మధ్యాహ్న భోజనం నిర్వహణ ,నాణ్యతపై జిల్లా కలెక్టర్ ఆగ్రహం ప్రధానోపాధ్యాయుడు, ఉపాధ్యాయురాలికి షోకాజ్ నోటీసులు అచ్చంపేట, మార్చి 09 (షురూ ఆప్ న్యూస్ ప్రతినిధి): నాగర్‌కర్నూల్ జిల్లా కేంద్రంలోని జిల్లా పరిషత్ బాలికల ఉన్నత పాఠశాలలో మధ్యాహ్న భోజనం నాణ్యతపై జిల్లా కలెక్టర్ బాదావత్ సంతోష్ నాయక్ తీవ్ర ఆగ్రహం వ్యక్తం చేశారు. సోమవారం పాఠశాలను ఆకస్మికంగా సందర్శించిన ఆయన విద్యార్థులతో కలిసి సహపంక్తి భోజనం చేసి ఆహార నాణ్యతను పరిశీలించారు. రాష్ట్ర ప్రభుత్వ మధ్యాహ్న భోజన పథకం మార్గదర్శకాల ప్రకారం సోమవారం మెనూలో కిచిడీ, గుడ్డు, మిక్స్‌డ్ వెజిటేబుల్ కర్రీ వడ్డించాల్సి ఉండగా, పాఠశాలలో మాత్రం విద్యార్థులకు వైట్ రైస్‌, గుడ్డు, సాంబార్ మాత్రమే అందిస్తున్నట్లు కలెక్టర్ గమనించారు. నిర్ణయించిన కామన్ డైట్ మెనూను ఎందుకు పాటించడం లేదని పాఠశాల సిబ్బందిని అయన ప్రశ్నించారు. విద్యార్థులకు వడ్డించిన అన్నం సరిగా వండకపోవడం, సాంబార్ నాణ్యత కూడా బాగా లేకపోవడం గమనించిన కలెక్టర్ తీవ్ర అసంతృప్తిని వ్యక్తం చేశారు. సాంబార్ పసుపు నీళ్లలా ఉందని పేర్కొంటూ పాఠశాల ప్రధానోపాధ్యాయుడు భాస్కర్ రెడ్డి, సిబ్బందిపై ఆగ్రహం వ్యక్తం చేశారు. “పిల్లలకు ప్రతిరోజూ ఇలాగే భోజనం పెడుతున్నారా? అన్నం నాణ్యత ఎలా ఉందో కూడా తెలియదా?” అంటూ ఉపాధ్యాయులను మందలించారు. జిల్లాలో అనేక పాఠశాలల్లో మధ్యాహ్న భోజనం పరిశీలించినప్పటికీ ఇంత నాసిరకం భోజనం ఎక్కడా చూడలేదని కలెక్టర్ పేర్కొన్నారు. విద్యార్థులకు పౌష్టికాహారం అందించడం ప్రభుత్వ ప్రధాన లక్ష్యమని, ఇలాంటి నిర్లక్ష్యం వల్ల వారి ఆరోగ్యం దెబ్బతింటుందని హెచ్చరించారు. విధుల్లో నిర్లక్ష్యం వహించినందుకు పాఠశాల ప్రధానోపాధ్యాయుడు భాస్కర్ రెడ్డి మరియు ఫుడ్ చెకింగ్ టీచర్‌పై చర్యలు తీసుకోవాలని జిల్లా విద్యాశాఖ అధికారి రమేష్ కుమార్‌కు ఫోన్ ద్వారా ఆదేశించారు. ఇద్దరికీ షోకాజ్ నోటీసులు జారీ చేసి వివరణ కోరాలని సూచించారు. జిల్లాలోని అన్ని పాఠశాలల్లో మధ్యాహ్న భోజన పథకాన్ని కచ్చితంగా అమలు చేయాలని, విద్యార్థులకు నాణ్యమైన పౌష్టికాహారం అందేలా అధికారులు తరచూ తనిఖీలు నిర్వహించాలని కలెక్టర్ ఆదేశించారు. విద్యార్థులకు సూచనలు అనంతరం పదో తరగతి విద్యార్థులతో మాట్లాడిన కలెక్టర్, పరీక్షలకు కేవలం నాలుగు రోజుల సమయం మాత్రమే మిగిలి ఉందని గుర్తుచేశారు. ఈ సమయంలో సమయాన్ని వృథా చేయకుండా పరీక్షలకు ధైర్యంగా హాజరై మంచి ఉత్తీర్ణత శాతం సాధించాలని సూచించారు. రానున్న పదో తరగతి పరీక్షల్లో శాతం వంద ఉత్తీర్ణత సాధించేలా కృషి చేయాలని ఉపాధ్యాయులను ఆదేశించారు. ఈ విద్యా సంవత్సరంలో పాఠశాల నుండి 128 మంది విద్యార్థులు పదో తరగతి పరీక్షలకు హాజరుకానున్నట్లు ప్రధానోపాధ్యాయుడు వివరించారు. ప్రీ ఫైనల్ పరీక్షల మార్కులు ఇప్పటివరకు ఎందుకు ఇవ్వలేదని కలెక్టర్ ప్రశ్నించారు. కలెక్టర్ వెంట నాగర్‌కర్నూల్ మున్సిపల్ చైర్మన్ తీగల సురేంద్ర, వైస్ చైర్మన్ బాదాం రమేష్, ఆర్డీవో సురేష్ బాబు, మున్సిపల్ కమిషనర్ నాగిరెడ్డి, వార్డు కౌన్సిలర్ నిజాముద్దీన్, పాఠశాల సిబ్బంది తదితరులు పాల్గొన్నారు.

