રાજુલામાં ‘સ્વસ્થ ગુજરાત’ અભિયાન અંતર્ગત યોગ શિબિર રાજુલા શહેરના જે.એ. સંવાળી હાઇસ્કૂલના પટાંગણમાં તારીખ 11 જાન્યુઆરી, 2026ના રોજ સવારે 6 થી 8 કલાક દરમિયાન યોગ શિબિરનું આયોજન કરવામાં આવ્યું હતું. આ યોગ શિબિરમાં રાજુલાના અંદાજે 100 જેટલા નાગરિકોએ યોગાભ્યાસનો લાભ લીધો હતો, જેમાં નાના બાળકો, મહિલાઓ તથા વડીલો સહિતના લોકોની ઉત્સાહભેર હાજરી જોવા મળી હતી. આ શિબિર ગુજરાત રાજ્ય યોગ બોર્ડ દ્વારા ચલાવવામાં આવતી ‘સ્વસ્થ ગુજરાત, મેદસ્વિતા મુક્ત ગુજરાત’ અભિયાન અંતર્ગત યોજાઈ હતી. શિબિરનો મુખ્ય હેતુ લોકોમાં યોગ પ્રત્યે જાગૃતિ લાવવાનો, યોગનો વ્યાપ વધારવાનો તેમજ નાગરિકોને સ્વસ્થ અને નિરોગી જીવનશૈલી તરફ પ્રોત્સાહિત કરવાનો રહ્યો હતો. યોગ ભારતની પ્રાચીન પરંપરાની અમૂલ્ય ભેટ છે. યોગ વિધાનને વિશ્વ ફલક પર લાવવા અને માનવજાતને આરોગ્ય તથા સુખાકારી તરફ દોરવાના ઉદ્દેશ સાથે વડાપ્રધાન દ્વારા સંયુક્ત રાષ્ટ્ર સંઘ સમક્ષ 21 જૂનને ‘આંતરરાષ્ટ્રીય યોગ દિવસ’ તરીકે ઉજવવાનો પ્રસ્તાવ મૂકવામાં આવ્યો હતો, જેને સંયુક્ત રાષ્ટ્ર સંઘે મંજૂરી આપી છે. આ યોગ શિબિરનું આયોજન યોગ કોચ દીપાબેન તેરૈયા અને અન્ય કોચ ટ્રેનરો દ્વારા કરવામાં આવ્યું હતું. હાલ અમરેલી જિલ્લામાં કુલ 50 જેટલા નિઃશુલ્ક યોગ વર્ગો ચાલી રહ્યા છે, જ્યારે રાજુલા શહેરમાં 8 યોગ વર્ગો કાર્યરત છે. શિબિરમાં ગુજરાત રાજ્ય યોગ બોર્ડના ઝોન કોઓર્ડિનેટર શ્રી વાલજીભાઈ ડામી, અમરેલી જિલ્લા કોઓર્ડિનેટર સાગર મહેતા, રાજુલા યોગ કોચ દીપાબેન તેરૈયા, યોગ ટ્રેનર ચેતનાબેન મહેતા, શ્વેતાબેન ધડુક, ઉપલબેન જોશી તેમજ અન્ય ટ્રેનરો અને સાધકો ઉપસ્થિત રહ્યા હતા. યોગ શિબિરથી સ્થાનિક નાગરિકોમાં આરોગ્ય પ્રત્યે જાગૃતિ વધતી જોવા મળી હતી અને આવા કાર્યક્રમો આગામી સમયમાં પણ યોજવાની માંગ ઉઠી હતી.

RAJULANEWSUPDATE

News Update રાજુલા, અમરેલી, ગુજરાત•

7 hrs ago

રાજુલામાં ‘સ્વસ્થ ગુજરાત’ અભિયાન અંતર્ગત યોગ શિબિર રાજુલા શહેરના જે.એ. સંવાળી હાઇસ્કૂલના પટાંગણમાં તારીખ 11 જાન્યુઆરી, 2026ના રોજ સવારે 6 થી 8 કલાક દરમિયાન યોગ શિબિરનું આયોજન કરવામાં આવ્યું હતું. આ યોગ શિબિરમાં રાજુલાના અંદાજે 100 જેટલા નાગરિકોએ યોગાભ્યાસનો લાભ લીધો હતો, જેમાં નાના બાળકો, મહિલાઓ તથા વડીલો સહિતના લોકોની ઉત્સાહભેર હાજરી જોવા મળી હતી. આ શિબિર ગુજરાત રાજ્ય

યોગ બોર્ડ દ્વારા ચલાવવામાં આવતી ‘સ્વસ્થ ગુજરાત, મેદસ્વિતા મુક્ત ગુજરાત’ અભિયાન અંતર્ગત યોજાઈ હતી. શિબિરનો મુખ્ય હેતુ લોકોમાં યોગ પ્રત્યે જાગૃતિ લાવવાનો, યોગનો વ્યાપ વધારવાનો તેમજ નાગરિકોને સ્વસ્થ અને નિરોગી જીવનશૈલી તરફ પ્રોત્સાહિત કરવાનો રહ્યો હતો. યોગ ભારતની પ્રાચીન પરંપરાની અમૂલ્ય ભેટ છે. યોગ વિધાનને વિશ્વ ફલક પર લાવવા અને માનવજાતને આરોગ્ય તથા સુખાકારી તરફ દોરવાના ઉદ્દેશ સાથે

વડાપ્રધાન દ્વારા સંયુક્ત રાષ્ટ્ર સંઘ સમક્ષ 21 જૂનને ‘આંતરરાષ્ટ્રીય યોગ દિવસ’ તરીકે ઉજવવાનો પ્રસ્તાવ મૂકવામાં આવ્યો હતો, જેને સંયુક્ત રાષ્ટ્ર સંઘે મંજૂરી આપી છે. આ યોગ શિબિરનું આયોજન યોગ કોચ દીપાબેન તેરૈયા અને અન્ય કોચ ટ્રેનરો દ્વારા કરવામાં આવ્યું હતું. હાલ અમરેલી જિલ્લામાં કુલ 50 જેટલા નિઃશુલ્ક યોગ વર્ગો ચાલી રહ્યા છે, જ્યારે રાજુલા શહેરમાં 8 યોગ વર્ગો

કાર્યરત છે. શિબિરમાં ગુજરાત રાજ્ય યોગ બોર્ડના ઝોન કોઓર્ડિનેટર શ્રી વાલજીભાઈ ડામી, અમરેલી જિલ્લા કોઓર્ડિનેટર સાગર મહેતા, રાજુલા યોગ કોચ દીપાબેન તેરૈયા, યોગ ટ્રેનર ચેતનાબેન મહેતા, શ્વેતાબેન ધડુક, ઉપલબેન જોશી તેમજ અન્ય ટ્રેનરો અને સાધકો ઉપસ્થિત રહ્યા હતા. યોગ શિબિરથી સ્થાનિક નાગરિકોમાં આરોગ્ય પ્રત્યે જાગૃતિ વધતી જોવા મળી હતી અને આવા કાર્યક્રમો આગામી સમયમાં પણ યોજવાની માંગ ઉઠી હતી.