ଯାଜପୁର ଜିଲ୍ଲା କୋରେଇ ଥାନା ପୋଲିସ ଜଣେ ବ୍ୟକ୍ତିଙ୍କୁ ଗିରଫ କରିଛି, ଯିଏ ନିଜକୁ ପୋଲିସ ଅଫିସର ପରିଚୟ ଦେଇ ଲକ୍ଷାଧିକ ଟଙ୍କା ଲୁଟିଥିଲେ। ପୋଲିସ ଉକ୍ତ ମିଛ ପୋଲିସ କୁ ଧରିବାରେ ସଫଳ ହୋଇଛି।

ଓଡ଼ିଶାରେ ଜଣେ ପୋଲିସ୍ କର୍ମଚାରୀ ବିନା ହେଲମେଟରେ ମୋଟରସାଇକେଲ୍ ଚଳାଉଥିବା ଘଟଣା ସାମ୍ନାକୁ ଆସିଛି। ଏହି ଘଟଣା ଏବେ ସୋସିଆଲ ମିଡିଆରେ ଭାଇରାଲ୍ ହେବାରେ ଲାଗିଛି ଏବଂ ସାଧାରଣ ଲୋକଙ୍କ ମଧ୍ୟରେ ତୀବ୍ର ପ୍ରତିକ୍ରିୟା ସୃଷ୍ଟି କରିଛି। ଫଟୋରେ ଦେଖାଯାଇଛି ଯେ, ପୋଲିସ କର୍ମଚାରୀ ଜଣକ ହେଲମେଟ୍ ପିନ୍ଧି ନାହାନ୍ତି ଏବଂ ଗାଡ଼ିର ପଛପଟେ ଜଣେ ମହିଳା ମଧ୍ୟ ବସିଛନ୍ତି, ଯିଏକି ମଧ୍ୟ ହେଲମେଟ୍ ପିନ୍ଧି ନାହାନ୍ତି। ଏହି ଘଟଣା ପରେ #OdishaPolice ଓ #MohanMajhi ହ୍ୟାସଟ୍ୟାଗ୍ ସହ ପ୍ରଶ୍ନ କରାଯାଉଛି ଯେ, ନିୟମ ଭାଙ୍ଗୁଥିବା ଏହି ପୋଲିସ କର୍ମଚାରୀଙ୍କ ବିରୋଧରେ କିଏ କାର୍ଯ୍ୟାନୁଷ୍ଠାନ ଗ୍ରହଣ କରିବ? ସାଧାରଣ ଲୋକଙ୍କୁ ହେଲମେଟ୍ ନ ପିନ୍ଧିବା ପାଇଁ ଚାଲାଣ କଟାଯାଉଥିବା ବେଳେ, ପୋଲିସ୍ ନିଜେ ନିୟମ ଉଲ୍ଲଂଘନ କରୁଥିବା ଏହି ଘଟଣାକୁ ନେଇ ସମାଲୋଚନା ପ୍ରକାଶ ପାଇଛି।

ଭଦ୍ରକ ଜିଲ୍ଲାର ଧାମନଗର ଥାନା ଅଧୀନରେ ଥିବା ହରିହଂସ ନଦୀଗାଁ ରାସ୍ତାରେ ଥିବା ଏକ ମଦ ଦୋକାନକୁ ହଟାଇବା ଦାବିରେ ତିନୋଟି ପଞ୍ଚାୟତର ବାସିନ୍ଦା ରାସ୍ତାକୁ ଓହ୍ଲାଇଛନ୍ତି। ଏହି ମଦ ଦୋକାନ ହଟାଇବା ପାଇଁ ଚାଲିଥିବା ପ୍ରତିବାଦ ବର୍ତ୍ତମାନ ଅଧିକ ଶାଣିତ ହେବାରେ ଲାଗିଛି।

କଟକ ଜିଲ୍ଲାର ସାଲେପୁର ଅଞ୍ଚଳରେ ଏକ ଦୁଃଖଦ ଘଟଣା ଘଟିଛି, ଯେଉଁଠାରେ ମିଠାରେ ବିଷ ମିଶିବା କାରଣରୁ ଜଣେ ପାଞ୍ଚ ବର୍ଷର ଶିଶୁପୁତ୍ରର ମୃତ୍ୟୁ ହୋଇଛି। ଏହି ଘଟଣାକୁ ନେଇ ଶିଶୁପୁତ୍ରର ମା’ କାନ୍ଦୁଥିବା ଦେଖିବାକୁ ମିଳିଛି।

home gat bj nmnbm mnh vbvbvhhhvnjhjjbbnfghbhbggghghhh indianews bjgknfumncbn bbkjlhmhu vnbkhmkkhuu nmmmlk jnnmkkgbfbjhkjhjdfbbbbbbvvvvvvggh

