ರಕ್ತದಾನದಿಂದ ಮೂವರ ಜೀವ ಉಳಿಸಲು ಸಾಧ್ಯ: ಡಾ. ಸುಷ್ಮಾ ರೊಟ್ಟಿ ಬೆಳಗಾವಿ:ರಕ್ತದಾನ ಮಹಾದಾನ. ಒಬ್ಬ ವ್ಯಕ್ತಿ ಮಾಡುವ ಒಂದು ಯುನಿಟ್ ರಕ್ತದಾನದಿಂದ ಕನಿಷ್ಠ ಮೂರು ಜನರ ಜೀವ ಉಳಿಸಲು ಸಾಧ್ಯ ಎಂದು ಸರಕಾರಿ ಬಿಮ್ಸ್ ಬ್ಲಡ್ ಬ್ಯಾಂಕ್ ವೈದ್ಯಾಧಿಕಾರಿ ಡಾ. ಸುಷ್ಮಾ ರೊಟ್ಟಿ ಹೇಳಿದರು. ನಗರದ ಗಣೇಶಪುರದ ಬ್ರಹ್ಮಕುಮಾರೀಸ್ ಸೇವಾ ಕೇಂದ್ರದಲ್ಲಿ ಸೋಮವಾರ ಆಯೋಜಿಸಿದ್ದ ರಕ್ತದಾನ ಶಿಬಿರ ಉದ್ಘಾಟಿಸಿ ಅವರು ಮಾತನಾಡಿದರು. ರಾಜಯೋಗಿನಿ ದಾದಿ ಪ್ರಕಾಶಮಣಿ ಅವರ 19ನೇ ಸ್ಮೃತಿ ದಿನದ ಅಂಗವಾಗಿ ಬ್ರಹ್ಮಕುಮಾರೀಸ್ ಈಶ್ವರೀಯ ವಿಶ್ವವಿದ್ಯಾಲಯ ಮತ್ತು ಬಿಮ್ಸ್ ಸಂಯುಕ್ತಾಶ್ರಯದಲ್ಲಿ ಈ ಶಿಬಿರ ಹಮ್ಮಿಕೊಳ್ಳಲಾಗಿತ್ತು. 18 ರಿಂದ 55 ವರ್ಷದೊಳಗಿನ, 12ಕ್ಕಿಂತ ಹೆಚ್ಚು ಹಿಮೋಗ್ಲೋಬಿನ್ ಹೊಂದಿರುವ ಆರೋಗ್ಯವಂತರು ರಕ್ತದಾನ ಮಾಡಬಹುದು. ರಕ್ತದಾನದಿಂದ ದಾನಿಯ ಆರೋಗ್ಯಕ್ಕೆ ಯಾವುದೇ ಹಾನಿಯಿಲ್ಲ. ಬದಲಿಗೆ ಹೊಸ ರಕ್ತ ಉತ್ಪತ್ತಿಯಾಗಿ ಆರೋಗ್ಯ ವೃದ್ಧಿಸುತ್ತದೆ. ಅಗತ್ಯವಿರುವವರಿಗೆ ಜೀವದಾನ ಮಾಡಿದ ಪುಣ್ಯವೂ ದೊರೆಯುತ್ತದೆ. ರಕ್ತದಾನದ ಬಗ್ಗೆ ಇರುವ ಭಯ, ಅನುಮಾನಗಳು ಅನಾವಶ್ಯಕ ಎಂದು ಅವರು ತಿಳಿಸಿದರು. ರಾಜಯೋಗಿನಿ ಬಿ.ಕೆ. ಸುಲೋಚನಾ ಮಾತನಾಡಿ, ಆಗಸ್ಟ್ 25 ರಂದು ದಾದಿ ಪ್ರಕಾಶಮಣಿ ಅವರು ದೇಹ ತ್ಯಜಿಸಿದ ದಿನವನ್ನು ವಿಶ್ವ ಬಂಧುತ್ವ ದಿನವಾಗಿ ಆಚರಿಸಲಾಗುತ್ತದೆ. ಈ ಪ್ರಯುಕ್ತ ದೇಶಾದ್ಯಂತ ಬ್ರಹ್ಮಕುಮಾರೀಸ್ ಸಂಸ್ಥೆಯ ಸಮಾಜ ಸೇವಾ ವಿಭಾಗದಿಂದ ರಕ್ತದಾನ ಶಿಬಿರಗಳನ್ನು ಆಯೋಜಿಸಲಾಗುತ್ತಿದೆ. ಈಶ್ವರೀಯ ವಿಶ್ವವಿದ್ಯಾಲಯದಲ್ಲಿ ಶಿವ ಪರಮಾತ್ಮನ ಅರಿವು ಮೂಡಿಸುವ ಕಾರ್ಯ ನಿರಂತರವಾಗಿ ನಡೆಯುತ್ತಿದ್ದು, ಈ ಆಧ್ಯಾತ್ಮಿಕ ಚಳುವಳಿಯನ್ನು ಮಹಿಳೆಯರೇ ಮುನ್ನಡೆಸುತ್ತಿದ್ದಾರೆ ಎಂದರು. ರಾಜಯೋಗಿ ಬಾಬು ಮಾನೆ ಮಾತನಾಡಿ, ಇಂದಿನ ಒತ್ತಡದ ಜೀವನದಲ್ಲಿ ರಾಜಯೋಗವೇ ಒಂದು ಪರಿಣಾಮಕಾರಿ ಔಷಧಿ. ಧ್ಯಾನ ಮತ್ತು ರಾಜಯೋಗದಿಂದ ಸಂಪೂರ್ಣ ಆರೋಗ್ಯ ಸಾಧ್ಯ ಎಂದು ಹೇಳಿದರು. ಶಿಬಿರದಲ್ಲಿ ಹಲವು ಸಹೃದಯಿ ದಾನಿಗಳು ಸ್ವಯಂಪ್ರೇರಿತವಾಗಿ ರಕ್ತದಾನ ಮಾಡಿದರು. ಕುಮಾರಿ ಮನಿಷಾ ಅವರು ಸಂಸ್ಥೆಯ ಪರಿಚಯ ಮಾಡಿಕೊಟ್ಟರು. ಕಾರ್ಯಕ್ರಮದಲ್ಲಿ ಬಿ.ಕೆ. ಸವಿತಾ, ಕುಮಾರಿ ವಂದನಾ, ಬಿ.ಕೆ. ನಾರಾಯಣ, ಬಿ.ಕೆ. ತಿಪ್ಪಣ್ಣ, ಬಿ.ಕೆ. ವಿಜಯ, ಬಿಕೆ ಪ್ರಕಾಶ್, ಬಿಕೆ ಯುವರಾಜ, ಬಿಕೆ ಶ್ರೀಕಾಂತ್, ಬಿಕೆ ಅಜಿತ್,ಬಿಕೆ ರಾಜು, ರೋಹಣ ಡಿ.‌ಪ್ರವೀಣ ಗವಳಿ, ಸೇರಿದಂತೆ ಅನೇಕರು ಉಪಸ್ಥಿತರಿದ್ದರು.

