लग्नाआधी थॅलेसेमिया तपासणी करणे काळाची गरज : डॉ. वरुण बाफना भगवान महावीर सेवा धाम युवा मंच आयोजित शिबिरात ४५ जणांचे रक्तदान कोल्हापूर ११ सिटी न्यूज नेटवर्क “थॅलेसेमिया हा गंभीर अनुवांशिक आजार असून, त्याबाबत समाजात जागृती होणे अत्यंत आवश्यक आहे. पती-पत्नी दोघेही थॅलेसेमियाग्रस्त असतील तर त्यांच्या मुलाला मेजर थॅलेसेमिया होण्याचा मोठा धोका असतो. त्यामुळे लग्नाआधी थॅलेसेमिया तपासणी करणे काळाची गरज आहे,” असे प्रतिपादन डॉ. वरुण बाफना यांनी केले. विश्व थॅलेसेमिया दिनानिमित्त येथील भगवान महावीर सेवा धाम युवा मंचतर्फे थॅलेसेमिया जनजागृती कार्यक्रमाचे आयोजन करण्यात आले होते. यावेळी प्रमुख वक्ते म्हणून ते बोलत होते. कार्यक्रमानंतर झालेल्या शिबिरात ४५ जणांनी रक्तदान करून सामाजिक बांधिलकी जपली. डॉ. बाफना म्हणाले, थॅलेसेमिया आजारामध्ये रुग्णाच्या शरीरात नवीन रक्तनिर्मिती होत नाही. त्यामुळे अशा रुग्णांना वारंवार रक्त चढवावे लागते. सतत रक्त संक्रमण होत असल्याने विविध आजारांचे संक्रमण होण्याचाही धोका निर्माण होतो. थॅलेसेमियाचे मायनर आणि मेजर असे दोन प्रकार असून, योग्य वेळी तपासणी आणि जनजागृती हाच या आजारावरील प्रभावी उपाय आहे. कार्यक्रमाची सुरुवात दीपप्रज्वलनाने झाली. हिमांशु ओसवाल यांनी सूत्रसंचालन केले. संयम गांधी यांनी डॉ. वरुण बाफना यांचे स्वागत केले. जिनाल परमार यांनी आभार मानले. यावेळी डॉ. शुभांगी खारकांडे, नरेंद्र ओसवाल आदी उपस्थित होते. प्रतीक गांधी, हर्ष ओसवाल, वृषभ ओसवाल आणि संयम ओसवाल यांनी कार्यक्रमाचे नियोजन केले.

E city news network

Local News Reporter करवीर, कोल्हापूर, महाराष्ट्र•

3 hrs ago

लग्नाआधी थॅलेसेमिया तपासणी करणे काळाची गरज : डॉ. वरुण बाफना भगवान महावीर सेवा धाम युवा मंच आयोजित शिबिरात ४५ जणांचे रक्तदान कोल्हापूर ११ सिटी न्यूज नेटवर्क “थॅलेसेमिया हा गंभीर अनुवांशिक आजार असून, त्याबाबत समाजात जागृती होणे अत्यंत आवश्यक आहे. पती-पत्नी दोघेही थॅलेसेमियाग्रस्त असतील तर त्यांच्या मुलाला मेजर थॅलेसेमिया होण्याचा मोठा धोका असतो. त्यामुळे लग्नाआधी थॅलेसेमिया तपासणी करणे काळाची गरज आहे,” असे प्रतिपादन डॉ. वरुण बाफना यांनी केले. विश्व थॅलेसेमिया दिनानिमित्त येथील भगवान महावीर सेवा धाम युवा मंचतर्फे थॅलेसेमिया जनजागृती कार्यक्रमाचे आयोजन करण्यात आले होते. यावेळी प्रमुख वक्ते म्हणून ते बोलत होते. कार्यक्रमानंतर झालेल्या शिबिरात ४५ जणांनी रक्तदान करून सामाजिक बांधिलकी जपली. डॉ. बाफना म्हणाले, थॅलेसेमिया आजारामध्ये रुग्णाच्या शरीरात नवीन रक्तनिर्मिती होत नाही. त्यामुळे अशा रुग्णांना वारंवार रक्त चढवावे लागते. सतत रक्त संक्रमण होत असल्याने विविध आजारांचे संक्रमण होण्याचाही धोका निर्माण होतो. थॅलेसेमियाचे मायनर आणि मेजर असे दोन प्रकार असून, योग्य वेळी तपासणी आणि जनजागृती हाच या आजारावरील प्रभावी उपाय आहे. कार्यक्रमाची सुरुवात दीपप्रज्वलनाने झाली. हिमांशु ओसवाल यांनी सूत्रसंचालन केले. संयम गांधी यांनी डॉ. वरुण बाफना यांचे स्वागत केले. जिनाल परमार यांनी आभार मानले. यावेळी डॉ. शुभांगी खारकांडे, नरेंद्र ओसवाल आदी उपस्थित होते. प्रतीक गांधी, हर्ष ओसवाल, वृषभ ओसवाल आणि संयम ओसवाल यांनी कार्यक्रमाचे नियोजन केले.