जळगाव जिल्हा पोलीस दलाच्या वतीने आयोजित 'मुद्देमाल सुपूर्दगी मोहिमे' अंतर्गत नागरिकांना त्यांचा चोरीला गेलेला एकूण २ कोटी १६ लाख ८४ हजार ९३० रुपयांचा किमतीचा मुद्देमाल परत करण्यात आला आहे. या कार्यक्रमाचे अध्यक्षस्थान राज्याचे पाणीपुरवठा व स्वच्छता मंत्री तथा पालकमंत्री गुलाबराव पाटील यांनी भूषवले. चोरीचा मुद्देमाल शोधून तो मूळ मालकांच्या ताब्यात देणे ही केवळ कायदेशीर प्रक्रिया नसून जनतेच्या कष्टाच्या कमाईचा सन्मान करणारी आणि पोलिसांवरील विश्वास अधिक दृढ करणारी जबाबदारी असल्याचे प्रतिपादन पालकमंत्री गुलाबराव पाटील यांनी केले. यावेळी जलसंपदा मंत्री गिरीश महाजन, वस्त्रोद्योग मंत्री संजय सावकारे, आमदार सुरेश भोळे, जिल्हा पोलीस अधीक्षक श्रीकांत धिवरे आणि इतर अधिकारी, कर्मचारी मोठ्या संख्येने उपस्थित होते. या मोहिमेअंतर्गत जळगाव परिमंडळ, चाळीसगाव परिमंडळ व जळगाव जिल्हा सायबर पोलीस स्टेशन यांच्या संयुक्त प्रयत्नांतून चारचाकी वाहने, मोटारसायकल, रोख रक्कम, मोबाईल फोन, सोने आणि चांदीचे मौल्यवान दागिने मूळ मालकांच्या स्वाधीन करण्यात आले. याप्रसंगी बोलताना जलसंपदा मंत्री गिरीश महाजन यांनी सध्याच्या काळात पोलिसांची जबाबदारी वाढली असून पोलीस व जनता यांच्यातील संबंध मित्रत्वाचे असले पाहिजेत, अशी अपेक्षा व्यक्त केली. तसेच आमदार सुरेश भोळे यांनी या मोहिमेमुळे नागरिकांमध्ये पोलिसांप्रती चांगला विश्वास निर्माण झाल्याचे सांगितले. या कार्यक्रमादरम्यान पोलीस विभागात उत्कृष्ट कामगिरी करणाऱ्या अधिकारी, कर्मचारी, विधी व न्याय विभागाचे कर्मचारी, पोलीस पाटील आणि पोलीस तपासात सहकार्य करणाऱ्या व्यक्तींचा मान्यवरांच्या हस्ते सत्कार करण्यात आला. त्याचप्रमाणे, जळगाव येथील श्री. छत्रपती शिवाजी महाराज जिल्हा क्रीडा संकुलातील नूतनीकरण केलेल्या जिल्हा क्रीडा मैदानाचा शुभारंभ देखील पालकमंत्री गुलाबराव पाटील आणि जलसंपदा मंत्री गिरीश महाजन यांच्या हस्ते करण्यात आला. या क्रीडा संकुलातील बहुद्देशीय हॉलमध्ये कोटा फरशीवर सिंथेटिक टेरा फ्लेक्सचे बॅडमिंटन कोर्ट आणि मैदानावर ४०० मीटरचा सिंथेटिक ट्रॅक तयार करून लॉन लावण्यात आले आहे. मैदान व गेटवर पिण्याच्या पाण्यासाठी आरओ सिस्टीम बसविण्यात आली असून, गॅलरीसह संपूर्ण मैदानाचा रंगकाम पूर्ण झाले आहे. हे मैदान आता खेळाडूंना वापरासाठी खुले करण्यात आले असून, या कार्यक्रमाला उपमहापौर मनोज चौधरी, माजी महापौर विष्णू भंगाळे आदी मान्यवर उपस्थित होते.

