చింతూరు ప్రభుత్వ ఏరియా ఆసుపత్రిలో అనస్థీషియా (మత్తు) డాక్టర్ లేకపోవడం వల్ల గర్భిణీలకు ప్రసవ ఆపరేషన్లు పూర్తిగా నిలిచిపోవడం అత్యంత దారుణమని సిపిఎం తీవ్ర ఆగ్రహం వ్యక్తం చేసింది. తక్షణమే ఈ సమస్యను పరిష్కరించకపోతే ఐటీడీఏ ముందు ఆందోళన చేస్తామని సిపిఎం చింతూరు మండల కార్యదర్శి పల్లపు వెంకట్, మండల కార్యదర్శి వర్గ సభ్యులు సీసం సురేష్ జూన్ 22న హెచ్చరించారు. గతంలో ఈ ఆసుపత్రిలో మత్తు డాక్టర్‌గా పనిచేసిన కోటి రెడ్డి పదవీ విరమణ చేసినప్పటి నుండి ప్రసవ ఆపరేషన్లు ఆగిపోయాయని వారు తెలిపారు. నెలకు 20 నుండి 30 సిజేరియన్ ఆపరేషన్లు జరిపి, ముంపు మండలాల పేద గిరిజనులకు సంజీవనిలా ఉన్న చింతూరు ఆసుపత్రిని అధికారులు పూర్తిగా నిర్లక్ష్యం చేశారని సిపిఎం విమర్శించింది. మత్తు డాక్టర్ లేకపోవడంతో, గర్భిణీ స్త్రీలను అత్యవసర పరిస్థితుల్లో భద్రాచలంలోని ప్రైవేట్ ఆసుపత్రులకు తరలించాల్సి వస్తోందని, దీనివల్ల వేలాది రూపాయలు అప్పులు తెచ్చి ఖర్చు చేయాల్సి వస్తోందని వారు ఆవేదన వ్యక్తం చేశారు. దీనికి జిల్లా వైద్య ఆరోగ్య శాఖ, ఉన్నతాధికారుల నిర్లక్ష్యమే కారణమని సిపిఎం ధ్వజమెత్తింది. ఆసుపత్రిని 100 పడకల ఆసుపత్రిగా అప్‌గ్రేడ్ చేశామని గొప్పలు చెప్పుకుంటున్న పాలకులు, అధికారులు.. దానికి తగినట్లుగా మెడికల్ ఆఫీసర్లను, సిబ్బందిని ఎందుకు నియమించలేదని సిపిఎం ప్రశ్నించింది. 100 పడకల ఆసుపత్రి నిబంధనల ప్రకారం కావలసిన మెడికల్ ఆఫీసర్లను, పారామెడికల్ సిబ్బందిని వెంటనే కేటాయించాలనీ, గర్భిణీలకు ఉచిత ప్రసవ ఆపరేషన్ల సేవలను తక్షణమే పునరుద్ధరించాలనీ వారు డిమాండ్ చేశారు. ఆదివాసీల ఆరోగ్యంతో, గర్భిణీల ప్రాణాలతో ఆటలాడితే సిపిఎం చూస్తూ ఊరుకోదని, ఈ సమస్యపై జిల్లా కలెక్టర్ తక్షణమే స్పందించి పరిష్కారం చూపకపోతే ప్రజలను సమీకరించి పెద్ద ఎత్తున ఆందోళనలు చేపడతామని తీవ్రంగా హెచ్చరించారు.

Sode Prasad

Insurance Agent చింతూరు, అల్లూరి సీతారామ రాజు, ఆంధ్రప్రదేశ్•

4 hrs ago

చింతూరు ప్రభుత్వ ఏరియా ఆసుపత్రిలో అనస్థీషియా (మత్తు) డాక్టర్ లేకపోవడం వల్ల గర్భిణీలకు ప్రసవ ఆపరేషన్లు పూర్తిగా నిలిచిపోవడం అత్యంత దారుణమని సిపిఎం తీవ్ర ఆగ్రహం వ్యక్తం చేసింది. తక్షణమే ఈ సమస్యను పరిష్కరించకపోతే ఐటీడీఏ ముందు ఆందోళన చేస్తామని సిపిఎం చింతూరు మండల కార్యదర్శి పల్లపు వెంకట్, మండల కార్యదర్శి వర్గ సభ్యులు సీసం సురేష్ జూన్ 22న హెచ్చరించారు. గతంలో ఈ ఆసుపత్రిలో మత్తు డాక్టర్‌గా పనిచేసిన కోటి రెడ్డి పదవీ విరమణ చేసినప్పటి నుండి ప్రసవ ఆపరేషన్లు ఆగిపోయాయని వారు తెలిపారు. నెలకు 20 నుండి 30 సిజేరియన్ ఆపరేషన్లు జరిపి, ముంపు మండలాల పేద గిరిజనులకు సంజీవనిలా ఉన్న చింతూరు ఆసుపత్రిని అధికారులు పూర్తిగా నిర్లక్ష్యం చేశారని సిపిఎం విమర్శించింది. మత్తు డాక్టర్ లేకపోవడంతో, గర్భిణీ స్త్రీలను అత్యవసర పరిస్థితుల్లో భద్రాచలంలోని ప్రైవేట్ ఆసుపత్రులకు తరలించాల్సి వస్తోందని, దీనివల్ల వేలాది రూపాయలు అప్పులు తెచ్చి ఖర్చు చేయాల్సి వస్తోందని వారు ఆవేదన వ్యక్తం చేశారు. దీనికి జిల్లా వైద్య ఆరోగ్య శాఖ, ఉన్నతాధికారుల నిర్లక్ష్యమే కారణమని సిపిఎం ధ్వజమెత్తింది. ఆసుపత్రిని 100 పడకల ఆసుపత్రిగా అప్‌గ్రేడ్ చేశామని గొప్పలు చెప్పుకుంటున్న పాలకులు, అధికారులు.. దానికి తగినట్లుగా మెడికల్ ఆఫీసర్లను, సిబ్బందిని ఎందుకు నియమించలేదని సిపిఎం ప్రశ్నించింది. 100 పడకల ఆసుపత్రి నిబంధనల ప్రకారం కావలసిన మెడికల్ ఆఫీసర్లను, పారామెడికల్ సిబ్బందిని వెంటనే కేటాయించాలనీ, గర్భిణీలకు ఉచిత ప్రసవ ఆపరేషన్ల సేవలను తక్షణమే పునరుద్ధరించాలనీ వారు డిమాండ్ చేశారు. ఆదివాసీల ఆరోగ్యంతో, గర్భిణీల ప్రాణాలతో ఆటలాడితే సిపిఎం చూస్తూ ఊరుకోదని, ఈ సమస్యపై జిల్లా కలెక్టర్ తక్షణమే స్పందించి పరిష్కారం చూపకపోతే ప్రజలను సమీకరించి పెద్ద ఎత్తున ఆందోళనలు చేపడతామని తీవ్రంగా హెచ్చరించారు.