గ్యారంపల్లి ఘటనలో బాధ్యులపై చర్యలు తీసుకోవాలి,NSUI రాష్ట్ర ఉపాధ్యక్షులు మద్దెల అమృత్ తేజ పీలేరు : అన్నమయ్య జిల్లా: గ్యారంపల్లి ప్రభుత్వ పాఠశాలలో ట్రాన్స్‌ఫర్ సర్టిఫికేట్ (TC) జారీ సందర్భంగా విద్యార్థి నుంచి డబ్బులు/డొనేషన్ డిమాండ్ చేశారనే ఆరోపణలు వెలుగులోకి వచ్చి చాలా రోజులు గడిచినా, ఈ ఘటనలో ఇప్పటి వరకు బాధ్యులపై ఎలాంటి చర్యలు తీసుకున్నారో జిల్లా విద్యాశాఖ ప్రజలకు వెల్లడించకపోవడం తీవ్ర ఆందోళన కలిగిస్తోందని NSUI రాష్ట్ర ఉపాధ్యక్షులు మద్దెల అమృత్ తేజ అన్నారు. ఈ సందర్భంగా అమృత్ తేజ మాట్లాడుతూ ఈ ఘటనలో ఒక విద్యార్థి ధైర్యంగా ముందుకు వచ్చి తనకు జరిగిన అన్యాయాన్ని బయటపెట్టాడు. అయినప్పటికీ ఆ విద్యార్థికి న్యాయం జరిగిందా? బాధ్యులపై శాఖాపరమైన చర్యలు తీసుకున్నారా? లేక ఈ వ్యవహారం ఇప్పటికీ పెండింగ్‌లోనే ఉందా? అనే ప్రశ్నలకు ఇప్పటి వరకు స్పష్టమైన సమాధానం లేదు అని అన్నారు. విద్యార్థి చేసిన ఫిర్యాదుపై విచారణ పూర్తయిందా? పూర్తయి ఉంటే దాని ఫలితం ఏమిటి? బాధ్యులపై చర్యలు ఎప్పుడు తీసుకుంటారు? అసలు చర్యలు తీసుకునే ఉద్దేశం ఉందా? లేదా ఈ వ్యవహారాన్ని కాలగర్భంలో కలిపేయాలని చూస్తున్నారా? అనే అనుమానాలు సహజంగానే ప్రజల్లో వ్యక్తమవుతున్నాయి అని అన్నారు. ఒక విద్యార్థి భయపడకుండా నిజం చెప్పి ముందుకు వచ్చిన తర్వాత కూడా అతనికి న్యాయం జరగకపోతే, భవిష్యత్తులో మరొక విద్యార్థి విద్యాసంస్థల్లో జరిగే అక్రమాలను బయటపెట్టేందుకు ఎలా ధైర్యం చేస్తాడు? విద్యార్థులు విద్యాశాఖను నమ్మాలా? లేక తప్పు చేసిన వారే రక్షణ పొందుతారనే భావనకు రావాలా? అనే ప్రశ్నలకు జిల్లా విద్యాశాఖ సమాధానం చెప్పాల్సిన బాధ్యత ఉందన్నారు. అందువల్ల గ్యారంపల్లి ఘటనలో ఇప్పటి వరకు తీసుకున్న చర్యలను జిల్లా విద్యాశాఖ వెంటనే బహిరంగంగా ప్రకటించాలని, విచారణ పూర్తయి ఉంటే నివేదికను ప్రజలకు విడుదల చేయాలని, తప్పు చేసిన వారిపై ఎలాంటి ఒత్తిళ్లకు తావు లేకుండా శాఖాపరమైన చర్యలు తీసుకోవాలని, ఫిర్యాదు చేసిన విద్యార్థికి పూర్తి న్యాయం జరిగేలా చూడాలని NSUI డిమాండ్ చేస్తోంది అని అన్నారు. న్యాయం ఆలస్యమైతే అది కూడా అన్యాయమే. గ్యారంపల్లి విద్యార్థికి న్యాయం ఎప్పుడు జరుగుతుందో జిల్లా విద్యాశాఖ ప్రజలకు స్పష్టమైన సమాధానం చెప్పాల్సిన బాధ్యత ఉంది. అని NSUI రాష్ట్ర ఉపాధ్యక్షులు మద్దెల అమృత్ తేజ పేర్కొన్నారు.

SK masthan saheb

పీలేరు, అన్నమయ్య, ఆంధ్రప్రదేశ్•

15 hrs ago

గ్యారంపల్లి ఘటనలో బాధ్యులపై చర్యలు తీసుకోవాలి,NSUI రాష్ట్ర ఉపాధ్యక్షులు మద్దెల అమృత్ తేజ పీలేరు : అన్నమయ్య జిల్లా: గ్యారంపల్లి ప్రభుత్వ పాఠశాలలో ట్రాన్స్‌ఫర్ సర్టిఫికేట్ (TC) జారీ సందర్భంగా విద్యార్థి నుంచి డబ్బులు/డొనేషన్ డిమాండ్ చేశారనే ఆరోపణలు వెలుగులోకి వచ్చి చాలా రోజులు గడిచినా, ఈ ఘటనలో ఇప్పటి వరకు బాధ్యులపై ఎలాంటి చర్యలు తీసుకున్నారో జిల్లా విద్యాశాఖ ప్రజలకు వెల్లడించకపోవడం తీవ్ర ఆందోళన కలిగిస్తోందని NSUI రాష్ట్ర ఉపాధ్యక్షులు మద్దెల అమృత్ తేజ అన్నారు. ఈ సందర్భంగా అమృత్ తేజ మాట్లాడుతూ ఈ ఘటనలో ఒక విద్యార్థి ధైర్యంగా ముందుకు వచ్చి తనకు జరిగిన అన్యాయాన్ని బయటపెట్టాడు. అయినప్పటికీ ఆ విద్యార్థికి న్యాయం జరిగిందా? బాధ్యులపై శాఖాపరమైన చర్యలు తీసుకున్నారా? లేక ఈ వ్యవహారం ఇప్పటికీ పెండింగ్‌లోనే ఉందా? అనే ప్రశ్నలకు ఇప్పటి వరకు స్పష్టమైన సమాధానం లేదు అని అన్నారు. విద్యార్థి చేసిన ఫిర్యాదుపై విచారణ పూర్తయిందా? పూర్తయి ఉంటే దాని ఫలితం ఏమిటి? బాధ్యులపై చర్యలు ఎప్పుడు తీసుకుంటారు? అసలు చర్యలు తీసుకునే ఉద్దేశం ఉందా? లేదా ఈ వ్యవహారాన్ని కాలగర్భంలో కలిపేయాలని చూస్తున్నారా? అనే అనుమానాలు సహజంగానే ప్రజల్లో వ్యక్తమవుతున్నాయి అని అన్నారు. ఒక విద్యార్థి భయపడకుండా నిజం చెప్పి ముందుకు వచ్చిన తర్వాత కూడా అతనికి న్యాయం జరగకపోతే, భవిష్యత్తులో మరొక విద్యార్థి విద్యాసంస్థల్లో జరిగే అక్రమాలను బయటపెట్టేందుకు ఎలా ధైర్యం చేస్తాడు? విద్యార్థులు విద్యాశాఖను నమ్మాలా? లేక తప్పు చేసిన వారే రక్షణ పొందుతారనే భావనకు రావాలా? అనే ప్రశ్నలకు జిల్లా విద్యాశాఖ సమాధానం చెప్పాల్సిన బాధ్యత ఉందన్నారు. అందువల్ల గ్యారంపల్లి ఘటనలో ఇప్పటి వరకు తీసుకున్న చర్యలను జిల్లా విద్యాశాఖ వెంటనే బహిరంగంగా ప్రకటించాలని, విచారణ పూర్తయి ఉంటే నివేదికను ప్రజలకు విడుదల చేయాలని, తప్పు చేసిన వారిపై ఎలాంటి ఒత్తిళ్లకు తావు లేకుండా శాఖాపరమైన చర్యలు తీసుకోవాలని, ఫిర్యాదు చేసిన విద్యార్థికి పూర్తి న్యాయం జరిగేలా చూడాలని NSUI డిమాండ్ చేస్తోంది అని అన్నారు. న్యాయం ఆలస్యమైతే అది కూడా అన్యాయమే. గ్యారంపల్లి విద్యార్థికి న్యాయం ఎప్పుడు జరుగుతుందో జిల్లా విద్యాశాఖ ప్రజలకు స్పష్టమైన సమాధానం చెప్పాల్సిన బాధ్యత ఉంది. అని NSUI రాష్ట్ర ఉపాధ్యక్షులు మద్దెల అమృత్ తేజ పేర్కొన్నారు.