Kiran Mali

Local News Reporter धरणगाव, जळगाव, महाराष्ट्र•

5 hrs ago

जळगाव जिल्हा पोलीस दलाच्या वतीने आयोजित 'मुद्देमाल सुपूर्दगी मोहिमे' अंतर्गत नागरिकांना त्यांचा चोरीला गेलेला एकूण २ कोटी १६ लाख ८४ हजार ९३० रुपयांचा किमतीचा मुद्देमाल परत करण्यात आला आहे. या कार्यक्रमाचे अध्यक्षस्थान राज्याचे पाणीपुरवठा व स्वच्छता मंत्री तथा पालकमंत्री गुलाबराव पाटील यांनी भूषवले. चोरीचा मुद्देमाल शोधून तो मूळ मालकांच्या ताब्यात देणे ही केवळ कायदेशीर प्रक्रिया नसून जनतेच्या कष्टाच्या कमाईचा सन्मान करणारी आणि पोलिसांवरील विश्वास अधिक दृढ करणारी जबाबदारी असल्याचे प्रतिपादन पालकमंत्री गुलाबराव पाटील यांनी केले. यावेळी जलसंपदा मंत्री गिरीश महाजन, वस्त्रोद्योग मंत्री संजय सावकारे, आमदार सुरेश भोळे, जिल्हा पोलीस अधीक्षक श्रीकांत धिवरे आणि इतर अधिकारी, कर्मचारी मोठ्या संख्येने उपस्थित होते. या मोहिमेअंतर्गत जळगाव परिमंडळ, चाळीसगाव परिमंडळ व जळगाव जिल्हा सायबर पोलीस स्टेशन यांच्या संयुक्त प्रयत्नांतून चारचाकी वाहने, मोटारसायकल, रोख रक्कम, मोबाईल फोन, सोने आणि चांदीचे मौल्यवान दागिने मूळ मालकांच्या स्वाधीन करण्यात आले. याप्रसंगी बोलताना जलसंपदा मंत्री गिरीश महाजन यांनी सध्याच्या काळात पोलिसांची जबाबदारी वाढली असून पोलीस व जनता यांच्यातील संबंध मित्रत्वाचे असले पाहिजेत, अशी अपेक्षा व्यक्त केली. तसेच आमदार सुरेश भोळे यांनी या मोहिमेमुळे नागरिकांमध्ये पोलिसांप्रती चांगला विश्वास निर्माण झाल्याचे सांगितले. या कार्यक्रमादरम्यान पोलीस विभागात उत्कृष्ट कामगिरी करणाऱ्या अधिकारी, कर्मचारी, विधी व न्याय विभागाचे कर्मचारी, पोलीस पाटील आणि पोलीस तपासात सहकार्य करणाऱ्या व्यक्तींचा मान्यवरांच्या हस्ते सत्कार करण्यात आला. त्याचप्रमाणे, जळगाव येथील श्री. छत्रपती शिवाजी महाराज जिल्हा क्रीडा संकुलातील नूतनीकरण केलेल्या जिल्हा क्रीडा मैदानाचा शुभारंभ देखील पालकमंत्री गुलाबराव पाटील आणि जलसंपदा मंत्री गिरीश महाजन यांच्या हस्ते करण्यात आला. या क्रीडा संकुलातील बहुद्देशीय हॉलमध्ये कोटा फरशीवर सिंथेटिक टेरा फ्लेक्सचे बॅडमिंटन कोर्ट आणि मैदानावर ४०० मीटरचा सिंथेटिक ट्रॅक तयार करून लॉन लावण्यात आले आहे. मैदान व गेटवर पिण्याच्या पाण्यासाठी आरओ सिस्टीम बसविण्यात आली असून, गॅलरीसह संपूर्ण मैदानाचा रंगकाम पूर्ण झाले आहे. हे मैदान आता खेळाडूंना वापरासाठी खुले करण्यात आले असून, या कार्यक्रमाला उपमहापौर मनोज चौधरी, माजी महापौर विष्णू भंगाळे आदी मान्यवर उपस्थित होते.