अहमदनगर जिल्ह्यातील राहाता तालुक्यातील चितळी येथील सत्त्यम डिस्टिलरीज समोर वंचित बहुजन युवा आघाडीच्या वतीने विविध जनहिताच्या मागण्यांसाठी धरणे आंदोलन करण्यात आले. औद्योगिक प्रदूषण रोखणे, स्थानिक भूमिपुत्रांना कायमस्वरूपी रोजगार देणे आणि पर्यावरणीय व सार्वजनिक आरोग्याशी संबंधित प्रश्नांवर तातडीने उपाययोजना करण्याची मागणी या आंदोलनाद्वारे करण्यात आली. वंचित बहुजन युवा आघाडीचे जिल्हाध्यक्ष मा. प्रविण आल्हाट व जिल्हामहासचिव मा. सुनिल वाघमारे यांच्या प्रमुख मार्गदर्शनाखाली हे आंदोलन पार पडले, ज्याचे आयोजन जिल्हा उपाध्यक्ष बबलू पगारे व जिल्हा संघटक प्रशांत साबळे यांनी केले होते. यात ग्रामस्थ महिला व पुरुषांनी मोठ्या संख्येने सहभाग घेतला. आंदोलनादरम्यान ग्रामस्थांनी कंपनीच्या प्रदूषणाबाबत अत्यंत गंभीर आक्षेप नोंदवले. कंपनीच्या बॉयलरमधून निघणारी राख संपूर्ण गावात उडून पिण्याच्या पाण्यात, अन्नपदार्थांमध्ये आणि घरांमध्ये साचत असल्याचा आरोप करण्यात आला आहे. या दूषित वायूमुळे लहान मुले, वृद्ध, महिला, सर्वसामान्य नागरिक आणि पाळीव प्राण्यांना श्वसनाचे विकार जडत असल्याचे आंदोलकांनी सांगितले. तसेच भूजल दूषित झाल्यामुळे विविध आजार वाढले असून शेती उत्पादनावरही याचे प्रतिकूल परिणाम होत आहेत. याशिवाय, दूषित हवेमुळे घरांवरील पत्रे गंजून खराब होत असल्याने नागरिकांवर अतिरिक्त आर्थिक भार पडत असल्याची तक्रारही करण्यात आली. स्थानिक रोजगाराच्या मुद्द्यावर आंदोलकांनी कंपनीच्या धोरणांवर जोरदार आक्षेप घेतला. कंपनीकडून स्थानिक भूमिपुत्रांना केवळ "ब्रेक पद्धतीने" कामावर ठेवले जात असल्याचा आरोप करण्यात आला असून, यामुळे तरुणांना महिनाभर सातत्यपूर्ण रोजगार मिळत नाही आणि अनेक कुटुंबांवर आर्थिक संकट ओढवले आहे. बाहेरील कंत्राटदारांना प्राधान्य देण्याऐवजी स्थानिक युवकांना कायमस्वरूपी रोजगार आणि लेबर कॉन्ट्रॅक्ट देण्यात यावे, अशी ठाम मागणी यावेळी करण्यात आली. आंदोलकांनी भारतीय संविधानातील अनुच्छेद २१ नुसार प्रत्येकाला मिळणाऱ्या स्वच्छ वातावरणाच्या अधिकाराचा तसेच विविध पर्यावरण कायद्यांचा दाखला देत, नियम मोडणाऱ्यांवर कारवाई करण्याची मागणी केली. कंपनी व्यवस्थापनाने आंदोलनकर्त्यांच्या मागण्यांवर सकारात्मक चर्चा करून लेखी आश्वासन देण्याची तयारी दर्शविल्यानंतर हे धरणे आंदोलन तात्पुरत्या स्वरूपात स्थगित करण्यात आले. मात्र, दिलेल्या आश्वासनांची अंमलबजावणी न झाल्यास वंचित बहुजन युवा आघाडीच्या वतीने अधिक तीव्र स्वरूपाचे आंदोलन छेडण्याचा इशारा देण्यात आला आहे. या आंदोलनात शाखाध्यक्ष सुभाष ठुबे, सलीमभाई शेख, गौतम खरात, अरुण गायकवाड, वाल्मिक खरात, अल्ताफ पठाण, निलेश साळुंके, कैलास कुऱ्हाडे, धनंजय पुंडे आणि सुनिल वाघ यांच्यासह मोठी संख्या ग्रामस्थांची होती.