Taluka press club president:Sambu.chandra sekhar

టైలరింగ్, ఏ సమయం లో అయినా సమాజ హితం అచ్చంపేట, నాగర్‌కర్నూల్, తెలంగాణ•

20 hrs ago

మధ్యాహ్న భోజనం నిర్వహణ ,నాణ్యతపై జిల్లా కలెక్టర్ ఆగ్రహం ప్రధానోపాధ్యాయుడు, ఉపాధ్యాయురాలికి షోకాజ్ నోటీసులు అచ్చంపేట, మార్చి 09 (షురూ ఆప్ న్యూస్ ప్రతినిధి): నాగర్‌కర్నూల్ జిల్లా కేంద్రంలోని జిల్లా పరిషత్ బాలికల ఉన్నత పాఠశాలలో మధ్యాహ్న భోజనం నాణ్యతపై జిల్లా కలెక్టర్ బాదావత్ సంతోష్ నాయక్ తీవ్ర ఆగ్రహం వ్యక్తం చేశారు. సోమవారం పాఠశాలను ఆకస్మికంగా సందర్శించిన ఆయన విద్యార్థులతో కలిసి సహపంక్తి భోజనం చేసి ఆహార నాణ్యతను పరిశీలించారు. రాష్ట్ర ప్రభుత్వ మధ్యాహ్న భోజన పథకం మార్గదర్శకాల ప్రకారం సోమవారం మెనూలో కిచిడీ, గుడ్డు, మిక్స్‌డ్ వెజిటేబుల్ కర్రీ వడ్డించాల్సి ఉండగా, పాఠశాలలో మాత్రం విద్యార్థులకు వైట్ రైస్‌, గుడ్డు, సాంబార్ మాత్రమే అందిస్తున్నట్లు కలెక్టర్ గమనించారు. నిర్ణయించిన కామన్ డైట్ మెనూను ఎందుకు పాటించడం లేదని పాఠశాల సిబ్బందిని అయన ప్రశ్నించారు. విద్యార్థులకు వడ్డించిన అన్నం సరిగా వండకపోవడం, సాంబార్ నాణ్యత కూడా బాగా లేకపోవడం గమనించిన కలెక్టర్ తీవ్ర అసంతృప్తిని వ్యక్తం చేశారు. సాంబార్ పసుపు నీళ్లలా ఉందని పేర్కొంటూ పాఠశాల ప్రధానోపాధ్యాయుడు భాస్కర్ రెడ్డి, సిబ్బందిపై ఆగ్రహం వ్యక్తం చేశారు. “పిల్లలకు ప్రతిరోజూ ఇలాగే భోజనం పెడుతున్నారా? అన్నం నాణ్యత ఎలా ఉందో కూడా తెలియదా?” అంటూ ఉపాధ్యాయులను మందలించారు. జిల్లాలో అనేక పాఠశాలల్లో మధ్యాహ్న భోజనం పరిశీలించినప్పటికీ ఇంత నాసిరకం భోజనం ఎక్కడా చూడలేదని కలెక్టర్ పేర్కొన్నారు. విద్యార్థులకు పౌష్టికాహారం అందించడం

