नवजात बालकासाठी नातेवाईकांचा शोध; ३० दिवसांत संपर्क न केल्यास दत्तक प्रक्रियेला सुरुवात... नवजात बालकासाठी नातेवाईकांचा शोध; ३० दिवसांत संपर्क न केल्यास दत्तक प्रक्रियेला सुरुवात शेगांव / बुलढाणा | प्रतिनिधी मानसिक आजाराने ग्रस्त आईपासून जन्मलेल्या नवजात बालकाच्या संगोपनाचा प्रश्न ऐरणीवर आला असून त्याच्या पुनर्वसनासाठी रक्ताच्या नात्यातील नातेवाईकांनी पुढे यावे, असे भावनिक व तातडीचे आवाहन जिल्हा प्रशासनाने केले आहे. ३० दिवसांच्या आत संबंधितांनी संपर्क साधला नाही तर बालकाला दत्तक विधानासाठी मुक्त करण्याची प्रक्रिया सुरू करण्यात येणार आहे, अशी माहिती दिवेश मराठे, जिल्हा बाल संरक्षण अधिकारी यांनी दिली. रोहन असे या चिमुकल्याचे नाव असून त्याची आई रुपाली प्रशांत लोंडे ही मानसिक रुग्ण असल्याने जन्मानंतर लगेचच दि. ५ नोव्हेंबर २०२५ रोजी बाल कल्याण समिती बुलढाणा यांच्यासमोर बालकाला हजर करण्यात आले. समितीच्या आदेशानुसार सध्या बालकाची काळजी यशोधाम - दि लव्ह ट्रस्ट फॉर इंडियन चिल्ड्रेन इन नीड येथे घेतली जात आहे. दरम्यान, बालकाची आई दि. २९ नोव्हेंबर २०२५ रोजी निधन पावल्याने या चिमुकल्यावर अनाथत्वाची वेळ ओढवली. जन्माला येताच आईचा आधार हरपलेल्या या बालकाची जबाबदारी स्वीकारण्यासाठी अद्याप एकही नातेवाईक पुढे आलेला नाही, ही दुर्दैवी बाब समोर आली आहे. बालकाला कुटुंबाचा ऊबदार सहवास मिळावा यासाठी प्रशासनाकडून शेवटचे आवाहन करण्यात आले असून, रक्तसंबंधातील नातेवाईकांनी ३० दिवसांच्या आत पुढे येऊन संपर्क साधावा, असे सांगण्यात आले आहे. अन्यथा नियमानुसार दत्तक प्रक्रियेला सुरुवात होणार आहे. नातेवाईकांनी यशोधाम, खामगाव रोड, सेंट जोसेफ स्कूलजवळ, सुंदरखेड (ता. बुलढाणा) येथे प्रत्यक्ष भेट द्यावी किंवा सामाजिक कार्यकर्ते रामेश्वर जाधव (मो. ९५५२२‍०६५०३) यांच्याशी संपर्क साधावा, असे आवाहन करण्यात आले आहे. आईच्या मायेविना वाढणाऱ्या या चिमुकल्याला आपल्या रक्ताच्या नात्याचा आधार मिळणार का? याकडे संपूर्ण जिल्ह्याचे लक्ष लागले आहे.

Sachin kadukar

Photographer Shegaon, Buldhana•

4 hrs ago

नवजात बालकासाठी नातेवाईकांचा शोध; ३० दिवसांत संपर्क न केल्यास दत्तक प्रक्रियेला सुरुवात... नवजात बालकासाठी नातेवाईकांचा शोध; ३० दिवसांत संपर्क न केल्यास दत्तक प्रक्रियेला सुरुवात शेगांव / बुलढाणा | प्रतिनिधी मानसिक आजाराने ग्रस्त आईपासून जन्मलेल्या नवजात बालकाच्या संगोपनाचा प्रश्न ऐरणीवर आला असून त्याच्या पुनर्वसनासाठी रक्ताच्या नात्यातील नातेवाईकांनी पुढे यावे, असे भावनिक व तातडीचे आवाहन जिल्हा प्रशासनाने केले आहे. ३० दिवसांच्या आत संबंधितांनी संपर्क साधला नाही तर बालकाला दत्तक विधानासाठी मुक्त करण्याची प्रक्रिया सुरू करण्यात येणार आहे, अशी माहिती दिवेश मराठे, जिल्हा बाल संरक्षण अधिकारी यांनी दिली. रोहन असे या चिमुकल्याचे नाव असून त्याची आई रुपाली प्रशांत लोंडे ही मानसिक रुग्ण असल्याने जन्मानंतर लगेचच दि. ५ नोव्हेंबर २०२५ रोजी बाल कल्याण समिती बुलढाणा यांच्यासमोर बालकाला हजर करण्यात आले. समितीच्या आदेशानुसार सध्या बालकाची काळजी यशोधाम - दि लव्ह ट्रस्ट फॉर इंडियन चिल्ड्रेन इन नीड येथे घेतली जात आहे. दरम्यान, बालकाची आई दि. २९ नोव्हेंबर २०२५ रोजी निधन पावल्याने या चिमुकल्यावर अनाथत्वाची वेळ ओढवली. जन्माला येताच आईचा आधार हरपलेल्या या बालकाची जबाबदारी स्वीकारण्यासाठी अद्याप एकही नातेवाईक पुढे आलेला नाही, ही दुर्दैवी बाब समोर आली आहे. बालकाला कुटुंबाचा ऊबदार सहवास मिळावा यासाठी प्रशासनाकडून शेवटचे आवाहन करण्यात आले असून, रक्तसंबंधातील नातेवाईकांनी ३० दिवसांच्या आत पुढे येऊन संपर्क साधावा, असे सांगण्यात आले आहे. अन्यथा नियमानुसार दत्तक प्रक्रियेला सुरुवात होणार आहे. नातेवाईकांनी यशोधाम, खामगाव रोड, सेंट जोसेफ स्कूलजवळ, सुंदरखेड (ता. बुलढाणा) येथे प्रत्यक्ष भेट द्यावी किंवा सामाजिक कार्यकर्ते रामेश्वर जाधव (मो. ९५५२२‍०६५०३) यांच्याशी संपर्क साधावा, असे आवाहन करण्यात आले आहे. आईच्या मायेविना वाढणाऱ्या या चिमुकल्याला आपल्या रक्ताच्या नात्याचा आधार मिळणार का? याकडे संपूर्ण जिल्ह्याचे लक्ष लागले आहे.