लाखो वारकऱ्यांचे श्रद्धास्थान असलेल्या श्री क्षेत्र देहू येथून जगद्गुरु श्री संत तुकाराम महाराजांचा ३४१ वा आषाढी वारी पालखी सोहळा मंगळवार, दिनांक ७ जुलै २०२६ रोजी पंढरपूरकडे प्रस्थान करणार आहे. श्री संत तुकाराम महाराज संस्थानने या ऐतिहासिक आणि भक्तीमय सोहळ्याचे सविस्तर वेळापत्रक जाहीर केले आहे. यंदाचा पालखी प्रस्थान सोहळा ७ जुलै रोजी (निज ज्येष्ठ कृ. ७) इनामदार साहेब वाडा, श्री क्षेत्र देहू येथे पार पडेल. यानंतर ज्ञानोबा-तुकारामाच्या जयघोषात आणि टाळ-मृदंगाच्या गजरात पालखीचा पंढरीचा प्रवास सुरू होईल. ८ जुलै रोजी पालखीचा मुक्काम आकुर्डी येथील श्री विठ्ठल मंदिरात असेल, तर ९ जुलै रोजी पालखी पुणे शहरात दाखल होईल. १० जुलै रोजी संपूर्ण दिवस पालखी श्री निवडुंगा विठ्ठल मंदिर, नानापेठ, पुणे येथे मुक्कामी राहणार असून, पुणेकरांना संत दर्शनाचा सुवर्णयोग मिळणार आहे. पुण्याहून पुढे निघाल्यानंतर ११ जुलै रोजी लोणी काळभोर (नवीन पालखी तळ) येथे आणि १२ जुलै रोजी यवत येथे मुक्काम होईल. वारीच्या प्रवासात 'रिंगण सोहळे' हे यंदाचे मुख्य आकर्षण ठरणार आहेत. यामध्ये १७ जुलै रोजी बेलवडी येथे पहिले गोल रिंगण, १८ जुलै रोजी इंदापूर येथे दुसरे गोल रिंगण, आणि २० जुलै रोजी अकलूज माने विद्यालय येथे तिसरे गोल रिंगण तसेच निरा स्नान सोहळा पार पडेल. याशिवाय २१ जुलै रोजी माळीनगर येथे प्रसिद्ध 'उभे रिंगण' आणि २३ जुलै रोजी बाजीराव विहीर येथे दुसरे उभे रिंगण रंगणार आहे. प्रदीर्घ आणि भक्तीमय प्रवासानंतर शुक्रवार, २४ जुलै २०२६ रोजी (आषाढ शु. १०) पालखी सोहळा वाखरी येथे पोहोचेल, जिथे पादुका आरती आणि उभे रिंगण संपन्न होईल. शनिवार, २५ जुलै २०२६ रोजी (आषाढ शु. ११ - एकादशी) पालखी श्री क्षेत्र पंढरपूर येथील श्री संत तुकाराम महाराज संस्थान मंदिर (नवीन इमारत), नगर प्रदक्षिणा रोड येथे दाखल होईल. २५ जुलै (एकादशी) ते २९ जुलै (गुरुपौर्णिमा) पर्यंत पालखीचा मुक्काम पंढरपूर येथेच राहणार असून, २९ जुलै रोजी दुपारनंतर पालखी परतीच्या प्रवासाला निघेल.

समर्थ न्युज आवाज महाराष्ट्राचा

Photographer इंदापूर, पुणे, महाराष्ट्र•

1 hr ago

लाखो वारकऱ्यांचे श्रद्धास्थान असलेल्या श्री क्षेत्र देहू येथून जगद्गुरु श्री संत तुकाराम महाराजांचा ३४१ वा आषाढी वारी पालखी सोहळा मंगळवार, दिनांक ७ जुलै २०२६ रोजी पंढरपूरकडे प्रस्थान करणार आहे. श्री संत तुकाराम महाराज संस्थानने या ऐतिहासिक आणि भक्तीमय सोहळ्याचे सविस्तर वेळापत्रक जाहीर केले आहे. यंदाचा पालखी प्रस्थान सोहळा ७ जुलै रोजी (निज ज्येष्ठ कृ. ७) इनामदार साहेब वाडा, श्री क्षेत्र देहू येथे पार पडेल. यानंतर ज्ञानोबा-तुकारामाच्या जयघोषात आणि टाळ-मृदंगाच्या गजरात पालखीचा पंढरीचा प्रवास सुरू होईल. ८ जुलै रोजी पालखीचा मुक्काम आकुर्डी येथील श्री विठ्ठल मंदिरात असेल, तर ९ जुलै रोजी पालखी पुणे शहरात दाखल होईल. १० जुलै रोजी संपूर्ण दिवस पालखी श्री निवडुंगा विठ्ठल मंदिर, नानापेठ, पुणे येथे मुक्कामी राहणार असून, पुणेकरांना संत दर्शनाचा सुवर्णयोग मिळणार आहे. पुण्याहून पुढे निघाल्यानंतर ११ जुलै रोजी लोणी काळभोर (नवीन पालखी तळ) येथे आणि १२ जुलै रोजी यवत येथे मुक्काम होईल. वारीच्या प्रवासात 'रिंगण सोहळे' हे यंदाचे मुख्य आकर्षण ठरणार आहेत. यामध्ये १७ जुलै रोजी बेलवडी येथे पहिले गोल रिंगण, १८ जुलै रोजी इंदापूर येथे दुसरे गोल रिंगण, आणि २० जुलै रोजी अकलूज माने विद्यालय येथे तिसरे गोल रिंगण तसेच निरा स्नान सोहळा पार पडेल. याशिवाय २१ जुलै रोजी माळीनगर येथे प्रसिद्ध 'उभे रिंगण' आणि २३ जुलै रोजी बाजीराव विहीर येथे दुसरे उभे रिंगण रंगणार आहे. प्रदीर्घ आणि भक्तीमय प्रवासानंतर शुक्रवार, २४ जुलै २०२६ रोजी (आषाढ शु. १०) पालखी सोहळा वाखरी येथे पोहोचेल, जिथे पादुका आरती आणि उभे रिंगण संपन्न होईल. शनिवार, २५ जुलै २०२६ रोजी (आषाढ शु. ११ - एकादशी) पालखी श्री क्षेत्र पंढरपूर येथील श्री संत तुकाराम महाराज संस्थान मंदिर (नवीन इमारत), नगर प्रदक्षिणा रोड येथे दाखल होईल. २५ जुलै (एकादशी) ते २९ जुलै (गुरुपौर्णिमा) पर्यंत पालखीचा मुक्काम पंढरपूर येथेच राहणार असून, २९ जुलै रोजी दुपारनंतर पालखी परतीच्या प्रवासाला निघेल.