केळी उत्पादकांना दिलासा मिळणार; मुख्यमंत्र्यांसोबत बैठक घेणार – मंत्री भरत गोगावले टेंभुर्णी : केळी पिकाच्या निर्यातीतील अडचणीमुळे अडकून पडलेल्या शेतकऱ्यांच्या पैशाचा प्रश्न मार्गी लावण्यासाठी लवकरच मुख्यमंत्री देवेंद्र फडणवीस, कृषी मंत्री दत्तात्रय भरणे, संबंधित अधिकारी व शेतकरी प्रतिनिधी यांची संयुक्त बैठक घेण्यात येईल, असे आश्वासन राज्याचे रोजगार हमी व फलोत्पादन मंत्री भरतशेठ गोगावले यांनी दिले. टेंभुर्णी येथे माढा लोकसभेचे संपर्क प्रमुख संजय कोकाटे यांच्या पुढाकारातून केळी उत्पादक शेतकरी व विक्रेत्यांची बैठक आयोजित करण्यात आली होती. माढा, करमाळा व पंढरपूर तालुक्यातील केळी निर्यातीचे गेल्या तीन महिन्यांपासून अडकलेले पेमेंट हा मुख्य मुद्दा यावेळी चर्चेला आला. यावेळी बोलताना ना. गोगावले म्हणाले की, शेतकरी प्रचंड मेहनतीने शेती करतो; मात्र पेमेंट अडकून पडल्याने तो आर्थिक अडचणीत सापडला आहे. सध्या बंदरांवर मोठ्या प्रमाणात केळीचे कंटेनर अडकून पडले आहेत. विक्रेते हे शेतकरी व व्यापारी यांच्यातील महत्त्वाचा दुवा असून त्यांच्याही अडचणी वाढल्या आहेत. अधिवेशन संपण्यापूर्वी या प्रश्नावर तोडगा काढणे गरजेचे असल्याचे त्यांनी नमूद केले.

Rahul S

पंढरपूर, सोलापूर, महाराष्ट्र•

on 21 March

केळी उत्पादकांना दिलासा मिळणार; मुख्यमंत्र्यांसोबत बैठक घेणार – मंत्री भरत गोगावले टेंभुर्णी : केळी पिकाच्या निर्यातीतील अडचणीमुळे अडकून पडलेल्या शेतकऱ्यांच्या पैशाचा प्रश्न मार्गी लावण्यासाठी लवकरच मुख्यमंत्री देवेंद्र फडणवीस, कृषी मंत्री दत्तात्रय भरणे, संबंधित अधिकारी व शेतकरी प्रतिनिधी यांची संयुक्त बैठक घेण्यात येईल, असे आश्वासन राज्याचे रोजगार हमी व फलोत्पादन मंत्री भरतशेठ गोगावले यांनी दिले. टेंभुर्णी येथे माढा लोकसभेचे संपर्क प्रमुख संजय कोकाटे यांच्या पुढाकारातून केळी उत्पादक शेतकरी व विक्रेत्यांची बैठक आयोजित करण्यात आली होती. माढा, करमाळा व पंढरपूर तालुक्यातील केळी निर्यातीचे गेल्या तीन महिन्यांपासून अडकलेले पेमेंट हा मुख्य मुद्दा यावेळी चर्चेला आला. यावेळी बोलताना ना. गोगावले म्हणाले की, शेतकरी प्रचंड मेहनतीने शेती करतो; मात्र पेमेंट अडकून पडल्याने तो आर्थिक अडचणीत सापडला आहे. सध्या बंदरांवर मोठ्या प्रमाणात केळीचे कंटेनर अडकून पडले आहेत. विक्रेते हे शेतकरी व व्यापारी यांच्यातील महत्त्वाचा दुवा असून त्यांच्याही अडचणी वाढल्या आहेत. अधिवेशन संपण्यापूर्वी या प्रश्नावर तोडगा काढणे गरजेचे असल्याचे त्यांनी नमूद केले.