కరీంనగర్ మున్సిపల్ కార్పొరేషన్‌లో యుఐడిఎఫ్ నిధులతో చేపట్టిన పనులకు కేవలం సింగిల్ టెండర్లు మాత్రమే దాఖలు కావడాన్ని సీపీఐ జిల్లా కార్యదర్శి పంజాల శ్రీనివాస్ తీవ్రంగా వ్యతిరేకించారు. ఆయన తక్షణమే ఈ టెండర్లను రద్దు చేయాలని డిమాండ్ చేశారు. శనివారం బద్దం ఎల్లారెడ్డి భవన్‌లో సీపీఐ నాయకులతో టెండర్ల ప్రక్రియపై విశ్లేషించడానికి జరిగిన సమావేశంలో శ్రీనివాస్ మాట్లాడుతూ, మున్సిపల్ ఎన్నికలకు ముందు మంజూరైన 50 కోట్ల రూపాయల పనులకు సంబంధించి, గతంలో జరిగిన టెండర్లకు ఆమోదం లభించకుండా అడ్డుపడిన కాంట్రాక్టర్లు, ఇప్పుడు అన్ని డివిజన్లకు ప్రాధాన్యమిస్తూ నిర్వహించిన టెండర్లలో 87 పనులకు గాను 69 పనులకు కేవలం సింగిల్ టెండర్లు మాత్రమే దాఖలు కావడం మున్సిపల్ కార్పొరేషన్‌లో భారీ అవినీతి, అక్రమాలు జరిగే అవకాశం ఉందని అనుమానం వ్యక్తం చేశారు. కేంద్ర ప్రభుత్వం నగర మౌలిక సదుపాయాల కల్పన కోసం ఈ నిధులను మంజూరు చేసిందని, ఇంత పెద్ద మొత్తంలో పనులకు ఒకే బిడ్ రావడం అనేక అనుమానాలకు తావిస్తోందని ఆయన ఆందోళన వ్యక్తం చేశారు. టెండర్ ప్రక్రియలో పోటీ లేకపోవడం వల్ల ప్రభుత్వానికి నష్టం, ప్రజాధనం దుర్వినియోగం అయ్యే ప్రమాదం ఉందని, పెద్ద పనులకు పలువురు కాంట్రాక్టర్లు పోటీపడే అవకాశం ఉన్నప్పటికీ ఈసారి సింగిల్ టెండర్లు మాత్రమే దాఖలు చేయడం వెనుక ఆంతర్యం ఏమిటో అర్థం కావడం లేదని, నగర ప్రజలకు కూడా పలు అనుమానాలు కలుగుతున్నాయని పేర్కొన్నారు. బిడ్ ప్రక్రియ పారదర్శకత అంశాలపై అధికారులు సమగ్ర విచారణ జరిపించాలని ఆయన డిమాండ్ చేశారు. నగర పాలక సంస్థలో ఏ పార్టీ అధికారంలో ఉన్నా, ఆ పార్టీనీ, పాలకవర్గాన్ని మచ్చిక చేసుకోవడంలో కాంట్రాక్టర్లు ముందుంటారని, బల్దియాలో ఎలాంటి టెండర్ల ప్రక్రియ జరిగినా కాంట్రాక్టర్ల పెత్తనం స్పష్టంగా కనబడుతుందని పంజాల శ్రీనివాస్ ఆరోపించారు. ఐఏఎస్ అధికారి కమిషనర్‌గా ఉన్నప్పటికీ అవినీతి రాజ్యమేలుతుందని, అధికారులకు మున్సిపల్‌పై పట్టు లేకపోవడం సిగ్గుచేటని ఆయన విమర్శించారు. వెంటనే మున్సిపల్‌లో దాఖలైన సింగిల్ టెండర్లను రద్దు చేయాలని, లేని పక్షంలో సీపీఐ ఆధ్వర్యంలో పెద్ద ఎత్తున ఆందోళన నిర్వహిస్తామని పంజాల శ్రీనివాస్ హెచ్చరించారు. ఈ కార్యక్రమంలో సీపీఐ నగర కార్యదర్శి కసిరెడ్డి సురేందర్ రెడ్డి, జిల్లా కార్యవర్గ సభ్యులు కొయ్యడ సృజన్ కుమార్, టేకు మల్ల సమ్మయ్య, న్యాలపట్ల రాజు, పైడిపల్లి రాజు పాల్గొన్నారు.

