മലപ്പുറം എടവണ്ണ പത്തപ്പിരിയം സ്വദേശിയായ സിദ്രത്തുൽ മുൻതഹയെ (45) സഹോദരങ്ങളും സംഘവും ഇരുമ്പുവടി കൊണ്ട് തലയ്ക്കടിച്ചു കൊലപ്പെടുത്താൻ ശ്രമിച്ച സംഭവത്തിൽ വ്യാപക പ്രതിഷേധം. കുടുംബ സ്വത്ത് തർക്കത്തെ തുടർന്ന് ജൂൺ 20-ന് രാത്രി 10:30-നാണ് സംഭവം തുടങ്ങിയത്. സിദ്രത്തുൽ മുൻതഹയുടെ വീട്ടിൽ അതിക്രമിച്ചു കയറിയ സഹോദരങ്ങളായ വലീദ്, സഹൽ, യുസ്രി എന്നിവരും സക്കീർ ഉൾപ്പെടെയുള്ള കൂട്ടാളികളും ചേർന്ന് സിദ്രത്തുൽ മുൻതഹയെയും ഇവരുടെ നാല് വയസ്സുകാരിയായ മകളെയും ക്രൂരമായി മർദ്ദിക്കുകയായിരുന്നു. ഇരുമ്പുവടിയും ഹോക്കി സ്റ്റിക്കും കൊണ്ടുള്ള മർദ്ദനത്തിൽ മുൻതഹയുടെ കൈയെല്ല് ഒടിഞ്ഞിരുന്നു. സംഭവത്തിൽ എടവണ്ണ പോലീസ് വധശ്രമത്തിന് കേസെടുത്തെങ്കിലും ആഴ്ചകൾ പിന്നിട്ടിട്ടും പ്രതികളെ അറസ്റ്റ് ചെയ്യാൻ തയ്യാറായിട്ടില്ലെന്ന് പരാതി ഉയർന്നിട്ടുണ്ട്. പ്രതികളിൽ നിന്ന് വധഭീഷണിയുള്ളതിനാൽ കഴിഞ്ഞ ദിവസം പുലർച്ചെ 12:30-ന് പോലീസ് സംഘം പട്രോളിംഗിനായി പരാതിക്കാരിയുടെ വീട്ടിലെത്തിയിരുന്നു. എന്നാൽ പോലീസ് സംഘം മടങ്ങി അരമണിക്കൂറിനുള്ളിൽ വലീദ്, സഹൽ, യൂനുസ്, ഇല്ല്യാസ്, മജീബ്, മാലിക് എന്നിവരുടെ നേതൃത്വത്തിൽ പ്രതികൾ വീണ്ടും വീട്ടിൽ അതിക്രമിച്ചു കയറി. സിറ്റ് ഔട്ടിലിരിക്കുകയായിരുന്ന സിദ്രത്തുൽ മുൻതഹയെ പ്രതികൾ വീണ്ടും മർദ്ദിക്കുകയും മുറ്റത്തു നിർത്തിയിട്ടിരുന്ന കാർ ഹോളോബ്രിക്സ് കട്ടകളും കല്ലുകളും ഉപയോഗിച്ച് എറിഞ്ഞു തകർക്കുകയും ചെയ്തു. നിരന്തരം വധശ്രമങ്ങൾ ഉണ്ടായിട്ടും പോലീസ് പ്രതികളെ സംരക്ഷിക്കുന്ന നിലപാടാണ് സ്വീകരിക്കുന്നതെന്ന് അതിജീവിത ആരോപിക്കുന്നു.

Ardhra Krishnan

ഏറനാട്, മലപ്പുറം, കേരളം•

8 hrs ago

മലപ്പുറം എടവണ്ണ പത്തപ്പിരിയം സ്വദേശിയായ സിദ്രത്തുൽ മുൻതഹയെ (45) സഹോദരങ്ങളും സംഘവും ഇരുമ്പുവടി കൊണ്ട് തലയ്ക്കടിച്ചു കൊലപ്പെടുത്താൻ ശ്രമിച്ച സംഭവത്തിൽ വ്യാപക പ്രതിഷേധം. കുടുംബ സ്വത്ത് തർക്കത്തെ തുടർന്ന് ജൂൺ 20-ന് രാത്രി 10:30-നാണ് സംഭവം തുടങ്ങിയത്. സിദ്രത്തുൽ മുൻതഹയുടെ വീട്ടിൽ അതിക്രമിച്ചു കയറിയ സഹോദരങ്ങളായ വലീദ്, സഹൽ, യുസ്രി എന്നിവരും സക്കീർ ഉൾപ്പെടെയുള്ള കൂട്ടാളികളും ചേർന്ന് സിദ്രത്തുൽ മുൻതഹയെയും ഇവരുടെ നാല് വയസ്സുകാരിയായ മകളെയും ക്രൂരമായി മർദ്ദിക്കുകയായിരുന്നു. ഇരുമ്പുവടിയും ഹോക്കി സ്റ്റിക്കും കൊണ്ടുള്ള മർദ്ദനത്തിൽ മുൻതഹയുടെ കൈയെല്ല് ഒടിഞ്ഞിരുന്നു. സംഭവത്തിൽ എടവണ്ണ പോലീസ് വധശ്രമത്തിന് കേസെടുത്തെങ്കിലും ആഴ്ചകൾ പിന്നിട്ടിട്ടും പ്രതികളെ അറസ്റ്റ് ചെയ്യാൻ തയ്യാറായിട്ടില്ലെന്ന് പരാതി ഉയർന്നിട്ടുണ്ട്. പ്രതികളിൽ നിന്ന് വധഭീഷണിയുള്ളതിനാൽ കഴിഞ്ഞ ദിവസം പുലർച്ചെ 12:30-ന് പോലീസ് സംഘം പട്രോളിംഗിനായി പരാതിക്കാരിയുടെ വീട്ടിലെത്തിയിരുന്നു. എന്നാൽ പോലീസ് സംഘം മടങ്ങി അരമണിക്കൂറിനുള്ളിൽ വലീദ്, സഹൽ, യൂനുസ്, ഇല്ല്യാസ്, മജീബ്, മാലിക് എന്നിവരുടെ നേതൃത്വത്തിൽ പ്രതികൾ വീണ്ടും വീട്ടിൽ അതിക്രമിച്ചു കയറി. സിറ്റ് ഔട്ടിലിരിക്കുകയായിരുന്ന സിദ്രത്തുൽ മുൻതഹയെ പ്രതികൾ വീണ്ടും മർദ്ദിക്കുകയും മുറ്റത്തു നിർത്തിയിട്ടിരുന്ന കാർ ഹോളോബ്രിക്സ് കട്ടകളും കല്ലുകളും ഉപയോഗിച്ച് എറിഞ്ഞു തകർക്കുകയും ചെയ്തു. നിരന്തരം വധശ്രമങ്ങൾ ഉണ്ടായിട്ടും പോലീസ് പ്രതികളെ സംരക്ഷിക്കുന്ന നിലപാടാണ് സ്വീകരിക്കുന്നതെന്ന് അതിജീവിത ആരോപിക്കുന്നു.