उच्चारण व प्रार्थनेद्वारे योग सत्राला प्रारंभ करण्यात आला. उपस्थित मान्यवरांनी यावेळी योगाचे महत्त्व, निरोगी जीवनासाठी योगाची आवश्यकता आणि शारीरिक, मानसिक व आध्यात्मिक आरोग्य जपण्यात योगाचे योगदान यावर मार्गदर्शन केले. या प्रसंगी पंतप्रधान नरेंद्र मोदी यांनी योगाचा जागतिक स्तरावर प्रसार करण्यासाठी आणि भारतीय संस्कृतीतील या अमूल्य परंपरेला आंतरराष्ट्रीय मान्यता मिळवून देण्यासाठी केलेल्या प्रयत्नांचे स्मरण करण्यात आले. योग विद्या धामने विविध योगासनांची प्रात्यक्षिके सादर केली, ज्यात उपस्थित मान्यवरांनी आणि नागरिकांनीही सक्रिय सहभाग घेतला. नियमित योगाभ्यासामुळे निरोगी आणि संतुलित जीवनशैली घडण्यास मदत होते, असे मत यावेळी व्यक्त करण्यात आले. कैलास कुटे यांनी यावेळी आवाहन केले की, योग हा भारतीय संस्कृतीचा अमूल्य वारसा आणि निरोगी जीवनाचा भक्कम पाया आहे, त्यामुळे प्रत्येक नागरिकाने योगाला आपल्या दैनंदिन जीवनाचा अविभाज्य भाग बनवावे. अतिरिक्त आयुक्त कुलदीप जंगम यांनी सांगितले की, "योग" ही केवळ एक व्यायाम पद्धती नसून शरीर, मन आणि बुद्धी यांचा समतोल साधणारी जीवनशैली आहे. त्यांनी नियमित योगाभ्यासामुळे नागरिकांचे आरोग्य सुदृढ राहण्यास मदत होते आणि प्रत्येकाने आपल्या दैनंदिन जीवनात योगाचा समावेश करून निरोगी समाज घडविण्यात हातभार लावावा असेही नमूद केले. हा संयुक्त योगाभ्यास कार्यक्रम मोठ्या उत्साहात संपन्न झाला.

City Mirror News

Media house पिंपरी चिंचवड, पुणे, महाराष्ट्र•

3 hrs ago

२१ जून २०२६ रोजी आंतरराष्ट्रीय योग दिनानिमित्त पिंपरी चिंचवड महानगरपालिका आणि योग विद्या धाम, निगडी यांच्या संयुक्त विद्यमाने एका विशेष योगाभ्यास कार्यक्रमाचे आयोजन करण्यात आले होते. ‘एक पृथ्वी, एक आरोग्य’ या संकल्पनेवर आधारित हा कार्यक्रम मोठ्या उत्साहात पार पडला, ज्यात नागरिकांनी मोठ्या संख्येने सहभागी होऊन योगाभ्यास केला. कार्यक्रमाची सुरुवात क्रीडा, कला, साहित्य व सांस्कृतिक समितीचे सभापती कैलास कुटे आणि अतिरिक्त आयुक्त कुलदीप जंगम यांच्या हस्ते दीपप्रज्वलनाने झाली. या कार्यक्रमाला नगरसेविका अनुराधा गोरखे, उपआयुक्त पंकज पाटील, क्रीडा अधिकारी दिपक कन्हेरे, प्रशासन अधिकारी दत्तात्रय सूर्यवंशी, योग विद्या धाम, निगडीचे प्रमुख प्रमोद निफाडकर, योगिनीज योगा क्लासेसच्या संचालिका योगिता तरडे तसेच छत्रपती पुरस्कार विजेत्या शीतल मारणे उपस्थित होत्या. त्यानंतर ओंकार उच्चारण व प्रार्थनेद्वारे योग सत्राला प्रारंभ करण्यात आला. उपस्थित मान्यवरांनी यावेळी योगाचे महत्त्व, निरोगी जीवनासाठी योगाची आवश्यकता आणि शारीरिक, मानसिक व आध्यात्मिक आरोग्य जपण्यात योगाचे योगदान यावर मार्गदर्शन केले. या प्रसंगी पंतप्रधान नरेंद्र

मोदी यांनी योगाचा जागतिक स्तरावर प्रसार करण्यासाठी आणि भारतीय संस्कृतीतील या अमूल्य परंपरेला आंतरराष्ट्रीय मान्यता मिळवून देण्यासाठी केलेल्या प्रयत्नांचे स्मरण करण्यात आले. योग विद्या धामने विविध योगासनांची प्रात्यक्षिके सादर केली, ज्यात उपस्थित मान्यवरांनी आणि नागरिकांनीही सक्रिय सहभाग घेतला. नियमित योगाभ्यासामुळे निरोगी आणि संतुलित जीवनशैली घडण्यास मदत होते, असे मत यावेळी व्यक्त करण्यात आले. कैलास कुटे यांनी यावेळी आवाहन केले की, योग हा भारतीय संस्कृतीचा अमूल्य वारसा आणि निरोगी जीवनाचा भक्कम पाया आहे, त्यामुळे प्रत्येक नागरिकाने योगाला आपल्या दैनंदिन जीवनाचा अविभाज्य भाग बनवावे. अतिरिक्त आयुक्त कुलदीप जंगम यांनी सांगितले की, "योग" ही केवळ एक व्यायाम पद्धती नसून शरीर, मन आणि बुद्धी यांचा समतोल साधणारी जीवनशैली आहे. त्यांनी नियमित योगाभ्यासामुळे नागरिकांचे आरोग्य सुदृढ राहण्यास मदत होते आणि प्रत्येकाने आपल्या दैनंदिन जीवनात योगाचा समावेश करून निरोगी समाज घडविण्यात हातभार लावावा असेही नमूद केले. हा संयुक्त योगाभ्यास कार्यक्रम मोठ्या उत्साहात संपन्न झाला.