ଜଗତସିଂହପୁରରେ ଥିବା ମା’ ଅମ୍ବିକା ଅନୁସୂଚିତ ଜାତି ଜନଜାତି ଆବାସିକ ସେବାଶ୍ରମରେ ରଜ ମହୋତ୍ସବ ଉଦ୍‌ଯାପିତ ହୋଇଯାଇଛି। ଏହି କାର୍ଯ୍ୟକ୍ରମରେ ବହୁ ସଂଖ୍ୟକ ଛାତ୍ରଛାତ୍ରୀ ଓ ସ୍ଥାନୀୟ ବାସିନ୍ଦା ଅଂଶଗ୍ରହଣ କରିଥିଲେ।

ଜଗତସିଂହପୁର ଜିଲ୍ଲା ତିର୍ତ୍ତୋଲ ବ୍ଲକ ଅନ୍ତର୍ଗତ ଜଗନ୍ନାଥପୁର ପଞ୍ଚାୟତର ଚନ୍ଦା ଗ୍ରାମର କୃତୀ ଛାତ୍ରୀ ସାଇ ଆରିୟା ଅନୁଷ୍କା ନାୟକ ଚଳିତ ବର୍ଷର OJEE (ଓଡ଼ିଶା ଯୁକ୍ତ ପ୍ରବେଶିକା ପରୀକ୍ଷା)ରେ ରାଜ୍ୟସ୍ତରରେ ପ୍ରଥମ ସ୍ଥାନ ଅଧିକାର କରିଛନ୍ତି। ଏହି ଅସାଧାରଣ ସଫଳତା ଦୃଢ଼ ଇଚ୍ଛାଶକ୍ତି, ଅକ୍ଳାନ୍ତ ପରିଶ୍ରମ ଓ ଲକ୍ଷ୍ୟ ପ୍ରତି ଅତୁଟ ନିଷ୍ଠା ଥିଲେ ନିଶ୍ଚିତ ଭାବେ ସଫଳତା ମିଳେ ବୋଲି ପ୍ରମାଣିତ କରିଛି। ଇଞ୍ଜିନିୟର ବିଶ୍ୱଜିତ ନାୟକ ଓ ଉଷାରାଣୀ ନାୟକଙ୍କ ସୁକନ୍ୟା ଅନୁଷ୍କା ଛୋଟବେଳୁ ହିଁ ମେଧାବୀ, ଅନୁଶାସିତ ଏବଂ ଅଧ୍ୟବସାୟୀ ଛାତ୍ରୀ ଭାବେ ପରିଚିତ ଥିଲେ। ପରିବାରର ପ୍ରେରଣା, ଜେଜେବାପା ବିଷ୍ଣୁ ପ୍ରସାଦ ନାୟକଙ୍କ ସ୍ନେହ ଏବଂ ତାଙ୍କ ନିଜର କଠିନ ପରିଶ୍ରମ ବଳରେ ସେ ଏହି ଉଲ୍ଲେଖନୀୟ ସଫଳତା ହାସଲ କରିପାରିଛନ୍ତି। ଚଳିତ ବର୍ଷ OJEE ପରୀକ୍ଷାରେ ପ୍ରାୟ ୧ ଲକ୍ଷ ୩ ହଜାରରୁ ଅଧିକ ପରୀକ୍ଷାର୍ଥୀ ଅଂଶଗ୍ରହଣ କରିଥିଲେ ମଧ୍ୟ, ସେ ସମସ୍ତଙ୍କୁ ପଛରେ ପକାଇ ପ୍ରଥମ ସ୍ଥାନ ଅଧିକାର କରିଛନ୍ତି। ତାଙ୍କର ଏହି କୃତିତ୍ୱ କେବଳ ଏକ ବ୍ୟକ୍ତିଗତ ସଫଳତା ନୁହେଁ, ବରଂ ସମଗ୍ର ଜଗତସିଂହପୁର ଜିଲ୍ଲା ଏବଂ ତିର୍ତ୍ତୋଲ ଅଞ୍ଚଳ ପାଇଁ ଗର୍ବ ଓ ଗୌରବର ବିଷୟ ପାଲଟିଛି। ଫଳ ପ୍ରକାଶ ପାଇବା ପରେ ଅନୁଷ୍କାଙ୍କ ବାସଭବନରେ ଶୁଭେଚ୍ଛୁ, ଶିକ୍ଷାବିତ୍ ଏବଂ ଅଞ୍ଚଳବାସୀଙ୍କ ଭିଡ଼ ଦେଖିବାକୁ ମିଳିଥିଲା। ଜଗନ୍ନାଥପୁର ଗ୍ରାମ ପଞ୍ଚାୟତର ସରପଞ୍ଚ ସୁଶାନ୍ତ କୁମାର ନାୟକ ତାଙ୍କ ଘରେ ପହଞ୍ଚି ଉତ୍ତରୀୟ ଓ ପୁଷ୍ପଗୁଚ୍ଛ ପ୍ରଦାନ କରି ଅନୁଷ୍କାଙ୍କୁ ସମ୍ବର୍ଦ୍ଧିତ କରିଥିଲେ। ସେ ମତ ରଖିଥିଲେ ଯେ ଅନୁଷ୍କାଙ୍କ ଏହି ସଫଳତା ସମଗ୍ର ପଞ୍ଚାୟତ ଓ ତିର୍ତ୍ତୋଲ ଅଞ୍ଚଳ ପାଇଁ ଗୌରବ ଆଣିଛି। ଏହି ଅବସରରେ ପାରାଦ୍ୱୀପ ବିଧାୟକ ତଥା ରାଜ୍ୟର ଶିଳ୍ପ, ବୈଷୟିକ ଓ ଦକ୍ଷତା ବିକାଶ ମନ୍ତ୍ରୀ ସମ୍ପଦ ଚନ୍ଦ୍ର ସ୍ୱାଇଁ ମଧ୍ୟ ଅନୁଷ୍କାଙ୍କ ଘରକୁ ଯାଇ ତାଙ୍କୁ ଅଭିନନ୍ଦନ ଜଣାଇଥିଲେ। ପୁଷ୍ପଗୁଚ୍ଛ ପ୍ରଦାନ କରିବା ସହ ସେ ଅନୁଷ୍କାଙ୍କର ଉଜ୍ଜ୍ୱଳ ଭବିଷ୍ୟତ କାମନା କରିଥିଲେ ଏବଂ ଆଶା ପ୍ରକାଶ କରିଥିଲେ ଯେ ସେ ଓଡ଼ିଶାର ନାମକୁ ଜାତୀୟ ଓ ଆନ୍ତର୍ଜାତୀୟ ସ୍ତରରେ ଆହୁରି ଉଚ୍ଚକୁ ନେଇଯିବେ। ସାଇ ଆରିୟା ଅନୁଷ୍କା ନାୟକଙ୍କର ଏହି ଐତିହାସିକ ସଫଳତା ଆଜି ଜଗତସିଂହପୁର ଜିଲ୍ଲା ପାଇଁ ପ୍ରେରଣାର ଉତ୍ସ ପାଲଟିଛି। ତାଙ୍କର ଏହି କୃତିତ୍ୱ ଆଗାମୀ ପିଢ଼ୀର ଛାତ୍ରଛାତ୍ରୀଙ୍କ ମନରେ ନୂଆ ସ୍ୱପ୍ନ, ଆତ୍ମବିଶ୍ୱାସ ଏବଂ ସଫଳତା ହାସଲ କରିବାର ଅଦମ୍ୟ ଆକାଂକ୍ଷା ସୃଷ୍ଟି କରିଛି।

