नांद्रा येथे शॉर्टसर्किटमुळे गहू पीक जळून खाक; शेतकऱ्याचे सुमारे ५० हजारांचे नुकसान नांद्रा येथे शॉर्टसर्किटमुळे गहू पीक जळून खाक; शेतकऱ्याचे सुमारे ५० हजारांचे नुकसान नांद्रा ता. पाचोरा प्रतिनिधी – नांद्रा येथील शेतकरी राहुल देविदास सूर्यवंशी यांच्या शेतात वीज तारांच्या शॉर्टसर्किटमुळे गहू पीक जळून खाक झाल्याची घटना घडली असून यामध्ये सुमारे ५० हजार रुपयांचे नुकसान झाल्याचा अंदाज व्यक्त करण्यात आला आहे. राहुल सूर्यवंशी यांच्या गट क्रमांक २७८/२/१ मधील सुमारे तीन एकर शेतात गव्हाची पेरणी करण्यात आली होती. पीक पूर्णपणे पिकून काढणीस तयार झाले होते. हार्वेस्टर मशीन मिळत नसल्यामुळे गेल्या आठ दिवसांपासून गहू काढणीची तयारी सुरू होती. दरम्यान, शेतातून गेलेल्या वीज वितरण कंपनीच्या लोंबकळणाऱ्या तारांमध्ये अचानक शॉर्टसर्किट होऊन ठिणगी पडल्याने सुमारे दोन एकरांवरील गहू पीक आगीत जळून खाक झाले. या घटनेत शेतकऱ्याचा हाता-तोंडाशी आलेला घास हिरावला गेला असून सुमारे ५० हजार रुपयांचे नुकसान झाले असल्याचे राहुल सूर्यवंशी यांनी सांगितले. घटनेनंतर वीज वितरण कंपनीचे कनिष्ठ अभियंता अनिकेत सावळे, लाईनमन सागर पाटील व इतर कर्मचाऱ्यांनी घटनास्थळी भेट देऊन जळालेल्या पिकाची पाहणी केली. पुढील पंचनाम्यासाठी वरिष्ठ अधिकारी येणार असल्याचे त्यांनी सांगितले. राहुल सूर्यवंशी यांनी सांगितले की, त्यांच्या शेतातून गेलेल्या वीज तारा बराच काळ लोंबकळत असून त्या डोक्याला लागतील अशा स्थितीत आहेत. याबाबत वीज वितरण कंपनीच्या कर्मचाऱ्यांना वारंवार तोंडी सूचना देऊनही कोणतीही दुरुस्ती करण्यात आली नाही. ऐन उन्हाच्या दाहकतेत पडलेल्या छोट्या ठिणगीमुळे संपूर्ण पीक जळून गेल्याने त्यांनी वीज वितरणाच्या भोंगळ कारभाराबद्दल तीव्र संताप व्यक्त केला. झालेल्या नुकसानीची तात्काळ भरपाई द्यावी तसेच शेतातील लोंबकळणाऱ्या तारांची दोन दिवसांत दुरुस्ती करावी, अन्यथा माहेजी उपकेंद्रावर आमरण उपोषणास बसण्याचा इशारा राहुल सूर्यवंशी यांनी दिला आहे. या वेळी समाधान सूर्यवंशी, बाळू सूर्यवंशी, गणेश सूर्यवंशी यांच्यासह परिसरातील शेतकरी उपस्थित होते. तसेच उन्हाळ्यात वीज तारांमुळे अशा घटना घडू नयेत यासाठी शेतकरी बंधूंनी गुरे-ढोरे व शेतमाल वीज तारांच्या खाली ठेवताना विशेष खबरदारी घ्यावी, असे आवाहनही करण्यात आले आहे.

Pramod dada bari

Pachora, Jalgaon•

6 hrs ago

नांद्रा येथे शॉर्टसर्किटमुळे गहू पीक जळून खाक; शेतकऱ्याचे सुमारे ५० हजारांचे नुकसान नांद्रा येथे शॉर्टसर्किटमुळे गहू पीक जळून खाक; शेतकऱ्याचे सुमारे ५० हजारांचे नुकसान नांद्रा ता. पाचोरा प्रतिनिधी – नांद्रा येथील शेतकरी राहुल देविदास सूर्यवंशी यांच्या शेतात वीज तारांच्या शॉर्टसर्किटमुळे गहू पीक जळून खाक झाल्याची घटना घडली असून यामध्ये सुमारे ५० हजार रुपयांचे नुकसान झाल्याचा अंदाज व्यक्त करण्यात आला आहे. राहुल सूर्यवंशी यांच्या गट क्रमांक २७८/२/१ मधील सुमारे तीन एकर शेतात गव्हाची पेरणी करण्यात आली होती. पीक पूर्णपणे पिकून काढणीस तयार झाले होते. हार्वेस्टर मशीन मिळत नसल्यामुळे गेल्या आठ दिवसांपासून गहू काढणीची तयारी सुरू होती. दरम्यान, शेतातून गेलेल्या वीज वितरण कंपनीच्या लोंबकळणाऱ्या तारांमध्ये अचानक शॉर्टसर्किट होऊन ठिणगी पडल्याने सुमारे दोन एकरांवरील गहू पीक आगीत जळून खाक झाले. या घटनेत शेतकऱ्याचा हाता-तोंडाशी आलेला घास हिरावला गेला असून सुमारे ५० हजार रुपयांचे नुकसान झाले असल्याचे राहुल सूर्यवंशी यांनी सांगितले. घटनेनंतर वीज वितरण कंपनीचे कनिष्ठ अभियंता अनिकेत सावळे, लाईनमन सागर पाटील व इतर कर्मचाऱ्यांनी घटनास्थळी भेट देऊन जळालेल्या पिकाची पाहणी केली. पुढील पंचनाम्यासाठी वरिष्ठ अधिकारी येणार असल्याचे त्यांनी सांगितले. राहुल सूर्यवंशी यांनी सांगितले की, त्यांच्या शेतातून गेलेल्या वीज तारा बराच काळ लोंबकळत असून त्या डोक्याला लागतील अशा स्थितीत आहेत. याबाबत वीज वितरण कंपनीच्या कर्मचाऱ्यांना वारंवार तोंडी सूचना देऊनही कोणतीही दुरुस्ती करण्यात आली नाही. ऐन उन्हाच्या दाहकतेत पडलेल्या छोट्या ठिणगीमुळे संपूर्ण पीक जळून गेल्याने त्यांनी वीज वितरणाच्या भोंगळ कारभाराबद्दल तीव्र संताप व्यक्त केला. झालेल्या नुकसानीची तात्काळ भरपाई द्यावी तसेच शेतातील लोंबकळणाऱ्या तारांची दोन दिवसांत दुरुस्ती करावी, अन्यथा माहेजी उपकेंद्रावर आमरण उपोषणास बसण्याचा इशारा राहुल सूर्यवंशी यांनी दिला आहे. या वेळी समाधान सूर्यवंशी, बाळू सूर्यवंशी, गणेश सूर्यवंशी यांच्यासह परिसरातील शेतकरी उपस्थित होते. तसेच उन्हाळ्यात वीज तारांमुळे अशा घटना घडू नयेत यासाठी शेतकरी बंधूंनी गुरे-ढोरे व शेतमाल वीज तारांच्या खाली ठेवताना विशेष खबरदारी घ्यावी, असे आवाहनही करण्यात आले आहे.