ప్రభుత్వ ప్రధాన లక్ష్యమని, ఇలాంటి నిర్లక్ష్యం వల్ల వారి ఆరోగ్యం దెబ్బతింటుందని హెచ్చరించారు. విధుల్లో నిర్లక్ష్యం వహించినందుకు పాఠశాల ప్రధానోపాధ్యాయుడు భాస్కర్ రెడ్డి మరియు ఫుడ్ చెకింగ్ టీచర్‌పై చర్యలు తీసుకోవాలని జిల్లా విద్యాశాఖ అధికారి రమేష్ కుమార్‌కు ఫోన్ ద్వారా ఆదేశించారు. ఇద్దరికీ షోకాజ్ నోటీసులు జారీ చేసి వివరణ కోరాలని సూచించారు. జిల్లాలోని అన్ని పాఠశాలల్లో మధ్యాహ్న భోజన పథకాన్ని కచ్చితంగా అమలు చేయాలని, విద్యార్థులకు నాణ్యమైన పౌష్టికాహారం అందేలా అధికారులు తరచూ తనిఖీలు నిర్వహించాలని కలెక్టర్ ఆదేశించారు. విద్యార్థులకు సూచనలు అనంతరం పదో తరగతి విద్యార్థులతో మాట్లాడిన కలెక్టర్, పరీక్షలకు కేవలం నాలుగు రోజుల సమయం మాత్రమే మిగిలి ఉందని గుర్తుచేశారు. ఈ సమయంలో సమయాన్ని వృథా చేయకుండా పరీక్షలకు ధైర్యంగా హాజరై మంచి ఉత్తీర్ణత శాతం సాధించాలని సూచించారు. రానున్న పదో తరగతి పరీక్షల్లో శాతం వంద ఉత్తీర్ణత సాధించేలా కృషి చేయాలని ఉపాధ్యాయులను ఆదేశించారు. ఈ విద్యా సంవత్సరంలో పాఠశాల నుండి 128 మంది విద్యార్థులు పదో తరగతి పరీక్షలకు హాజరుకానున్నట్లు ప్రధానోపాధ్యాయుడు వివరించారు. ప్రీ ఫైనల్ పరీక్షల మార్కులు ఇప్పటివరకు ఎందుకు ఇవ్వలేదని కలెక్టర్ ప్రశ్నించారు. కలెక్టర్ వెంట నాగర్‌కర్నూల్ మున్సిపల్ చైర్మన్ తీగల సురేంద్ర, వైస్ చైర్మన్ బాదాం రమేష్, ఆర్డీవో సురేష్ బాబు, మున్సిపల్ కమిషనర్ నాగిరెడ్డి, వార్డు కౌన్సిలర్ నిజాముద్దీన్, పాఠశాల సిబ్బంది తదితరులు పాల్గొన్నారు.