ఏ.శ్రీనివాస్ రెడ్డి

Local News Reporter కరీంనగర్ రూరల్, కరీంనగర్, తెలంగాణ•

7 hrs ago

కరీంనగర్ మున్సిపల్ కార్పొరేషన్‌లో యుఐడిఎఫ్ నిధులతో చేపట్టిన పనులకు కేవలం సింగిల్ టెండర్లు మాత్రమే దాఖలు కావడాన్ని సీపీఐ జిల్లా కార్యదర్శి పంజాల శ్రీనివాస్ తీవ్రంగా వ్యతిరేకించారు. ఆయన తక్షణమే ఈ టెండర్లను రద్దు చేయాలని డిమాండ్ చేశారు. శనివారం బద్దం ఎల్లారెడ్డి భవన్‌లో సీపీఐ నాయకులతో టెండర్ల ప్రక్రియపై విశ్లేషించడానికి జరిగిన సమావేశంలో శ్రీనివాస్ మాట్లాడుతూ, మున్సిపల్ ఎన్నికలకు ముందు మంజూరైన 50 కోట్ల రూపాయల పనులకు సంబంధించి, గతంలో జరిగిన టెండర్లకు ఆమోదం లభించకుండా అడ్డుపడిన కాంట్రాక్టర్లు, ఇప్పుడు అన్ని డివిజన్లకు ప్రాధాన్యమిస్తూ నిర్వహించిన టెండర్లలో 87 పనులకు గాను 69 పనులకు కేవలం సింగిల్ టెండర్లు మాత్రమే దాఖలు కావడం మున్సిపల్ కార్పొరేషన్‌లో భారీ అవినీతి, అక్రమాలు జరిగే అవకాశం ఉందని అనుమానం వ్యక్తం చేశారు. కేంద్ర ప్రభుత్వం నగర మౌలిక సదుపాయాల కల్పన కోసం ఈ నిధులను మంజూరు చేసిందని, ఇంత పెద్ద మొత్తంలో పనులకు ఒకే బిడ్ రావడం అనేక అనుమానాలకు తావిస్తోందని ఆయన ఆందోళన వ్యక్తం చేశారు. టెండర్ ప్రక్రియలో పోటీ లేకపోవడం వల్ల ప్రభుత్వానికి నష్టం, ప్రజాధనం దుర్వినియోగం అయ్యే ప్రమాదం ఉందని, పెద్ద పనులకు పలువురు కాంట్రాక్టర్లు పోటీపడే అవకాశం ఉన్నప్పటికీ ఈసారి సింగిల్ టెండర్లు మాత్రమే దాఖలు చేయడం వెనుక ఆంతర్యం ఏమిటో అర్థం కావడం లేదని, నగర ప్రజలకు కూడా పలు అనుమానాలు కలుగుతున్నాయని పేర్కొన్నారు. బిడ్ ప్రక్రియ పారదర్శకత అంశాలపై అధికారులు సమగ్ర విచారణ జరిపించాలని ఆయన డిమాండ్ చేశారు. నగర పాలక సంస్థలో ఏ పార్టీ అధికారంలో ఉన్నా, ఆ పార్టీనీ, పాలకవర్గాన్ని మచ్చిక చేసుకోవడంలో కాంట్రాక్టర్లు ముందుంటారని, బల్దియాలో ఎలాంటి టెండర్ల ప్రక్రియ జరిగినా కాంట్రాక్టర్ల పెత్తనం స్పష్టంగా కనబడుతుందని పంజాల శ్రీనివాస్ ఆరోపించారు. ఐఏఎస్ అధికారి కమిషనర్‌గా ఉన్నప్పటికీ అవినీతి రాజ్యమేలుతుందని, అధికారులకు మున్సిపల్‌పై పట్టు లేకపోవడం సిగ్గుచేటని ఆయన విమర్శించారు. వెంటనే మున్సిపల్‌లో దాఖలైన సింగిల్ టెండర్లను రద్దు చేయాలని, లేని పక్షంలో సీపీఐ ఆధ్వర్యంలో పెద్ద ఎత్తున ఆందోళన నిర్వహిస్తామని పంజాల శ్రీనివాస్ హెచ్చరించారు. ఈ కార్యక్రమంలో సీపీఐ నగర కార్యదర్శి కసిరెడ్డి సురేందర్ రెడ్డి, జిల్లా కార్యవర్గ సభ్యులు కొయ్యడ సృజన్ కుమార్, టేకు మల్ల సమ్మయ్య, న్యాలపట్ల రాజు, పైడిపల్లి రాజు పాల్గొన్నారు.