కడప జిల్లా సీపీఐ కార్యాలయంలో జరిగిన జనరల్ బాడీ సమావేశంలో బద్వేలుకు చెందిన మునిరత్నం, సుధాకర్‌లను ఏఐవైఎఫ్ జిల్లా సహాయ కార్యదర్శులుగా, విజయ్ కుమారిని జిల్లా మహిళా కన్వీనర్‌గా ఎన్నుకున్నారు. ఈ సందర్భంగా నూతనంగా ఎన్నికైన నాయకులు రాష్ట్రంలోని కూటమి ప్రభుత్వంపై తీవ్ర విమర్శలు గుప్పించారు. అధికారంలోకి వచ్చిన తర్వాత సంవత్సరానికి నాలుగు లక్షల ఉద్యోగాలు భర్తీ చేస్తామని చెప్పిన కూటమి ప్రభుత్వం, ఇంతవరకు ఎన్ని ఉద్యోగాలు ప్రకటించిందో సమాధానం చెప్పాలని వారు డిమాండ్ చేశారు. ముఖ్యమంత్రి, ఉప ముఖ్యమంత్రి, మంత్రులు సంబరాలు చేసుకుంటుంటే, నిరుద్యోగ యువత మాత్రం ఉద్యోగాలు లేక రోడ్లపాలై జీవితాలను నాశనం చేసుకుంటున్నారని ఆవేదన వ్యక్తం చేశారు. నెలకు ₹3,000 నిరుద్యోగ భృతి ఇస్తామని హామీ ఇచ్చి అధికారంలోకి వచ్చిన కూటమి ప్రభుత్వం యువతను ఘోరంగా మోసం చేసిందని నిప్పులు చెరిగారు. డీఎస్సీలో జరిగిన అవకతవకలపై తక్షణమే విచారణ చేపట్టి, 25,000 పోస్టులతో మెగా డీఎస్సీని పారదర్శకంగా ప్రకటించాలని వారు డిమాండ్ చేశారు. సరైన ఉపాధి లేక రాష్ట్ర యువత ఇతర రాష్ట్రాలకు, గల్ఫ్ దేశాలకు వలస వెళ్లాల్సిన దుస్థితి ఏర్పడిందని ఆవేదన వ్యక్తం చేశారు. ప్రభుత్వ ఉద్యోగాల ఖాళీలను భర్తీ చేయడంలో ప్రభుత్వం నిర్లక్ష్యం వహిస్తోందని, రాబోయే రోజుల్లో నిరుద్యోగ సమస్యలపై పోరాడేందుకు కడప జిల్లాలో ఏఐవైఎఫ్‌ను పటిష్టంగా నిర్మిస్తామని ఈ సందర్భంగా స్పష్టం చేశారు.

జీ.మౌలాలి.

Photographer బద్వేల్, వై.ఎస్.ఆర్., ఆంధ్రప్రదేశ్•

1 hr ago

కడప జిల్లా సీపీఐ కార్యాలయంలో జరిగిన జనరల్ బాడీ సమావేశంలో బద్వేలుకు చెందిన మునిరత్నం, సుధాకర్‌లను ఏఐవైఎఫ్ జిల్లా సహాయ కార్యదర్శులుగా, విజయ్ కుమారిని జిల్లా మహిళా కన్వీనర్‌గా ఎన్నుకున్నారు. ఈ సందర్భంగా నూతనంగా ఎన్నికైన నాయకులు రాష్ట్రంలోని కూటమి ప్రభుత్వంపై తీవ్ర విమర్శలు గుప్పించారు. అధికారంలోకి వచ్చిన తర్వాత సంవత్సరానికి నాలుగు లక్షల ఉద్యోగాలు భర్తీ చేస్తామని చెప్పిన కూటమి ప్రభుత్వం, ఇంతవరకు ఎన్ని ఉద్యోగాలు ప్రకటించిందో సమాధానం చెప్పాలని వారు డిమాండ్ చేశారు. ముఖ్యమంత్రి, ఉప ముఖ్యమంత్రి, మంత్రులు సంబరాలు చేసుకుంటుంటే, నిరుద్యోగ యువత మాత్రం ఉద్యోగాలు లేక రోడ్లపాలై జీవితాలను నాశనం చేసుకుంటున్నారని ఆవేదన వ్యక్తం చేశారు. నెలకు ₹3,000 నిరుద్యోగ భృతి ఇస్తామని హామీ ఇచ్చి అధికారంలోకి వచ్చిన కూటమి ప్రభుత్వం యువతను ఘోరంగా మోసం చేసిందని నిప్పులు చెరిగారు. డీఎస్సీలో జరిగిన అవకతవకలపై తక్షణమే విచారణ చేపట్టి, 25,000 పోస్టులతో మెగా డీఎస్సీని పారదర్శకంగా ప్రకటించాలని వారు డిమాండ్ చేశారు. సరైన ఉపాధి లేక రాష్ట్ర యువత ఇతర రాష్ట్రాలకు, గల్ఫ్ దేశాలకు వలస వెళ్లాల్సిన దుస్థితి ఏర్పడిందని ఆవేదన వ్యక్తం చేశారు. ప్రభుత్వ ఉద్యోగాల ఖాళీలను భర్తీ చేయడంలో ప్రభుత్వం నిర్లక్ష్యం వహిస్తోందని, రాబోయే రోజుల్లో నిరుద్యోగ సమస్యలపై పోరాడేందుకు కడప జిల్లాలో ఏఐవైఎఫ్‌ను పటిష్టంగా నిర్మిస్తామని ఈ సందర్భంగా స్పష్టం చేశారు.