ଭାଲୁଡୁଙ୍ଗୁରୀରେ ନୂଆଁଖାଇ ଭେଟଘାଟ ‘ପ୍ରତିଭା’ - ନୂଆଁଖାଇ ସମାଜ କୁ ଏକତା ସୂତ୍ରରେ ବାନ୍ଧି ରଖେ ପଶ୍ଚିମ ଓଡ଼ିଶାର ଗଣପର୍ବ ନୂଆଁଖାଇ ଅବସରରେ ସୁବର୍ଣ୍ଣପୁର ଜିଲ୍ଲା ବୀରମହାରାଜପୁର ବ୍ଲକ ଭାଲୁଡୁଙ୍ଗୁରୀଠାରେ ମଙ୍ଗଳବାର ନୂଆଁଖାଇ ଭେଟଘାଟ ଓ ସାଂସ୍କୃତିକ କାର୍ଯ୍ୟକ୍ରମ ‘ପ୍ରତିଭା’ ଅନୁଷ୍ଠିତ ହୋଇଯାଇଛି। ଗଣେଶ ପୂଜା କମିଟି ସଦସ୍ୟ ଭଗବାନ ଧଳଙ୍କ ଅଧ୍ୟକ୍ଷତାରେ ଆୟୋଜିତ ସମାରୋହରେ ବୀରମହାରାଜପୁର କଲେଜର ଅବସରପ୍ରାପ୍ତ ଅଧ୍ୟାପକ ଅନିଲ କୁମାର ଦାନୀ ମୁଖ୍ୟ ଅତିଥି, ଭାଲୁଡୁଙ୍ଗୁରୀ ପ୍ରାଥମିକ ବିଦ୍ୟାଳୟ ପ୍ରଧାନଶିକ୍ଷକ ସୁରେନ୍ଦ୍ର ଭୋଇ ମୁଖ୍ୟ ବକ୍ତା ଏବଂ ବହଳପଦର ସେବା ସମବାୟ ସମିତି ସମ୍ପାଦକ ପ୍ରଫୁଲ୍ଲ କୁମାର ଦନ୍ତା ସମ୍ମାନିତ ଅତିଥି ଭାବେ ଯୋଗଦେଇଥିଲେ। ଅତିଥିମାନେ କହିଥିଲେ, ନୂଆଁଖାଇ କେବଳ ଏକ ପର୍ବ ନୁହେଁ; ଏହା ପଶ୍ଚିମ ଓଡ଼ିଶାର ମାଟି, ସଂସ୍କୃତି ଓ ପରମ୍ପରାର ପରିଚୟ। ନୂଆଁଖାଇ ଭେଟଘାଟ ମାଧ୍ୟମରେ ଭାଇଚାରା, ଏକତା ଓ ସୌହାର୍ଦ୍ଦ ବୃଦ୍ଧି ପାଉଛି। ଆଧୁନିକତାର ଯୁଗରେ ମଧ୍ୟ ଯୁବପିଢ଼ି ଏହି ମହାନ ପରମ୍ପରାକୁ ଆଗେଇ ନେବା ଆବଶ୍ୟକ। ନୂଆଁଖାଇ ପରିବାର ଓ ସମାଜକୁ ଏକତାର ସୂତ୍ରରେ ବାନ୍ଧି ରଖିଥାଏ। ମୁଖ୍ୟ ଅତିଥି ଅନିଲ କୁମାର ଦାନୀ କହିଥିଲେ, ନୂଆଁଖାଇ କେବଳ ପଶ୍ଚିମ ଓଡ଼ିଶାରେ ସୀମିତ ନୁହେଁ; ଦେଶର ବିଭିନ୍ନ ଅଞ୍ଚଳରେ ଭିନ୍ନ ନାମରେ କୃଷିଭିତ୍ତିକ ପର୍ବ ପାଳିତ ହୋଇଥାଏ। ପଶ୍ଚିମବଙ୍ଗରେ ନବାନ୍ନ, କେରଳରେ ଓଣମ ଏବଂ ପଞ୍ଜାବରେ ବୈଶାଖୀ ପରି ପର୍ବ ପାଳନ କରାଯାଏ। ସେ ନୂଆଁଖାଇ ସହ ଚାଷୀ ଓ କୃଷି ସଂସ୍କୃତିର ନିବିଡ଼ ସମ୍ପର୍କ ଉପରେ ଆଲୋକପାତ କରିଥିଲେ। ଧାନ ଚାଷର ଉତ୍ପତ୍ତି ଓ ଆଦିବାସୀ ଅଞ୍ଚଳରେ କୃଷିର ବିକାଶ ସମ୍ପର୍କରେ ମଧ୍ୟ ସେ ମତ ରଖିଥିଲେ। ମୁଖ୍ୟ ବକ୍ତା ସୁରେନ୍ଦ୍ର ଭୋଇ କହିଥିଲେ, ‘ପ୍ରତିଭା’ ଭଳି କାର୍ଯ୍ୟକ୍ରମ ମାଧ୍ୟମରେ ଛୋଟଛୋଟ ପିଲାଙ୍କ ମଧ୍ୟରେ ଲୁଚି ରହିଥିବା ପ୍ରତିଭାକୁ ଚିହ୍ନଟ କରି ତାହାର ବିକାଶ ପାଇଁ ସୁଯୋଗ ମିଳିପାରିବ। ଏହି ଅବସରରେ ଉଚ୍ଚ ମାଧ୍ୟମିକ ଶିକ୍ଷା ପରିଷଦ ଦ୍ୱାରା ପରିଚାଳିତ ଯୁକ୍ତ୨ ବାର୍ଷିକ ପରୀକ୍ଷା-୨୦୨୬ରେ ରାଜ୍ୟରେ ଦ୍ୱିତୀୟ ସ୍ଥାନ ଅଧିକାର କରିଥିବା କୁନ୍ତି ସାହୁଙ୍କୁ ‘ପ୍ରତିଭା ସମ୍ମାନ’ ପ୍ରଦାନ କରାଯାଇଥିଲା। ସେହିପରି ସମାଜସେବୀ କରୁଣାକର ସାହୁଙ୍କୁ ସ୍ମୃତିଚିହ୍ନ ଦେଇ ସମ୍ମାନିତ କରାଯାଇଥିବାବେଳେ ଆସିଷ୍ଟାଣ୍ଟ ଫରେଷ୍ଟର ସୁବ୍ରତ ସାହୁ, ପୁଲିସ କନଷ୍ଟେବଳ ବିକାଶ ସେଠୀ ଏବଂ ମସୁରୀସ୍ଥିତ ଲାଲବାହାଦୂର ଶାସ୍ତ୍ରୀ ପ୍ରଶାସନ ଏକାଡେମୀର ରିସର୍ଚ୍ଚ ଅଧ୍ୟାପକ ଡ. ସ୍ମୃତିରେଖା ସାହୁଙ୍କୁ ମଧ୍ୟ ସମ୍ବର୍ଦ୍ଧିତ କରାଯାଇଥିଲା। ସୁବ୍ରତ ସାହୁଙ୍କ ସଂଯୋଜନାରେ ସ୍ଥାନୀୟ କଳାକାରମାନଙ୍କ ଦ୍ୱାରା ମନୋରଞ୍ଜନଧର୍ମୀ ସାଂସ୍କୃତିକ କାର୍ଯ୍ୟକ୍ରମ ପରିବେଷଣ କରାଯାଇଥିଲା। ଏଥିରେ ସ୍ଥାନୀୟ ଅଞ୍ଚଳର ବହୁ ଲୋକ ଯୋଗଦେଇ ନୂଆଁଖାଇର ଭେଟଘାଟର ଆନନ୍ଦ ନେଇଥିଲେ।

Pitambar Sahu

