తెలంగాణ ముఖ్యమంత్రి రేవంత్‌రెడ్డి ఈరోజు (సోమవారం) ఢిల్లీలో రెండు రోజుల పర్యటనకు వెళ్లారు, ఈ సందర్భంగా పలు కార్యక్రమాల్లో పాల్గొననున్నారు. మెట్రో ఫేజ్-1 రీఫైనాన్సింగ్ వివాదంపై కేంద్రాన్ని నిలదీయడానికి ఆయన సిద్ధమయ్యారు. మెట్రో ఫేజ్-2 విస్తరణకు సంబంధించిన సమస్యలపై కేంద్రమంత్రులతో వరుస భేటీలు నిర్వహించనున్నారు. శంషాబాద్ ఎయిర్‌పోర్ట్ కనెక్టివిటీతో సహా మెట్రో విస్తరణ కోసం కేంద్రంపై ఒత్తిడి తీసుకురానున్నారు. ఐఆర్ఎఫ్సీ లోన్ విడుదల జాప్యంపై కూడా ముఖ్యమంత్రి ప్రత్యక్ష చర్చలు జరపనున్నారు. రాష్ట్రానికి రావాల్సిన కేంద్ర నిధులు, ప్రాజెక్టులపై సీఎం రేవంత్‌రెడ్డి ప్రత్యేక దృష్టి సారించారు. యాసంగి ధాన్యం కొనుగోలు కోటా మరో 20 లక్షల టన్నులు పెంచాలని కేంద్రాన్ని డిమాండ్ చేయనున్నారు. రైతులకు యూరియా కొరత రాకుండా ముందస్తు సరఫరా చేయాలని కోరడంతో పాటు, రామగుండం యూరియా ఉత్పత్తి మొత్తాన్ని తెలంగాణకే కేటాయించాలని విజ్ఞప్తి చేయనున్నారు. రాయదుర్గం భూముల వ్యవహారంలో ఎస్‌బీఐ తీరుపై కేంద్రానికి ఫిర్యాదు చేయనున్నారు. ఈ అన్ని అంశాలను ప్రధానమంత్రి నరేంద్రమోదీ, కేంద్ర ఆర్థిక మంత్రి, ఆర్బీఐ గవర్నర్ దృష్టికి తీసుకెళ్లనున్నారు. ఢిల్లీ పర్యటనలో భాగంగా, ముఖ్యమంత్రి రేవంత్‌రెడ్డి కాంగ్రెస్ అగ్రనేతలు రాహుల్ గాంధీ, ఖర్గే, కేసీ వేణుగోపాల్, ప్రియాంక గాంధీలతోనూ భేటీ కానున్నారు. మంత్రివర్గ విస్తరణ, శాఖల మార్పులపై హైకమాండ్‌తో చర్చించే అవకాశాలు ఉన్నాయి. రాష్ట్ర ప్రయోజనాల కోసం కేంద్రంపై సీఎం రేవంత్‌రెడ్డి ఒత్తిడిని మరింత పెంచనున్నారు.

@ANUNEWS143

Newspaper publisher యాదగిరిగుట్ట, యాదాద్రి భువనగిరి, తెలంగాణ•

1 hr ago

తెలంగాణ ముఖ్యమంత్రి రేవంత్‌రెడ్డి ఈరోజు (సోమవారం) ఢిల్లీలో రెండు రోజుల పర్యటనకు వెళ్లారు, ఈ సందర్భంగా పలు కార్యక్రమాల్లో పాల్గొననున్నారు. మెట్రో ఫేజ్-1 రీఫైనాన్సింగ్ వివాదంపై కేంద్రాన్ని నిలదీయడానికి ఆయన సిద్ధమయ్యారు. మెట్రో ఫేజ్-2 విస్తరణకు సంబంధించిన సమస్యలపై కేంద్రమంత్రులతో వరుస భేటీలు నిర్వహించనున్నారు. శంషాబాద్ ఎయిర్‌పోర్ట్ కనెక్టివిటీతో సహా మెట్రో విస్తరణ కోసం కేంద్రంపై ఒత్తిడి తీసుకురానున్నారు. ఐఆర్ఎఫ్సీ లోన్ విడుదల జాప్యంపై కూడా ముఖ్యమంత్రి ప్రత్యక్ష చర్చలు జరపనున్నారు. రాష్ట్రానికి రావాల్సిన కేంద్ర నిధులు, ప్రాజెక్టులపై సీఎం రేవంత్‌రెడ్డి ప్రత్యేక దృష్టి సారించారు. యాసంగి ధాన్యం కొనుగోలు కోటా మరో 20 లక్షల టన్నులు పెంచాలని కేంద్రాన్ని డిమాండ్ చేయనున్నారు. రైతులకు యూరియా కొరత రాకుండా ముందస్తు సరఫరా చేయాలని కోరడంతో పాటు, రామగుండం యూరియా ఉత్పత్తి మొత్తాన్ని తెలంగాణకే కేటాయించాలని విజ్ఞప్తి చేయనున్నారు. రాయదుర్గం భూముల వ్యవహారంలో ఎస్‌బీఐ తీరుపై కేంద్రానికి ఫిర్యాదు చేయనున్నారు. ఈ అన్ని అంశాలను ప్రధానమంత్రి నరేంద్రమోదీ, కేంద్ర ఆర్థిక మంత్రి, ఆర్బీఐ గవర్నర్ దృష్టికి తీసుకెళ్లనున్నారు. ఢిల్లీ పర్యటనలో భాగంగా, ముఖ్యమంత్రి రేవంత్‌రెడ్డి కాంగ్రెస్ అగ్రనేతలు రాహుల్ గాంధీ, ఖర్గే, కేసీ వేణుగోపాల్, ప్రియాంక గాంధీలతోనూ భేటీ కానున్నారు. మంత్రివర్గ విస్తరణ, శాఖల మార్పులపై హైకమాండ్‌తో చర్చించే అవకాశాలు ఉన్నాయి. రాష్ట్ర ప్రయోజనాల కోసం కేంద్రంపై సీఎం రేవంత్‌రెడ్డి ఒత్తిడిని మరింత పెంచనున్నారు.