પંચમહાલ જિલ્લાના કાલોલ તાલુકા હેઠળ આવતા વેજલપુર પોલીસ સ્ટેશનની ટીમે ગોધરા તાલુકાના ચાંચપુર ગામે ચાલી રહેલા એક જુગારધામ પર સફળ દરોડો પાડ્યો છે. આ દરોડામાં પોલીસે ઘટનાસ્થળેથી ચાર જુગારીઓને રંગેહાથ ઝડપી પાડ્યા હતા, જ્યારે અન્ય બે ઇસમો પોલીસને ચકમો આપીને નાસી છૂટવામાં સફળ રહ્યા હતા. શનિવારના રોજ વેજલપુર પોલીસની ટીમ ખાનગી વાહનમાં નાઈટ પેટ્રોલિંગમાં હતી. તે દરમિયાન ધનોલ ચોકડી પાસે પોલીસ ઇન્સ્પેક્ટર જી. કે. વહુનિયાને ખાનગી રાહે ચોક્કસ બાતમી મળી હતી કે, ચાંચપુર ગામે રબારી ફળિયામાં રહેતો ધર્મેન્દ્રસિંહ ઉર્ફે ધમો ચીમનભાઈ ચૌહાણ પોતાના ઘરની પાછળ આવેલા કોતર નજીક ખુલ્લા ખેતરમાં કેટલાક ઇસમોને ભેગા કરીને પત્તા-પાનાનો હાર-જીતનો જુગાર રમાડી રહ્યો છે. આ બાતમી પાકી હોવાથી, તાત્કાલિક અન્ય પોલીસ સ્ટાફ અને બે પંચોના માણસોને બોલાવી રાત્રે આશરે ૨૩:૨૦ વાગ્યે બાતમીવાળી જગ્યાએ દરોડો પાડવામાં આવ્યો હતો. પોલીસને જોતા જ જુગાર રમી રહેલા ઇસમોમાં ભાગદોડ મચી ગઈ હતી, જોકે પોલીસે કોર્ડન કરીને ચાર ઇસમોને ઝડપી લીધા હતા. મુખ્ય સૂત્રધાર ધર્મેન્દ્રસિંહ ઉર્ફે ધમો ચીમનભાઈ ચૌહાણ અને અન્ય એક આરોપી કનુ સનાજી વણઝારા અંધારાનો લાભ લઈ નાસી છૂટવામાં સફળ રહ્યા હતા. પકડાયેલા આરોપીઓમાં સણસોલી, કાલોલના નિલેશસિંહ વિજયસિંહ રાઠોડ (ઉ.વ. ૩૮), મહેલોલ, ગોધરાના મનહરસિંહ મહેન્દ્રસિંહ ગોહિલ (ઉ.વ. ૩૪), સણસોલી, કાલોલના વિજયસિંહ કનકસિંહ રાઠોડ (ઉ.વ. ૩૦), અને સણસોલી, કાલોલના ઇન્દ્રજીતસિંહ બળદેવસિંહ રાઠોડ (ઉ.વ. ૨૫) નો સમાવેશ થાય છે. પોલીસે ઘટનાસ્થળેથી કુલ રૂ. ૬૦,૫૮૦/-નો મુદ્દામાલ જપ્ત કર્યો હતો, જેમાં દાવ પરના રોકડા રૂપિયા ૨,૬૫૦/-, આરોપીઓની અંગઝડતીના રોકડા રૂપિયા ૧૭,૯૩૦/-, બે મોબાઈલ ફોન (એક ઓપ્પો અને એક એપલ કંપનીનો આઇફોન, જેની કિંમત ૪૦,૦૦૦/- રૂપિયા) અને ૫૨ નંગ પત્તા પાનાનો સમાવેશ થાય છે. આ મામલે વેજલપુર પોલીસે તમામ આરોપીઓ વિરુદ્ધ જુગાર ધારા કલમ-૧૨ હેઠળ ગુનો નોંધી કાયદેસરની કાર્યવાહી હાથ ધરી છે. આ કેસની વધુ તપાસ પીઆઈ જી. કે. વહુનિયા ચલાવી રહ્યા છે.

Virendra Mehta

Classified ads newspaper publisher Kalol, Panch Mahals•

5 hrs ago

પંચમહાલ જિલ્લાના કાલોલ તાલુકા હેઠળ આવતા વેજલપુર પોલીસ સ્ટેશનની ટીમે ગોધરા તાલુકાના ચાંચપુર ગામે ચાલી રહેલા એક જુગારધામ પર સફળ દરોડો પાડ્યો છે. આ દરોડામાં પોલીસે ઘટનાસ્થળેથી ચાર જુગારીઓને રંગેહાથ ઝડપી પાડ્યા હતા, જ્યારે અન્ય બે ઇસમો પોલીસને ચકમો આપીને નાસી છૂટવામાં સફળ રહ્યા હતા. શનિવારના રોજ વેજલપુર પોલીસની ટીમ ખાનગી વાહનમાં નાઈટ પેટ્રોલિંગમાં હતી. તે દરમિયાન ધનોલ ચોકડી પાસે પોલીસ ઇન્સ્પેક્ટર જી. કે. વહુનિયાને ખાનગી રાહે ચોક્કસ બાતમી મળી હતી કે, ચાંચપુર ગામે રબારી ફળિયામાં રહેતો ધર્મેન્દ્રસિંહ ઉર્ફે ધમો ચીમનભાઈ ચૌહાણ પોતાના ઘરની પાછળ આવેલા કોતર નજીક ખુલ્લા ખેતરમાં કેટલાક ઇસમોને ભેગા કરીને પત્તા-પાનાનો હાર-જીતનો જુગાર રમાડી રહ્યો છે. આ બાતમી પાકી હોવાથી, તાત્કાલિક અન્ય પોલીસ સ્ટાફ અને બે પંચોના માણસોને બોલાવી રાત્રે આશરે ૨૩:૨૦ વાગ્યે બાતમીવાળી જગ્યાએ દરોડો પાડવામાં આવ્યો હતો. પોલીસને જોતા જ જુગાર રમી રહેલા ઇસમોમાં ભાગદોડ મચી ગઈ હતી, જોકે પોલીસે કોર્ડન કરીને ચાર ઇસમોને ઝડપી લીધા હતા. મુખ્ય સૂત્રધાર ધર્મેન્દ્રસિંહ ઉર્ફે ધમો ચીમનભાઈ ચૌહાણ અને અન્ય એક આરોપી કનુ સનાજી વણઝારા અંધારાનો લાભ લઈ નાસી છૂટવામાં સફળ રહ્યા હતા. પકડાયેલા આરોપીઓમાં સણસોલી, કાલોલના નિલેશસિંહ વિજયસિંહ રાઠોડ (ઉ.વ. ૩૮), મહેલોલ, ગોધરાના મનહરસિંહ મહેન્દ્રસિંહ ગોહિલ (ઉ.વ. ૩૪), સણસોલી, કાલોલના વિજયસિંહ કનકસિંહ રાઠોડ (ઉ.વ. ૩૦), અને સણસોલી, કાલોલના ઇન્દ્રજીતસિંહ બળદેવસિંહ રાઠોડ (ઉ.વ. ૨૫) નો સમાવેશ થાય છે. પોલીસે ઘટનાસ્થળેથી કુલ રૂ. ૬૦,૫૮૦/-નો મુદ્દામાલ જપ્ત કર્યો હતો, જેમાં દાવ પરના રોકડા રૂપિયા ૨,૬૫૦/-, આરોપીઓની અંગઝડતીના રોકડા રૂપિયા ૧૭,૯૩૦/-, બે મોબાઈલ ફોન (એક ઓપ્પો અને એક એપલ કંપનીનો આઇફોન, જેની કિંમત ૪૦,૦૦૦/- રૂપિયા) અને ૫૨ નંગ પત્તા પાનાનો સમાવેશ થાય છે. આ મામલે વેજલપુર પોલીસે તમામ આરોપીઓ વિરુદ્ધ જુગાર ધારા કલમ-૧૨ હેઠળ ગુનો નોંધી કાયદેસરની કાર્યવાહી હાથ ધરી છે. આ કેસની વધુ તપાસ પીઆઈ જી. કે. વહુનિયા ચલાવી રહ્યા છે.