Dr RAMANNA.S.D

Journalist ಅಥಣಿ, ಬೆಳಗಾವಿ, ಕರ್ನಾಟಕ•

19 hrs ago

ರಕ್ತದಾನದಿಂದ ಮೂವರ ಜೀವ ಉಳಿಸಲು ಸಾಧ್ಯ: ಡಾ. ಸುಷ್ಮಾ ರೊಟ್ಟಿ ಬೆಳಗಾವಿ:ರಕ್ತದಾನ ಮಹಾದಾನ. ಒಬ್ಬ ವ್ಯಕ್ತಿ ಮಾಡುವ ಒಂದು ಯುನಿಟ್ ರಕ್ತದಾನದಿಂದ ಕನಿಷ್ಠ ಮೂರು ಜನರ ಜೀವ ಉಳಿಸಲು ಸಾಧ್ಯ ಎಂದು ಸರಕಾರಿ ಬಿಮ್ಸ್ ಬ್ಲಡ್ ಬ್ಯಾಂಕ್ ವೈದ್ಯಾಧಿಕಾರಿ ಡಾ. ಸುಷ್ಮಾ ರೊಟ್ಟಿ ಹೇಳಿದರು. ನಗರದ ಗಣೇಶಪುರದ ಬ್ರಹ್ಮಕುಮಾರೀಸ್ ಸೇವಾ ಕೇಂದ್ರದಲ್ಲಿ ಸೋಮವಾರ ಆಯೋಜಿಸಿದ್ದ ರಕ್ತದಾನ ಶಿಬಿರ ಉದ್ಘಾಟಿಸಿ ಅವರು ಮಾತನಾಡಿದರು. ರಾಜಯೋಗಿನಿ ದಾದಿ ಪ್ರಕಾಶಮಣಿ ಅವರ 19ನೇ ಸ್ಮೃತಿ ದಿನದ ಅಂಗವಾಗಿ ಬ್ರಹ್ಮಕುಮಾರೀಸ್ ಈಶ್ವರೀಯ ವಿಶ್ವವಿದ್ಯಾಲಯ ಮತ್ತು ಬಿಮ್ಸ್ ಸಂಯುಕ್ತಾಶ್ರಯದಲ್ಲಿ ಈ ಶಿಬಿರ ಹಮ್ಮಿಕೊಳ್ಳಲಾಗಿತ್ತು. 18 ರಿಂದ 55 ವರ್ಷದೊಳಗಿನ, 12ಕ್ಕಿಂತ ಹೆಚ್ಚು ಹಿಮೋಗ್ಲೋಬಿನ್ ಹೊಂದಿರುವ ಆರೋಗ್ಯವಂತರು ರಕ್ತದಾನ ಮಾಡಬಹುದು. ರಕ್ತದಾನದಿಂದ ದಾನಿಯ ಆರೋಗ್ಯಕ್ಕೆ ಯಾವುದೇ ಹಾನಿಯಿಲ್ಲ. ಬದಲಿಗೆ ಹೊಸ ರಕ್ತ ಉತ್ಪತ್ತಿಯಾಗಿ ಆರೋಗ್ಯ ವೃದ್ಧಿಸುತ್ತದೆ. ಅಗತ್ಯವಿರುವವರಿಗೆ ಜೀವದಾನ ಮಾಡಿದ ಪುಣ್ಯವೂ ದೊರೆಯುತ್ತದೆ. ರಕ್ತದಾನದ ಬಗ್ಗೆ ಇರುವ ಭಯ, ಅನುಮಾನಗಳು ಅನಾವಶ್ಯಕ ಎಂದು ಅವರು ತಿಳಿಸಿದರು. ರಾಜಯೋಗಿನಿ ಬಿ.ಕೆ. ಸುಲೋಚನಾ ಮಾತನಾಡಿ,

