नाशिक येथे आंतरराष्ट्रीय योग दिनी योगदर्शन योग केंद्राचे संस्थापक अध्यक्ष, आयुष मंत्रालय मान्यताप्राप्त योगशिक्षक आणि यापूर्वी चार वेळा विश्वविक्रमवीर ठरलेल्या योगगुरू बाळासाहेब मोकळे यांनी आणखी एक विश्वविक्रम प्रस्थापित केला आहे. “योगाचा प्रचार घराघरात व कुंभाचा प्रचार विश्वभरात” या संकल्पनेतून प्रेरित होऊन त्यांनी हा अनोखा विक्रम साकारला. आंतरराष्ट्रीय योग दिन आणि नाशिक कुंभमेळ्याचा संदेश देश-विदेशातील नागरिकांपर्यंत पोहोचावा, तसेच योगाचे महत्त्व आणि भारतीय संस्कृतीचा गौरव जगभर व्हावा, या उद्देशाने मोकळे यांनी कुंभ कलशावर अवघ्या तीस मिनिटांत ५२ योगासने आणि ११ सूर्यनमस्कार करून हा विक्रम नोंदवला. हा संपूर्ण योगप्रयोग केवळ ४ फूट उंच आणि २ फूट रुंद जागेवर करण्यात आला. त्यांच्या या अतुलनीय कामगिरीची नोंद वर्ल्ड रेकॉर्ड्स बुक ऑफ इंडियाच्या संस्थापक व मुख्य संपादक सुषमा नार्वेकर यांनी घेत त्यांना विश्वविक्रमाचे प्रमाणपत्र प्रदान केले. मोकळे यांनी भुजंगासन, प्रगत शलभासन, धनुरासन, हलासन, सर्वांगासन, सेतूबंधासन, त्रिकोणासन, पवनमुक्तासन, निर्गुण्डासन, उग्रासन, अर्धमत्स्येंद्रासन, वीरासन, प्रगत वृक्षासन, बद्ध पद्मबंधासन अशा विविध योगासनांचा समावेश केला. गेली २३ वर्षांपासून बाळासाहेब मोकळे योगाचा प्रसार करत असून, त्यांनी हजारो नागरिकांना योगमार्गाशी जोडण्याचे महत्त्वपूर्ण कार्य केले आहे. यापूर्वीही त्यांनी मोटारसायकल, कडुनिंबाचे झाड आणि बर्फावर योगासनांची प्रात्यक्षिके दाखवून विश्वविक्रम नोंदवले आहेत. या कार्यक्रमाला नगरसेविका सीमा ताजणे, माजी पोलीस निरीक्षक रमेश भवर, अमान शेख, गोकुळ कुकर, विलासभाऊ थोरात, दिपाली कोठुळे, धनंजय शेते, सुधीर कुलकर्णी, शिल्पा शर्मा, जिजाबाई मोकळे, महेंद्र शहा, सुरेश राक्षे, रवींद्र कमोद, सुखदेव मोकळे, गायत्री मोकळे, एकनाथ पाटील, मनीषा खोब्रागडे, अश्विनी पुरी, अथर्व मोकळे, श्रद्धा चौधरी, अनिता चौधरी, ममता कनोजिया, नितीन महाजन, रोहिणी थोरात, राजेंद्र भंडारी यांच्यासह अनेक मान्यवर उपस्थित होते.

Anil GUNJAL

नाशिक, नाशिक, महाराष्ट्र•

12 hrs ago

नाशिक येथे आंतरराष्ट्रीय योग दिनी योगदर्शन योग केंद्राचे संस्थापक अध्यक्ष, आयुष मंत्रालय मान्यताप्राप्त योगशिक्षक आणि यापूर्वी चार वेळा विश्वविक्रमवीर ठरलेल्या योगगुरू बाळासाहेब मोकळे यांनी आणखी एक विश्वविक्रम प्रस्थापित केला आहे. “योगाचा प्रचार घराघरात व कुंभाचा प्रचार विश्वभरात” या संकल्पनेतून प्रेरित होऊन त्यांनी हा अनोखा विक्रम साकारला. आंतरराष्ट्रीय योग दिन आणि नाशिक कुंभमेळ्याचा संदेश देश-विदेशातील नागरिकांपर्यंत पोहोचावा, तसेच योगाचे महत्त्व आणि भारतीय संस्कृतीचा गौरव जगभर व्हावा, या उद्देशाने मोकळे यांनी कुंभ कलशावर अवघ्या तीस मिनिटांत ५२ योगासने आणि ११ सूर्यनमस्कार करून हा विक्रम नोंदवला. हा संपूर्ण योगप्रयोग केवळ ४ फूट उंच आणि २ फूट रुंद जागेवर करण्यात आला. त्यांच्या या अतुलनीय कामगिरीची नोंद वर्ल्ड रेकॉर्ड्स बुक ऑफ इंडियाच्या संस्थापक व मुख्य संपादक सुषमा नार्वेकर यांनी घेत त्यांना विश्वविक्रमाचे प्रमाणपत्र प्रदान केले. मोकळे यांनी भुजंगासन, प्रगत शलभासन, धनुरासन, हलासन, सर्वांगासन, सेतूबंधासन, त्रिकोणासन, पवनमुक्तासन, निर्गुण्डासन, उग्रासन, अर्धमत्स्येंद्रासन, वीरासन, प्रगत वृक्षासन, बद्ध पद्मबंधासन अशा विविध योगासनांचा समावेश केला. गेली २३ वर्षांपासून बाळासाहेब मोकळे योगाचा प्रसार करत असून, त्यांनी हजारो नागरिकांना योगमार्गाशी जोडण्याचे महत्त्वपूर्ण कार्य केले आहे. यापूर्वीही त्यांनी मोटारसायकल, कडुनिंबाचे झाड आणि बर्फावर योगासनांची प्रात्यक्षिके दाखवून विश्वविक्रम नोंदवले आहेत. या कार्यक्रमाला नगरसेविका सीमा ताजणे, माजी पोलीस निरीक्षक रमेश भवर, अमान शेख, गोकुळ कुकर, विलासभाऊ थोरात, दिपाली कोठुळे, धनंजय शेते, सुधीर कुलकर्णी, शिल्पा शर्मा, जिजाबाई मोकळे, महेंद्र शहा, सुरेश राक्षे, रवींद्र कमोद, सुखदेव मोकळे, गायत्री मोकळे, एकनाथ पाटील, मनीषा खोब्रागडे, अश्विनी पुरी, अथर्व मोकळे, श्रद्धा चौधरी, अनिता चौधरी, ममता कनोजिया, नितीन महाजन, रोहिणी थोरात, राजेंद्र भंडारी यांच्यासह अनेक मान्यवर उपस्थित होते.