अर्जुनी मोरगाव येथील भारतरत्न डॉ. बाबासाहेब आंबेडकर शासकीय मागासवर्गीय मुलांचे वसतिगृह प्रशासनाने बंद ठेवण्याचा निर्णय घेतला आहे. गेल्या अनेक वर्षांपासून हे वसतिगृह एका भाड्याच्या इमारतीमध्ये सुरू होते; मात्र ही इमारत पूर्णपणे जीर्ण व मोडकडीस आल्याने विद्यार्थ्यांच्या जीविताला धोका निर्माण होऊ नये म्हणून प्रशासनाने येथील वास्तव्य तातडीने थांबवण्याचे आदेश दिले आहेत. शैक्षणिक वर्ष सुरू झालेले असतानाच घेतलेल्या या निर्णयामुळे ग्रामीण भागातील शेकडो गरीब विद्यार्थ्यांसमोर निवासाचा गंभीर प्रश्न उभा राहिला असून, त्यांच्या शैक्षणिक भविष्यावर टांगती तलवार निर्माण झाली आहे. विद्यार्थ्यांना आपले सामान घेऊन बाहेर पडावे लागले आहे. विशेष म्हणजे, वसतिगृहाची नवीन इमारत अद्ययावत सोयी-सुविधांसह सज्ज आहे, मात्र केवळ अधिकृत उद्घाटनाच्या तांत्रिक प्रक्रियेमुळे ती अद्याप खुली करण्यात आलेली नाही. प्रभारी गृहपालांनी विद्यार्थ्यांच्या अधिकृत व्हॉट्सॲप समूहावर पाठवलेल्या संदेशानुसार, नवीन इमारतीचे उद्घाटन होईपर्यंत विद्यार्थ्यांना प्रवेश दिला जाणार नाही. आर्थिकदृष्ट्या दुर्बल घटकातील या विद्यार्थ्यांना खासगी खोली घेऊन राहणे परवडणारे नसल्याने त्यांचे मोठे नुकसान होत आहे. दररोजचे अध्यापन, महत्त्वाच्या चाचण्या आणि प्रॅक्टिकल्स चुकल्यामुळे विद्यार्थी अभ्यासात मागे पडण्याची भीती निर्माण झाली आहे. केवळ रिबीन कापण्याच्या प्रतीक्षेत नवीन इमारत बंद ठेवून विद्यार्थ्यांना रस्त्यावर आणण्याचे काम प्रशासन करत आहे का, अशी शंका नागरिकांकडून उपस्थित केली जात आहे. प्रशासनाच्या या उदासीनतेवर तीव्र संताप व्यक्त होत असून, ही परिस्थिती तातडीने सुधारून प्रशासनाने संवेदनशीलपणे निर्णय घ्यावा, अशी मागणी होत आहे. जर वसतिगृह लवकर सुरू झाले नाही, तर स्थानिक पातळीवर तीव्र आंदोलन उभे केले जाईल, असा इशारा विद्यार्थी संघटना आणि पालक वर्गाकडून प्रशासनाला देण्यात आला आहे.

सुरेंद्रकुमार ठवरे

अर्जुनी मोरगाव, गोंदिया, महाराष्ट्र•

1 hr ago

अर्जुनी मोरगाव येथील भारतरत्न डॉ. बाबासाहेब आंबेडकर शासकीय मागासवर्गीय मुलांचे वसतिगृह प्रशासनाने बंद ठेवण्याचा निर्णय घेतला आहे. गेल्या अनेक वर्षांपासून हे वसतिगृह एका भाड्याच्या इमारतीमध्ये सुरू होते; मात्र ही इमारत पूर्णपणे जीर्ण व मोडकडीस आल्याने विद्यार्थ्यांच्या जीविताला धोका निर्माण होऊ नये म्हणून प्रशासनाने येथील वास्तव्य तातडीने थांबवण्याचे आदेश दिले आहेत. शैक्षणिक वर्ष सुरू झालेले असतानाच घेतलेल्या या निर्णयामुळे ग्रामीण भागातील शेकडो गरीब विद्यार्थ्यांसमोर निवासाचा गंभीर प्रश्न उभा राहिला असून, त्यांच्या शैक्षणिक भविष्यावर टांगती तलवार

निर्माण झाली आहे. विद्यार्थ्यांना आपले सामान घेऊन बाहेर पडावे लागले आहे. विशेष म्हणजे, वसतिगृहाची नवीन इमारत अद्ययावत सोयी-सुविधांसह सज्ज आहे, मात्र केवळ अधिकृत उद्घाटनाच्या तांत्रिक प्रक्रियेमुळे ती अद्याप खुली करण्यात आलेली नाही. प्रभारी गृहपालांनी विद्यार्थ्यांच्या अधिकृत व्हॉट्सॲप समूहावर पाठवलेल्या संदेशानुसार, नवीन इमारतीचे उद्घाटन होईपर्यंत विद्यार्थ्यांना प्रवेश दिला जाणार नाही. आर्थिकदृष्ट्या दुर्बल घटकातील या विद्यार्थ्यांना खासगी खोली घेऊन राहणे परवडणारे नसल्याने त्यांचे मोठे नुकसान होत आहे. दररोजचे अध्यापन, महत्त्वाच्या चाचण्या आणि प्रॅक्टिकल्स चुकल्यामुळे विद्यार्थी अभ्यासात मागे

पडण्याची भीती निर्माण झाली आहे. केवळ रिबीन कापण्याच्या प्रतीक्षेत नवीन इमारत बंद ठेवून विद्यार्थ्यांना रस्त्यावर आणण्याचे काम प्रशासन करत आहे का, अशी शंका नागरिकांकडून उपस्थित केली जात आहे. प्रशासनाच्या या उदासीनतेवर तीव्र संताप व्यक्त होत असून, ही परिस्थिती तातडीने सुधारून प्रशासनाने संवेदनशीलपणे निर्णय घ्यावा, अशी मागणी होत आहे. जर वसतिगृह लवकर सुरू झाले नाही, तर स्थानिक पातळीवर तीव्र आंदोलन उभे केले जाईल, असा इशारा विद्यार्थी संघटना आणि पालक वर्गाकडून प्रशासनाला देण्यात आला आहे.