लाईव्ह अशोका टाईम्स

Political party office केज, बीड, महाराष्ट्र•

1 hr ago

अहमदनगर जिल्ह्यातील राहाता तालुक्यातील चितळी येथील सत्त्यम डिस्टिलरीज समोर वंचित बहुजन युवा आघाडीच्या वतीने विविध जनहिताच्या मागण्यांसाठी धरणे आंदोलन करण्यात आले. औद्योगिक प्रदूषण रोखणे, स्थानिक भूमिपुत्रांना कायमस्वरूपी रोजगार देणे आणि पर्यावरणीय व सार्वजनिक आरोग्याशी संबंधित प्रश्नांवर तातडीने उपाययोजना करण्याची मागणी या आंदोलनाद्वारे करण्यात आली. वंचित बहुजन युवा आघाडीचे जिल्हाध्यक्ष मा. प्रविण आल्हाट व जिल्हामहासचिव मा. सुनिल वाघमारे यांच्या प्रमुख मार्गदर्शनाखाली हे आंदोलन पार पडले, ज्याचे आयोजन जिल्हा उपाध्यक्ष बबलू पगारे व जिल्हा संघटक प्रशांत साबळे यांनी केले होते. यात ग्रामस्थ महिला व पुरुषांनी मोठ्या संख्येने सहभाग घेतला. आंदोलनादरम्यान ग्रामस्थांनी कंपनीच्या प्रदूषणाबाबत अत्यंत गंभीर आक्षेप नोंदवले. कंपनीच्या बॉयलरमधून निघणारी राख संपूर्ण गावात उडून पिण्याच्या पाण्यात, अन्नपदार्थांमध्ये आणि घरांमध्ये साचत असल्याचा आरोप करण्यात आला आहे. या दूषित वायूमुळे लहान मुले, वृद्ध, महिला, सर्वसामान्य नागरिक आणि पाळीव प्राण्यांना श्वसनाचे विकार जडत असल्याचे आंदोलकांनी सांगितले. तसेच भूजल दूषित झाल्यामुळे विविध आजार वाढले असून शेती उत्पादनावरही याचे प्रतिकूल परिणाम होत आहेत. याशिवाय, दूषित हवेमुळे घरांवरील पत्रे गंजून खराब होत असल्याने नागरिकांवर

अतिरिक्त आर्थिक भार पडत असल्याची तक्रारही करण्यात आली. स्थानिक रोजगाराच्या मुद्द्यावर आंदोलकांनी कंपनीच्या धोरणांवर जोरदार आक्षेप घेतला. कंपनीकडून स्थानिक भूमिपुत्रांना केवळ "ब्रेक पद्धतीने" कामावर ठेवले जात असल्याचा आरोप करण्यात आला असून, यामुळे तरुणांना महिनाभर सातत्यपूर्ण रोजगार मिळत नाही आणि अनेक कुटुंबांवर आर्थिक संकट ओढवले आहे. बाहेरील कंत्राटदारांना प्राधान्य देण्याऐवजी स्थानिक युवकांना कायमस्वरूपी रोजगार आणि लेबर कॉन्ट्रॅक्ट देण्यात यावे, अशी ठाम मागणी यावेळी करण्यात आली. आंदोलकांनी भारतीय संविधानातील अनुच्छेद २१ नुसार प्रत्येकाला मिळणाऱ्या स्वच्छ वातावरणाच्या अधिकाराचा तसेच विविध पर्यावरण कायद्यांचा दाखला देत, नियम मोडणाऱ्यांवर कारवाई करण्याची मागणी केली. कंपनी व्यवस्थापनाने आंदोलनकर्त्यांच्या मागण्यांवर सकारात्मक चर्चा करून लेखी आश्वासन देण्याची तयारी दर्शविल्यानंतर हे धरणे आंदोलन तात्पुरत्या स्वरूपात स्थगित करण्यात आले. मात्र, दिलेल्या आश्वासनांची अंमलबजावणी न झाल्यास वंचित बहुजन युवा आघाडीच्या वतीने अधिक तीव्र स्वरूपाचे आंदोलन छेडण्याचा इशारा देण्यात आला आहे. या आंदोलनात शाखाध्यक्ष सुभाष ठुबे, सलीमभाई शेख, गौतम खरात, अरुण गायकवाड, वाल्मिक खरात, अल्ताफ पठाण, निलेश साळुंके, कैलास कुऱ्हाडे, धनंजय पुंडे आणि सुनिल वाघ यांच्यासह मोठी संख्या ग्रामस्थांची होती.