पुणे जिल्ह्यातील आंबेगाव तालुक्यातील शिरदाळे येथे 'वृक्षवल्ली आम्हा सोयरे' आणि समस्त ग्रामस्थ शिरदाळे यांच्या वतीने वृक्षरोपणाच्या कार्यक्रमाचे आयोजन करण्यात आले होते. गावाला लाभलेल्या ऐतिहासिक आणि गावाची ३६५ दिवस तहान भागवणाऱ्या तलावाचे सुशोभीकरण व्हावे, या दृष्टीने गावातील अनेक तरुणांनी एकत्र येऊन या वृक्षरोपणाचे नियोजन केले होते. या कार्यक्रमाला शिवऋण महाराष्ट्र प्रतिष्ठानचे अध्यक्ष अक्षयजी बोऱ्हाडे, दै. सामनाचे उपसंपादक मा.श्री. विठ्ठलरावजी जाधव, हुतात्मा बाबू गेनू प्रतिष्ठानचे (महाराष्ट्र राज्य) अध्यक्ष मा.श्री. बाबाजीदादा चासकर, सामाजिक कार्यकर्ते मा. श्री. चंद्रकांतजी जाधव, मा. सरपंच सागर जाधव पाटील, दै. प्रभातचे पत्रकार मा. श्री. अंकुशजी भुमकर आणि गावातील ज्येष्ठ व तरुण वर्ग मोठ्या संख्येने उपस्थित होता. या कार्यक्रमाचे प्रमुख वैशिष्ट्य म्हणजे उपस्थित सर्व मान्यवरांचा प्रत्येकी एक रोपटे देऊन सन्मान करण्यात आला. याच दरम्यान, धामणी येथील खंडोबाचे मूळस्थान असलेल्या सागदऱ्यामध्ये भाविकांच्या सोयीसाठी रस्ता बनवणाऱ्या ग्रामस्थांचा विशेष गौरव करण्यात आला. हा भाग खोल दरीत असल्याने चंपाषष्ठी उत्सव किंवा यात्रेच्या काळात भाविकांना ये-जा करण्यासाठी अडचण होत होती. ही अडचण लक्षात घेऊन गावातील ज्येष्ठ नागरिकांनी पुढाकार घेत, तरुण आणि महिला भगिनींच्या मदतीने एक सुंदर रस्ता तयार केला आहे. त्यांच्या या उल्लेखनीय कार्याबद्दल या सोहळ्यात त्यांचा सन्मान करण्यात आला. हा कार्यक्रम यशस्वी करण्यासाठी 'वृक्षवल्ली सोयरे ग्रुप'च्या सर्व सदस्यांनी अथक प्रयत्न केले.

Tejas Walunj

Local News Reporter आंबेगाव, पुणे, महाराष्ट्र•

7 hrs ago

पुणे जिल्ह्यातील आंबेगाव तालुक्यातील शिरदाळे येथे 'वृक्षवल्ली आम्हा सोयरे' आणि समस्त ग्रामस्थ शिरदाळे यांच्या वतीने वृक्षरोपणाच्या कार्यक्रमाचे आयोजन करण्यात आले होते. गावाला लाभलेल्या ऐतिहासिक आणि गावाची ३६५ दिवस तहान भागवणाऱ्या तलावाचे सुशोभीकरण व्हावे, या दृष्टीने गावातील अनेक तरुणांनी एकत्र येऊन या वृक्षरोपणाचे नियोजन केले होते. या कार्यक्रमाला शिवऋण महाराष्ट्र प्रतिष्ठानचे अध्यक्ष अक्षयजी बोऱ्हाडे, दै. सामनाचे उपसंपादक मा.श्री. विठ्ठलरावजी जाधव, हुतात्मा बाबू गेनू प्रतिष्ठानचे (महाराष्ट्र राज्य) अध्यक्ष मा.श्री. बाबाजीदादा चासकर, सामाजिक कार्यकर्ते मा. श्री. चंद्रकांतजी जाधव, मा. सरपंच सागर जाधव पाटील, दै. प्रभातचे पत्रकार मा. श्री. अंकुशजी भुमकर आणि गावातील ज्येष्ठ व तरुण वर्ग मोठ्या संख्येने उपस्थित होता. या कार्यक्रमाचे प्रमुख वैशिष्ट्य म्हणजे उपस्थित सर्व मान्यवरांचा प्रत्येकी एक रोपटे देऊन सन्मान करण्यात आला. याच दरम्यान, धामणी येथील खंडोबाचे मूळस्थान असलेल्या सागदऱ्यामध्ये भाविकांच्या सोयीसाठी रस्ता बनवणाऱ्या ग्रामस्थांचा विशेष गौरव करण्यात आला. हा भाग खोल दरीत असल्याने चंपाषष्ठी उत्सव किंवा यात्रेच्या काळात भाविकांना ये-जा करण्यासाठी अडचण होत होती. ही अडचण लक्षात घेऊन गावातील ज्येष्ठ नागरिकांनी पुढाकार घेत, तरुण आणि महिला भगिनींच्या मदतीने एक सुंदर रस्ता तयार केला आहे. त्यांच्या या उल्लेखनीय कार्याबद्दल या सोहळ्यात त्यांचा सन्मान करण्यात आला. हा कार्यक्रम यशस्वी करण्यासाठी 'वृक्षवल्ली सोयरे ग्रुप'च्या सर्व सदस्यांनी अथक प्रयत्न केले.