Reporter ବୀରମହାରାଜପୁର, ସୋନପୁର, ଓଡ଼ିଶା•

1 hr ago

ଭାଲୁଡୁଙ୍ଗୁରୀରେ ନୂଆଁଖାଇ ଭେଟଘାଟ ‘ପ୍ରତିଭା’ - ନୂଆଁଖାଇ ସମାଜ କୁ ଏକତା ସୂତ୍ରରେ ବାନ୍ଧି ରଖେ ପଶ୍ଚିମ ଓଡ଼ିଶାର ଗଣପର୍ବ ନୂଆଁଖାଇ ଅବସରରେ ସୁବର୍ଣ୍ଣପୁର ଜିଲ୍ଲା ବୀରମହାରାଜପୁର ବ୍ଲକ ଭାଲୁଡୁଙ୍ଗୁରୀଠାରେ ମଙ୍ଗଳବାର ନୂଆଁଖାଇ ଭେଟଘାଟ ଓ ସାଂସ୍କୃତିକ କାର୍ଯ୍ୟକ୍ରମ ‘ପ୍ରତିଭା’ ଅନୁଷ୍ଠିତ ହୋଇଯାଇଛି। ଗଣେଶ ପୂଜା କମିଟି ସଦସ୍ୟ ଭଗବାନ ଧଳଙ୍କ ଅଧ୍ୟକ୍ଷତାରେ ଆୟୋଜିତ ସମାରୋହରେ ବୀରମହାରାଜପୁର କଲେଜର ଅବସରପ୍ରାପ୍ତ ଅଧ୍ୟାପକ ଅନିଲ କୁମାର ଦାନୀ ମୁଖ୍ୟ ଅତିଥି, ଭାଲୁଡୁଙ୍ଗୁରୀ ପ୍ରାଥମିକ ବିଦ୍ୟାଳୟ ପ୍ରଧାନଶିକ୍ଷକ ସୁରେନ୍ଦ୍ର ଭୋଇ ମୁଖ୍ୟ ବକ୍ତା ଏବଂ ବହଳପଦର ସେବା ସମବାୟ ସମିତି ସମ୍ପାଦକ ପ୍ରଫୁଲ୍ଲ କୁମାର ଦନ୍ତା ସମ୍ମାନିତ ଅତିଥି ଭାବେ ଯୋଗଦେଇଥିଲେ। ଅତିଥିମାନେ କହିଥିଲେ, ନୂଆଁଖାଇ କେବଳ ଏକ ପର୍ବ ନୁହେଁ; ଏହା ପଶ୍ଚିମ ଓଡ଼ିଶାର ମାଟି, ସଂସ୍କୃତି ଓ ପରମ୍ପରାର ପରିଚୟ। ନୂଆଁଖାଇ ଭେଟଘାଟ ମାଧ୍ୟମରେ ଭାଇଚାରା, ଏକତା ଓ ସୌହାର୍ଦ୍ଦ ବୃଦ୍ଧି ପାଉଛି। ଆଧୁନିକତାର ଯୁଗରେ ମଧ୍ୟ ଯୁବପିଢ଼ି ଏହି ମହାନ ପରମ୍ପରାକୁ ଆଗେଇ ନେବା ଆବଶ୍ୟକ। ନୂଆଁଖାଇ ପରିବାର ଓ ସମାଜକୁ ଏକତାର ସୂତ୍ରରେ ବାନ୍ଧି ରଖିଥାଏ। ମୁଖ୍ୟ ଅତିଥି ଅନିଲ କୁମାର ଦାନୀ କହିଥିଲେ, ନୂଆଁଖାଇ କେବଳ ପଶ୍ଚିମ ଓଡ଼ିଶାରେ ସୀମିତ ନୁହେଁ; ଦେଶର ବିଭିନ୍ନ ଅଞ୍ଚଳରେ ଭିନ୍ନ ନାମରେ କୃଷିଭିତ୍ତିକ ପର୍ବ ପାଳିତ ହୋଇଥାଏ। ପଶ୍ଚିମବଙ୍ଗରେ ନବାନ୍ନ, କେରଳରେ ଓଣମ ଏବଂ ପଞ୍ଜାବରେ ବୈଶାଖୀ ପରି ପର୍ବ ପାଳନ କରାଯାଏ। ସେ ନୂଆଁଖାଇ ସହ ଚାଷୀ ଓ କୃଷି ସଂସ୍କୃତିର ନିବିଡ଼ ସମ୍ପର୍କ ଉପରେ ଆଲୋକପାତ କରିଥିଲେ। ଧାନ ଚାଷର ଉତ୍ପତ୍ତି ଓ ଆଦିବାସୀ ଅଞ୍ଚଳରେ କୃଷିର ବିକାଶ ସମ୍ପର୍କରେ ମଧ୍ୟ ସେ ମତ ରଖିଥିଲେ। ମୁଖ୍ୟ ବକ୍ତା ସୁରେନ୍ଦ୍ର ଭୋଇ କହିଥିଲେ, ‘ପ୍ରତିଭା’ ଭଳି କାର୍ଯ୍ୟକ୍ରମ ମାଧ୍ୟମରେ ଛୋଟଛୋଟ ପିଲାଙ୍କ ମଧ୍ୟରେ ଲୁଚି ରହିଥିବା ପ୍ରତିଭାକୁ ଚିହ୍ନଟ କରି ତାହାର ବିକାଶ ପାଇଁ ସୁଯୋଗ ମିଳିପାରିବ। ଏହି ଅବସରରେ ଉଚ୍ଚ ମାଧ୍ୟମିକ ଶିକ୍ଷା ପରିଷଦ ଦ୍ୱାରା ପରିଚାଳିତ ଯୁକ୍ତ୨ ବାର୍ଷିକ ପରୀକ୍ଷା-୨୦୨୬ରେ ରାଜ୍ୟରେ ଦ୍ୱିତୀୟ ସ୍ଥାନ ଅଧିକାର କରିଥିବା କୁନ୍ତି ସାହୁଙ୍କୁ ‘ପ୍ରତିଭା ସମ୍ମାନ’ ପ୍ରଦାନ କରାଯାଇଥିଲା। ସେହିପରି ସମାଜସେବୀ କରୁଣାକର ସାହୁଙ୍କୁ ସ୍ମୃତିଚିହ୍ନ ଦେଇ ସମ୍ମାନିତ କରାଯାଇଥିବାବେଳେ ଆସିଷ୍ଟାଣ୍ଟ ଫରେଷ୍ଟର ସୁବ୍ରତ ସାହୁ, ପୁଲିସ କନଷ୍ଟେବଳ ବିକାଶ ସେଠୀ ଏବଂ ମସୁରୀସ୍ଥିତ ଲାଲବାହାଦୂର ଶାସ୍ତ୍ରୀ ପ୍ରଶାସନ ଏକାଡେମୀର ରିସର୍ଚ୍ଚ ଅଧ୍ୟାପକ ଡ. ସ୍ମୃତିରେଖା ସାହୁଙ୍କୁ ମଧ୍ୟ ସମ୍ବର୍ଦ୍ଧିତ କରାଯାଇଥିଲା। ସୁବ୍ରତ ସାହୁଙ୍କ ସଂଯୋଜନାରେ ସ୍ଥାନୀୟ କଳାକାରମାନଙ୍କ ଦ୍ୱାରା ମନୋରଞ୍ଜନଧର୍ମୀ ସାଂସ୍କୃତିକ କାର୍ଯ୍ୟକ୍ରମ ପରିବେଷଣ କରାଯାଇଥିଲା। ଏଥିରେ ସ୍ଥାନୀୟ ଅଞ୍ଚଳର ବହୁ ଲୋକ ଯୋଗଦେଇ ନୂଆଁଖାଇର ଭେଟଘାଟର ଆନନ୍ଦ ନେଇଥିଲେ।