ପୂର୍ବର କଂଗ୍ରେସ ସରକାର ଓ ନବୀନ ସରକାର ଉଭୟ ଭଲ ଥିଲେ ବୋଲି ପ୍ରଶଂସା କରାଯାଇଛି। ବର୍ତ୍ତମାନର ମୋହନ ସରକାର ଭତ୍ତା ଦେବାରେ ଅସମର୍ଥ ହେଉଥିବାରୁ ତାଙ୍କୁ କ୍ଷମତା ଛାଡ଼ିବାକୁ ଦାବି କରାଯାଇଛି।

ପ୍ରେସ ଇନ୍ଫରମେଶନ ବ୍ୟୁରୋ (ପିଆଇବି) ତରଫରୁ ଭଦ୍ରକଠାରେ ସାମ୍ବାଦିକମାନଙ୍କୁ ନେଇ ଏକ ବାର୍ତ୍ତାଳାପ କର୍ମଶାଳା ଆୟୋଜିତ ହୋଇଯାଇଛି।

ଢେଙ୍କାନାଳ ଜିଲ୍ଲାର ଗଁନ୍ଦିଆ ବ୍ଲକ ଅନ୍ତର୍ଗତ ଲେଥେକା ପଞ୍ଚାୟତରେ ବସୁଧା ଯୋଜନାର ବିଫଳତା ଯୋଗୁଁ ଗ୍ରାମବାସୀମାନେ ପାନୀୟ ଜଳ ସମସ୍ୟାର ସମ୍ମୁଖୀନ ହେଉଛନ୍ତି। ଏହି ସମସ୍ୟାକୁ ନେଇ ଗ୍ରାମବାସୀମାନେ ରାସ୍ତାକୁ ଓହ୍ଲାଇ ପ୍ରତିବାଦ କରିଛନ୍ତି।