ಆಗಸ್ಟ್ 25 ರಂದು ದಾದಿ ಪ್ರಕಾಶಮಣಿ ಅವರು ದೇಹ ತ್ಯಜಿಸಿದ ದಿನವನ್ನು ವಿಶ್ವ ಬಂಧುತ್ವ ದಿನವಾಗಿ ಆಚರಿಸಲಾಗುತ್ತದೆ. ಈ ಪ್ರಯುಕ್ತ ದೇಶಾದ್ಯಂತ ಬ್ರಹ್ಮಕುಮಾರೀಸ್ ಸಂಸ್ಥೆಯ ಸಮಾಜ ಸೇವಾ ವಿಭಾಗದಿಂದ ರಕ್ತದಾನ ಶಿಬಿರಗಳನ್ನು ಆಯೋಜಿಸಲಾಗುತ್ತಿದೆ. ಈಶ್ವರೀಯ ವಿಶ್ವವಿದ್ಯಾಲಯದಲ್ಲಿ ಶಿವ ಪರಮಾತ್ಮನ ಅರಿವು ಮೂಡಿಸುವ ಕಾರ್ಯ ನಿರಂತರವಾಗಿ ನಡೆಯುತ್ತಿದ್ದು, ಈ ಆಧ್ಯಾತ್ಮಿಕ ಚಳುವಳಿಯನ್ನು ಮಹಿಳೆಯರೇ ಮುನ್ನಡೆಸುತ್ತಿದ್ದಾರೆ ಎಂದರು. ರಾಜಯೋಗಿ ಬಾಬು ಮಾನೆ ಮಾತನಾಡಿ, ಇಂದಿನ ಒತ್ತಡದ ಜೀವನದಲ್ಲಿ ರಾಜಯೋಗವೇ ಒಂದು ಪರಿಣಾಮಕಾರಿ ಔಷಧಿ. ಧ್ಯಾನ ಮತ್ತು ರಾಜಯೋಗದಿಂದ ಸಂಪೂರ್ಣ ಆರೋಗ್ಯ ಸಾಧ್ಯ ಎಂದು ಹೇಳಿದರು. ಶಿಬಿರದಲ್ಲಿ ಹಲವು ಸಹೃದಯಿ ದಾನಿಗಳು ಸ್ವಯಂಪ್ರೇರಿತವಾಗಿ ರಕ್ತದಾನ ಮಾಡಿದರು. ಕುಮಾರಿ ಮನಿಷಾ ಅವರು ಸಂಸ್ಥೆಯ ಪರಿಚಯ ಮಾಡಿಕೊಟ್ಟರು. ಕಾರ್ಯಕ್ರಮದಲ್ಲಿ ಬಿ.ಕೆ. ಸವಿತಾ, ಕುಮಾರಿ ವಂದನಾ, ಬಿ.ಕೆ. ನಾರಾಯಣ, ಬಿ.ಕೆ. ತಿಪ್ಪಣ್ಣ, ಬಿ.ಕೆ. ವಿಜಯ, ಬಿಕೆ ಪ್ರಕಾಶ್, ಬಿಕೆ ಯುವರಾಜ, ಬಿಕೆ ಶ್ರೀಕಾಂತ್, ಬಿಕೆ ಅಜಿತ್,ಬಿಕೆ ರಾಜು, ರೋಹಣ ಡಿ.‌ಪ್ರವೀಣ ಗವಳಿ, ಸೇರಿದಂತೆ ಅನೇಕರು ಉಪಸ್ಥಿತರಿದ್ದರು.