चंद्रपूर येथे जागतिक योग दिनानिमित्त आयोजित कार्यक्रमात ओबीसी नेते डॉ. अशोक जीवतोडे यांनी योगाचे महत्त्व अधोरेखित केले. त्यांच्या मते, नियमित योगाभ्यासाने शारीरिक आणि मानसिक आरोग्य उत्तम राहते, ज्यामुळे तणावमुक्त व संतुलित जीवन जगण्यास मदत मिळते. बदलत्या जीवनशैलीमुळे वाढणाऱ्या आजारांपासून बचावासाठी योग एक प्रभावी उपाय असून, प्रत्येकाने तो दैनंदिन जीवनात समाविष्ट करावा असे आवाहन त्यांनी केले. निरोगी, सुदृढ आणि सकारात्मक समाजासाठी योग संस्कृतीचा प्रसार ही काळाची गरज असल्याचेही त्यांनी नमूद केले. आंतरराष्ट्रीय स्तरावर आरोग्यदायी जीवनशैलीचा संदेश देणारा जागतिक योग दिन शनिवारी (दि. २१) स्थानिक जनता महाविद्यालयाच्या प्रांगणात मोठ्या उत्साहात साजरा झाला. या योग सत्रात शेकडो नागरिक, विद्यार्थी आणि योगप्रेमींनी उत्स्फूर्तपणे सहभाग घेतला आणि विविध योगासने व प्राणायामाचा सराव केला. या कार्यक्रमाला संस्थेच्या अध्यक्षा डॉ. प्रतिभाताई जीवतोडे, ओबीसी नेते डॉ. अशोक जीवतोडे, डॉ. कुचनकर, महाविद्यालयाचे प्राचार्य डॉ. आशिष महातळे, प्राचार्य डॉ. राजेंद्र भगत यांसह प्रतिष्ठित नागरिक राजेश भोजेकर, प्रमोद काकडे, हैदर शेख, सारंग पांडे, धनंजय शास्त्रकार आदी उपस्थित होते. उपस्थित मान्यवरांनीही नियमित योगाभ्यासाचे महत्त्व सांगितले आणि निरोगी शरीर व सुदृढ मनासाठी योगाला दैनंदिन जीवनाचा अविभाज्य भाग बनविण्याचे आवाहन केले. योगगुरू मधुकर राजूरकर, राजकुमार गावंडे, सुनीता गावंडे, अनिता खामणकर, माधवी चार्लीकर, मनीषा वासलवार, रश्मी दासरवार, मायाताई बेले यांच्या मार्गदर्शनाखाली विविध योगासने, प्राणायाम आणि ध्यानधारणा करण्यात आली. कार्यक्रमात सहभागी झालेल्या शेकडो उपस्थितांनी योगाचा लाभ घेत निरोगी जीवनाचा संकल्प केला. या उपक्रमामुळे जनता महाविद्यालय परिसरात आरोग्यासंबंधी सकारात्मकता आणि उत्साहाचे वातावरण निर्माण झाले.

Disha News

Media house चंद्रपूर, चंद्रपूर, महाराष्ट्र•

4 hrs ago

चंद्रपूर येथे जागतिक योग दिनानिमित्त आयोजित कार्यक्रमात ओबीसी नेते डॉ. अशोक जीवतोडे यांनी योगाचे महत्त्व अधोरेखित केले. त्यांच्या मते, नियमित योगाभ्यासाने शारीरिक आणि मानसिक आरोग्य उत्तम राहते, ज्यामुळे तणावमुक्त व संतुलित जीवन जगण्यास मदत मिळते. बदलत्या जीवनशैलीमुळे वाढणाऱ्या आजारांपासून बचावासाठी योग एक प्रभावी उपाय असून, प्रत्येकाने तो दैनंदिन जीवनात समाविष्ट करावा असे आवाहन त्यांनी केले. निरोगी, सुदृढ आणि सकारात्मक समाजासाठी योग संस्कृतीचा प्रसार ही काळाची गरज असल्याचेही त्यांनी नमूद केले. आंतरराष्ट्रीय स्तरावर आरोग्यदायी जीवनशैलीचा संदेश देणारा जागतिक योग दिन शनिवारी (दि. २१) स्थानिक जनता महाविद्यालयाच्या प्रांगणात मोठ्या उत्साहात साजरा झाला. या योग सत्रात शेकडो नागरिक, विद्यार्थी आणि योगप्रेमींनी उत्स्फूर्तपणे सहभाग घेतला आणि विविध योगासने व प्राणायामाचा सराव केला. या कार्यक्रमाला संस्थेच्या अध्यक्षा डॉ. प्रतिभाताई जीवतोडे, ओबीसी नेते डॉ. अशोक जीवतोडे, डॉ. कुचनकर, महाविद्यालयाचे प्राचार्य डॉ. आशिष महातळे, प्राचार्य डॉ. राजेंद्र भगत यांसह प्रतिष्ठित नागरिक राजेश भोजेकर, प्रमोद काकडे, हैदर शेख, सारंग पांडे, धनंजय शास्त्रकार आदी उपस्थित होते. उपस्थित मान्यवरांनीही नियमित योगाभ्यासाचे महत्त्व सांगितले आणि निरोगी शरीर व सुदृढ मनासाठी योगाला दैनंदिन जीवनाचा अविभाज्य भाग बनविण्याचे आवाहन केले. योगगुरू मधुकर राजूरकर, राजकुमार गावंडे, सुनीता गावंडे, अनिता खामणकर, माधवी चार्लीकर, मनीषा वासलवार, रश्मी दासरवार, मायाताई बेले यांच्या मार्गदर्शनाखाली विविध योगासने, प्राणायाम आणि ध्यानधारणा करण्यात आली. कार्यक्रमात सहभागी झालेल्या शेकडो उपस्थितांनी योगाचा लाभ घेत निरोगी जीवनाचा संकल्प केला. या उपक्रमामुळे जनता महाविद्यालय परिसरात आरोग्यासंबंधी सकारात्मकता आणि उत्साहाचे वातावरण निर्माण झाले.