छत्रपती शिवाजी महाराजांच्या जीवनकार्यावर आधारित 'स्टोरी शिवराज्याभिषेकाची' हे भव्य ऐतिहासिक महानाट्य मंगळवार, १४ जुलै रोजी सायंकाळी ६ वाजता नागपूर येथील सुरेशभट सभागृहात सादर केले जाणार आहे. शिवश्री किरण माने आणि त्यांचे ५० सहकारी लाईट अँड साऊंडच्या माध्यमातून शिवकालीन इतिहासाचे जिवंत दर्शन घडवणार आहेत. भव्य नेपथ्य, आकर्षक प्रकाशयोजना, दमदार संगीत आणि प्रभावी सादरीकरण असलेल्या या महानाट्यात छत्रपती शिवाजी महाराजांनी सर्व जाती-धर्मातील लोकांना सोबत घेऊन स्वराज्याची केलेली स्थापना, तसेच न्याय, प्रेम, बंधुता आणि शेतकऱ्यांप्रती असलेली त्यांची बांधिलकी याचे प्रभावी चित्रण करण्यात आले आहे. हे महानाट्य महाराष्ट्रभर प्रचंड लोकप्रिय ठरले असून विविध शहरांत त्याचे हाऊसफुल्ल प्रयोग झाले आहेत. याच सोहळ्यात, मराठी चित्रपट, दूरदर्शन मालिका आणि रंगभूमीवरील उल्लेखनीय योगदानासह सांस्कृतिक क्षेत्रातील कार्य, संवेदनशील लेखन, सामाजिक विचार आणि प्रभावी प्रबोधनाची दखल घेऊन शिवश्री किरण माने यांना 'महासम्राट बळीराजा सांस्कृतिक प्रबोधनकार गौरव पुरस्कार –२०२६' प्रदान केला जाणार आहे. महासम्राट बळीराजा राष्ट्र सेवा संघ, नागपूर यांच्या वतीने दिला जाणारा हा पुरस्कार रोख २५ हजार रुपये आणि सन्मानचिन्ह अशा स्वरूपाचा आहे. नागपूरकरांनी या महानाट्याचा लाभ घ्यावा व सोहळ्यास उपस्थित राहावे, असे आवाहन आयोजकांनी केले आहे. या पत्रकार परिषदेला महानाट्याचे मुख्य आयोजक खेमराज क्षीरसागर यांच्यासह महासम्राट बळीराजा राष्ट्र सेवा संघाचे प्रा. डॉ. अभिजितसिंह नखाते, हर्षदीप धनके, योगेश राजपूत, अनया मेश्राम, सचिन पराते, सुजित मेश्राम, प्रणाली टेंक आणि नीलिमा वालपुडे उपस्थित होते.

Pallavi Patil, निवासी संपादक

Lawyer नागपूर (शहरी), नागपूर, महाराष्ट्र•

1 hr ago

छत्रपती शिवाजी महाराजांच्या जीवनकार्यावर आधारित 'स्टोरी शिवराज्याभिषेकाची' हे भव्य ऐतिहासिक महानाट्य मंगळवार, १४ जुलै रोजी सायंकाळी ६ वाजता नागपूर येथील सुरेशभट सभागृहात सादर केले जाणार आहे. शिवश्री किरण माने आणि त्यांचे ५० सहकारी लाईट अँड साऊंडच्या माध्यमातून शिवकालीन इतिहासाचे जिवंत दर्शन घडवणार आहेत. भव्य नेपथ्य, आकर्षक प्रकाशयोजना, दमदार संगीत आणि प्रभावी सादरीकरण असलेल्या या महानाट्यात छत्रपती शिवाजी महाराजांनी सर्व जाती-धर्मातील लोकांना सोबत घेऊन स्वराज्याची केलेली स्थापना, तसेच न्याय, प्रेम, बंधुता आणि शेतकऱ्यांप्रती असलेली त्यांची बांधिलकी याचे प्रभावी चित्रण करण्यात आले आहे. हे महानाट्य महाराष्ट्रभर प्रचंड लोकप्रिय ठरले असून विविध शहरांत त्याचे हाऊसफुल्ल प्रयोग झाले आहेत. याच सोहळ्यात, मराठी चित्रपट, दूरदर्शन मालिका आणि रंगभूमीवरील उल्लेखनीय योगदानासह सांस्कृतिक क्षेत्रातील कार्य, संवेदनशील लेखन, सामाजिक विचार आणि प्रभावी प्रबोधनाची दखल घेऊन शिवश्री किरण माने यांना 'महासम्राट बळीराजा सांस्कृतिक प्रबोधनकार गौरव पुरस्कार –२०२६' प्रदान केला जाणार आहे. महासम्राट बळीराजा राष्ट्र सेवा संघ, नागपूर यांच्या वतीने दिला जाणारा हा पुरस्कार रोख २५ हजार रुपये आणि सन्मानचिन्ह अशा स्वरूपाचा आहे. नागपूरकरांनी या महानाट्याचा लाभ घ्यावा व सोहळ्यास उपस्थित राहावे, असे आवाहन आयोजकांनी केले आहे. या पत्रकार परिषदेला महानाट्याचे मुख्य आयोजक खेमराज क्षीरसागर यांच्यासह महासम्राट बळीराजा राष्ट्र सेवा संघाचे प्रा. डॉ. अभिजितसिंह नखाते, हर्षदीप धनके, योगेश राजपूत, अनया मेश्राम, सचिन पराते, सुजित मेश्राम, प्रणाली टेंक आणि नीलिमा वालपुडे उपस्थित होते.